ᐃᓯᐦᒋᑫᐃᐧᓂᐋᐧᐊᐧ 21

1ᑭ ᐊᔨᑭᐣ ᒫᑲ ᐃᐢᐱ ᑳ ᐸᐢᑫᐃᐧᔮᔭᑭᐠ, ᒥᓇ ᑳ ᓯᐯᐧᔮᓯᔮᕽ, ᑲᐧᔭᐢᐠ ᓂ ᑭ ᐃᑖᓯᓈᐣ ᐊᓂᑕ ᑯᐢ, ᐁᑯᓯ ᐃᐧᔮᐸᕽ ᐊᓂᑕ ᕒᐋᑎᐢ, ᐁᑯᑕ ᒫᑲ ᐅᐦᒋ ᐸᑕᕒᐊᐃᕽ: 2ᐁᑯᑕ ᒫᑲ ᐁ ᒥᐢᑲᒫᕽ ᓈᐱᑳᐧᐣ ᐁ ᐃᐧ ᐋᓱᐊᐧᑳᒣᔮᐢᑕᕽ ᐱᓂᓯᔭ ᐃᓯ, ᓂ ᑭ ᐳᓯᓈᐣ, ᐁᑯᓯ ᓂ ᑭ ᓯᐯᐧᔮᓯᓈᐣ. 3ᐃᐢᐱ ᒫᑲ ᐁᐧᑎᓯᓈᑲᐧᕽ ᓴᐃᐸᕒᐊᐢ, ᓇᒪᑎᓂᕽ ᑭᑕ ᓇᑲᑕᐊᒫᕽ ᓂ ᑭ ᐃᑌᑫᐁᓈᐣ, ᐁᑯᓯ ᓯᕒᐃᔭᐃᕽ ᓂ ᑭ ᐃᑖᓯᓈᐣ, ᓂ ᑭ ᑲᐹᓈᐣ ᒫᑲ ᐊᓂᑕ ᑖᔭᕒ; ᒋᑫᒫ ᐁᑯᑕ ᑭᑕ ᐊᑳᐧᓂᑳᑌᑭ ᐳᓯᑖᓱᓇ ᓈᐱᑳᐧᓂᕽ ᐅᐦᒋ. 4ᐁ ᑭ ᒥᐢᑲᐊᐧᔮᑭᐠ ᒫᑲ ᑭᐢᑭᓄᐦᐊᒪᐋᐧᑲᓇᐠ, ᐁᑯᑕ ᓂ ᑭ ᐊᔮᓈᐣ ᑌᐸᑯᑊ ᑭᓯᑳᐤ; ᐁᑯᓯ ᐅᑭ ᑭ ᐃᑌᐊᐧᐠ ᐹᓬᐊ ᐊᐦᒑᐦᑲᐧ ᐅᐦᒋ, ᐁᑳ ᑭᑕ ᐱᐦᒋ ᑕᑯᐢᑫᐟ ᒉᕒᐅᓴᓬᐊᒥᕽ. 5ᐃᐢᐱ ᒫᑲ ᐁᐢᐸᔨᐠ ᐁ ᑭ ᑎᐱᐸᔨᑖᔮᕽ ᑭᓯᑳᐊᐧ, ᓂ ᑭ ᓯᐯᐧᑖᓈᐣ ᐁ ᐊᑎ ᐱᒧᐦᑌᐅᔮᕽ; ᐁᑯᓯ ᑲᐦᑭᔭᐤ, ᑭᑭ ᐃᐧᐃᐧᐋᐧᐊᐧ ᒥᓇ ᐅᐟ ᐊᐋᐧᓯᒥᓯᐋᐧᐊᐧ, ᓂ ᑭ ᓄᒪᑫ ᐃᐧᒉᐃᐧᑯᓈᓇᐠ, ᐃᐢᑯ ᐊᐧᔭᐃᐧᑎᒫᔨᕽ ᐅᑌᓈᕽ ᐁ ᐊᔮᔮᕽ, ᐁᑯᓯ ᐁ ᐅᒋᐦᒋᑲᐧᓇᐱᔮᕽ ᒋᑭᐯᐠ, ᓂ ᑭ ᐊᔭᒥᐦᐋᓈᐣ, 6ᐁᑲᐧ ᒫᑲ ᓂ ᑭ ᐊᔭᑕᒥᐢᑯᑖᑐᓈᐣ, ᐁᑯᓯ ᓂᔭᓈᐣ ᓂ ᑭ ᐳᓯᓈᐣ ᓈᐱᑳᐧᓂᕽ, ᒫᑲ ᐃᐧᔭᐋᐧᐤ ᑭ ᑭᐁᐧᐊᐧᐠ ᐃᐧᑭᐋᐧᕽ.

7ᐁ ᐳᓂᑖᔮᕽ ᒫᑲ ᐱᒧᐦᑌᐅᐃᐧᐣ ᑖᔭᕒ ᐅᐦᒋ, ᓂ ᑭ ᐅᑎᑕᐁᓈᐣ ᑖᓬᐃᒣᐃᐢ; ᐁᑯᓯ ᓂ ᑭ ᐊᑕᒥᐢᑲᐋᐧᓈᓇᐠ ᐅᒋᐋᐧᒥᒫᐊᐧᐠ, ᒥᓇ ᓂ ᑭ ᐃᐧᒋ ᐊᔮᒫᓈᓇᐠ ᐯᔭᐠ ᑭᓯᑳᐤ.

8 # ᐃᓯᐦᒋᑫᐃᐧᓂᐋᐧᐊᐧ 6:5; 8:5 ᐃᐧᔮᐸᕽ ᒫᑲ ᓂ ᑭ ᓯᐯᐧᑖᓈᐣ, ᒥᓇ ᓂ ᑭ ᐅᑎᑌᓈᐣ ᓯᓴᕒᐃᔭ: ᐁ ᐱᐦᑐᑫᐋᐧᔮᕽ ᒫᑲ ᐅ ᐋᐧᐢᑳᐦᐃᑲᓂᕽ ᐱᓬᐃᑊ ᐅᒥᔮᐧᒋᒧᐃᐧᔨᓂᐤ, ᐁᐊᐧᑯ ᐯᔭᐠ ᐊᓂᑭ ᑌᐸᑯᑊ, ᓂ ᑭ ᐃᐧᒋ ᐊᔮᒪᓈᐣ. 9ᐊᐊᐧ ᓈᐯᐤ ᒫᑲ ᑭ ᓀᐃᐧᔨᐊᐧ ᐅᑖᓂᓴ, ᐅᐢᑭᓂᑭᐢᑫᐧᐊᐧ, ᐁ ᑭ ᑭᐢᑭᐁᐧᐦᐃᑫᔨᐟ.

10 # ᐃᓯᐦᒋᑫᐃᐧᓂᐋᐧᐊᐧ 11:28 ᐁᑯᑕ ᒫᑲ ᐁ ᐊᔮᔮᕽ ᒥᒉᑐᑭᓯᑳᐤ, ᑭ ᑕᑯᓯᐣ ᒍᑎᔭᐃᕽ ᐅᐦᒋ ᐯᔭᐠ ᐅᑭᐢᑭᐁᐧᐦᐃᑫᐤ, ᐋᑲᐸᐢ ᐁ ᐃᓯᔨᐦᑳᓱᐟ. 11ᐁ ᐯ ᓈᑎᑯᔮᕽ ᒫᑲ, ᑭ ᐅᑎᓇᒣᐧᐤ ᐹᓬᐊ ᐅ ᐸᑳᐧᑌᐅᓂᔨᐤ, ᐁᑯᓯ ᑭ ᑕᑯᐱᑕᒼ ᐅᓯᑕ ᒥᓇ ᐅᒋᐦᒋᔭ, ᒥᓇ ᑭ ᐃᑌᐧᐤ, ᐅᒥᓯ ᐃᑌᐧᐤ ᑳ ᑲᓈᑎᓯᐟ ᐊᐦᒑᕽ ᐁᑯᓯ ᐃᓯ ᒍᐊᐧᐠ ᒉᕒᐅᓴᓬᐊᒥᕽ ᑳ ᐊᔮᒋᐠ ᑫ ᑕᑯᐱᑖᒋᐠ ᐊᓂᐦᐃ ᓈᐯᐊᐧ ᐅᒥᔭᐤ ᑳ ᐅᐸᑳᐧᑌᐅᓂᔨᐟ, ᐁᑯᓯ ᑭᑕ ᐸᑭᑎᓀᐊᐧᐠ ᐅᒋᐦᒋᔨᕽ ᒉᐣᑕᐃᓬᐊ. 12ᐃᐢᐱ ᒫᑲ ᐅᐦᐃ ᐱᔦᐦᑕᒫᕽ, ᓂᔭᓈᐣ ᒥᓇ ᐊᓂᑭ ᐁᑯᑕ ᑳ ᐊᔮᒋᐠ, ᓂ ᑭ ᑳᑭᓯᒧᑐᑕᐋᐧᓈᐣ ᐁᑳ ᑭᑕ ᐃᑐᐦᑌᐟ ᒉᕒᐅᓴᓬᐊᒥᕽ.

13ᐁᑲᐧ ᐹᓬ ᑭ ᓇᐢᑫᐧᐊᐧᓯᐃᐁᐧᐤ, ᑖᓀᑭ ᐅᒪ, ᑳ ᒫᑐᔦᐠ ᒥᓇ ᑳ ᐱᑯᓇᒣᐠ ᓂᑌᐦ? ᒋᑫᒫ ᓇᒪᐃᐧᔭ ᓂ ᓵᑫᐧᔨᒧᐣ ᓇᒪᐃᐧᔭ ᐱᑯ ᑭᑕ ᒪᒫᒋᑲᐧᐱᑎᑲᐃᐧᔮᐣ, ᒫᑲ ᑭᑕ ᓂᐱᔮᐣ ᐊᐦᐳ ᒉᕒᐅᓴᓬᐊᒥᕽ ᐅ ᐃᐧᔪᐃᐧᐣ ᐅᐦᒋ ᑳ ᑎᐯᔨᐦᒋᑫᐟ ᒋᓴᐢ. 14ᐃᐢᐱ ᒫᑲ ᐁᑳ ᑳ ᓵᑯᒋᒫᔮᕽ, ᓂ ᑭ ᐳᓀᐧᐁᐧᒫᓈᐣ, ᐁ ᐃᑌᐧᔮᕽ, ᐁ ᐃᑌᔨᑕᕽ ᑳ ᑎᐯᔨᐦᒋᑫᐟ ᑭᑕ ᐃᐧ ᐃᐦᑭᐣ.

15ᒣᐧᐢᑕᐢ ᐃᔨᑯᕽ ᒫᑲ ᐅᐦᐃ ᑭᓯᑳᐊᐧ ᓂ ᑭ ᐅᑎᓀᓈᐣ ᓂ ᐱᒥᐃᐧᒋᑲᓂᓈᓇ, ᒥᓇ ᓂ ᑭ ᐃᑐᑖᓈᐣ ᒉᕒᐅᓴᓬᐊᒥᕽ. 16ᓂ ᑭ ᐃᐧᒉᐃᐧᑯᓈᓇᐠ, ᒫᑲ ᐋᑎᐦᐟ ᑭᐢᑭᓄᐦᐊᒪᐋᐧᑲᓇᐠ ᓯᓴᕒᐃᔭ ᐅᐦᒋ, ᐁ ᐃᑐᐦᑕᐋᒋᐠ ᐊᓂᐦᐃ ᓀᓴᐣ ᓴᐃᐸᕒᐊᓯᕽ ᐅᐦᒋ, ᑲᔭᑌ ᑭᐢᑭᓄᐦᐊᒪᐋᐧᑲᐣ, ᐁᐊᐧᑯ ᐊᓇ ᑭᑕ ᐃᐧᒋ ᐊᔮᒫᔮᕽ.

17ᐃᐢᐱ ᒫᑲ ᑌᑯᓯᓂᔮᕽ ᒉᕒᐅᓴᓬᐊᒥᕽ, ᐅᒋᐋᐧᒥᒫᐊᐧᐠ ᓂ ᑭ ᐱᑐᑲᐃᑯᓈᓇᐠ ᐁ ᒫᒪᑖᑯᓯᒋᐠ. 18ᐃᐧᔮᐸᓂᔨᐠ ᒫᑲ ᐹᓬ ᐁ ᐃᐧᒉᐋᐧᔮᕽ ᑭ ᐱᑐᑲᐁᐧᐤ ᒉᒥᓴ; ᑲᐦᑭᔭᐤ ᒫᑲ ᑳ ᓂᑳᓀᔨᑖᑯᓯᒋᐠ ᐁᑯᑕ ᐊᔮᐊᐧᐠ. 19ᐃᐢᐱ ᒫᑲ ᑳ ᐊᔭᑕᒥᐢᑲᐋᐧᐟ, ᑭ ᐊᑭᓀ ᐃᐧᐦᑕᒪᐁᐧᐤ ᐊᓂᐦᐃ ᑭᓭᒪᓂᑐᐊᐧ ᑳ ᑭ ᐊᔨᓯᒋᑫᔨᐟ ᒣᑳᐧ ᒉᐣᑕᐃᓬᐃᓈᕽ ᐃᐧᔭ ᐅᐟ ᐊᑐᐢᑫᐃᑯᐃᐧᐣ ᐅᐦᒋ. 20ᐃᐧᔭᐋᐧᐤ ᒫᑲ ᐃᐢᐱ ᐱᔦᐦᑕᐦᑭᐠ, ᑭ ᑭᐢᑕᑭᒣᐊᐧᐠ ᑭᓭᒪᓂᑐᐊᐧ; ᒥᓇ ᑭ ᐃᑌᐊᐧᐠ, ᑭ ᐋᐧᐸᑌᐣ ᓂᒋᐋᐧᒥᓈᐣ, ᑖᓂᑕᐦᑐ ᑭᐦᒋ ᒥᑖᑕᐦᑐᒥᑕᓇᐤ ᐁ ᒍᐃᐧᐃᐧᒋᐠ ᐊᓂᑭ ᑳ ᑖᐯᐧᑕᐦᑭᐠ; ᐁᑯᓯ ᑲᐦᑭᔭᐤ ᐊᑲᒣᔨᒧᑐᑕᒪᐧᐠ ᐅᔭᓱᐁᐧᐃᐧᐣ: 21ᐁᑯᓯ ᑭ ᐃᐧᐦᑕᒪᐋᐧᐊᐧᐠ ᑭᔭ ᐅᐦᒋ, ᐁ ᑭᐢᑭᓄᐦᐊᒫᐊᐧᒋᐠ ᑲᐦᑭᔭᐤ ᒍᐊᐧᐠ ᒣᑳᐧ ᒉᐣᑕᐃᓬᐃᓈᕽ ᑳ ᐊᔮᒋᐠ ᑭᑕ ᐁᐧᐱᓈᒋᐠ ᒧᓯᓴ, ᐁ ᐃᐧᐦᑕᒪᐊᐧᒋᐠ ᐁᑳ ᑭᑕ ᓴᕒᑲᒼᓴᐃᓯᐃᐧᐋᒋᐠ ᐅᐟ ᐊᐋᐧᓯᒥᓯᐋᐧᐊᐧ, ᒥᓇ ᐁᑳ ᑭᑕ ᐱᒧᑖᑐᑕᑭᐠ ᐃᓯᐦᒋᑫᐃᐧᓇ. 22ᑖᓂᓯ ᒫᑲ? ᑫᒋᓇ ᑭᑕ ᐯᑕᒪᐧᐠ ᐁ ᑕᑯᓯᓄᐊᐧᐟ. 23#ᓇᒼᐸᕒᐢ 6:13-21ᐃᑐᑕ ᒫᑲ ᐅᒪ ᑳ ᐃᑎᑖᕽ: ᓂᐟ ᐊᔮᐋᐧᓈᓇᐠ ᓀᐤ ᓈᐯᐊᐧᐠ ᐁ ᑭ ᑭᐦᒋ ᐃᑌᐧᒋᐠ; 24ᐁᐊᐧᑯᓂᐠ ᐅᑎᓂᐠ, ᒥᓇ ᐃᐧᒋ ᐯᑭᐃᓱᒥᐠ, ᐁᑯᓯ ᐃᓯᐦᒋᑫᐃᐠ, ᑭᑕ ᑳᐢᑭᐹᑕᑭᐠ ᐅᐢᑎᑳᐧᓂᐋᐧᐊᐧ: ᑲᐦᑭᔭᐤ ᒫᑲ ᑭᑕ ᑭᐢᑫᔨᑕᒪᐧᐠ ᐁᑳ ᐁ ᑖᐯᐧᕽ ᐊᓂᐦᐃ ᑳ ᑭ ᐃᓯ ᐋᒋᒧᐢᑖᐦᒋᐠ ᑭᔭ ᐅᐦᒋ; ᒫᑲ ᑭᐢᑕ ᑲᐧᔭᐢᐠ ᐁ ᐱᒧᑖᑐᑕᒪᐣ, ᐁ ᑲᓇᐁᐧᔨᑕᒪᐣ ᐅᔭᓱᐁᐧᐃᐧᐣ. 25#ᐃᓯᐦᒋᑫᐃᐧᓂᐋᐧᐊᐧ 15:29ᐃᐧᔭ ᒉᐣᑕᐃᓬᐊᐠ ᑳ ᑭ ᑖᐯᐧᑕᐦᑭᐠ, ᓂ ᑭ ᒪᓯᓇᐃᑳᓈᐣ, ᐁ ᒣᑭᔮᕽ ᐅᔭᓱᐁᐧᐃᐧᐣ, ᑭᑕ ᓇᑭᐢᑕᑭ ᐊᓂᐦᐃ ᑳ ᐸᑭᑎᓂᑫᐢᑕᒫᐦᒋᐠ ᒪᓂᑐᑳᓇᐠ, ᒥᓇ ᒥᐦᑯ, ᒥᓇ ᑭᐱᑭᑐᓀᐱᒋᑲᐣ, ᒥᓇ ᐱᓯᑳᐧᑎᓯᐃᐧᐣ. 26ᐁᑲᐧ ᐹᓬ ᑭ ᐅᑎᓀᐤ ᐁᐊᐧᑯᓂ ᓈᐯᐊᐧ, ᒥᓇ ᐃᐧᔮᐸᓂᔨᐠ ᐁ ᑭ ᐃᐧᒋ ᐯᑭᐃᓱᒫᐟ ᑭ ᐱᐦᑐᑫᐤ ᑭᐦᒋ ᐊᔭᒥᐦᐁᐃᐧᑲᒥᑯᕽ, ᐁ ᐃᐧᐦᑕᕽ ᐁ ᑭ ᑎᐱᑐᑕᒥᕽ ᐯᑭᐅᐃᐧ ᑭᓯᑳᐊᐧ, ᐃᐢᑯ ᐸᑭᑎᓈᓱᐃᐧᐣ ᐁ ᐸᑭᑎᓂᑫᐢᑕᒫᐦᒋᐠ ᑲᐦᑭᔭᐤ ᐁ ᐃᐦᑕᓯᒋᐠ.

27ᐃᐢᐱ ᒫᑲ ᐊᓂᐦᐃ ᑌᐸᑯᑊ ᑭᓯᑳᐊᐧ ᑫᑳᐟ ᐁ ᑎᐱᐸᔨᑭ, ᐊᓂᑭ ᒍᐊᐧᐠ ᐁᓯᔭ ᐅᐦᒋ, ᐃᐢᐱ ᐃᐧᔮᐸᒫᒋᐠ ᑭᐦᒋ ᐊᔭᒥᐦᐁᐃᐧᑲᒥᑯᕽ, ᑭ ᐅᐯᐧᐁᐊᐧᐠ ᑲᐦᑭᔭᐤ ᐁ ᒫᒪᐁᐧᔭᑎᔨᐟ ᐊᔨᓯᔨᓂᐊᐧ, ᐁᑯᓯ ᑭ ᐅᑎᐦᑎᓀᐊᐧᐠ, 28ᐁ ᑌᐯᐧᒋᐠ ᐃᐢᕒᐁᐃᓬ ᐊᔨᓯᔨᓂᑎᐠ, ᐃᐧᒋᐃᓈᐣ, ᐁᐊᐧᑯ ᐊᐊᐧ ᓈᐯᐤ, ᑳ ᑭᐢᑭᓄᐦᐊᒪᐋᐧᐟ ᑲᐦᑭᔭᐤ ᐊᔨᓯᔨᓂᐊᐧ ᒥᓯᐁᐧ ᐃᑌ ᑭᑕ ᒫᔨ ᐃᑌᔨᒫᔨᐟ ᐅᐦᐃ ᐊᔨᓯᔨᓂᐊᐧ, ᒥᓇ ᐅᒪ ᐅᔭᓱᐁᐧᐃᐧᐣ, ᒥᓇ ᐅᒪ ᐃᑕ ᑳ ᐊᔮᔭᕽ: ᐁᑯᓯ ᒥᓇ ᑭ ᐱᐦᑐᑲᐦᐁᐤ ᑲᕒᐃᑲ ᐅᑕ ᑭᐦᒋ ᐊᔭᒥᐦᐁᐃᐧᑲᒥᑯᕽ, ᐁᑯᓯ ᑭ ᐃᐧᔨᐱᑖᐤ ᐅᒪ ᐃᑕ ᑳ ᑲᓈᑕᓂᔨᐠ. 29#ᐃᓯᐦᒋᑫᐃᐧᓂᐋᐧᐊᐧ 20:4ᒋᑫᒫ ᒪᐧᔦᐢ ᐁᑯᐢᐱ ᑭ ᐋᐧᐸᒣᐊᐧᐠ ᐁ ᐃᐧᒉᐃᐧᑯᔨᐟ ᐅᑌᓈᕽ ᑕᕒᐊᐱᒪᐢ ᐊᓇ ᐃᐱᓯᔭᐣ ᐁᐊᐧᑯᓂ ᑭ ᐱᑐᑲᐁᑐᑫ ᐹᓬ ᑭᐦᒋ ᐊᔭᒥᐦᐁᐃᐧᑲᒥᑯᕽ ᑭ ᐃᑌᔨᑕᒪᐧᐠ.

30ᑲᐦᑭᔭᐤ ᒫᑲ ᐅᑌᓈᕽ ᑳ ᐊᔮᒋᐠ ᑭ ᐅᐯᐧᐋᐊᐧᐠ, ᐁᑯᓯ ᑭ ᒫᒪᐃᐧᐸᑖᐊᐧᐠ ᐊᔨᓯᔨᓂᐊᐧᐠ: ᑭ ᐅᑎᐦᑎᓀᐊᐧᐠ ᒫᑲ ᐹᓬᐊ, ᐁᑯᓯ ᑭ ᐊᐧᔭᐃᐧᑖᐹᑌᐊᐧᐠ ᑭᐦᒋ ᐊᔭᒥᐦᐁᐃᐧᑲᒥᑯᕽ ᐅᐦᒋ: ᓭᒫᐠ ᒫᑲ ᐃᐢᑳᐧᑌᒪ ᑭ ᑭᐸᐦᐃᑳᑌᐊᐧ. 31ᐁ ᐊᑎ ᓇᑐᓇᑭᐠ ᒫᑲ ᑭᑕ ᓂᐸᐦᐋᒋᐠ, ᑭ ᐯ ᐋᒋᒧᐢᑕᐋᐧᐤ ᑳ ᑭᐦᒋ ᑎᐯᔨᒫᐟ ᓯᒫᑲᓂᓴ, ᑲᐦᑭᔭᐤ ᒉᕒᐅᓴᓬᐊᒼ ᐁ ᐱᑯᐦᑲᒥᑲᕽ. 32ᓭᒫᐠ ᒫᑲ ᑭ ᐅᑎᓀᐤ ᓯᒫᑲᓂᓴ ᒥᓇ ᓯᒫᑲᓂᓯᐃᐧᑭᒫᐊᐧ, ᐁᑯᓯ ᑭ ᒧᐢᑭᐢᑕᐁᐧᐤ; ᐃᐧᔭᐋᐧᐤ ᒫᑲ, ᐃᐢᐱ ᐃᐧᔮᐸᒫᒋᐠ ᑭᐦᒋ ᓯᒫᑲᓂᓯᐃᐧᑭᒫᐊᐧ ᒥᓇ ᓯᒫᑲᓂᓴ, ᑭ ᐳᓂ ᐹᐸᑲᒪᐁᐧᐊᐧᐠ ᐹᓬᐊ. 33ᐁᑲᐧ ᑭᐦᒋ ᓯᒫᑲᓂᓯᐃᐧᑭᒫᐤ ᑭᓯᐋᐧᐠ ᑭ ᐯ ᐃᑐᐦᑌᐤ, ᒥᓇ ᑭ ᐅᑎᐦᑎᓀᐤ, ᑭ ᐃᑕᓱᐁᐧᐤ ᒫᑲ ᑭᑕ ᒪᒫᒋᑲᐧᐱᑎᒥᐦᐟ ᓂᓱ ᐱᐋᐧᐱᐢᑲᐧ ᐅᐦᒋ; ᐁᑯᓯ ᑭ ᑲᑫᐧᒋᑫᒧ ᐊᐁᐧᓂᐦᐃ, ᒥᓇ ᑖᓂᓯ ᑳ ᐃᑐᑕᒥᔨᐟ.

34ᐁᑯᓯ ᐋᑎᐦᐟ ᐯᔭᑲᐧᔭᐠ ᐃᓯ ᑌᐯᐧᐊᐧᐠ, ᒥᓇ ᐋᑎᐦᐟ ᐱᑐᐢ, ᒣᑳᐧ, ᐁ ᐊᓯ ᐊᔮᒋᐠ: ᐃᐢᐱ ᒫᑲ ᐁᑳ ᑫᑲᐧᐩ ᑫᒋᓈ ᐁ ᑭ ᑭᐢᑫᔨᑕᕽ ᐁ ᐃᑌᐧᐁᐧᑖᐃᐧᐦᐟ, ᑭ ᐃᑕᓱᐁᐧᐤ ᓯᒫᑲᓂᓯᐃᐧᑲᒥᑯᕽ ᑭᑕ ᐃᑐᑕᐃᒥᐦᐟ. 35ᐃᐢᐱ ᒫᑲ ᑯᐢᐹᑕᐃᐧᐃᐧᐣ ᐁᐧᑎᑕᕽ, ᑭ ᐃᐢᐸᔨᐤ, ᐁ ᑭ ᐊᑎ ᐱᒥᐃᐧᔨᑯᐟ ᓯᒫᑲᓂᓴ ᐁ ᐃᓯ ᐁᑳ ᒪᓈᑎᓯᒋᐠ ᐊᔨᓯᔨᓂᐊᐧᐠ; 36ᒋᑫᒫ ᐁ ᒫᒪᐁᐧᔭᑎᔨᐟ ᐊᔨᓯᔨᓂᐊᐧ ᐱᒥᑎᓴᐦᐅᐠ, ᐁ ᑌᐯᐧᔨᐟ, ᓯᐯᐧᑕᐃᕽ.

37ᐹᓬ ᒫᑲ ᐁ ᐃᐧ ᐊᑎ ᐱᑐᑲᐃᐦᐟ ᓯᒫᑲᓂᓯᐃᐧᑲᒥᑯᕽ, ᑭ ᐃᑌᐤ ᑭᐦᒋ ᓯᒫᑲᓂᓯᐃᐧᑭᒫᐊᐧ, ᓇᒪ ᒋ ᓈᐣᑕᐤ ᑭ ᑲ ᑭ ᐃᑎᑎᐣ? ᑭ ᐃᑎᐠ ᒫᑲ, ᑭ ᑭᐢᑫᔨᑌᐣ ᒋ ᑲᕒᐃᐠ ᐱᑭᐢᑫᐧᐃᐧᐣ? 38ᓇᒪ ᒋ ᑭᔭ ᐁᐊᐧᑯ ᐊᓇ ᐃᒋᑊᓯᔭᐣ, ᒪᐧᔦᐢ ᐅᐦᐃ ᑲᑭᓯᑳᑭ ᑳ ᑭ ᓯᑭᐢᑲᕽ ᒫᔭᑲᒥᑭᓯᐃᐧᐣ ᒥᓇ ᐱᑲᐧᑕᐢᑭᕽ ᑳ ᑭ ᐃᑐᐦᑕᐦᐋᐟ ᓀᐋᐧᐤ ᑭᐦᒋ ᒥᑖᑕᐦᑐᒥᑕᓇᐤ ᓈᐯᐊᐧ ᐅᓂᐸᑖᑫᐊᐧ? 39ᒫᑲ ᐹᓬ ᑭ ᐃᑌᐧᐤ, ᓂ ᒍᐃᐧᐣ ᓂᔭ, ᑖᕒᓴᐢ ᓯᓬᐃᓯᔭᐃᕽ ᐅᐦᒋ, ᓇᒪᐃᐧᔭ ᐸᑲᐧᓇᑕ ᐅᑌᓇᐤ ᑳ ᐅᐟ ᐃᑖᐃᐧᓂᔮᐣ: ᐁᑯᓯ ᑭ ᐸᑯᓭᔨᒥᑎᐣ, ᐃᔨᓇᒪᐃᐧᐣ ᑭᑕ ᑭᑐᑕᑭᐠ ᐊᔨᓯᔨᓂᐊᐧᐠ. 40ᐃᐢᐱ ᒫᑲ ᑳ ᐃᔨᓇᒫᑯᐟ, ᐹᓬ, ᐁ ᓂᐸᐃᐧᐟ ᑯᐢᐸᑕᐃᐧᐃᐧᓂᕽ, ᑭ ᐊᔨᑎᓂᑫᐢᑕᐁᐧᐤ ᐊᔨᓯᔨᓂᐊᐧ; ᐃᐢᐱ ᒫᑲ ᒥᑐᓂ ᐁᑳ ᐊᐃᐧᔭᐠ ᐁ ᑭᑐᐟ, ᑭ ᐱᑭᐢᑳᐧᑌᐤ ᐦᐃᐸᕒᐅ ᐱᑭᐢᑫᐧᐃᐧᓂᕽ, ᐁ ᐃᑌᐧᐟ,

Currently Selected:

ᐃᓯᐦᒋᑫᐃᐧᓂᐋᐧᐊᐧ 21: KKMs

Highlight

Copy

Compare