ᓂᐢᑕᒼ ᓵᒼᔪᐃᓬ 5
5
1ᐱᓬᐃᐢᑎᓇᐠ ᒫᑲ ᑭᐦ ᐅᑎᓇᒪᐧᐠ ᐊᓂᒪ ᐅ ᑭᐢᑭᓇᐋᐧᒋᐅᐃᐧᓂᐊᐧᑎᔨᐤ ᑭᓭᒪᓂᑐᐊᐧ, ᒥᓇ ᑭ ᐃᑐᐦᑕᑖᐊᐧᐠ ᐋᐢᑖᑎᕽ, ᐁᐱᓂᓴᕒᐃᕽ ᐁ ᑭ ᐅᐦᒋ ᐅᑎᓇᐦᑭᐠ. 2ᐃᐢᐱ ᒫᑲ ᑳᐦ ᐅᑎᓇᐦᑭᐠ ᐱᓬᐃᐢᑎᓇᐠ ᐅ ᑭᐢᑭᓇᐊᐧᒋᐅᐃᐧᓂᐊᐧᑎᔨᐤ ᑭᓭᒪᓂᑐᐊᐧ, ᑭ ᐱᑐᑲᑖᐊᐧᐠ ᐅ ᐋᐧᐢᑳᐦᐃᑲᓂᔨᕽ ᑌᑲᓇ, ᐁᑯᓯ ᒋᑭ ᑌᑲᓇ ᑭ ᐊᐢᑖᐊᐧᐠ.
3ᐃᐢᐱ ᒫᑲ ᐊᓂᑭ ᐋᐢᑖᑎᕽ ᑳ ᐊᔮᒋᐠ ᐁᐧᓂᐢᑳᒋᐠ ᐃᐧᐸᐨ ᑫᑭᓭᐹ ᐃᐧᔮᐸᓂᔨᐠ, ᐳᑎ, ᑌᑲᐣ ᑭ ᐊᒋᒋ ᐸᐦᑭᓯᐣ ᒧᐦᒋᕽ ᒋᑭ ᐅ ᑭᐢᑭᓇᐋᐧᒋᐅᐃᐧᓂᐊᐧᑎᔨᐤ ᑳ ᑎᐯᔨᐦᒋᑫᔨᐟ. ᐁᑯᓯ ᑭ ᐅᑎᓀᐊᐧᐠ ᑌᑲᓇ ᑳᐃᐧ ᑲᐧᔭᐢᐠ ᐁ ᑭ ᐊᐦᔮᒋᐠ. 4ᐃᐢᐱ ᒫᑲ ᐁᐧᓂᐢᑳᒋᐠ ᐃᐧᐸᐨ ᑫᑭᓭᐹ ᐃᐧᔮᐸᓂᔨᐠ, ᐳᑎ, ᑌᑲᐣ ᑭᐦ ᐊᒋᒋ ᐸᐦᑭᓯᐣ ᒧᐦᒋᕽ ᒋᑭ ᐅ ᑭᐢᑭᓇᐋᐧᒋᐅᐃᐧᓂᐊᐧᑎᔨᐤ ᑳ ᑎᐯᔨᐦᒋᑫᔨᐟ; ᐁᑯᓯ ᐅᐢᑎᑲᐧᐣ ᑌᑲᐣ ᒥᓇ ᐅᒋᐦᒋᔭ ᑭ ᑲᐢᑲᒋᑎᓂᔨᐊᐧ ᐁᑯᑕ ᐱᐦᒋᐢᑳᐧᑌᒥᕽ; ᐱᑯ ᐅ ᐃᐧᔭᐃᐧᑳᐣ ᑌᑲᐣ ᑭ ᐃᐢᑯ ᑲᐦᑭᓯᐤ. 5ᐁᐊᐧᑯ ᐅᐦᒋ ᐅᐟ ᐊᔭᒥᐦᐁᐃᐧᔨᓂᒪ ᑌᑲᐣ, ᒥᓇ ᑕᐦᑐ ᑳ ᐱᐦᑐᑫᔨᐟ ᐅ ᐋᐧᐢᑳᐦᐃᑲᓂᕽ, ᓇᒪᐃᐧᔭ ᑕᐦᑯᐢᑳᑕᒪᐧᐠ ᐁᑯᑕ ᐊᓂᒪ ᐅ ᐱᐦᒋᐢᑳᐧᑌᒼ ᑌᑲᐣ ᐊᓂᑕ ᐋᐢᑖᑎᕽ ᐱᔨᐢ ᐊᓄᐦᐨ ᑳ ᑭᓯᑳᐠ. 6ᒫᑲ ᐅᒋᐦᒋ ᑳ ᑎᐯᔨᐦᒋᑫᐟ ᑭ ᑯᓯᑯᐹᑕᑯᐢᑳᑲᐧᐠ ᐊᓂᑭ ᑳ ᐊᔮᒋᐠ ᐋᐢᑖᑎᕽ, ᐁᑯᓯ ᑭ ᓂᓯᐊᐧᓈᒋᐃᑲᐧᐠ, ᒥᓇ ᐱᑯᐸᔨᐃᐧᓇ ᑭ ᐃᑖᐢᐱᓇᑎᑲᐧᐠ, ᐊᐢᑖᑎᕽ ᐅᑎ ᒥᓇ ᐁᑯᑕ ᐋᐧᓴᑳᒼ. 7ᐃᐢᐱ ᒫᑲ ᐊᓂᑭ ᐊᔨᓯᔨᓂᐊᐧᐠ ᐋᐢᑖᑎᕽ ᐃᐧᔮᐸᐦᑕᑭᐠ ᐅᒪ ᐁ ᐃᓯ ᐊᔮᒋᐠ, ᑭ ᐃᑌᐧᐊᐧᐠ, ᐅ ᑭᐢᑭᓇᐋᐧᒋᐅᐃᐧᓂᐊᐧᐟ ᐅ ᑭᓭᒪᓂᑐᒪ ᐃᐢᕒᐁᐃᓬ ᓇᒪᐃᐧᔭ ᑭ ᑲ ᐃᐧᒋ ᐊᔮᒥᑯᓈᓇᐤ; ᒋᑫᒫ ᐅᒋᐦᒋ ᑭ ᐃᐧᓴᑲᐅᑯᐋᐧᓇᐤ, ᒥᓇ ᐁᑯᓯ ᐃᐧᐢᑕ ᑌᑲᐣ ᑭ ᒪᓂᑐᒥᓇᐤ. 8ᑭ ᐃᓯᑎᓴᐦᐅᐁᐧᐊᐧᐠ ᒫᑲ, ᒥᓇ ᑭ ᒫᒪᐃᐧ ᓇᑐᒣᐊᐧᐠ ᑲᐦᑭᔭᐤ ᐅᐟ ᐅᑭᒫᒥᐋᐧᐊᐧ ᐱᓬᐃᐢᑎᓇᐠ ᐃᑕ ᐁ ᐊᔮᒋᐠ, ᐁᑯᓯ ᑭ ᐃᑌᐧᐊᐧᐠ, ᑖᓂᓯ ᑫ ᑐᑕᒫᐧᔭᕽ ᐅ ᑭᐢᑭᓇᐋᐧᒋᐅᐃᐧᓂᐊᐧᑎᔨᐤ ᐅ ᑭᓭᒪᓂᑐᒪ ᐃᐢᕒᐁᐃᓬ? ᑭ ᓇᐢᑫᐧᐊᐧᓯᒥᑲᐧᐠ ᒫᑲ, ᑭᔮᒼ ᐅ ᑭᐢᑭᓇᐋᐧᒋᐅᐃᐧᓂᐊᐧᑎᔨᐤ ᐅ ᑭᓭᒪᓂᑐᒪ ᐃᐢᕒᐁᐃᓬ ᑭᑕ ᐃᑐᐦᑕᑖᓂᐊᐧᐣ ᑳᐦᑎᕽ, ᐁᑯᓯ ᑖᐯᐧ ᑭ ᐃᑐᐦᑕᑖᐊᐧᐠ ᐅ ᑭᐢᑭᓇᐋᐧᒋᐅᐃᐧᓂᐊᐧᑎᔨᐤ ᑳ ᑎᐯᔨᐦᒋᑫᔨᐟ ᐁᑯᑕ. 9ᑭᐦ ᐊᔨᐦᑭᐣ ᒫᑲ ᐃᐢᐱ ᐁᑯᑌ ᑲᐦ ᐃᑐᐦᑕᑖᒋᐠ, ᐅᒋᐦᒋ ᑳ ᑎᐯᔨᐦᒋᑫᐟ ᑭ ᑭᐦᒋ ᓂᓯᐊᐧᓈᒋᐃᑲᐧᐠ ᐁᑯᑕ ᐅᑌᓈᕽ: ᐁᑯᓯ ᑭ ᑯᑕᑭᐦᐃᑲᐧᐠ ᐊᔨᓯᔨᓂᐊᐧᐠ ᐁᑯᑕ ᐅᑌᓈᕽ, ᑳ ᐊᐱᐢᑌᔨᑖᑯᓯᒋᐠ ᒥᓇ ᑳ ᑭᐢᑌᔨᑖᑯᓯᒋᐠ, ᐱᑯᐸᔨᐃᐧᓇ ᑭ ᐊᔮᐊᐧᐠ.
10ᐁᐊᐧᑫᐧᔨᐤ ᐅᐦᒋ ᑭ ᐃᑎᓴᐊᒣᐧᐊᐧᐠ ᐅ ᑭᐢᑭᓇᐋᒋᐅᐃᐧᓂᐊᐧᑎᔨᐤ ᑭᓭᒪᓂᑐᐊᐧ ᐁᑲᕒᐊᓂᕽ. ᑭ ᐊᔨᐦᑭᐣ ᒫᑲ, ᐃᐢᐱ ᐅ ᑭᐢᑭᓇᐋᐧᒋᐅᐃᐧᓂᐊᐧᑎᔨᐤ ᑭᓭᒪᓂᑐᐊᐧ ᑌᑯᐦᑕᑕᕽ ᐁᑲᕒᐊᓂᕽ, ᐊᓂᑭ ᐁᑲᕒᐊᓂᐃᐧᔨᓂᐊᐧᐠ ᑭ ᒪᐃᐧᒧᑫᐊᐧᐠ, ᐁ ᐃᑌᐧᒋᐠ, ᑭ ᑭ ᐯ ᐃᑐᐦᑕᒫᑯᓇᐊᐧᐠ ᐅ ᑭᐢᑭᓇᐋᐧᒋᐅᐃᐧᓂᐊᐧᑎᔨᐤ ᐅ ᑭᓭᒪᓂᑐᒪ ᐃᐢᕒᐁᐃᓬ, ᑭᑕ ᓂᐸᐦᐃᑯᔭᕽ ᒥᓇ ᑭᒋᔨᓂᓇᐊᐧ. 11ᐁᑯᓯ ᑭ ᐃᑎᓴᐅᐁᐧᐊᐧᐠ ᐁ ᑭ ᒫᒪᐃᐧ ᓇᑐᒫᒋᐠ ᑲᐦᑭᔭᐤ ᐅᑭᒫᒥᐋᐧᐊᐧ ᐱᓬᐃᐢᑎᓇᐠ, ᑭ ᐃᑌᐧᐊᐧᐠ ᒫᑲ, ᓯᐯᐧᑎᓴᐦᐊᒫᐧᕽ ᐅ ᑭᐢᑭᓇᐋᐧᒋᐅᐃᐧᓂᐊᐧᐟ ᐅ ᑭᓭᒪᓂᑐᒪ ᐃᐢᕒᐁᐃᓬ, ᑭᔮᒼ ᑭᑕ ᑭᐁᐧᒪᑲᐣ ᐃᑕ ᑳ ᑭ ᐊᔮᐠ, ᐁᑳ ᑭᑕ ᓂᐸᐦᐃᑯᔭᕽ, ᑭᑭ ᑭᒋᔨᓂᓇᐊᐧ: ᒋᑫᒫ ᒥᓯᐁᐧ ᐅᑌᓈᕽ ᑭ ᓂᐸᐦᐃ ᓂᓯᐊᐧᓈᑎᓯᓈᓂᐊᐧᐣ; ᑭ ᑯᓯᑯ ᐹᐦᑕᑯᓂᑲᐧᐠ ᑭᓭᒪᓂᑐᐊᐧ ᐁᑯᑕ. 12ᐊᓂᑭ ᒫᑲ ᐊᔨᓯᔨᓂᐊᐧᐠ ᐁᑳ ᐁ ᓂᐱᒋᐠ ᐱᑯᐸᔨᐋᐧᐢᐱᓀᐃᐧᐣ ᑭ ᐊᔮᐊᐧᐠ: ᐁᑯᓯ ᑭᐦᒋ ᑭᓯᑯᕽ ᑭ ᐃᓯ ᑌᐱᐦᑖᑲᐧᐣ ᐁ ᒪᐃᐧᒧᑫᒋᐠ ᐁᐊᐧᑳᐧᓂᒪ ᐅᑌᓈᕽ.
Currently Selected:
ᓂᐢᑕᒼ ᓵᒼᔪᐃᓬ 5: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
