ᑎᔪᑕᕒᐊᓇᒥ 13
13
1ᑭᐢᐱᐣ ᐸᓯᑯᒋ ᐃᑕ ᐁ ᐊᔮᔦᐠ ᐅᑭᐢᑭᐁᐧᐦᐃᑫᐤ, ᐊᐦᐳ ᑳ ᐸᐋᐧᒥᐟ ᐸᐋᐧᒥᐃᐧᓇ, ᐁᑯᓯ ᑭᐢᐱᐣ ᑭ ᒥᔨᐠ ᑭᐢᑭᓇᐋᐧᒋ ᐃᓯᐦᒋᑫᐃᐧᐣ ᐊᐦᐳ ᑫᑲᐧᐩ ᐁ ᒫᒪᐢᑳᑌᔨᑖᑲᐧᕽ, 2ᐁᑯᓯ ᐊᓂᒪ ᑭᐢᑭᓇᐊᐧᒋ ᐃᓯᐦᒋᑫᐃᐧᐣ ᐊᐦᐳ ᑳ ᒫᒪᐢᑳᑌᔨᑖᑲᐧᕽ, ᑎᐱᐸᔨᑭ, ᑳ ᑭ ᐃᑎᐢᐠ ᐁ ᐃᑌᐧᐟ, ᑭᔮᒼ ᐱᒥᑎᓴᐋᐧᑖᓂᐠ ᑯᑕᑲᐠ ᒪᓂᑐᐊᐧᐠ, ᐊᓂᑭ ᐁᑳ ᑳ ᑭ ᑭᐢᑫᔨᒪᒋᐠ ᐁᑯᓯ ᐊᑐᐢᑲᐋᐧᑖᓂᐠ; 3ᓇᒪᐃᐧᔭ ᑭ ᑲ ᓇᑐᐦᑕᒫᐧᐣ ᐅᐟ ᐃᑌᐧᐃᐧᓇ ᐊᓇ ᐅᑭᐢᑭᐁᐧᐦᐃᑫᐤ ᐊᐦᐳ ᐊᓇ ᐅᐸᐋᐧᒧ; ᒋᑫᒫ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᑭ ᑯᑌᔨᒥᑯᐋᐧᐤ, ᑭᑕ ᑭᐢᑫᔨᑕᕽ ᑭᐢᐱᐣ ᑭ ᓵᑭᐦᐋᐋᐧᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ ᒥᓯᐁᐧ ᑭᑌᐦᐃᐋᐧᕽ ᒥᓇ ᒥᓯᐁᐧ ᑭᐟ ᐊᐦᒑᐦᑯᐋᐧᕽ. 4ᑭ ᑲ ᐃᑖᑎᓯᐢᑕᐋᐧᐋᐧᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ, ᒥᓇ ᑭ ᑲ ᑯᓯᑫᐧᔨᒫᐋᐧᐤ, ᒥᓇ ᑭ ᑲ ᑎᐱᑐᑕᒫᐧᓈᐋᐧᐤ ᐅᐟ ᐃᑕᓱᐁᐧᐃᐧᓇ, ᒥᓇ ᑭ ᑲ ᓇᓇᐦᐃᐦᑕᒫᐧᓈᐋᐧᐤ ᐅᐟ ᐃᑌᐧᐃᐧᐣ, ᒥᓇ ᑭ ᑲ ᐊᑐᐢᑲᐋᐧᐋᐧᐤ ᒥᓇ ᑭ ᑲ ᒥᒋᒥᓈᐋᐧᐤ. 5ᐁᑯᓯ ᐊᓇ ᐅᑭᐢᑭᐁᐧᐦᐃᑫᐤ ᐊᐦᐳ ᐊᓇ ᐅᐸᐋᐧᒥᐤ, ᑭᑕ ᓂᐸᐦᐋᐤ; ᑭ ᐃᓯ ᐱᑭᐢᑫᐧᐤ ᑭᑕ ᐋᑕᐁᐧᔨᒫᔦᐠ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᐋᐧᐤ, ᐃᒋᑊᐟ ᐊᐢᑭᕽ ᑳ ᑭ ᐯ ᐅᐦᒋ ᐊᐧᔭᐃᐧᑕᐦᐃᑯᔦᐠ, ᒥᓇ ᑳ ᑭ ᐸᐢᐱᐦᐃᑯᔦᐠ ᐊᐋᐧᑳᑎᑯᐃᐧᑲᒥᑯᕽ ᐁ ᐃᐧ ᐸᐢᑫᑕᐃᑯᔦᐠ ᐊᓂᒪ ᒣᐢᑲᓇᐤ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑳ ᑭ ᐃᑕᓱᐁᐧᐟ ᑭᑕ ᐱᒧᑖᑐᑕᒪᐣ. ᐁᑯᓯ ᐃᓯ ᒫᑲ ᑭ ᑲ ᐃᑲᑌᓀᐣ ᒪᒑᔨᐃᐧᐣ ᐃᑕ ᐁ ᐊᔮᔭᐣ ᐅᐦᒋ.
6ᑭᐢᐱᐣ ᑭᒋᐋᐧᒼ, ᐅᑯᓯᓴ ᑭᑳᐃᐧ, ᐊᐦᐳ ᑭᑯᓯᐢ, ᐊᐦᐳ ᑭᑖᓂᐢ, ᐊᐦᐳ ᑭᐊᐧ ᑳ ᓵᑭᐦᐊᐟ, ᐊᐦᐳ ᑭᑐᑌᒼ, ᑳ ᓵᑭᐦᐊᐟ ᑖᐱᐢᑯᐨ ᑭᔭ ᑭᐟ ᐊᐦᒑᕽ, ᑭᒧᐨ ᐃᐧ ᐁᐧᐱᐃᐢᑭ, ᐁ ᐃᑌᐧᐟ, ᑭᔮᒼ ᓇᑕᐃᐧ ᐊᑐᐢᑲᐋᑖᓂᐠ ᑯᑕᑲᐠ ᒪᓂᑐᐊᐧᐠ, ᐊᓂᑭ ᐁᑳ ᑳ ᑭ ᑭᐢᑫᔨᒪᒋᐠ, ᑭᔭ, ᐊᐦᐳ ᑯᑖᐃᐧᔭᐠ; 7ᐅ ᒪᓂᑐᒥᐋᐧᐊᐧ ᐅᑎ ᐊᓂᑭ ᐊᔨᓯᔨᓂᐊᐧᐠ ᑳ ᐋᐧᐢᑳᐢᑳᑯᔦᑳᐧᐤ, ᑳ ᐯᓵᐧᐸᒥᐢᑭᐠ ᐊᐦᐳ ᑳ ᔮᐋᐧᐸᒥᐢᑭᐠ, ᓇᐸᑌ ᐁ ᑭᓯᐹᐠ ᐊᐢᑭ ᐅᐦᒋ ᐱᔨᐢ ᑫᐧᐢᑭᑌ ᐁ ᑭᓯᐹᐢᑲᒥᑳᐠ ᐃᐢᑯ; 8ᓇᒪᐃᐧᔭ ᑭ ᑲ ᓇᐢᑯᒪᐤ, ᐊᐦᐳ ᓇᒪᐃᐧᔭ ᑭ ᑲ ᓇᑐᐦᑕᐋᐧᐤ; ᐊᐦᐳ ᓇᒪᐃᐧᔭ ᑭ ᑲ ᑭᑎᒫᑭᓇᐋᐧᐤ ᐊᐦᐳ ᓇᒪᐃᐧᔭ ᑭ ᑭ ᒪᓈᒋᐋᐤ, ᒥᓇ ᓇᒪᐃᐧᔭ ᑭ ᑲ ᑲᑖᐤ; 9ᒫᑲ ᑫᐦᒋᓈ ᑭ ᑲ ᓂᐸᐦᐋᐤ; ᑭᔭ ᑭᒋᐦᒋ ᓂᑳᐣ ᑭᑕ ᐸᑲᒥᐢᑳᐠ ᑭᑕ ᓂᐸᐃᐦᐟ, ᒣᐧᐢᑕᐢ ᐃᔨᑯᕽ ᐅᒋᐦᒋᐋᐧᐤ ᑲᐦᑭᔭᐤ ᐊᔨᓯᔨᓂᐊᐧᐠ. 10ᑭ ᑲ ᐱᒪᐧᐱᐢᑲᐋᐤ ᒫᑲ ᐊᓯᓂᔭ ᐅᐦᒋ ᑭᑕ ᓂᐱᐟ; ᒋᑫᒫ ᑭ ᓇᑐᓇᒼ ᑭᑕ ᓇᑲᑎᒪᐟ ᑳ ᑎᐯᔨᐦᒋᑫᔨᐟ ᑭ ᑭᓭᒪᓂᑐᒪ, ᐊᓇ ᐃᒋᑊᐟ ᐊᐢᑭᕽ ᑳ ᑭ ᐯ ᐅᐦᒋ ᐊᐧᔭᐃᐧᑕᐦᐃᐢᐠ, ᐊᐊᐧᑳᑎᑯᐃᐧᑲᒥᑯᕽ ᐅᐦᒋ. 11ᑲᐦᑭᔭᐤ ᒫᑲ ᐃᐢᕒᐁᐃᓬ ᑭᑕ ᐯᐦᑕᒪᐧᐠ, ᒥᓇ ᑭᑕ ᓭᑭᓯᐊᐧᐠ, ᓇᒪᐃᐧᑳᐨ ᒫᑲ ᒥᓇ ᐁᑯᓯ ᑭᑕ ᐃᓯ ᒪᒋᑐᑕᒪᐧᐠ, ᑖᐱᐢᑯᐨ ᐅᒪ ᒣᑳᐧᐨ ᐃᑕ ᑳ ᐊᔮᔦᐠ.
12ᑭᐢᐱᐣ ᐯᑕᒪᓂ ᐃᑌᐧᑭ ᓇᐣᑕᐤ ᐃᑕ ᑭᐟ ᐅᑌᓈᕽ, ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᑳ ᑭ ᒥᔨᐢᐠ ᐁᑯᑕ ᑭᑕ ᐊᔮᔭᐣ, ᐃᑌᐧᑭ ᒫᑲ, 13ᐋᑎᐦᐟ ᒪᒋᐊᔨᓯᔨᓂᐊᐧᐠ ᐅᐦᒋ ᐊᐧᔭᐃᐧᐊᐧᐠ ᐃᑕ ᑳ ᐊᔮᔦᐠ, ᒥᓇ ᑭ ᐁᐧᐱᐁᐊᐧᐠ ᑳ ᐅᐟ ᐃᐦᑖᐃᐧᓂᔨᐟ ᐅᐟ ᐅᑌᓈᐋᐧᕽ, ᐁ ᐃᑌᐧᒋᐠ, ᓇᑕᐃᐧ ᐊᑐᐢᑲᐋᐧᑖᓂᐠ ᑯᑕᑲᐠ ᒪᓂᑐᐊᐧᐠ, ᐊᓂᑭ ᐁᑳ ᑳ ᑭ ᑭᐢᑫᔨᒪᒋᐠ; 14ᐁᑲᐧ ᑭ ᑲ ᓇᑐᐢᑫᐣ, ᒥᓇ ᑭ ᑲ ᓇᑐᓂᑳᐣ, ᒥᓇ ᑭ ᑲ ᐋᐦᑲᒥ ᑲᑫᐧᒋᑫᒧᐣ; ᐁᑯᓯ, ᐳᑎ, ᑭᐢᐱᐣ ᑖᐸᐧᓂᐃᐧᑭ, ᐁᑯᓯ ᐊᓂᒪ ᑫᐦᒋᓈᑕᑭ, ᐁᑯᑐᐃᐧ ᑳ ᐸᑳᐧᑎᑲᐧᕽ ᐁ ᐃᐦᑐᒋᑳᑌᐠ ᐃᑕ ᑳ ᐊᔮᔭᐣ; 15ᑫᐦᒋᓈ ᑭ ᑲ ᐸᑲᒪᐋᐧᐊᐧᐠ ᑲᐦᑭᔭᐤ ᑳ ᐅᐟ ᐃᐦᑖᐃᐧᓂᒋᐠ ᐁᐊᐧᑯ ᐅᑌᓇᐤ ᐁ ᐃᓯ ᑳᓯᓯᐠ ᐃᓴᐁᐧᐢᐠ, ᐁ ᓂᓯᐊᐧᓈᒋᐦᑖᔭᐣ ᒥᑐᓂ ᒥᓇ ᑲᐦᑭᔭᐤ ᐊᐃᐧᔭᐠ ᐁᑯᑕ ᑳ ᐊᔮᐟ ᒥᓇ ᒧᐢᑐᓴᐧᐠ ᐁᑯᑕ ᑳ ᐊᔮᒋᐠ ᐁ ᐃᓯ ᑳᓯᓯᐠ ᐃᓴᐁᐧᐢᐠ. 16ᑭ ᑲ ᒫᐊᐧᓴᑯᓀᐣ ᒫᑲ ᑲᐦᑭᔭᐤ ᐊᔮᐃᐧᓇ ᐱᒧᐦᑌᐢᑲᓈᕽ ᐁᑯᑕ, ᐁᑯᓯ ᑭ ᑲ ᒣᐢᑎᑲᓴᒪᐋᐧᐤ ᐃᐢᑯᑌᐤ ᐅᐦᒋ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ ᐊᓂᒪ ᐅᑌᓇᐤ, ᒥᓇ ᑲᐦᑭᔭᐤ ᐊᔮᐃᐧᓇ ᒥᑐᓂ ᑲᐦᑭᔭᐤ; ᐁᑯᓯ ᒫᑲ ᑭᑕ ᐱᐢᑲᐧᐢᑌᐤ ᑳᑭᑫ; ᓇᒪᐃᐧᔭ ᒥᓇ ᐃᐧᑳᐨ ᑭᑕ ᐅᓯᐦᑖᓂᐊᐧᐣ. 17ᓇᒪᐃᐧᔭ ᒫᑲ ᑫᑲᐧᐩ ᐊᓂᒪ ᑳ ᐸᑭᑌᔨᑖᑲᐧᕽ ᑭᒋᐦᒋᕽ ᑭᑕ ᐊᔮᐤ; ᑳ ᑎᐯᔨᐦᒋᑫᐟ ᑭᑕ ᐳᓂᔭᐁᐧᓯᐟ, ᐁᑯᓯ ᑭᑕ ᐋᐧᐸᐦᑕᐦᐃᐢᐠ ᑭᓭᐋᐧᑎᓯᐃᐧᐣ, ᒥᓇ ᑭᑕ ᑭᑎᒫᑭᓈᐢᐠ ᒥᓇ ᑭᑕ ᒥᐦᒉᑐᐃᐢᐠ, ᑳ ᑭ ᐃᓯ ᑭᐦᒋ ᐃᑖᐟ ᑯᑖᐃᐧᐋᐧᐊᐧ; 18ᐃᐢᐱ ᓇᑐᐦᑕᒪᐧᒋ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ, ᑭ ᑭᓭᒪᓂᑐᒼ ᑭᑕ ᑎᐱᑐᑕᒪᐧᐟ ᑲᐦᑭᔭᐤ ᐅᐟ ᐃᑕᓱᐁᐧᐃᐧᓇ ᑳ ᐃᑕᓱᐋᐧᑎᑖᐣ ᐊᓄᐦᐨ ᑳ ᑭᓯᑳᐠ, ᑭᑕ ᐃᑐᑕᒪᐣ ᐊᓂᒪ ᑳ ᑲᐧᔭᐢᑲᐧᕽ ᐁ ᐃᓯ ᐋᐧᐸᐦᑕᕽ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ.
Currently Selected:
ᑎᔪᑕᕒᐊᓇᒥ 13: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
