ᐃᓯᐦᒋᑫᐃᐧᓂᐋᐧᐊᐧ 19

1ᑭ ᐊᔨᑭᐣ ᒫᑲ, ᒣᑳᐧᐨ ᐊᐹᓬᐊᐢ ᑳᕒᐃᐣᑎᕽ ᐁ ᐊᔮᐟ, ᐹᓬ ᐁ ᑭ ᓵᐳ ᐱᒧᑖᑐᑕᕽ ᓄᒋᒥᕽ ᐊᐢᑭ, ᑭ ᑕᑯᓯᐣ ᐁᐱᓴᓯᕽ, ᐁᑯᓯ ᑭ ᒥᐢᑲᐁᐧᐤ ᐋᑎᐦᐟ ᑭᐢᑭᓄᐦᐊᒪᐋᐧᑲᓇ: 2ᑭ ᐃᑌᐤ ᒫᑲ, ᑭ ᑭ ᒥᔨᑯᐃᐧᓯᓈᐋᐧᐤ ᒋ ᑳ ᑲᓈᑎᓯᐟ ᐊᐦᒑᕽ ᐊᐢᐱᐣ ᑳ ᑖᐯᐧᑕᒣᐠ? ᑭ ᐃᑎᐠ ᒫᑲ, ᓇᒪᐋᐧᐨ ᐊᐦᐳ ᓄᐦ ᐯᑌᓈᐣ ᑭᐢᐱᐣ ᐁᓯ ᒥᔨᑯᐃᐧᓯᓈᓂᐊᐧᓇᑫᐧ ᑳ ᑲᓈᑎᓯᐟ ᐊᐦᒑᕽ. 3ᐁᑯᓯ ᑭ ᐃᑌᐧᐤ, ᑖᓂᓯ ᒫᑲ ᑳ ᐃᓯ ᐹᑊᑕᐃᓯᐃᐧᐃᑲᐃᐧᔦᐠ? ᐁᑯᓯ ᑭ ᐃᑌᐧᐊᐧᐠ, ᒑᐣ ᐅ ᐹᑊᑕᐃᓯᐃᐧᐃᐁᐧᐃᐧᓂᕽ. 4#ᒫᐟᔪ 3:11; ᒫᕒᐠ 1:4,7,8; ᓬᐅᐠ 3:4,16; ᒑᐣ 1:26,27ᐹᓬ ᒫᑲ ᑭ ᐃᑌᐧᐤ, ᒑᐣ ᑭ ᐹᑊᑕᐃᓯᐃᐧᐃᐁᐧᐤ ᑫᐧᐢᑳᑎᓯᐃᐧ ᐹᑊᑕᐃᓯᐃᐧᐦᐃᐁᐧᐃᐧᐣ, ᐁ ᐃᐧᐦᑕᒪᐋᐧᐟ ᐊᔨᓯᔨᓂᐊᐧ ᑭᑕ ᑖᐯᐧᑕᐋᐧᔨᐟ ᐊᓂᐦᐃ ᑫ ᐯ ᐊᐢᑳᐧᑯᐟ ᐁᐊᐧᑯᓂ, ᒋᓴᓴ. 5ᐃᐢᐱ ᒫᑲ ᐅᒪ ᐱᔦᐦᑕᐦᑭᐠ, ᑭ ᐹᑊᑕᐃᓯᐃᐧᐋᐊᐧᐠ ᐅ ᐃᐧᔪᐃᐧᓂᔨᕽ ᑳ ᑎᐯᔨᐦᒋᑫᔨᐟ ᒋᓴᓴ. 6ᐃᐢᐱ ᒫᑲ ᐹᓬ ᑳ ᓴᓵᒥᓈᐟ, ᑳ ᑲᓈᑎᓯᔨᐟ ᐊᐦᒑᐦᑲᐧ ᑭ ᐅᑎᐦᑎᑲᐧᐠ, ᐁᑯᓯ ᓇᓈᑐᕽ ᑭ ᐃᓯ ᐱᑭᐢᑫᐧᐊᐧᐠ, ᒥᓇ ᑭ ᑭᐢᑭᐁᐧᐦᐃᑫᐊᐧᐠ. 7ᐁᐊᐧᑯᓂᐠ ᒫᑲ ᒫᒪᐃᐧ ᓈᐣᑕᐤ ᒥᑖᑕᐟ ᓂᓱᓵᑊ ᑭ ᐃᑕᓯᐊᐧᐠ ᓈᐯᐊᐧᐠ.

8ᑭ ᐱᐦᑐᑫᐤ ᒫᑲ ᐊᔭᒥᐦᐁᐃᐧᑲᒥᑯᕽ, ᐁᑯᓯ ᓂᐢᑐ ᐱᓯᒼ ᐃᔨᑯᕽ ᑭ ᓱᑫᔨᒧᐃᐧ ᐱᑭᐢᑫᐧᐤ, ᐁ ᐃᐧᐦᑕᒫᑫᐟ ᒥᓇ ᐁ ᓯᑭᑫᒧᐟ ᐊᓂᐦᐃ ᐁ ᐃᑕᐢᑌᑭ ᑭᓭᒪᓂᑐ ᐅᐟ ᐅᑌᓇᐃᐧᐃᐧᓂᕽ. 9ᒫᑲ ᐃᐢᐱ ᐋᑎᐦᐟ ᐁ ᒪᐢᑲᐃᐧᑌᐁᒋᐠ ᒥᓇ ᐁ ᓴᓯᐱᑕᑭᐠ, ᐁ ᒫᔨ ᐱᑭᐢᑳᐧᑕᑭᐠ ᐁᐊᐧᑯ ᐃᓯᑖᐧᐃᐧᐣ ᒧᓯᐢ ᐊᔨᓯᔨᓂᓇᕽ, ᑭ ᓇᑲᑌᐤ, ᑕᐦᑐ ᑭᓯᑳᐤ ᐁ ᑲᑫᐢᑭᒥᐁᐧᐟ ᐅ ᑭᐢᑭᓄᐦᐊᒫᑫᐃᐧᓂᔨᕽ ᑎᕒᐋᓇᓴ. 10ᐅᒪ ᒫᑲ ᑭ ᐱᒥᐸᔨᐤ ᐱᔨᐢ ᓂᓱ ᐊᐢᑭ; ᐁᑯᓯ ᑲᐦᑭᔭᐤ ᐊᓂᑭ ᐁᓯᔭᐃᕽ ᑳ ᐊᔮᒋᐠ ᑭ ᐯᑕᒪᐧᐠ ᐅᐟ ᐃᑌᐧᐃᐧᓂᔨᐤ ᑳ ᑎᐯᔨᐦᒋᑫᔨᐟ, ᒍᐊᐧᐠ ᒥᓇ ᑲᕒᐃᑲᐠ. 11ᑭ ᐃᑐᑕᒼ ᒫᑲ ᑭᓭᒪᓂᑐ ᑭᐦᒋ ᒪᒫᑖᐃᐧ ᐃᓯᐦᒋᑫᐃᐧᓇ ᐅᒋᐦᒋᔨᐊᐧ ᐹᓬᐊ ᐅᐦᒋ: 12ᐁᑯᓯ ᐃᐧᔭᐃᐧᕽ ᐅᐦᒋ ᑖᐱᐢᑳᑲᓇ ᐊᐦᐳ ᐊᐢᐸᐢᑖᑲᓇ ᑭ ᐃᑐᑕᑐᐋᐧᐊᐧᐠ ᐅᑖᑯᓯᐋᐧᐠ, ᐁᑯᓯ ᐋᑯᓯᐃᐧᓇ ᑭ ᓇᑲᑎᑲᐧᐠ ᒥᓇ ᒪᒋ ᐊᐦᒑᐦᑲᐧ ᑭ ᐳᓂᐃᑲᐧᐠ.

13ᒫᑲ ᐋᑎᐦᐟ ᒍᐊᐧᐠ ᑳ ᐸᐹᒪᑲᒥᑭᓯᒋᐠ, ᐅᒥᑌᑳᓱᐊᐧᐠ, ᑭ ᐅᑎᓇᒫᓱᐊᐧᐠ ᑭᑕ ᐃᐧᐦᑕᐦᑭᐠ ᐅ ᐃᐧᔪᐃᐧᓂᔨᐤ ᑳ ᑎᐯᔨᐦᒋᑫᔨᐟ ᒋᓴᓴ, ᐁ ᐃᐧ ᒥᓈᐧᒋᐋᒋᐠ ᐊᓂᐦᐃ ᑳ ᑭᑭᐢᑳᑯᔨᐟ ᒪᒋ ᐊᐦᒑᐦᑲᐧ, ᐁ ᐃᑌᐧᒋᐠ, ᑭᐟ ᐊᐢᐱ ᑭᑐᑎᑎᐣ ᒋᓴᐢ, ᐹᓬ ᑳ ᐋᒋᒫᐟ. 14ᑌᐸᑯᑊ ᒫᑲ ᐁ ᐃᐦᑕᓯᔨᐟ ᐅᑯᓯᓴ ᐯᔭᐠ ᓈᐯᐤ, ᓯᐸ, ᒍᐤ, ᐁ ᑭᐦᒋ ᐊᔭᒥᐦᐁᐃᐧᔨᓂᐃᐧᐟ, ᐁᑯᓯ ᑭ ᐃᑐᑕᒥᔨᐊᐧ. 15ᒪᒋ ᐊᐦᒑᕽ ᒫᑲ ᑭ ᓇᐢᑫᐧᐊᐧᓯᒣᐤ ᒥᓇ ᑭ ᐃᑌᐤ, ᒋᓴᐢ ᓂ ᑭᐢᑫᔨᒫᐤ, ᒥᓇ ᐹᓬ ᓂ ᑭᐢᑫᔨᒫᐤ, ᒫᑲ ᐊᐁᐧᓂᑭ ᑭᔭᐋᐧᐤ? 16ᐁᑯᓯ ᐊᓇ ᓈᐯᐤ ᑳ ᑭᑭᐢᑳᑯᐟ ᒪᒋ ᐊᐦᒑᐦᑲᐧ ᑭ ᑳᐧᐢᑯᑐᑕᐁᐧᐤ, ᒥᓇ ᑭ ᓵᑯᒋᐁᐤ ᐁ ᐃᓯ ᓂᓯᔨᐟ, ᒥᓇ ᑭ ᐁᐧᐱᓯᒣᐤ, ᐁᑯᓯ ᑭ ᑕᐸᓯᐊᐧᐠ ᐁᑯᑕ ᐅᐦᒋ ᐋᐧᐢᑳᐦᐃᑲᓂᕽ ᐁ ᒧᓭᐢᑲᑌᒋᐠ ᒥᓇ ᐁ ᒥᓵᐧᑲᓂᑳᑎᑯᒋᐠ. 17ᐅᒪ ᒫᑲ ᒥᓯᐁᐧ ᑭ ᐊᑎ ᑭᐢᑫᔨᑖᒪᐧᐠ, ᒍᐊᐧᐠ ᒥᓇ ᑲᕒᐃᑲᐠ, ᑳ ᐊᔮᒋᐠ ᐁᐱᓴᓯᕽ; ᓭᑭᓯᐃᐧᐣ ᒫᑲ ᑭ ᐸᑲᒥᐢᑳᑲᐧᐠ ᑲᐦᑭᔭᐤ, ᐅ ᐃᐧᔪᐃᐧᐣ ᒫᑲ ᑳ ᑎᐯᔨᐦᒋᑫᐟ ᒋᓴᐢ ᑭ ᑯᓯᑫᐧᔨᑖᑲᐧᓂᔨᐤ. 18ᒥᐦᒉᐟ ᒫᑲ ᐊᓂᑭ ᑳ ᑭ ᑖᐯᐧᑕᐦᑭᐠ ᑭ ᐯ ᐃᑐᐦᑌᐊᐧᐠ, ᐁ ᐋᒋᒧᒋᐠ, ᒥᓇ ᐁ ᐃᐧᐦᑕᐦᑭᐠ ᐅᐟ ᐃᓯᐦᒋᑫᐃᐧᓂᐋᐧᐊᐧ. 19ᓇᒪᐃᐧᔭ ᐱᑯ ᒐᑲᐋᐧᓯᐢ ᒥᓇ ᓇᓈᑐᕽ ᑳ ᒪᒫᑖᐃᐧ ᑐᑕᐦᑭᐠ ᑭ ᐯ ᒫᐊᐧᓴᑯᓇᒪᐧᐠ ᐅ ᒪᓯᓇᐦᐃᑲᓂᐋᐧᐊᐧ, ᒥᓇ ᑭ ᒪᒍᐢᑌᐊᒪᐧᐠ ᑲᐦᑭᔭᐤ ᐁ ᐋᐧᐸᒥᑯᒋᐠ: ᑭ ᐊᑭᑕᒪᐧᐠ ᒫᑲ ᐁ ᐃᑕᑭᑌᑭ, ᐁᑯᓯ ᐳᑎ ᓂᔮᓇᓄᒥᑕᓇᐤ ᑕᐦᑐ ᑭᐦᒋ ᒥᑖᑕᐦᑐᒥᑕᓇᐤ ᐋᐧᐱᐢᑭ ᓱᓂᔮᐊᐧ ᑭ ᐃᐢᐸᔨᔨᐊᐧ. 20ᐃᔨᑯᕽ ᐁ ᒪᐢᑲᐃᐧ ᔭᑭᑭᓂᔨᐠ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᒥᓇ ᐁ ᓵᑯᒋᐃᐁᐧᒪᑲᓂᔨᐠ.

21ᒣᐧᐢᑕᐢ ᐃᔨᑯᕽ ᒫᑲ ᐅᐦᐃ ᑳ ᐳᓂᐸᔨᑭ, ᐹᓬ ᑭ ᐃᑌᔨᑕᒼ ᐊᐦᒑᐦᑯᕽ, ᐃᐢᐱ ᑭ ᓵᐳ ᐱᒧᐦᑌᐟ ᒫᓯᑖᓂᔭ ᒥᓇ ᐁᑳᔭ, ᑭᑕ ᐃᑐᐦᑌᐟ ᒉᕒᐅᓴᓬᐊᒥᕽ, ᐁ ᐃᑌᐧᐟ, ᐁᑯᑌ ᑭ ᐃᑐᐦᑌᔮᓀ, ᐱᑯ ᕒᐅᒼ ᒥᓇ ᑭᑕ ᐋᐧᐸᐦᑕᒫᐣ. 22ᐃᐢᐱ ᒫᑲ ᒫᓯᑖᓂᔭᐃᕽ ᑳ ᐃᓯᑎᓴᐋᐧᐟ ᓂᓱ ᐊᓂᐦᐃ ᑳ ᐊᑐᐢᑳᑯᐟ, ᑎᒪᑏ ᒥᓇ ᐃᕒᐋᐢᑕᐢ, ᐃᐧᔭ ᑫᔮᐱᐨ ᐊᒋᔭᐤ ᐁᓯᔭᐃᕽ ᑭ ᐊᔮᐤ.

23ᓈᐣᑕᐤ ᒫᑲ ᐁᑯᐢᐱ, ᑭ ᐸᓯᑯᒪᑲᐣ ᓇᒪᐃᐧᔭ ᐱᑯ ᐊᐱᓯᐢ ᒥᑯᐢᑳᑕᑲᒥᑭᓯᐃᐧᐣ ᐃᓯᑖᐧᐃᐧᐣ ᐅᐦᒋ. 24ᒋᑫᒫ ᐯᔭᐠ ᓈᐯᐤ ᑎᒥᑕᕒᐃᔭᐢ ᐁ ᐃᓯᔨᐦᑳᓱᐟ, ᐋᐧᐱᐢᑭᓱᓂᔮᐅᔭᐃᓱᐤ, ᑳ ᐅᓯᑐᐋᐧᐟ ᑖᔮᓇᐊᐧ ᐋᐧᐱᐢᑭ ᓱᓂᔮᐤ ᐊᐧᐁᐧᓯᒋᑲᓇ, ᓇᒪᐃᐧᔭ ᐱᑯ ᐊᐱᓯᐢ ᑭᐢᐱᓇᒋᑫᐃᐧᐣ ᑭ ᐅᐦᒋᑎᓴᐊᒪᐁᐧᐤ ᐅᑕᑐᐢᑫᐊᐧ; 25ᐁᐊᐧᑲᐧᓂ ᑭ ᒫᒪᐃᐧ ᓇᑐᒣᐤ, ᐊᓯᒋ ᑯᑕᑲ ᓈᐯᐊᐧ ᐁᑯᓯ ᑳ ᐃᑕᑐᐢᑫᔨᐟ, ᒥᓇ ᑭ ᐃᑌᐤ, ᐅᑭᒫᑎᐠ, ᑭ ᑭᐢᑫᔨᑌᓈᐋᐧᐤ ᐅᒪ ᐊᑐᐢᑫᐃᐧᐣ ᑳ ᐅᐦᒋ ᐁᐧᔪᑎᓯᔭᕽ. 26ᒥᓇ ᑭ ᐋᐧᐸᑌᓈᐋᐧᐤ ᒥᓇ ᑭ ᐯᐦᑌᓈᐋᐧᐤ, ᓇᒪᐃᐧᔭ ᐱᑯ ᐁᐱᓴᓯᕽ, ᒫᑲ ᑫᑳᐨ ᒥᓯᐁᐧ ᐁᓯᔭᐃᕽ, ᐊᐊᐧ ᐹᓬ ᑭ ᓵᑯᒋᒣᐤ ᒥᓇ ᑭ ᐁᐧᐱᒣᐤ ᒥᐦᒉᐟ ᐊᔨᓯᔨᓂᐊᐧ, ᐁ ᐃᑌᐧᐟ ᐁᑳ ᐁ ᐃᑖᒋᐠ ᒪᓂᑐᐊᐧᐠ, ᒥᒋᐦᒋᔭ ᑳ ᐅᐦᒋ ᐅᓯᒋᑳᓱᒋᐠ: 27ᐁᑯᓯ ᓇᒪᐃᐧᔭ ᐱᑯ ᐊᐢᑖᓯᐸᑲᐣ ᐅᒪ ᑭᐟ ᐊᑐᐢᑫᐃᐧᓂᓇᐤ ᐁᑳ ᑭᑕ ᒋᑫᔨᑖᑲᐧᕽ; ᒫᑲ ᒥᓇ ᐅᐟ ᐊᔭᒥᐦᐁᐃᐧᑲᒥᐠ ᐊᐊᐧ ᑭᐦᒋ ᒪᓂᑐᑳᓂᐢᑫᐧᐤ ᑖᔮᓇ ᐁᑳ ᒥᐢᑕᐦᐃ ᑭᑕ ᐃᑌᔨᑖᑲᐧᓂᔨᐠ, ᒥᓇ ᑭᑕ ᓂᑎᓂᐦᐟ ᐅᒪ ᑳ ᐃᓯ ᑭᐦᒉᔨᑖᑯᓯᐟ, ᐊᓇ ᒥᓯᐁᐧ ᐁᓯᔭᐃᕽ ᒥᓇ ᐊᐢᑭᕽ ᑳ ᐊᔭᒥᐁᐢᑖᐦᐟ. 28ᐃᐢᐱ ᒫᑲ ᐅᒪ ᐱᔦᐦᑕᐦᑭᐠ, ᑭ ᒧᐢᑭᓀᐢᑳᑲᐧᐠ ᑭᓯᐋᐧᓯᐃᐧᐣ, ᐁᑯᓯ ᑭ ᑌᐯᐧᐊᐧᐠ, ᐁ ᐃᑌᐧᒋᐠ, ᑭᐦᒑᔨᐃᐧᐤ ᑖᔮᓇ ᐃᐱᓯᔮᓇᐠ ᑳ ᐊᔮᐋᐧᒋᐠ.

29ᑭ ᒧᐢᑭᓀᐤ ᒫᑲ ᐅᑌᓇᐤ ᐅᐯᐧᑲᒥᑭᓯᐃᐧᐣ: ᐁᑯᓯ ᒫᒪᐃᐧ ᑭ ᐃᐢᐸᑖᐊᐧᐠ ᒣᑕᐁᐧᐃᐧᑲᒥᑯᕽ, ᐁ ᑭ ᐅᑎᑎᓈᒋᐠ ᑫᔭᓴ ᒥᓇ ᐋᕒᐃᐢᑖᕒᑲᓴ, ᓈᐯᐊᐧ ᒫᓯᑖᓂᔭᐃᕽ ᐅᐦᒋ, ᐹᓬ ᐅ ᐃᐧᒉᐋᐧᑲᓇ ᐁ ᐸᐹᒧᑌᐅᐟ. 30ᐃᐢᐱ ᒫᑲ ᐹᓬ ᐁᑌᔨᑕᕽ ᑭᑕ ᐱᐦᑐᑫᐟ ᐃᑕ ᐊᔨᓯᔨᓂᐊᐧ ᐁ ᐊᔮᔨᐟ, ᑭᐢᑭᓄᐦᐊᒪᐋᐧᑲᓇ ᓇᒪᐃᐧᔭ ᑭ ᐃᔨᓇᒫᐠ. 31ᒥᓇ ᒫᑲ ᐋᑎᐦᐟ ᐁ ᑭᐦᒉᔨᑖᑯᓯᔨᐟ ᐅᑭᒫᐊᐧ ᐁᓯᔭᐃᕽ ᐁ ᐅᑐᑌᒥᒥᑯᐟ, ᑭ ᐃᓯᑎᓴᐊᒫᐠ, ᐁ ᑲᑫᐧᒋᒥᑯᐟ ᐁᑳ ᐊᔨᓵᐨ ᑭᑕ ᐃᑐᑎᐟ ᒣᑕᐁᐧᐃᐧᑲᒥᑯᕽ. 32ᐋᑎᐦᐟ ᒫᑲ ᐯᔭᑲᐧᔭᐠ ᐃᓯ ᑌᐯᐧᐊᐧᐠ, ᐋᑎᐦᐟ ᒥᓇ ᐱᑐᐢ; ᒋᑫᒫ ᑭ ᐱᑲᐧᑲᒥᑲᐣ ᒫᐋᐧᒋᐃᑐᐃᐧᐣ; ᐁᑯᓯ ᐊᐊᐧᓯᒣ ᐋᐱᑕᐤ ᓇᒪᐃᐧᔭ ᑭᐢᑫᔨᑕᒪᐧᐠ ᑫᑲᐧᐩ ᐅᐦᒋ ᑳ ᒫᐊᐧᒋᐃᑐᒋᐠ. 33ᐁᑯᓯ ᐋᓬᐃᐠᓵᐣᑕᕒᐊ ᐅᐦᐱᒣ ᑭ ᐃᑐᐦᑕᐦᐁᐊᐧᐠ ᒫᒪᐁᐧᔭᑎᓈᕽ ᐅᐦᒋ, ᒍᐊᐧᐠ ᐁ ᓂᑳᓇᔮᒋᐠ, ᐋᓬᐃᐠᓵᐣᑕᕒ ᒫᑲ ᐁ ᐊᔨᑎᓂᑫᐠ ᐅᒋᐦᒋ ᐅᐦᒋ, ᑭ ᐃᐧ ᓈᑕᒫᓱᐃᐧ ᐱᑭᐢᑳᐧᑌᐤ ᐊᔨᓯᔨᓂᐊᐧ. 34ᒫᑲ ᐃᐢᐱ ᐃᐧᔮᐸᐦᑕᑭᐠ ᐁ ᒍᐃᐧᔨᐟ, ᑲᐦᑭᔭᐤ ᑭ ᒫᒪᐃᐧ ᑌᐯᐧᐊᐧᐠ ᓈᐣᑕᐤ ᓂᓱ ᑎᐸᐃᑲᐣ ᐃᔨᑯᕽ, ᑭᐦᒑᔨᐃᐧᐤ ᑖᔮᓇ ᐃᐱᓯᔮᓇᐠ ᑳ ᐊᔮᐋᐧᒋᐠ.

35ᐃᐢᐱ ᒫᑲ ᐊᓇ ᐅᑌᓇᐃᐧᑭᒫᐤ ᑳ ᑭᐱᑌᐧᐃᐧᑕᒧᐋᐟ ᐊᔨᓯᔨᓂᐊᐧ, ᑭ ᐃᑌᐤ, ᑭᔭᐋᐧᐤ ᐁᐱᓴᐢ ᐊᔨᓯᔨᓂᑎᐠ, ᑖᓈᓇ ᐊᔨᓯᔨᓂᐤ ᐁᑳ ᑫᐢᑫᔨᑕᕽ, ᐅᒪ ᐅᑌᓇᐃᐧᐋᐧᐤ ᐃᐱᓯᔮᓇᐠ ᐁ ᑲᓇᐁᐧᔨᑕᒫᑯᐟ ᐅᐟ ᐊᔭᒥᐦᐁᐃᐧᑲᒥᐠ ᐊᓇ ᑭᐦᒋ ᑖᔮᓇ, ᒥᓇ ᐊᓇ ᓇᐢᐱᓯᒋᑲᐣ ᑳ ᑭ ᐸᐦᑭᓯᕽ ᒍᐱᑕᕒ ᐅᐦᒋ? 36ᐁ ᓄᑲᐧᕽ ᒫᑲ ᐁᑳ ᐊᐃᐧᔭᐠ ᐅᐦᐃ ᑭᑕ ᑭ ᐋᓀᐧᑕᕽ, ᑭ ᑲ ᑭᔮᒥ ᐊᔮᑖᐋᐧᐤ, ᒥᓇ ᐁᑳ ᑫᑲᐧᐩ ᑭᑕ ᓴᐢᒋᐃᐧᑖᔦᐠ. 37ᒋᑫᒫ ᑭ ᑭ ᐯ ᐃᑐᑕᐋᐋᐧᐊᐧᐠ ᐅᑭ ᓈᐯᐊᐧᐠ, ᐁᑳ ᐋᑕ ᑫᑲᐧᐩ ᐁ ᒪᐢᑲᑌᐧᒋᐠ ᐊᔭᒥᐦᐁᐃᐧᑲᒥᑯᕽ ᒥᓇ ᐁᑳ ᐁ ᒫᔨᑭᐢᐋᐧᑖᒋᐠ ᑭ ᒪᓂᑐᑲᓂᐢᑫᐧᒥᓇᐊᐧ. 38ᑭᐢᐱᐣ ᒫᑲ ᑎᒥᑕᕒᐃᔭᐢ ᒥᓇ ᐅ ᐃᐧᒋ ᐊᑐᐢᑫᒫᑲᓇ, ᓈᐣᑕᐤ ᐁᑌᔨᒫᐋᐧᑫᐧ ᐊᐃᐧᔭ ᐊᔨᓯᔨᓂᐊᐧ, ᑕᐋᐧᐊᐧ ᐅᔭᓱᐁᐧᐃᐧᑲᒥᑲᐧ, ᒥᓇ ᐃᐦᑖᐊᐧᐠ ᐅᔭᓱᐁᐧᐃᐧᑭᒫᐊᐧᐠ: ᑭᔮᒼ ᑭᑕ ᒪᒥᓯᒥᑐᐊᐧᐠ. 39ᒫᑲ ᑭᐢᐱ ᑭ ᓇᑐᓀᓈᐋᐧᐤ ᓈᐣᑕᐤ ᑯᑕᐠ ᑫᑲᐧᐩ, ᑭᑕ ᑲᐧᔭᐢᑲᐧᐢᑖᓂᐊᐧᐣ ᐁ ᒫᐊᐧᒋᐃᑐᕽ ᑲᐧᔭᐢᐠ. 40ᒋᑫᒫ ᐊᐢᑖᓯᐸᑲᐣ ᑭᑕ ᒪᒥᓯᒥᑲᐃᐧᔭᕽ ᐅᒪ ᐅᐦᒋ ᑳ ᐅᐯᐧᑲᒥᑲᕽ ᐊᓄᐦᐨ ᑳ ᑭᓯᑳᐠ, ᐃᐧᔭ ᐁᑳ ᑫᑲᐧᐩ ᐁ ᐃᐦᑕᑲᐧᕽ ᑭᑕ ᑭ ᐅᐦᒋ ᐃᓯᐦᒋᑫᕽ: ᐁᑯᓯ ᐁᐊᐧᑯ ᓇᒪᐃᐧᔭ ᑭ ᑲ ᑲᐢᑭᑖᓈᓇᐤ ᑭᑕ ᑭ ᐃᑌᐧᔭᕽ ᑫᑲᐧᐩ ᐅᐦᒋ ᐅᒪ ᑳ ᒫᐊᐧᒋᐃᑐᕽ. 41ᐃᐢᐱ ᒫᑲ ᐅᒪ ᑳ ᐃᑌᐧᐟ, ᑭ ᑳᑭᐁᐧᑎᓴᐁᐧᐤ ᐊᔨᓯᔨᓂᐊᐧ.

Currently Selected:

ᐃᓯᐦᒋᑫᐃᐧᓂᐋᐧᐊᐧ 19: KKMs

Highlight

Copy

Compare