ᓂᐢᑕᒼ ᓵᒼᔪᐃᓬ 26
26
1 #
ᓂᑲᒧᓇ 54
ᐊᓂᑭ ᒫᑲ ᓯᐦᐸᐃᑕᐠ ᑭ ᐯ ᓈᑌᐊᐧᐠ ᓵᓬᐊ ᑭᐱᔭᐃᕽ, ᐁ ᐃᑖᒋᐠ, ᓇᒪ ᒋ ᑌᐱᐟ ᑳᓱ ᐦᐋᑭᓬᐊ ᐊᐧᒋᕽ, ᑎᐱᐢᑯᐨ ᐱᑲᐧᑕᐢᑭᕽ ᑳ ᐊᔮᐠ? 2ᐁᑲᐧ ᒫᑲ ᓵᓬ ᑭ ᐸᓯᑯ, ᑭ ᐃᑐᐦᑌᐤ ᓯᐦᑊ ᐱᑲᐧᑕᐢᑭᕽ, ᐁ ᐊᔮᐋᐧᐟ ᓂᐢᑖᐤ ᑭᐦᒋᒥᑖᐦᑐᒥᑕᓇᐤ ᓇᐊᐧᓱ ᐃᐢᕒᐁᐃᓬ ᓈᐯᐊᐧ, ᑭᑕ ᓇᑐᓇᐋᐧᐟ ᑌᐱᑕ ᓯᐦᑊ ᐱᑲᐧᑕᐢᑭᕽ. 3ᓵᓬ ᒫᑲ ᑭ ᑲᐯᓯᐤ ᐦᐋᑭᓬᐊ ᐊᐧᒋᕽ, ᐁᐊᐧᑯ ᑎᐱᐢᑯᐨ ᐱᑲᐧᑕᐢᑭᕽ ᑳ ᐊᔮᐠ ᒋᑭ ᒣᐢᑲᓈᕽ. ᒫᑲ ᑌᐱᐟ ᑭ ᐊᔮᐤ ᐱᑲᐧᑕᐢᑭᕽ, ᐁᑯᓯ ᐋᐧᐸᐦᑕᒼ ᓵᓬᐊ ᐁ ᐯ ᓄᓱᓀᐅᑯᐟ ᐱᑲᐧᑕᐢᑭᕽ. 4ᑌᐱᐟ ᒫᑲ ᑭ ᓯᐯᐧᑎᓴᐁᐧᐤ ᐅᓇᑕᐋᐧᑖᐊᐧ, ᐁᑯᓯ ᑫᐦᒋᓈ ᑭᐢᑫᔨᑕᒼ ᓵᓬᐊ ᐁ ᐯ ᐃᑐᐦᑌᔨᐟ.
5ᑌᐱᐟ ᒫᑲ ᑭ ᐸᓯᑯ, ᐁᑯᓯ ᑭ ᐯ ᐃᑐᐦᑌᐤ ᐃᑕ ᓵᓬ ᑳ ᑭ ᑲᐯᓯᔨᐟ; ᐁᑯᓯ ᑌᐱᐟ ᐋᐧᐸᐦᑕᒼ ᐃᑕ ᓵᓬᐊ ᐁ ᐱᒥᓯᓂᔨᐟ, ᒥᓇ ᐋᑊᓇᕒ ᐅᑯᓯᓴ ᓇᕒ, ᐅ ᓯᒫᑲᓂᓯᐃᐧᑭᒫᒪ; ᓵᓬ ᒫᑲ ᑭ ᐱᒥᓯᐣ ᐱᐦᒑᔨᕽ ᐃᑕ ᐁ ᐊᐱᔨᐠ ᑎᑎᐱᑖᐸᓈᐢᑲᐧ, ᒥᓇ ᐊᔨᓯᔨᓂᐊᐧ ᐋᐧᐢᑳ ᑭ ᑲᐯᓯᔨᐊᐧ ᐃᑕ ᐁ ᐊᔮᐟ. 6ᑭ ᓇᐢᑫᐧᐊᐧᓯᒥᐁᐧᐤ ᒫᑲ ᑌᐱᐟ ᐅᒥᓯ ᐁ ᑭ ᐃᑖᐟ ᐊᐦᐃᒥᓬᐃᐠ ᐊᓇ ᐦᐃᑕᐃᐟ, ᒥᓇ ᐋᐱᓵᐩ ᐅᑯᓯᓴ ᓯᕒᔪᐋᔭ, ᐅᒋᐋᐧᒪ ᒍᐋᑊ, ᐁ ᐃᑌᐧᐟ, ᐊᐁᐧᓇ ᑫ ᐃᐧᒉᐃᐧᐟ ᑭᑕ ᓈᑕᐠ ᓵᓬ ᑲᐯᓯᐃᐧᓂᕽ? ᐋᐱᓵᐩ ᒫᑲ ᑭ ᐃᑌᐧᐤ, ᓂᔭ ᑭ ᑲ ᐃᐧᒉᑎᐣ. 7ᐁᑯᓯ ᑌᐱᐟ ᒥᓇ ᐋᐱᓵᐩ ᑭ ᐅᑐᑌᐊᐧᐠ ᐊᔨᓯᔨᓂᐊᐧ ᓂᐸᑎᐱᐢᐠ; ᐁᑯᓯ ᐳᑎ ᓵᓬ ᑭ ᐱᒥᓯᐣ ᐁ ᓂᐹᐟ ᐱᐦᒑᔨᕽ ᐃᑕ ᐁ ᐊᐱᒋᐠ ᑎᑎᐱᑖᐹᓈᐢᑲᐧᐠ, ᐅ ᑕᐦᑲᒋᑲᐣ ᐁ ᒋᐸᒋᑎᓂᔨᐠ ᐊᓯᐢᑭ ᐅᐢᑎᑳᐧᓂᕽ; ᐁᑯᓯ ᐋᑊᓇᕒ ᒥᓇ ᐊᔨᓯᔨᓂᐊᐧ ᐋᐧᐢᑳ ᑭ ᐱᒥᓯᓂᔨᐊᐧ. 8ᐁᑲᐧ ᐋᐱᓵᐩ ᑭ ᐃᑌᐤ ᑌᐱᑕ, ᑭᓭᒪᓂᑐ ᑭ ᐸᑭᑎᓀᐤ ᑭᒋᐦᒋᕽ ᐊᓇ ᑳ ᐸᑳᐧᑎᐢᐠ ᐊᓄᐦᐨ ᑳ ᑭᓯᑳᐠ: ᐁᑲᐧ ᒫᑲ ᑭᔮᒼ ᓂ ᑲ ᐸᑲᒪᐋᐧᐤ, ᑭ ᐸᑯᓭᔨᒥᑎᐣ ᑕᐦᑲᒋᑲᐣ ᐅᐦᒋ ᐊᓯᐢᑭᕽ, ᐯᔭᑳᐧᐤ ᐁ ᑕᐦᑲᒪᐠ, ᓇᒪᐃᐧᔭ ᑭᐦᑖᐧᒼ ᓂ ᑲ ᑕᐦᑲᒫᐤ. 9ᑌᐱᐟ ᒫᑲ ᑭ ᐃᑌᐤ ᐋᐱᓵᔭ, ᐁᑳᐃᐧᔭ ᓂᓯᐊᐧᓈᒋ; ᒋᑫᒫ ᐊᐁᐧᓇ ᑫ ᑭ ᓱᐃᐧᓂᐢᑫᔨᐢᑕᐋᐧᔨᐟ ᑳ ᑎᐯᔨᐦᒋᑫᐟ ᐅ ᑐᒥᓈᑲᓇ ᐁᑳ ᒫᑲ ᑭᑕ ᐊᑖᒣᔨᑖᑯᓯᐟ? 10ᑌᐱᐟ ᒥᓇ ᑭ ᐃᑌᐧᐤ, ᐁ ᐱᒫᑎᓯᐟ ᑳ ᑎᐯᔨᐦᒋᑫᐟ, ᑳ ᑎᐯᔨᐦᒋᑫᔨᐟ ᑭᑕ ᐸᑲᒪᐅᐠ; ᓂᑯᑖᐧ ᐅ ᑭᓯᑳᒼ ᑭᑕ ᐅᑎᐦᒋᐸᔨᔨᐤ ᑭᑕ ᓂᐱᐟ; ᐊᐦᐳ ᑭᑕ ᐃᑐᐦᑌᐤ ᓄᑎᓂᑐᐃᐧᓂᕽ ᐁᑯᓯ ᑭᑕ ᓂᓯᐊᐧᓈᑎᓯᐤ. 11#1 ᓵᒼᔪᐃᓬ 24:6ᑳ ᑎᐯᔨᐦᒋᑫᐟ ᓂ ᑲ ᐃᐧ ᑭᐱᐦᑎᓂᐠ ᑭᑕ ᓱᐃᐧᓂᐢᑫᔨᐢᑖᒫᐠ ᑳ ᑎᐯᔨᐦᒋᑫᐟ ᐅ ᑐᒥᓈᑲᓇ; ᒫᑲ ᐁᑲᐧ ᐅᑎᓇ ᑭ ᐸᑯᓭᔨᒥᑎᐣ ᐊᓂᒪ ᑕᐦᑲᒋᑲᐣ ᐅᐢᑎᑳᐧᓂᕽ ᑳ ᐊᔮᔨᐠ ᒥᓇ ᓂᐱ ᐊᓯᐊᐧᒋᑲᐣ ᐁᑯᓯ ᓯᐯᐧᑌᑖᐠ. 12ᐁᑯᓯ ᑌᐱᐟ ᑭ ᐃᑎᓇᒼ ᑕᐦᑲᒋᑲᐣ ᒥᓇ ᓂᐱ ᐊᓯᐊᐧᒋᑲᐣ ᓵᓬ ᐅᐢᑎᑳᐧᓇᔨᕽ ᐅᐦᒋ; ᑭ ᓯᐯᐧᑌᐊᐧᐠ ᒫᑲ, ᐁᑯᓯ ᓇᒪ ᐊᐃᐧᔭ ᐋᐧᐸᐦᑕᒥᔨᐊᐧ, ᐊᐦᐳ ᓇᒪᐃᐧᔭ ᑭᐢᑫᔨᑕᒥᔨᐊᐧ; ᒋᑫᒫ ᑲᐦᑭᔭᐤ ᑭ ᓂᐹᐊᐧᐠ; ᐊᔨᐢ ᐁ ᐳᓵᑳᐧᒥᐃᑯᒋᐠ ᑳ ᑎᐯᔨᐦᒋᑫᔨᐟ ᑭ ᐅᑎᐦᑎᑲᐧᐠ.
13ᐁᑲᐧ ᑌᐱᐟ ᐋᓱᐋᐧᒪᑎᓇᕽ ᑭ ᐃᑐᐦᑌᐤ, ᑭ ᓂᐸᐃᐧᐤ ᒫᑲ ᑕᐦᑯᑖᒪᑎᐣ ᐋᔭᐤ; ᒥᐢᑕᐦᐃ ᐁ ᑕᐋᐧᐠ ᑕᐢᑕᐋᐧᔨᕽ. 14ᑌᐱᐟ ᒫᑲ ᑭ ᑌᐹᐧᑌᐤ ᐊᔨᓯᔨᓂᐊᐧ ᒥᓇ ᐋᑊᓇᕒᐊ ᐅᑯᓯᓴ ᓇᕒ, ᐁ ᐃᑖᐟ, ᓇᒪ ᒋ ᑭ ᓇᐢᑫᐧᐊᐧᓯᒥᐣ ᐋᑊᓇᕒ? ᐋᑊᓇᕒ ᒫᑲ ᑭ ᓇᐢᑫᐧᐊᐧᓯᒥᐠ ᐁ ᐃᑌᐧᔨᐟ, ᐊᐁᐧᓇ ᑭᔭ ᑳ ᑌᐹᐧᑕᐟ ᑭᐦᒋ ᐅᑭᒫᐤ? 15ᑌᐱᐟ ᒫᑲ ᑭ ᐃᑌᐤ ᐋᑊᓇᕒᐊ, ᓇᒪ ᒋ ᑭᔭ ᓇᑐᐸᔨᐃᐧᔨᓂᐤ? ᒥᓇ ᐊᐁᐧᓇ ᑫ ᑭ ᑎᐱᐃᐢᐠ ᐃᐢᕒᐁᐃᓬᐃᕽ? ᑖᓀᐦᑭ ᒫᑲ ᐁᑳ ᑳ ᑲᓇᐁᐧᔨᒪᐟ ᑭᐟ ᐅᑭᒫᒼ ᑭᐦᒋ ᐅᑭᒫᐤ? ᒋᑫᒫ ᑭ ᐯ ᐃᑐᐦᑌᐤ ᐯᔭᐠ ᐊᔨᓯᔨᓂᐤ ᑭᑕ ᓂᓯᐊᐧᓈᒋᐦᐋᐟ ᑭᐦᒋ ᐅᑭᒫᐊᐧ ᑭᐟ ᐅᑭᒫᒪ. 16ᓇᒪᐃᐧᔭ ᒥᔮᐧᓯᐣ ᐅᒪ ᑳ ᑐᑕᒪᐣ. ᐁ ᐱᒫᑎᓯᐟ ᑳ ᑎᐯᔨᐦᒋᑫᐟ ᑭ ᑲᐢᑭᑕᒪᓱᓈᐋᐧᐤ ᑭᑕ ᓂᐱᔦᐠ, ᒋᑫᒫ ᓇᒪᐃᐧᔭ ᑭ ᑲᓇᐁᐧᔨᒫᐋᐧᐤ ᑭᐟ ᐅᑭᒪᒥᐋᐧᐤ, ᑳ ᑎᐯᔨᐦᒋᑫᐟ ᐅ ᑐᒥᓈᑲᓇ. ᐁᑲᐧ ᒫᑲ ᐋᐧᐸᐦᑕᒧᐠ, ᐃᑕ ᐁᔮᔨᐠ ᐅ ᑕᐦᑲᒋᑲᐣ ᑭᐦᒋ ᐅᑭᒫᐤ, ᒥᓇ ᓂᐱ ᐊᓯᐊᐧᒋᑲᐣ ᐅᐢᑎᑳᐧᓂᕽ ᑳ ᑭ ᐊᔮᔨᐠ.
17ᓵᓬ ᒫᑲ ᑭ ᓂᓯᑕᐁᐧᔨᒣᐤ ᑌᐱᑕ ᐁ ᐃᑎᑖᑯᓯᔨᐟ, ᐁᑯᓯ ᑭ ᐃᑌᐧᐤ, ᑭᔭ ᒋ ᑭᐟ ᐃᑌᐧᐃᐧᐣ ᓂᑯᓯᐢ ᑌᐱᐟ? ᑌᐱᐟ ᒫᑲ ᑭ ᐃᑌᐧᐤ, ᓂᔭ ᓂᐟ ᐅᑭᒫᒼ ᑭᐦᒋ ᐅᑭᒫᐤ. 18ᑭ ᐃᑌᐧᐤ ᒫᑲ, ᑫᑲᐧᐩ ᐅᐦᒋ ᓂᐟ ᐅᑭᒫᒼ ᐅᒥᓯ ᑳ ᐃᓯ ᐱᒥᑎᓴᐋᐧᐟ ᐅᐟ ᐊᑐᐢᑫᔮᑲᓇ? ᑫᑲᐧᐩ ᑲᐦ ᑐᑕᒫᐣ? ᐊᐦᐳ ᑫᑲᐧᐩ ᒪᒑᔨᐃᐧᐣ ᓂᒋᐦᒋᕽ ᐁᔮᐠ? 19ᐁᑲᐧ ᒫᑲ ᑭ ᐸᑯᓭᔨᒥᑎᐣ ᑭᔮᒼ ᓂᐟ ᐅᑭᒫᒼ ᑭᐦᒋ ᐅᑭᒫᐤ ᑭᑕ ᓇᑐᐦᑕᒼ ᐅᐟ ᐃᑌᐧᐃᐧᓂᔨᐤ ᐅᐟ ᐊᑐᐢᑫᔮᑲᓇ. ᑭᐢᐱᐣ ᑳ ᑎᐯᔨᐦᒋᑫᐟ ᑳ ᓯᑭᐢᑳᐢᐠ ᑭᑕ ᒪᐃᐧᓀᐅᔭᐣ, ᑭᔮᒼ ᑭᑕ ᐅᑎᓇᒼ ᐸᑭᑎᓈᓱᐃᐧᐣ; ᒫᑲ ᑭᐢᐱᐣ ᐊᔨᓯᔨᓂᐊᐧᐠ ᐅᐟ ᐊᐋᐧᓯᒥᓯᐋᐧᐊᐧ ᐁᐧᐦᒋᒪᑲᓄᑫ, ᑭᑕ ᓈᓂᐳᒫᐊᐧᐠ ᐅᐦᑎᐢᑲᐤ ᑳ ᑎᐯᔨᐦᒋᑫᐟ; ᒋᑫᒫ ᓂ ᑭ ᐊᐧᔭᐃᐧᑎᓴᐅᑲᐧᐠ ᐊᓄᐦᐨ ᑳ ᑭᓯᑳᐠ ᐁᑳ ᑭᑕ ᐃᐧᒋᐦᐃᐁᐧᔮᐣ ᐅ ᑎᐯᔨᒋᑲᓂᕽ ᑳ ᑎᐯᔨᐦᒋᑫᐟ, ᐁ ᐃᑌᐧᒋᐠ, ᓇᑕᐃᐧ ᐊᑐᐢᑲᐃᐧᐠ ᑯᑕᑲᐠ ᒪᓂᑐᐊᐧᐠ. 20ᐁᑲᐧ ᒫᑲ ᐁᑳᐃᐧᔮ ᓂ ᒥᐦᑯ ᑭᑕ ᐸᐦᑭᑎᐣ ᐊᐢᑭᕽ ᐃᑕ ᐁᑳ ᐁ ᓄᑯᓯᐟ ᑳ ᑎᐯᔨᐦᒋᑫᐟ; ᒋᑫᒫ ᐃᐢᕒᐁᐃᓬ ᑭᐦᒋ ᐅᑭᒫᐤ ᐯ ᓇᑕᐃᐧ ᓇᓈᑐᓇᐁᐧᐤ ᒪᓂᒍᓴ, ᑖᐱᐢᑯᐨ ᐊᐃᐧᔭᐠ ᐁ ᓂᑕᐃᐧ ᓇᑐᓇᐋᐧᐟ ᐱᐦᔦᐊᐧ ᐊᐧᒋᕽ.
21ᓵᓬ ᒫᑲ ᑭ ᐃᑌᐧᐤ, ᓂ ᑭ ᒪᒋᑐᑌᐣ, ᑭᐁᐧ ᓂᑯᓯᐢ ᑌᐱᐟ; ᒋᑫᒫ ᓇᒪᐃᐧᑳᐨ ᒥᓇ ᑭ ᑲ ᐊᐧᓂᑐᑖᑎᐣ, ᐊᔨᐢ ᒥᐢᑕᐦᐃ ᑭ ᑭ ᐃᑕᑭᑌᐣ ᓂ ᐱᒫᑎᓯᐃᐧᐣ ᐊᓄᐦᐨ ᑳ ᑭᓯᑳᐠ; ᒫᑎᑲ, ᓂ ᑭ ᑲᑫᐹᑎᓂᑳᐣ, ᒥᓇ ᒥᐢᑕᐦᐃ ᓂ ᑭ ᐊᐧᓂᑐᑌᐣ. 22ᑌᐱᐟ ᒫᑲ ᑭ ᓇᐢᑫᐧᐊᐧᓯᐁᐤ ᒥᓇ ᑭ ᐃᑌᐧᐤ, ᒋᐢᐟ ᐅᒪ, ᑭᐦᒋ ᐅᑭᒫᐤ ᐅ ᑕᐦᑲᒋᑲᐣ! ᑭᔮᒼ ᐯᔭᐠ ᐅᐢᑭᓂᑭᐤ ᑭᑕ ᐯ ᓈᑕᒼ. 23ᑳ ᑎᐯᔨᐦᒋᑫᐟ ᑭᑕ ᒥᔦᐤ ᑲᐦᑭᔭᐤ ᐊᔨᓯᔨᓂᐊᐧ ᐁ ᐃᓯ ᑲᐧᔭᐢᑭᑖᑎᓯᔨᐟ ᒥᓇ ᐁ ᐃᓯ ᐊᔮᑳᐧᒥᓯᔨᐟ; ᒋᑫᒫ ᑳ ᑎᐯᔨᐦᒋᑫᐟ ᑭ ᑭ ᐸᑭᑎᓂᐠ ᓂᒋᐦᒋᕽ ᐊᓄᐦᐨ ᑳ ᑭᓯᑳᐠ, ᒫᑲ ᓇᒪᐃᐧᔭ ᓂ ᐃᐧ ᓱᐃᐧᓂᐢᑫᔨᐢᑕᐋᐧᐤ ᑳ ᑎᐯᔨᐦᒋᑫᐟ ᐅ ᑐᒥᓈᑲᓇ. 24ᐁᑯᓯ ᒫᑎᑲ, ᑖᐱᐢᑯᐨ ᑭ ᐱᒫᑎᓯᐃᐧᐣ ᑳ ᑭ ᐃᓯ ᒥᐢᑕᐦᐃ ᐃᑕᑭᑕᒫᐣ ᐁ ᐃᓯ ᑲᓇᐋᐧᐸᐦᑕᒫᐣ ᐊᓄᐦᐨ ᑳ ᑭᓯᑳᐠ, ᐁᑯᓯ ᓂᐢᑕ ᓂ ᐱᒫᑎᓯᐃᐧᐣ ᑭᑕ ᐃᐧ ᐃᓯ ᑭᐢᑕᑭᑌᐤ ᐁ ᐃᓯ ᑲᓇᐋᐧᐸᐦᑕᕽ ᑳ ᑎᐯᔨᐦᒋᑫᐟ, ᒥᓇ ᓂ ᑲ ᐃᐧ ᐸᐢᐱᐦᐃᐠ ᑲᐦᑭᔭᐤ ᐋᔨᒥᓯᐃᐧᓂᕽ ᐅᐦᒋ. 25ᓵᓬ ᒫᑲ ᑭ ᐃᑌᐤ ᑌᐱᑕ, ᑭ ᑲ ᐃᐧ ᓴᐁᐧᔨᑖᑯᓯᐣ ᓂᑯᓯᐢ ᑌᐱᐟ; ᑭ ᑲ ᐃᐦᑐᑌᐣ ᑭᐦᒋ ᑫᑲᐧᔭ ᒥᓇ ᑫᐦᒋᓈ ᑭ ᑲ ᓴᑯᑖᐧᐣ. ᐁᑯᓯ ᑌᐱᐟ ᑭ ᓯᐯᐧᑌᐤ, ᓵᓬ ᒥᓇ ᑭ ᑭᐁᐧᐤ.
Currently Selected:
ᓂᐢᑕᒼ ᓵᒼᔪᐃᓬ 26: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
