ᓃᓵᐧᐤ ᓵᒼᔪᐃᓬ 16
16
1 #
2 ᓵᒼᔪᐃᓬ 9:9,10 ᐃᐢᐱ ᒫᑲ ᑌᐱᐟ ᐊᐱᓯᐢ ᐁᑎ ᒪᔮᐢᑲᕽ ᐁ ᑕᐦᑯᑖᒪᑎᓈᐠ, ᐳᑎ ᓯᐸ ᐅᐟ ᐊᑐᐢᑫᔮᑲᓇ ᒣᐦᐱᐳᓭᐦᐟ ᑭ ᓇᑭᐢᑳᐠ, ᓂᓱ ᓱᓱᒥᐢᑕᑎᒪᐧ ᐁ ᐊᐢᐸᐱᐃᐧᓂᑲᑖᓱᔨᐟ, ᐁᑯᓯ ᐁ ᓇᔭᒋᐠ ᓂᓵᐧᐤ ᒥᑖᐦᑐᒥᑕᓇᐤ ᐸᐦᑫᐧᓯᑲᓇ, ᒥᓇ ᒥᑖᐦᑐᒥᑕᓇᐤ ᐁ ᐊᓴᒧᔨᐟ ᓱᒥᓂᓴ, ᒥᓇ ᒥᑖᐦᑐᒥᑕᓇᐤ ᓂᐱᓂᒥᓂᓴ, ᒥᓇ ᐯᔭᐠ ᐊᓯᐊᐧᒋᑲᐣ ᓱᒥᓈᐳ. 2ᑭᐦᒋ ᐅᑭᒫᐤ ᒫᑲ ᑭ ᐃᑌᐤ ᓯᐸᐊᐧ, ᑖᓂᓯ ᐅᐦᐃ ᐁᑖᐧᑕᒪᐣ? ᓯᐸ ᒫᑲ ᑭ ᐃᑌᐧᐤ, ᓱᓱᒥᐢᑕᑎᒪᐧᐠ ᐁᐊᐧᑯᓂ ᑭᑕ ᑌᐦᑕᐱᔨᐟ ᑭᐦᒋ ᐅᑭᒫᐤ ᐃᐧᑭᕽ ᑳ ᐊᔮᔨᐟ; ᐁᑯᓯ ᐸᐦᑫᐧᓯᑲᐣ ᒥᓇ ᓂᐱᓂᒥᓂᓴ ᐅᐢᑭᓂᑭᐊᐧᐠ ᑭᑕ ᒥᒋᒋᐠ; ᒥᓇ ᐊᓂᒪ ᓱᒥᓈᐳ ᐊᓂᑭ ᑫ ᓄᑌᓯᓄᐋᐧᑫᐧ ᐱᑲᐧᑕᐢᑭᕽ ᑭᑕ ᒥᓂᐦᑫᐧᒋᐠ. 3#2 ᓵᒼᔪᐃᓬ 19:25-27ᑭᐦᒋ ᐅᑭᒫᐤ ᒫᑲ ᑭ ᐃᑌᐧᐤ, ᑖᓂᑌ ᒫᑲ ᑭᐟ ᐅᑭᒫᒼ ᐅᑯᓯᓴ? ᐁᑯᓯ ᓯᐸ ᑭ ᐃᑌᐤ ᑭᐦᒋ ᐅᑭᒫᐊᐧ, ᒫᑎᑲ, ᐊᔮᐤ ᒉᕒᐅᓴᓬᐊᒥᕽ, ᒋᑫᒫ ᑭ ᐃᑌᐧᐤ, ᐊᓄᐦᐨ ᑳ ᑭᓯᑳᐠ ᐃᐢᕒᐁᐃᓬ ᐅ ᐋᐧᐢᑳᐦᐃᑲᐣ ᑳᐃᐧ ᓂ ᑲ ᒥᔨᑲᐧᐠ ᓄᑖᐃᐧᔭ ᐅ ᑭᐦᒋ ᐅᑭᒫᐃᐧᐃᐧᓂᔨᐤ. 4ᐁᑲᐧ ᑭᐦᒋ ᐅᑭᒫᐤ ᑭ ᐃᑌᐤ ᓯᐸᐊᐧ, ᒫᑎᑲ, ᑲᐦᑭᔭᐤ ᑭᔭ ᑯᑕᔮᓂᐣ ᑳ ᑭ ᐊᔮᐟ ᒣᐦᐱᐳᓭᐦᐟ. ᓯᐸ ᒫᑲ ᑭ ᐃᑌᐧᐤ, ᑭᐟ ᐊᑕᒥᐢᑳᑎᐣ; ᑭᔮᒼ ᓂ ᑲ ᒥᐢᑫᐣ ᑭᑕ ᐃᓯ ᒥᔪ ᑲᓇᐋᐧᐸᒥᔭᐣ, ᓂᐟ ᐅᑭᒫᒼ ᑭᐦᒋᐅᑭᒪᐤ.
5ᐃᐢᐱ ᒫᑲ ᑭᐦᒋ ᐅᑭᒫᐤ ᑌᐱᐟ ᐁᑎ ᐅᑎᑕᕽ ᐹᐦᐊᕒᐃᒼ, ᐳᑎ ᐁᑯᑕ ᑭ ᐯ ᐅᐦᒋ ᐊᐧᔭᐃᐧᐤ ᐯᔭᐠ ᓈᐯᐤ ᐁ ᐋᐧᑯᑕᕽ ᐅ ᐋᐧᐢᑳᐦᐃᑲᐣ ᓵᓬ, ᓯᒥᐊᐩ ᐁ ᐃᓯᔨᐦᑳᓱᐟ, ᐅᑯᓯᓴ ᑭᕒᐊ; ᑭ ᐯ ᐊᐧᔭᐃᐧᐤ, ᐁᑯᓯ ᑭ ᒪᒋᐃᑌᐧᐤ ᑫᔮᐱᐨ ᐁ ᐯ ᐃᑐᐦᑌᐟ. 6ᐁᑯᓯ ᑭ ᐹᐱᒧᓯᓈᑌᐤ ᑌᐱᑕ, ᒥᓇ ᑲᐦᑭᔭᐤ ᐅᐟ ᐊᑐᐢᑫᔮᑲᓂᔨᐊᐧ ᑭᐦᒋ ᐅᑭᒫᐊᐧ ᑌᐱᑕ; ᒥᓇ ᑲᐦᑭᔭᐤ ᐊᔨᓯᔨᓂᐊᐧ ᒥᓇ ᑲᐦᑭᔭᐤ ᐅᑭᐦᒋᐦᑖᐊᐧ ᐅᑭᐦᒋᓂᐢᑭᔨᕽ ᐃᑌᐦᑫ ᑳ ᐊᔮᔨᐟ ᒥᓇ ᐅ ᓇᒪᑎᓂᔨᕽ ᑳ ᐊᔮᔨᐟ. 7ᐅᒥᓯ ᒫᑲ ᑭ ᐃᑌᐧᐤ ᓯᒥᐊᐩ ᐁ ᒪᒪᒋᐃᑌᐧᐟ, ᐊᐊᐧᓯᑌ, ᐊᐊᐧᓯᑌ, ᑭᔭ ᒥᐦᑯᐃᐧᔨᓂᐤ, ᑭᔭ ᐱᓬᐃᔭᓬᐃᐃᐧᔨᓂᐤ; 8ᑳ ᑎᐯᔨᐦᒋᑫᐟ ᑭ ᑭ ᑭᐁᐧᓇᒫᐠ ᑲᐦᑭᔭᐤ ᐅ ᒥᐦᑯ ᐅ ᐋᐧᐢᑳᐦᐃᑲᓂᕽ ᓵᓬ, ᑳ ᒥᐢᑯᑎᐢᑲᒪᐊᐧᐟ ᐁ ᑭᐦᒋ ᐅᑭᒫᐃᐧᔭᐣ; ᑳ ᑎᐯᔨᐦᒋᑫᐟ ᒫᑲ ᑭ ᐸᑭᑎᓇᒼ ᑭᐦᒋ ᐅᑭᒫᐃᐧᐃᐧᐣ ᐅᒋᐦᒋᔨᕽ ᐋᑊᓴᓬᐊᒼ ᑭᑯᓯᓴ; ᐁᑯᓯ ᒫᑎᑲ, ᑯᑎᓂᑲᐃᐧᐣ ᑭᔭ ᑭ ᓂᓯᐊᐧᓈᒋᒋᑫᐃᐧᓂᕽ, ᐊᔨᐢ ᑭ ᒥᐦᑯᐃᐧᐊᔨᓯᔨᓂᐃᐧᐣ.
9ᐁᑲᐧ ᒫᑲ ᐋᐱᓵᐩ ᐅᑯᓯᓴ ᓯᕒᔪᐋᔭ ᑭ ᐃᑌᐤ ᑭᐦᒋ ᐅᑭᒫᐊᐧ, ᑖᓀᐦᑭ ᐊᐊᐧ ᐅᓂᐳᐊᐧᑎᒼ ᑳ ᐃᔨᓇᒫᐦᐟ ᑭᑕ ᒫᒪᒋᐃᑖᐟ ᓂᐟ ᐅᑭᒫᒪ ᑭᐦᒋ ᐅᑭᒫᐊᐧ? ᑭᔮᒼ ᓂ ᑲ ᐋᓱᐃᐧ ᐃᑐᐦᑖᐣ ᑭ ᐸᑯᓭᔨᒥᑎᐣ ᑭᑕ ᑭᐢᑭᑫᐧᑕᐊᐧᐠ. 10ᑭᐦᒋ ᐅᑭᒫᐤ ᒫᑲ ᑭ ᐃᑌᐧᐤ, ᑖᓂᓯ ᑫ ᐃᑖᐸᒋᐃᑕᑯᐠ, ᑭᔭᐋᐧᐤ ᐅᑯᓯᓴ ᓯᕒᔪᐋᔭ? ᐊᔨᐢ ᒫᒪᒋᐃᑌᐧᐤ, ᒥᓇ ᐊᔨᐢ ᑳ ᑎᐯᔨᐦᒋᑫᔨᐟ ᑭ ᐃᑎᐠ ᑭ ᑲ ᒫᒪᒋᐃᑖᐤ ᑌᐱᐟ; ᐊᐁᐧᓇ ᒫᑲ ᑫ ᑭ ᐃᑌᐧᐟ, ᑖᓀᐦᑭ ᐅᒪ ᑳ ᐃᑐᑕᒪᐣ? 11ᑌᐱᐟ ᒫᑲ ᑭ ᐃᑌᐤ ᐋᐱᓵᔭ, ᒥᓇ ᑲᐦᑭᔭᐤ ᐅᐟ ᐊᑐᐢᑫᔮᑲᓇ, ᒫᑎᑲ, ᓂᑯᓯᐢ, ᓂᔭᐃᐧᕽ ᑳ ᐅᐦᒋᐟ, ᓇᑐᓇᒼ ᓂ ᐱᒫᑎᓯᐃᐧᐣ; ᐋᐧᐃᐧᐢ ᒫᑲ ᐁᑲᐧ ᐊᐊᐧ ᐯᐣᒋᒪᐃᐟ? ᐁᑳ ᑐᑖᕽ, ᑭᔮᒼ ᑭᑕ ᒫᒪᒋᐃᑌᐧᐤ; ᒋᑫᒫ ᑳ ᑎᐯᔨᐦᒋᑫᔨᐟ ᑭ ᓯᑭᒥᐠ. 12ᑭᑕ ᐃᐦᑭᐣ ᐁᑐᑫ ᑳ ᑎᐯᔨᐦᒋᑫᐟ ᑭᑕ ᑲᓇᐋᐧᐸᐦᑕᕽ ᑳ ᒫᔨᑐᑖᑲᐃᐧᔮᐣ, ᒥᓇ ᑳ ᑎᐯᔨᐦᒋᑫᐟ ᒥᐢᑯᐨ ᐁ ᒥᔮᐧᓯᓂᔨᐠ ᑭᑕ ᒥᔨᐟ ᐅᒪ ᑳ ᐃᓯ ᒫᒪᒋᐃᑎᑲᐃᐧᔮᐣ ᐊᓄᐦᐨ ᑳ ᑭᓯᑳᐠ. 13ᐁᑯᓯ ᒫᑲ ᑌᐱᐟ ᒥᓇ ᐅᐢᑭᓂᑭᒪ ᑭ ᐊᑎ ᐱᒧᐦᑌᐊᐧᐠ ᒣᐢᑲᓈᕽ; ᒥᓇ ᓯᒥᐊᐩ ᑭ ᐊᑎ ᐅᐦᐱᒣᐢᑲᐁᐧᐤ ᐃᔨᐯᔮᒪᑎᓈᕽ ᒥᓇ ᑭ ᒫᒪᒋᐃᑌᐤ ᐁ ᐊᑎ ᐱᒧᐦᑌᐟ ᒥᓇ ᑭ ᐸᐱᒫᐧᐱᐢᑲᐁᐧᐤ, ᒥᓇ ᐊᓯᐢᑭ ᑭ ᐱᒧᓯᓈᑌᐤ. 14ᑭᐦᒋ ᐅᑭᒫᐤ ᒫᑲ ᒥᓇ ᑲᐦᑭᔭᐤ ᐊᔨᓯᔨᓂᐊᐧ ᑳ ᐃᐧᒉᐃᐧᑯᐟ ᑭ ᐊᑎ ᓀᐢᑐᑌᐊᐧᐠ; ᐁᑯᓯ ᐁᑯᑕ ᑭ ᐊᔦᐧᐱᐤ.
15ᐁᑯᓯ ᐋᑊᓴᓬᐊᒼ ᒥᓇ ᑲᐦᑭᔭᐤ ᐃᐢᕒᐁᐃᓬ ᐊᔨᓯᔨᓂᐊᐧᐠ ᑭ ᑕᑯᓯᓇᐧᐠ ᒉᕒᐅᓴᓬᐊᒥᕽ, ᐊᐦᐃᑕᐯᓬ ᒫᑲ ᑭ ᐃᐧᒉᐁᐧᐤ. 16ᑭ ᐊᔨᑭᐣ ᒫᑲ, ᐃᐢᐱ ᐦᔪᓵᐩ ᐊᓇ ᐋᕒᑲᐃᐟ ᑌᐱᐟ ᐅᑐᑌᒪ, ᐱᔦᓈᑖᐟ ᐋᑊᓴᓬᐊᒪ, ᐦᔪᓵᐩ ᑭ ᐃᑌᐤ ᐋᑊᓴᓬᐊᒪ, ᑭᑕ ᐃᐧ ᐱᒫᑎᓯᐤ ᑭᐦᒋ ᐅᑭᒫᐤ, ᑭᑕ ᐃᐧ ᐱᒫᑎᓯᐤ ᑭᐦᒋ ᐅᑭᒫᐤ. 17ᐋᑊᓴᓬᐊᒼ ᒫᑲ ᑭ ᐃᑌᐤ ᐦᔪᓵᔭ, ᐁᑯᓯ ᒋ ᐅᒪ ᐁᓯ ᑭᑎᒫᑫᔨᒪᐟ ᑭᑐᑌᒼ? ᑖᓀᐦᑭ ᐁᑳ ᑳ ᐃᐧᒉᐊᐟ ᑭᑐᑌᒼ? 18ᐦᔪᓵᐩ ᒫᑲ ᑭ ᐃᑌᐤ ᐋᑊᓴᓬᐊᒪ, ᓇᒪᐃᐧᔭ; ᒫᑲ ᐊᓂᐦᐃ ᑳ ᑎᐯᔨᐦᒋᑫᐟ ᒥᓇ ᐅᑭ ᐊᔨᓯᔨᓂᐊᐧᐠ, ᒥᓇ ᑲᐦᑭᔭᐤ ᐃᐢᕒᐁᐃᓬ ᐊᔨᓯᔨᓂᐊᐧᐠ ᑳ ᑭ ᓇᐊᐧᓱᓈᒋᐠ, ᐁᐊᐧᑯ ᑫ ᑎᐯᔨᒥᐟ ᒥᓇ ᐁᐊᐧᑯ ᑫ ᐃᐧᒋᐊᔮᒪᐠ. 19ᒥᓇ ᒫᑲ, ᐊᐁᐧᓇ ᐁᑕᐢᑌᐠ ᑭᑕ ᐊᑐᐢᑲᐊᐧᐠ? ᓇᒪ ᒋ ᐃᑕᐢᑌᐤ ᑭᑕ ᐊᑐᐢᑫᐊᐧᐠ ᐁ ᐋᐧᐸᒥᔨᐟ ᐅᑯᓯᓴ? ᑳ ᑭ ᐊᑐᐢᑫᔮᐣ ᑯᑖᐃᐧ ᐁ ᐋᐧᐸᒥᐟ, ᐁᑯᓯ ᑫ ᐃᓯ ᐊᔮᔮᐣ ᑭᔭ ᐁ ᑲᓇᐋᐧᐸᒥᔭᐣ.
20ᐁᑲᐧ ᐋᑊᓴᓬᐊᒼ ᑭ ᐃᑌᐤ ᐊᐦᐃᑕᐯᓬᐊ, ᐅᔭᓱᐁᐧ ᐊᓂᒪ ᑫ ᐃᑐᑕᒪᕽ. 21ᐊᐦᐃᑕᐯᓬ ᒫᑲ ᑭ ᐃᑌᐤ ᐋᑊᓴᓬᐊᒪ, ᐱᑐᑲᐃᐧᐠ ᑯᑖᐃᐧ ᐅ ᑲᓇᐃᐧᐢᑫᐧᐋᐧᓇ, ᑳ ᑭ ᓇᑲᑖᐟ ᑭᑕ ᑲᓇᐁᐧᔨᑕᒥᔨᐟ ᐋᐧᐢᑳᐦᐃᑲᐣ; ᑲᐦᑭᔭᐤ ᒫᑲ ᐃᐢᕒᐁᐃᓬ ᑭᑕ ᐯᐦᑕᒪᐧᐠ ᐁ ᐸᑳᐧᑎᐢᐠ ᑯᑖᐃᐧ; ᐁᑲᐧ ᒫᑲ ᑫ ᓱᑭᓂᐢᑫᒋᐠ ᑲᐦᑭᔭᐤ ᐊᓂᑭ ᑳ ᐃᐧᒉᐃᐧᐢᑭᐠ. 22#2 ᓵᒼᔪᐃᓬ 12:11,12ᐁᑯᓯ ᒫᑲ ᑭ ᒫᓄᑲᐁᐧᐊᐧᐠ ᐋᑊᓴᓬᐊᒪ ᑕᐦᑯᒋ ᐋᐧᐢᑳᐦᐃᑲᓂᕽ; ᐋᑊᓴᓬᐊᒼ ᒫᑲ ᑭ ᐱᑐᑲᐁᐧᐤ ᐅᑖᐃᐧᔭ ᐅ ᑲᓇᐃᐧᐢᑫᐧᐋᐧᓂᔨᐊᐧ ᐁ ᐋᐧᐸᒥᑯᐟ ᑲᐦᑭᔭᐤ ᐃᐢᕒᐁᐃᓬᐊ. 23ᐅᐟ ᐃᑕᓱᐁᐧᐃᐧᐣ ᒫᑲ ᐊᐦᐃᑖᐯᓬ ᑳ ᐊᔨᑕᓱᐁᐧᐟ ᐁᑯᐢᐱ ᐁ ᑲᑭᓯᑳᐠ, ᑭ ᐃᑌᔨᐦᒋᑳᑌᐤ ᑖᐱᐢᑯᐨ ᐊᐃᐧᔭᐠ ᐁ ᑲᑫᐧᒋᒫᐟ ᑭᓭᒪᓂᑐᐊᐧ; ᐁᑯᓯ ᑭ ᐃᑌᔨᑖᑲᐧᓂᔨᐤ ᑲᐦᑭᔭᐤ ᐅᐟ ᐃᑕᓱᐁᐧᐃᐧᐣ ᐊᐦᐃᑕᐯᓬ, ᑌᐱᑕ ᐁ ᐃᐧᒉᐋᐧᐟ ᒥᓇ ᐋᑊᓴᓬᐊᒪ ᐁ ᐃᐧᒉᐋᐧᐟ.
Currently Selected:
ᓃᓵᐧᐤ ᓵᒼᔪᐃᓬ 16: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
