ᓃᓵᐧᐤ ᓵᒼᔪᐃᓬ 6
6
1ᒥᓇ ᒫᑲ ᑌᐱᐟ ᑭ ᒫᐊᐧᒋᐦᐁᐤ ᑲᐦᑭᔭᐤ ᓇᐊᐧᓱ ᐃᐢᕒᐁᐃᓬ ᐊᔨᓯᔨᓂᐊᐧ, ᓂᐢᑐᒥᑕᓇᐤ ᑕᐦᑐ ᑭᐦᒋᒥᑖᐦᑐᒥᑕᓇᐤ. 2#ᐁᐠᓴᑕᐢ 25:22ᑌᐱᐟ ᒫᑲ ᑭ ᐸᓯᑯ, ᐁᑯᓯ ᑭ ᐃᐧᒉᐁᐧᐤ ᑲᐦᑭᔭᐤ ᐊᓂᐦᐃ ᐊᔨᓯᔨᓂᐊᐧ ᑳ ᑭ ᐃᐧᒉᐃᐧᑯᐟ ᐯᐊᓬᐃ ᒍᑕ ᐅᐦᒋ ᑭᑕ ᐯᑖᐟ ᐁᑯᑕ ᐅᐦᒋ ᐅ ᑭᐢᑭᓇᐋᐧᒋᐅᐃᐧᓂᐊᐧᑎᔨᐤ ᑭᓭᒪᓂᑐᐊᐧ ᐊᓂᒪ ᑳ ᐊᐢᐱ ᐃᐧᒋᑳᑌᐠ, ᐅ ᐃᐧᔪᐃᐧᐣ ᐅᑎ ᑳ ᑎᐯᔨᐦᒋᑫᐟ ᒥᓯᐁᐧ ᓯᔪᑳᑎᓯᐟ ᐊᓇ ᑳ ᐊᔮᐟ ᑕᐢᑕᐋᐧᔨᕽ ᒉᕒᐊᐱᒥᕽ. 3#1 ᓵᒼᔪᐃᓬ 7:1,2ᑭ ᑌᑕᐢᑖᐊᐧᐠ ᒫᑲ ᐅ ᑭᐢᑭᓇᐋᐧᒋᐅᐃᐧᓂᐊᐧᑎᔨᐤ ᑳ ᑎᐯᔨᐦᒋᑫᔨᐟ ᐅᐢᑭ ᑎᑎᐱᑖᐹᓇᐢᑯᕽ, ᐊᐱᓇᑖᐸ ᐅ ᐋᐧᐢᑳᐦᐃᑲᓂᔨᕽ ᑕᐦᑯᑖᒪᑎᐣ ᑳ ᐊᔮᔨᐠ ᐁ ᑭ ᐯ ᐅᐦᒋ ᐊᐧᔭᐃᐧᑕᑖᒋᐠ; ᐁᑯᓯ ᐊᓴ ᒥᓇ ᐊᐦᐋᔪ ᐅᑯᓯᓴ ᐊᐱᓇᑖᑊ ᑭ ᔭᑭᑎᓴᐁᐧᐊᐧᐠ ᐊᓂᐦᐃ ᐅᐢᑭ ᑎᑎᐱᑖᐸᓈᐢᑲᐧ. 4ᑭ ᐯ ᐊᐧᔭᐃᐧᑕᑖᐊᐧᐠ ᒫᑲ ᐅ ᐋᐧᐢᑳᐦᐃᑲᓂᔨᕽ ᐊᐱᓇᑖᐸ ᐅᐦᒋ ᐊᓂᒪ ᐊᐧᒋᕽ ᑳ ᐊᔮᔨᐠ, ᑭᑭ ᐅ ᑭᐢᑭᓇᐋᐧᒋᐅᐃᐧᓂᐊᐧᐟ ᑭᓭᒪᓂᑐ; ᐊᐦᐋᔪ ᒫᑲ ᑭ ᓂᑳᓄᑕᐋᐧᑕᒼ ᑭᐢᑭᓇᐋᐧᒋᐅᐃᐧᓂᐊᐧᐟ. 5ᐁᑯᓯ ᑌᐱᐟ ᒥᓇ ᑲᐦᑭᔭᐤ ᐅ ᐋᐧᐢᑳᐦᐃᑲᓂᕽ ᐃᐢᕒᐁᐃᓬ ᑭ ᑭᑐᐦᑖᐊᐧᐠ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ ᑲᐦᑭᔭᐤ ᓇᓈᑐᕽ ᐅᐢᑳᐦᑎᑯᐃᐧ ᑭᑐᑖᑲᓇ, ᒥᓇ ᐦᐋᕒᐸ, ᒥᓇ ᓵᓬᑕᕒᐃᔭ, ᒥᓇ ᑎᒼᐸᕒᐃᓬᐊ, ᒥᓇ ᑳᐢᑕᓀᑕ, ᒥᓇ ᓯᒼᐸᓬᐊ.
6ᐃᐢᐱ ᒫᑲ ᑌᑯᓯᑭᐠ ᐊᓂᑕ ᓀᑲᓇ ᐅ ᐸᑲᒪᐦᐃᑫᐃᐧ ᑲᒥᑯᔨᕽ, ᐊᓴ ᑭ ᐃᓯᓂᐢᑫᔨᐤ ᐅ ᑭᐢᑭᓇᐋᐧᒋᐅᐃᐧᓂᐊᑎᔨᕽ ᑳ ᑎᐯᔨᐦᒋᑫᔨᐟ, ᒥᓇ ᑭ ᐅᑎᐦᑎᓇᒼ; ᒋᑫᒫ ᒧᐢᑐᓵᐧᐠ ᑭ ᐸᑲᒥᓯᓇᐧᐠ. 7ᐁᑯᓯ ᑳ ᑎᐯᔨᐦᒋᑫᐟ ᑭ ᑭᓯᐢᑕᐁᐧᐤ ᐊᓴᐊᐧ; ᐁᑯᓯ ᑭᓭᒪᓂᑐ ᑭ ᓂᐸᐁᐤ ᐁᑯᑕ ᐅ ᐊᐧᓂᑐᑕᒧᐃᐧᓂᔨᐤ ᐅᐦᒋ; ᐁᑯᑕ ᒫᑲ ᑭ ᓂᐱᐤ ᒋᑭ ᐅ ᑭᐢᑭᓇᐋᐧᒋᐅᐃᐧᓂᐊᐧᑎᔨᐤ ᑭᓭᒪᓂᑐᐊᐧ. 8ᑌᐱᐟ ᒫᑲ ᑭ ᓇᔦᑖᐁᐧᔨᑕᒼ ᐊᓂᒪ ᑳ ᑎᐯᔨᐦᒋᑫᔨᐟ ᐁ ᑭ ᑕᐃᐧᓈᔨᐟ ᐊᓴᐊᐧ; ᐁᑯᓯ ᑭ ᐃᓯᔨᐦᑳᑕᒼ ᐁᑯᑕ, ᐱᕒᐃᐢ ᐊᓴ ᐱᔨᐢ ᐊᓄᐦᐨ ᑳ ᑭᓯᑳᐠ. 9ᑌᐱᐟ ᒫᑲ ᑭ ᑯᐢᑌᐤ ᑳ ᑎᐯᔨᐦᒋᑫᔨᐟ ᐁᐊᐧᑳᐧᓂᒪ ᐁ ᑭᓯᑳᐠ; ᐁᑯᓯ ᑭ ᐃᑌᐧᐤ, ᑖᓂᓯ ᑫ ᑭ ᐃᓯ ᐅᑎᐦᑎᑯᐊᐧᐠ ᐅ ᑭᐢᑭᓇᐋᒋᐅᐃᐧᓂᐊᐧᐟ ᑳ ᑎᐯᔨᐦᒋᑫᐟ? 10ᐁᑯᓯ ᒫᑲ ᑌᐱᐟ ᓇᒪᐃᐧᔭ ᐃᐧ ᐃᑐᑕᑖᐤ ᐅ ᑭᐢᑭᓇᐋᐧᒋᐅᐃᐧᓂᐊᐧᑎᔨᐤ ᑳ ᑎᐯᔨᐦᒋᑫᔨᐟ ᐃᑕ ᐁ ᐊᔮᐟ ᐅᐟ ᐅᑌᓈᕽ ᑌᐱᐟ; ᒫᑲ ᑌᐱᐟ ᐅᐦᐱᒣ ᑭ ᐃᑐᑕᑖᐤ ᐅ ᐋᐧᐢᑳᐦᐃᑲᓂᔨᕽ ᐅᐱᐟᐃᑕᒼ ᐊᓇ ᑭᑕᐃᐟ. 11#1 ᐊᑭᓀ ᐋᒋᒧᐃᐧᓇ 26:4,5ᐁᑯᓯ ᐅ ᑭᐢᑭᓇᐋᐧᒋᐅᐃᐧᓂᐊᐧᐟ ᑳ ᑎᐯᔨᐦᒋᑫᐟ ᑭ ᐊᔮᔨᐤ ᐅ ᐋᐧᐢᑳᐦᐃᑲᓂᕽ ᐅᐱᐟᐃᑕᒼ ᐊᓇ ᑭᑕᐃᐟ ᓂᐢᑐ ᐱᓯᒼ; ᑳ ᑎᐯᔨᐦᒋᑫᐟ ᒫᑲ ᑭ ᓴᐁᐧᔨᒣᐤ ᐅᐱᐟᐃᑕᒪ ᒥᓇ ᑲᐦᑭᔭᐤ ᐅ ᐋᐧᐢᑳᐦᐃᑲᓂᔨᕽ.
12ᑭ ᐃᐧᐦᑕᒪᐋᐧᐤ ᒫᑲ ᑭᐦᒋ ᐅᑭᒫᐤ ᑌᐱᐟ, ᐁ ᐃᑌᐧᕽ, ᑳ ᑎᐯᔨᐦᒋᑫᐟ ᑭ ᓴᐁᐧᔨᑕᒣᐧᐤ ᐅ ᐋᐧᐢᑳᐦᐃᑲᓂᔨᐤ ᐅᐱᐟᐃᑕᒪ, ᒥᓇ ᑲᐦᑭᔭᐤ ᑳ ᐊᔮᔨᐟ, ᐊᓂᒪ ᐅᐦᒋ ᐅ ᑭᐢᑭᓇᐊᐧᒋᐅᐃᐧᓂᐊᐧᐟ ᑭᓭᒪᓂᑐ. ᐁᑯᓯ ᒫᑲ ᑌᐱᐟ ᑭ ᐃᑐᐦᑌᐤ ᒥᓇ ᑭ ᐯᑖᐤ ᐅ ᑭᐢᑭᓇᐊᐧᒋᐅᐃᐧᓂᐊᐧᑎᔨᐤ ᑭᓭᒪᓂᑐᐊᐧ ᐅ ᐋᐧᐢᑳᐦᐃᑲᓂᔨᕽ ᐅᐱᐟᐃᑕᒪ ᐁ ᐃᑐᑕᑖᐟ ᐅᐟ ᐅᑌᓈᕽ ᑌᐱᐟ ᒪᒪᐦᑖᑯᓯᐃᐧᓂᕽ. 13ᑭ ᐊᔨᐢᐸᔨᐤ ᒫᑲ, ᐃᐢᐱ ᐊᓂᑭ ᑳ ᐱᒥᐃᐧᑖᒋᐠ ᐅ ᑭᐢᑭᓇᐋᐧᒋᐅᐃᐧᓂᐊᐧᑎᔨᐤ ᑳ ᑎᐯᔨᐦᒋᑫᔨᐟ ᓂᑯᑖᐧᓯᐠ ᐅᑕᐊᒣᐃᐧᓇ ᑳ ᐃᑐᐦᑌᔨᐟ, ᑭ ᐸᑭᑎᓈᓱ ᔮᐯᒧᐢᑐᓴᐧ ᒥᓇ ᑖᒋᐳᐋᑲᓇ. 14ᑌᐱᐟ ᒫᑲ ᑭ ᓂᒥᐃᑐ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ ᒥᑐᓂ ᐁ ᐃᓯ ᑲᐢᑭᑖᐟ; ᑌᐱᐟ ᒫᑲ ᑭ ᐸᑲᐧᑌᐦᐅᑐᑕᒼ ᐋᐧᐱᐢᑫᑭᓄᐃᐧ ᐁᐦᐸᐟ. 15ᐁᑯᓯ ᒫᑲ ᑌᐱᐟ ᒥᓇ ᑲᐦᑭᔭᐤ ᐅ ᐋᐧᐢᑳᐦᐃᑲᓂᕽ ᐃᐢᕒᐁᐃᓬ ᑭ ᐯᑖᐊᐧᐠ ᐅ ᑭᐢᑭᓇᐋᐧᒋᐅᐃᐧᓂᐊᐧᑎᔨᐤ ᑳ ᑎᐯᔨᐦᒋᑫᔨᐟ ᐁ ᑖᑌᐯᐧᒋᐠ ᒥᓇ ᐁ ᑭᑐᑖᒋᐠ ᐱᐱᑲᐧᐣ. 16ᑭ ᐃᐢᐸᔨᐤ ᒫᑲ ᐊᓂᒪ ᐅ ᑭᐢᑭᓇᐋᒋᐅᐃᐧᓂᐋᐧᐟ ᑳ ᑎᐯᔨᐦᒋᑫᐟ ᐁ ᐯ ᐱᐦᑐᑫᒪᑲᕽ ᐅᐟ ᐅᑌᓈᕽ ᑌᐱᐟ, ᒪᐃᑲᓬ ᐅᑖᓂᓴ ᓵᓬ ᑭ ᐸᐢᐹᐱᐤ ᐋᐧᓭᓇᒫᐃᐧᓂᕽ ᐅᐦᒋ, ᐁᑯᓯ ᑭ ᐋᐧᐸᒣᐤ ᑭᐦᒋ ᐅᑭᒫᐊᐧ ᑌᐱᑕ ᐁ ᑳᐧᐢᑳᐧᐢᑫᐧᐸᔨᐅᔨᐟ ᒥᓇ ᐁ ᓂᒥᐃᑐᔨᐟ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ; ᐁᑯᓯ ᑭ ᒪᒉᔨᒣᐤ ᐅ ᑌᐦᐃᕽ.
17ᑭ ᐱᑐᑲᑖᐊᐧᐠ ᒫᑲ ᐅ ᑭᐢᑭᓇᐋᐧᒋᐅᐃᐧᓂᐊᐧᑎᔨᐤ ᑳ ᑎᐯᔨᐦᒋᑫᔨᐟ ᐁᑯᓯ ᑭ ᐊᔭᐢᑕᐊᐧᐠ ᐃᑕ ᑭᑕ ᐊᐢᑌᐠ, ᑖᐊᐧᔨᕽ ᒥᑭᐋᐧᐱᕽ ᑌᐱᐟ ᑳ ᑭ ᒋᒪᑖᐟ ᐃᑕ ᑭᑕ ᐊᔮᐠ; ᐁᑯᓯ ᑌᐱᐟ ᑭ ᐸᑭᑎᓇᒼ ᒪᒍᐢᑌᐦᐊᒫᑫᐃᐧᓇ ᒥᓇ ᐯᔭᐦᑕᑫᔨᒧᐃᐧ ᐸᑭᑎᓈᓱᐃᐧᓇ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ. 18ᐃᐢᐱ ᒫᑲ ᑌᐱᐟ ᑳ ᐳᓂ ᐸᑭᑎᓇᕽ ᒪᒍᐢᑌᐦᐊᒫᑫᐃᐧᓇ ᒥᓇ ᐯᔭᐦᑕᑫᔨᒧᐃᐧ ᐸᑭᑎᓈᓱᐃᐧᓇ, ᑭ ᒥᔭᐧᑭᒣᐤ ᐊᔨᓯᔨᓂᐊᐧ ᐅ ᐃᐧᔪᐃᐧᓂᔨᕽ ᑳ ᑎᐯᔨᐦᒋᑫᔨᐟ ᒥᓯᐁᐧ ᓯᔪᑳᑎᓯᔨᐟ. 19#1 ᐊᑭᓀ ᐋᒋᒧᐃᐧᓇ 16:43ᑭ ᒫᑎᓇᒪᐁᐧᐤ ᒫᑲ ᐊᔨᓯᔨᓂᐊᐧ, ᑲᐦᑭᔭᐤ ᐅᑎ ᐁ ᒫᒪᐁᐧᔭᑎᔨᐟ ᐃᐢᕒᐁᐃᓬ, ᓈᐯᐊᐧ ᒥᓇ ᐃᐢᑫᐧᐊᐧ, ᑲᐦᑭᔭᐤ ᐊᐃᐧᔭᐠ ᐹᐯᔭᐠ ᐊᔭᑯᓈᐊᐧ, ᒥᓇ ᐃᐧᔮᐢ, ᒥᓇ ᐱᑎᑯᓂᑲᐣ ᓱᒥᓂᓴ. ᐁᑯᓯ ᑲᐦᑭᔭᐤ ᐊᔨᓯᔨᓂᐊᐧᐠ ᑭ ᑭᐁᐧᐊᐧᐠ ᐃᐧᑭᐋᐧᕽ.
20ᐁᑲᐧ ᑌᐱᐟ ᑭ ᐯ ᑭᐁᐧᐤ ᑭᑕ ᓴᐁᐧᔨᒫᐟ ᐃᐧᑭᕽ ᑳ ᐊᔮᔨᐟ. ᒪᐃᑲᓬᐊ ᒫᑲ ᐅᑖᓂᓴ ᓵᓬ ᑭ ᐯ ᓇᑕᐃᐧ ᓇᑭᐢᑳᐠ ᑌᐱᐟ, ᐁᑯᓯ ᑭ ᐃᑎᐠ, ᑖᐯᐧ ᐃᓴ ᑭ ᑭᐦᒋᓈᑯᓯᐤ ᐃᐢᕒᐁᐃᓬ ᑭᐦᒋ ᐅᑭᒫᐤ ᐊᓄᐦᐨ ᑳ ᑭᓯᑳᐠ, ᐁ ᑭ ᒧᓭᓂᓱᐟ ᐊᓄᐦᐨ ᑳ ᑭᓯᑳᐠ ᐁ ᐋᐧᐸᒥᑯᔨᐟ ᐅᐟ ᐊᑐᐢᑫᔮᑲᓂᐢᑫᐧᒥᔨᐊᐧ ᐅᐟ ᐊᑐᐢᑫᔮᑲᓇ, ᑖᐱᐢᑯᐨ ᐯᔭᐠ ᒪᒋᔨᓂᐢ ᓇᓀᐯᐋᐧᑳᐨ ᑳ ᐃᓯ ᒧᓭᓂᓱᐟ! 21ᑌᐱᐟ ᒫᑲ ᑭ ᐃᑌᐤ ᒪᐃᑲᓬᐊ, ᑳ ᑎᐯᔨᐦᒋᑫᐟ ᐁ ᐅᐦᑎᐢᑲᐃᐧᐢᑲᐠ ᐊᓇ ᑳ ᑭ ᓇᐊᐧᓱᓂᐟ ᓇᐊᐧᐨ ᓂᔭ ᐃᔨᑯᕽ ᑯᑖᐃᐧᔭ ᒥᓇ ᐃᔨᑯᕽ ᑲᐦᑭᔭᐤ ᐅ ᐋᐧᐢᑳᐦᐃᑲᓂᔨᕽ, ᐁ ᐅᔭᑭᒥᐟ ᑭᑕ ᑭᐦᒋ ᐅᑭᒫᑲᑖᒪᐠ ᐅᐟ ᐊᔨᓯᔨᓂᒪ ᑳ ᑎᐯᔨᐦᒋᑫᐟ, ᐊᓂᐦᐃ ᐃᐢᕒᐁᐃᓬ; ᐁᐊᐧᑯ ᐅᐦᒋ ᓂ ᑲ ᒥᔮᐋᐧᑌᐣ ᐅᐦᑎᐢᑲᐤ ᑲ ᑎᐯᔨᐦᒋᑫᐟ. 22ᑫᔮᐱᐨ ᒫᑲ ᓇᐊᐧᐨ ᓂ ᑲ ᒪᒉᔨᑖᑯᓯᐣ ᐃᔨᑯᕽ ᐅᒪ, ᒥᓇ ᓂ ᑲ ᐊᐧᐸᒥᓱᐣ ᐁ ᒪᒉᔨᑖᑯᓯᔮᐣ; ᒫᑲ ᐊᓂᑭ ᐊᑐᐢᑫᔮᑲᓂᐢᑫᐧᐊᐧᐠ ᑳ ᑭ ᒥᐢᑯᒥᒋᐠ ᐁᐊᐧᑯᓂᐠ ᓂ ᑲ ᑭᐢᑌᔨᒥᑲᐧᐠ. 23ᐁᑯᓯ ᒪᐃᑲᓬ ᓵᓬ ᐅᑖᓂᓴ ᓇᒪᐋᐧᐨ ᐅᐦᒋ ᐅᐟ ᐊᐋᐧᓯᒥᓯᐤ ᐱᔨᐢ ᑭᓯᑳᐤ ᑳ ᐳᓂ ᐱᒫᑎᓯᐟ.
Currently Selected:
ᓃᓵᐧᐤ ᓵᒼᔪᐃᓬ 6: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
