ᓂᐢᑕᒼ ᓵᒼᔪᐃᓬ 31
31
1ᐱᓬᐃᐢᑎᓇᐠ ᒫᑲ ᑭ ᓄᑎᓀᐊᐧᐠ ᐃᐢᕒᐁᐃᓬᐊ; ᐁᑯᓯ ᐃᐢᕒᐁᐃᓬ ᐊᔨᓯᔨᓂᐊᐧᐠ ᑭ ᑕᐸᓯᐋᐧᒧᑳᑎᑲᐧᐠ ᐱᓬᐃᐢᑎᓇ ᒥᓇ ᑭ ᐸᐦᑭᓯᓇᐧᐠ ᐁ ᓂᐸᐃᐦᒋᐠ ᑭᓬᐳᐊ ᐊᐧᒋᕽ. 2ᐊᓂᑭ ᒫᑲ ᐱᓬᐃᐢᑎᓇᐠ ᓱᐦᑭ ᑭ ᐱᒥᑎᓴᐁᐧᐊᐧᐠ ᓵᓬᐊ ᒥᓇ ᐅᑯᓯᓯᔨᐊᐧ; ᐱᓬᐃᐢᑎᓇᐠ ᒫᑲ ᑭ ᓂᐸᐁᐊᐧᐠ ᒑᓇᐦᑕᓇ, ᒥᓇ ᐊᐱᓇᑖᐸ, ᒥᓇ ᒫᓬᑲᐃᓱᐊ, ᐅᑯᓯᓴ ᓵᓬ. 3ᐁᑯᓯ ᓄᑎᓂᑐᐃᐧᐣ ᑭ ᐊᐦᑯ ᐱᒥᑎᓴᐦᐅᐠ ᓵᓬ, ᐅᐱᒧᑕᑫᐧᐊᐧ ᒫᑲ ᑭ ᒥᐢᑳᐠ; ᑭ ᐃᐧᓴᑭᒥᓵᐧᑲᓂᑳᑎᐠ ᒫᑲ ᐅᐱᒧᑕᑫᐧᐊᐧ. 4ᐁᑲᐧ ᓵᓬ ᑭ ᐃᑌᐤ ᐊᓂᐦᐃ ᑳ ᐱᒥᐃᐧᑖᔨᐟ ᐅᐟ ᐊᓱᐃᐧᓇ, ᐅᑎᑎᓇ ᑭᐟ ᐃᓴᐁᐧᑯᒫᐣ ᒥᓇ ᓵᐳ ᑕᐦᑲᒥᐣ ᐁᐊᐧᑯ ᐅᐦᒋ; ᐁᑳ ᐊᓂᑭ ᐁᑳ ᑳ ᓴᕒᑲᒼᓴᐃᓯᐃᐧᒋᐠ ᑭᑕ ᐯ ᓵᐳ ᑕᐦᑲᒥᒋᐠ ᒥᓇ ᑭᑕ ᒣᑕᐊᐧᑳᓯᒋᐠ. ᒫᑲ ᑳ ᐱᒥᐃᐧᑖᔨᐟ ᐅᐟ ᐊᓱᐃᐧᓇ ᓇᒪᐃᐧᔭ ᐃᐧ ᐃᑐᑕᒥᔨᐊᐧ; ᐊᔨᐢ ᒥᐢᑕᐦᐃ ᑭ ᓭᑭᓯᔨᐊᐧ. ᐁᑯᓯ ᒫᑲ ᓵᓬ ᑭ ᐅᑎᑎᓇᒼ ᐃᐧᔭ ᐅᐟ ᐃᓴᐁᐧᑯᒫᐣ ᒥᓇ ᑭ ᑕᐦᑲᒥᓱ. 5ᐃᐢᐱ ᒫᑲ ᐊᓂᐦᐃ ᑳ ᐱᒥᐃᐧᑖᔨᐟ ᐅᐟ ᐊᓱᐃᐧᓇ ᐃᐧᔮᐸᐦᑕᒥᔨᐟ ᓵᓬ ᐁ ᓂᐱᐟ, ᑭ ᑕᐦᑲᒥᓱ ᐃᐧᐢᑕ ᐁᑯᓯ ᑭ ᑭᑭ ᓂᐱᐤ. 6ᐁᑯᓯ ᒫᑲ ᓵᓬ ᑭ ᓂᐱᐤ ᒥᓇ ᐁ ᓂᐢᑎᔨᐟ ᐅᑯᓯᓴ, ᒥᓇ ᑳ ᐱᒥᐃᐧᑖᔨᐟ ᐅᐟ ᐊᓱᐃᐧᓇ, ᒥᓇ ᑲᐦᑭᔭᐤ ᐅᐢᑭᓂᑭᒪ, ᐁᐊᐧᑳᐧᓂᒪ ᐁ ᑭᓯᑳᐠ ᒫᒪᐃᐧ.
7ᐃᐢᐱ ᒫᑲ ᐊᓂᑭ ᐃᐢᕒᐁᐃᓬ ᐊᔨᓯᔨᓂᐊᐧᐠ ᐊᑳᒫᔨᕽ ᐋᐧᔮᒪᑎᓈᕽ ᑳ ᐊᔮᒋᐠ, ᒥᓇ ᐊᓂᑭ ᐊᑳᒥᕽ ᒑᕒᑕᐣ ᑳ ᐊᔮᒋᐠ, ᐃᐧᔮᐸᐦᑕᑭᐠ ᐃᐢᕒᐁᐃᓬ ᐊᔨᓯᔨᓂᐊᐧ ᐁ ᑕᐸᓯᔨᐟ, ᒥᓇ ᓵᓬ ᐊᓯᒋ ᐅᑯᓯᓴ ᐁ ᓂᐱᔨᐟ, ᑭ ᓇᑲᑕᒪᐧᐠ ᐅᑌᓇᐊᐧ ᒥᓇ ᑭ ᑕᐸᓯᐊᐧᐠ; ᐁᑯᓯ ᐱᓬᐃᐢᑎᓇᐠ ᑭ ᐯ ᓇᑕᐃᐧ ᐊᐱᐢᑕᒪᐧᐠ.
8ᑭ ᐊᔨᑭᐣ ᒫᑲ ᐃᐧᔮᐸᓂᔨᐠ, ᐃᐢᐱ ᐱᓬᐃᐢᑎᓇᐠ ᐱᔦ ᓇᑕᐃᐧ ᒧᓭᐢᑲᑌᓈᒋᐠ ᐅᓂᐱᐊᐧ, ᑭ ᒥᐢᑲᐁᐧᐊᐧᐠ ᓵᓬ ᒥᓇ ᓂᐢᑐ ᐅᑯᓯᓴ ᐁ ᐸᐦᑭᓯᓂᔨᐟ ᑭᓬᐳᐊ ᐊᐧᒋᕽ. 9ᑭ ᑭᐢᑭᑫᐧᑕᐁᐧᐊᐧᐠ ᒫᑲ, ᒥᓇ ᑭ ᑫᒋᑯᓇᒣᐧᐊᐧᐠ ᐅ ᓄᑎᓂᑫᐊᐧᓵᑳᔨᐤ, ᒥᓇ ᑭ ᐃᓯᑎᓴᐦᐊᒪᐧᐠ ᐅᐟ ᐊᐢᑭᔨᕽ ᐱᓬᐃᐢᑎᓇ ᐋᐧᓵᑳᒼ, ᑭᑕ ᐃᑐᑕᑖᒋᐠ ᐋᒋᒧᐃᐧᐣ ᐅ ᐋᐧᐢᑳᐦᐃᑲᓂᔨᕽ ᐅ ᒪᓂᑐᒥᐋᐧᐊᐧ, ᐊᔨᓯᔨᓂᐊᐧ ᑭᑕ ᑭᐢᑫᔨᑕᒥᔨᐟ. 10ᑭ ᐊᐢᑖᐊᐧᐠ ᒫᑲ ᐅ ᓄᑎᓂᑫᐊᐧᓵᑳᔨᐤ ᐅ ᐋᐧᐢᑳᐦᐃᑲᓂᔨᕽ ᐋᐢᑕᕒᐋᐦᐟ; ᑭ ᒥᒋᒥᑕᑲᐊᒣᐧᐊᐧᐠ ᒫᑲ ᐃᐧᔭᐃᐧᔨᐤ ᐁ ᐋᐧᐢᑳᐦᐃᑳᑌᐠ ᐯᐦᐟᓵᐣ.
11ᐃᐢᐱ ᒫᑲ ᑳ ᐅᐟ ᐃᐦᑖᐃᐧᓂᒋᐠ ᒉᐱᐢᑭᓬᐃᔭᐟ ᐱᔦᐦᑕᐦᑭᐠ ᐱᓬᐃᐢᑎᓇ ᑳ ᑭ ᑐᑕᐋᐧᔨᐟ ᓵᓬᐊ, 12ᑲᐦᑭᔭᐤ ᐅᑭᐦᒋᐦᑖᐊᐧᐠ ᑭ ᐸᓯᑯᐊᐧᐠ ᐁᑯᓯ ᑲᐯᑎᐱᐢᐠ ᑭ ᐱᒧᐦᑌᐊᐧᐠ, ᑭ ᐅᑎᓇᒣᐧᐊᐧᐠ ᒫᑲ ᐃᐧᔭᐃᐧᔨᐤ ᓵᓬ ᒥᓇ ᐃᐧᔭᐃᐧᔨᐊᐧ ᐅᑯᓯᓴ ᐁ ᐋᐧᐢᑳᐦᐃᑳᑌᐠ ᐯᐦᐟᓵᐣ ᐅᐦᒋ; ᑭ ᐯ ᑕᑯᓯᓇᐧᐠ ᒫᑲ ᐊᓂᑕ ᒉᐱᐢ, ᐁᑯᓯ ᐁᑯᑕ ᐃᐢᑳᐧᓴᒪᐧᐠ. 13ᑭ ᐅᑎᓇᒪᐧᐠ ᒫᑲ ᐅᐢᑲᓂᔨᐊᐧ, ᒥᓇ ᑭ ᓇᐃᓇᒪᐧᐠ ᓯᐹᔮᑎᐠ ᑖᒪᕒᐃᐢᑳᐧᑌᑯᕽ ᒉᐱᓯᕽ ᐁᑯᓯ ᑭ ᐃᔨᐊᐧᓂᓯᐃᓱᐊᐧᐠ ᑌᐸᑯᑊ ᑭᓯᑳᐊᐧ.
Currently Selected:
ᓂᐢᑕᒼ ᓵᒼᔪᐃᓬ 31: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
