ᓂᐢᑕᒼ ᓵᒼᔪᐃᓬ 23
23
1ᑭ ᐃᐧᐦᑕᒪᐁᐧᐊᐧᐠ ᒫᑲ ᑌᐱᑕ, ᐁ ᐃᑌᐧᒋᐠ, ᒫᑎᑲ, ᐱᓬᐃᐢᑎᓇᐠ ᓄᑎᓇᒪᐧᐠ ᑭᓬᐊ, ᒥᓇ ᒧᓴᐢᑯᓇᒪᐧᐠ ᐸᐊᐧᐃᑫᐃᐧᑲᒥᑲᐧ. 2ᐁᐊᐧᑯ ᒫᑲ ᐅᐦᒋ ᑌᐱᐟ ᑭ ᑲᑫᐧᒋᒣᐤ ᑳ ᑎᐯᔨᐦᒋᑫᔨᐟ ᐁ ᐃᑌᐧᐟ, ᓂ ᑲ ᓇᑕᐃᐧ ᐸᑲᒪᐋᐧᐊᐧᐠ ᒋ ᐅᑭ ᐱᓬᐃᐢᑎᓇᐠ? ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐤ ᑌᐱᑕ, ᐃᑐᐦᑌ, ᐸᑲᒪᐅᐠ ᒫᑲ ᐱᓬᐃᐢᑎᓇᐠ, ᐁᑯᓯ ᐱᒫᒋᐦᑖ ᑭᓬᐊ. 3ᑌᐱᐟ ᒫᑲ ᐅᐢᑭᓂᑭᒪ ᑭ ᐃᑎᐠ, ᒫᑎᑲ, ᑭᐟ ᐊᐢᑖᓯᓈᓇᐤ ᐅᑕ ᒍᑕᐃᕽ; ᐋᐧᐃᐧᐢ ᒫᑲ ᑭᐢᐱᐣ ᐊᓂᑕ ᑭᓬᐊ ᐃᑐᐦᑌᔭᐦᑭ ᑭᑕ ᒪᐃᐧᓀᐢᑳᐋᐧᔭᑯᐠ ᐱᓬᐃᐢᑎᓇᐠ ᐅᓄᑎᓂᑫᒥᐋᐧᐊᐧ? 4ᐁᑲᐧ ᑌᐱᐟ ᑭ ᑲᑫᐧᒋᒣᐤ ᑳ ᑎᐯᔨᐦᒋᑫᔨᐟ ᒥᓇ ᑭᐦᑖᐧᒼ. ᑳ ᑎᐯᔨᐦᒋᑫᔨᐟ ᒫᑲ ᑭ ᓇᐢᑫᐧᐊᐧᓯᒥᐠ ᒥᓇ ᑭ ᐃᑎᐠ, ᐸᓯᑯ, ᑭᓬᐊᐃᕽ ᐃᑐᐦᑌ; ᒋᑫᒫ ᓂ ᑲ ᐸᑭᑎᓈᐋᐧᐠ ᐱᓬᐃᐢᑎᓇᐠ ᑭᒋᐦᒋᕽ. 5ᑌᐱᐟ ᒫᑲ ᒥᓇ ᐅᐟ ᐅᐢᑭᓂᑭᒪ ᑭ ᐃᑐᐦᑌᐊᐧᐠ ᑭᓬᐊᐃᕽ ᒥᓇ ᑭ ᓄᑎᓀᐊᐧᐠ ᐱᓬᐃᐢᑎᓇ, ᐁᑯᓯ ᑭ ᐯ ᓯᐯᐧᑕᐃᒣᐊᐧᐠ ᐅ ᒧᐢᑐᓱᒥᔨᐊᐧ, ᒥᓇ ᑭ ᓂᐸᐁᐊᐧᐠ ᑭᐦᒋ ᓂᐸᑖᑫᐃᐧᓂᕽ. ᐁᑯᓯ ᑌᐱᐟ ᑭ ᐃᓯ ᐱᒫᒋᐦᐊᐤ ᑳ ᐅᐟ ᐃᐦᑖᐃᐧᓂᔨᐟ ᑭᓬᐊ.
6ᑭ ᐊᔨᑭᐣ ᒫᑲ ᐃᐢᐱ ᐊᐹᔭᑕᕒ ᐅᑯᓯᓴ ᐊᐦᐃᒥᓬᐃᐠ ᑳ ᓈᑖᒧᑐᑕᐋᐧᐟ ᑌᐱᑕ ᑭᓬᐊᐃᕽ ᑭ ᐯ ᑕᐦᑯᓇᒼ ᐁᐦᐸᐟ.
7ᑭ ᐃᐧᐦᑕᒪᐋᐧᐤ ᒫᑲ ᓵᓬ ᑌᐱᑕ ᐁ ᐯ ᐃᑐᐦᑌᔨᐟ ᑭᓬᐊᐃᕽ. ᓵᓬ ᒫᑲ ᑭ ᐃᑌᐧᐤ, ᑭᓭᒪᓂᑐ ᑭ ᐸᑭᑎᓀᐤ ᓂᒋᐦᒋᕽ; ᒋᑫᒫ ᑭᐸᐦᐃᑳᓱ ᐃᐧᔭ ᐁ ᐱᐦᑐᑫᐟ ᐅᑌᓇᐤ ᑳ ᐃᐢᑳᐧᑌᒥᐊᐧᕽ ᒥᓇ ᑳ ᐋᔮᒋᑭᐸᐃᑳᑌᐠ. 8ᓵᓬ ᒫᑲ ᑭ ᒫᒪᐃᐧ ᓇᑐᒣᐤ ᐊᔨᓯᔨᓂᐊᐧ ᑭᑕ ᓇᑐᐸᔨᔨᐟ, ᑭᑕ ᐃᑐᐦᑌᔨᐟ ᑭᓬᐊᐃᕽ, ᑭᑕ ᐃᐧᐦᑫᐧᐢᑲᐋᐧᔨᐟ ᑌᐱᑕ ᒥᓇ ᐅᐟ ᐅᐢᑭᓂᑭᒥᔨᐊᐧ.
9ᑌᐱᐟ ᒫᑲ ᑭᐢᑫᔨᑕᒼ ᓵᓬ ᐁ ᓄᒋᐦᑖᔨᐟ ᑭᑕ ᐊᐧᓂᑐᑖᑯᐟ; ᐁᑯᓯ ᑭ ᐃᑌᐤ ᐊᐹᔭᑕᕒᐊ ᐊᔭᒥᐦᐁᐃᐧᔨᓂᐊᐧ, ᐯᑖ ᐅᑕ ᐁᐦᐸᐟ. 10ᐁᑲᐧ ᑭ ᐃᑌᐧᐤ ᑌᐱᐟ, ᑌᐯᔨᐦᒋᑫᔭᐣ, ᐅ ᑭᓭᒪᓂᑐᒪ ᐃᐢᕒᐁᐃᓬ ᑭᐟ ᐊᑐᐢᑫᔮᑲᐣ ᑫᐦᒋᓈ ᑭ ᐯᑕᒼ ᓵᓬ ᐁ ᓇᑐᓇᕽ ᑭᑕ ᐯ ᐃᑐᐦᑌᐟ ᑭᓬᐊᐃᕽ ᑭᑕ ᓂᓯᐊᐧᓈᒋᐦᑖᐟ ᐅᑌᓇᐤ ᓂᔭ ᐅᐦᒋ. 11ᓂ ᑲ ᐸᑭᑎᓂᑲᐧᐠ ᒋ ᑭᓬᐊ ᐊᔨᓯᔨᓂᐊᐧᐠ ᐅᒋᐦᒋᔨᕽ? ᑭᑕ ᐯ ᐃᑐᐦᑌᐤ ᒋ ᓵᓬ ᑭᐟ ᐊᑐᐢᑫᔮᑲᐣ ᑳ ᑭ ᐃᓯ ᐯᐦᑕᕽ? ᑌᐯᔨᐦᒋᑫᔮᐣ ᐅ ᑭᓭᒪᓂᑐᒪ ᐃᐢᕒᐁᐃᓬ, ᑭ ᐸᑯᓭᔨᒥᑎᐣ ᐃᐧᐦᑕᒪᐤ ᑭᐟ ᐊᑐᐢᑫᔮᑲᐣ. ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐧᐤ, ᑭᑕ ᐯ ᐃᑐᐦᑌᐤ. 12ᐁᑲᐧ ᑭ ᐃᑌᐧᐤ ᑌᐱᐟ, ᓂ ᑲ ᐸᑭᑎᓂᑯᓈᓇᐠ ᒋ ᑭᓬᐊ ᐊᔨᓯᔨᓂᐊᐧᐠ ᓂᔭ ᒥᓇ ᓄᐢᑭᓂᑭᒪ ᐅᒋᐦᒋᔨᕽ ᓵᓬ? ᑳ ᑎᐯᔨᐦᒋᑫᐟ ᒫᑲ ᑭ ᐃᑌᐧᐤ, ᑭ ᑲ ᐸᑭᑎᓂᑲᐧᐠ. 13ᐁᑲᐧ ᑌᐱᐟ ᒥᓇ ᐅᐢᑭᓂᑭᒪ, ᓈᐣᑕᐤ ᓂᑯᑖᐧᓵᐧᐤ ᒥᑖᐦᑐᒥᑕᓇᐤ ᐁ ᐃᐦᑕᓯᒋᐠ, ᑭ ᐸᓯᑯᐊᐧᐠ ᒥᓇ ᑭ ᓯᐯᐧᑌᐊᐧᐠ ᑭᓬᐊ ᐅᐦᒋ, ᐁᑯᓯ ᑭ ᐃᑐᐦᑌᐊᐧᐠ ᐱᑯ ᐃᑌ ᐁ ᑲᐢᑭᑖᒋᐠ. ᑭ ᐃᐧᐦᑕᒪᐋᐧᐤ ᒫᑲ ᓵᓬ ᑌᐱᐟ ᐁ ᑕᐸᓯᔨᐟ ᑭᓬᐊ ᐅᐦᒋ; ᑭ ᐳᓂᐦᑖᐤ ᒫᑲ ᑳ ᑭ ᐃᐧ ᓯᐯᐧᑌᐟ.
14ᑌᐱᐟ ᒫᑲ ᑭ ᐊᔮᐤ ᐱᑲᐧᑕᐢᑭᕽ ᐃᑕ ᐁ ᓴᓱᑲᕽ, ᑭ ᐃᑕᓯ ᐊᔮᐤ ᒫᑲ ᑳ ᐋᐧᐊᐧᒋᐊᐧᕽ ᓯᐦᑊ ᐱᑲᐧᑕᐢᑭ. ᐁᑯᓯ ᓵᓬ ᑭ ᓇᑐᓈᐠ ᑕᐦᑐ ᑭᓯᑳᐤ, ᒫᑲ ᑭᓭᒪᓂᑐᐊᐧ ᓇᒪᐃᐧᔭ ᐸᑭᑎᓂᐠ ᐅᒋᐦᒋᔨᕽ. 15ᑌᐱᐟ ᒫᑲ ᑭ ᐋᐧᐸᐦᑕᒼ ᓵᓬᐊ ᐁ ᐯ ᓇᑐᓇᒥᔨᐠ ᐅ ᐱᒫᑎᓯᐃᐧᐣ; ᐁᑯᓯ ᑌᐱᐟ ᑭ ᐊᔮᐤ ᓯᐦᑊ ᐱᑲᐧᑕᐢᑭᐤ ᓴᑳᐢᑳᐧᕽ.
16ᒑᓇᐦᑕᐣ ᒫᑲ ᓵᓬ ᐅᑯᓯᓴ ᑭ ᐸᓯᑯ, ᐁᑯᓯ ᑭ ᓇᑕᐊᐧᐸᒣᐤ ᑌᐱᑕ ᓴᑳᐢᑳᐧᕽ ᒥᓇ ᑭ ᒪᐢᑲᐃᐧ ᓱᑫᔨᒧᐁᐤ ᑭᓭᒪᓂᑐᕽ ᐃᓯ. 17ᑭ ᐃᑌᐤ ᒫᑲ, ᐁᑳᐃᐧᔭ ᐊᐢᑖᓯ; ᒋᑫᒫ ᐅᒋᐦᒋ ᓵᓬ ᓄᑖᐃᐧ ᓇᒪᐃᐧᔭ ᑭ ᑲ ᒥᐢᑳᑯᐊᐧᐣ; ᒥᓇ ᑭ ᑲ ᑭᐦᒋ ᐅᑭᒫᑲᑕᐋᐧᐊᐧᐠ ᐃᐢᕒᐁᐃᓬ, ᓂᔭ ᒫᑲ ᑭ ᑲ ᐊᐢᑳᐧᑎᐣ; ᐁᐊᐧᑫᐧᔨᐤ ᒫᑲ ᓵᓬ ᓄᑖᐃᐧ ᑭᐢᑫᔨᑕᒼ. 18#1 ᓵᒼᔪᐃᓬ 18:3ᐁ ᐃᓯ ᓂᓯᒋᐠ ᒫᑲ ᑭ ᐃᐧᒋᐦᐃᓯᒋᑫᒥᑐᐊᐧᐠ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ; ᐁᑯᓯ ᑌᐱᐟ ᑭ ᐃᑕᓯ ᐊᔮᐤ ᓴᑳᐢᑳᐧᕽ, ᒥᓇ ᒑᓇᐦᑕᐣ ᑭ ᑭᐁᐧᐤ ᐅ ᐋᐧᐢᑳᐦᐃᑲᓂᕽ.
19 #
ᓂᑲᒧᓇ 54
ᐁᑲᐧ ᓯᐦᐸᐃᑕᐠ ᑭ ᐯ ᓈᑌᐊᐧᐠ ᓵᓬᐊ ᑭᐱᔭᐃᕽ, ᐁ ᐃᑌᐧᒋᐠ, ᓇᒪ ᒋ ᑌᐱᐟ ᑳᓱ ᐃᑕ ᐁ ᓴᓱᑫᔨᑖᑲᐧᓂᔨᐠ ᓴᑳᐢᑳᐧᕽ, ᐦᐋᑭᓬᐊ ᐊᐧᒋᕽ ᓵᐊᐧᓄᑖᕽ ᐃᑌᐦᑫ ᐱᑲᐧᑕᐢᑭᕽ ᑳ ᐊᔮᐠ? 20ᐁᑲᐧ ᒫᑲ ᑭᐦᒋ ᐅᑭᒫᐤ, ᐯ ᐃᑐᐦᑌ, ᐱᑭᐧᔨᑯᕽ ᐁ ᐃᓯ ᓇᑕᐁᐧᔨᑕᒪᐣ ᑭᐟ ᐊᐦᒑᐦᑯᕽ ᑭᑕ ᐯ ᐃᑐᐦᑌᔭᐣ; ᐁᑯᓯ ᓂᔭᓈᐣ ᒫᑲ ᐃᐧᔭ ᓂ ᑲ ᐸᑭᑎᓈᓈᐣ ᑭᐦᒋ ᐅᑭᒫᐤ ᐅᒋᐦᒋᕽ. 21ᓵᓬ ᒫᑲ ᑭ ᐃᑌᐧᐤ, ᑭ ᑲ ᐃᐧ ᓴᐁᐧᔨᒥᑯᐋᐧᐤ ᑳ ᑎᐯᔨᐦᒋᑫᐟ; ᒋᑫᒫ ᑭ ᑭ ᑭᑎᒫᑭᓇᐃᐧᓈᐋᐧᐤ. 22ᓂᔮᐠ, ᑭ ᐸᑯᓭᔨᒥᑎᓈᐋᐧᐤ, ᑫᔮᐱᐨ ᐊᔨᐋᐧᐠ ᑫᐦᒋᓈᑖᐠ, ᒥᓇ ᑭᐢᑫᔨᑕᒧᐠ ᒥᓇ ᐋᐧᐸᐦᑕᒧᐠ ᐃᑕ ᐁ ᓀᑳᒥᑖᐟ, ᒥᓇ ᐊᐁᐧᓂᐦᐃ ᐁᑯᑕ ᑳ ᐋᐧᐸᒥᑯᐟ, ᒋᑫᒫ ᓂ ᐃᐧᐦᑕᒫᑲᐃᐧᐣ ᒥᑐᓂ ᐁ ᓂᐦᑖ ᑳᓱᐟ. 23ᐋᐧᐸᐦᑕᒧᐠ ᒫᑲ, ᒥᓇ ᑭᐢᑭᓇᐋᐧᑌᔨᑕᒧᐠ ᐋᑲᐋᐧᔭ ᐃᑕ ᐁ ᑲᑳᓱᐟ, ᐁᑯᓯ ᒥᓇ ᐯ ᓇᑕᐋᐧᐸᒥᐠ ᑫᐦᒋᓈᐅᔦᑯ, ᑭ ᑲ ᐃᐧᒉᐃᐧᑎᓈᐋᐧᐤ ᒫᑲ: ᐁᑯᓯ ᑭᑕ ᐃᐦᑭᐣ, ᑭᐢᐱᐣ ᐁᑯᑕ ᐊᐢᑭᕽ ᐊᔮᒋ ᓂ ᑲ ᓇᓈᑐᓇᐋᐤ ᐃᑕ ᐁ ᐊᔮᔨᐟ ᑲᐦᑭᔭᐤ ᑳ ᑲᑭᐦᒋᒥᑖᐦᑐᒥᑕᓇᐁᐧᒋᐠ ᒍᑕ.
24ᑭ ᐸᓯᑯᐊᐧᐠ ᒫᑲ ᐁ ᑭ ᐃᑐᐦᑌᒋᐠ ᓯᐱᕽ ᒪᐧᔦᐢ ᐃᑐᐦᑌᐟ ᓵᓬ; ᒫᑲ ᑌᐱᐟ ᒥᓇ ᐅᐟ ᐅᐢᑭᓂᑭᒪ ᑭ ᐊᔮᐊᐧᐠ ᒣᐊᐣ ᐱᑲᐧᑕᐢᑭᕽ, ᐊᓂᑕ ᐋᕒᐊᐸ ᓵᐊᐧᓄᑖᕽ ᐱᑲᐧᑕᐢᑭᕽ. 25ᓵᓬ ᒫᑲ ᒥᓇ ᐅᐟ ᐅᐢᑭᓂᑭᒪ ᑭ ᓇᑕᐃᐧ ᓇᑐᓇᐁᐧᐊᐧᐠ. ᐁᑯᓯ ᑭ ᐃᐧᐦᑕᒪᐁᐧᐊᐧᐠ ᑌᐱᑕ; ᐁᐊᐧᑯ ᒫᑲ ᐅᐦᒋ ᑭ ᐯ ᐃᑐᐦᑌᐤ ᑭᐢᑖᐱᐢᑳᕽ, ᐁᑯᓯ ᑭ ᐊᔭᔮᐤ ᒣᐊᐣ ᐱᑲᐧᑕᐢᑭᕽ. ᐃᐢᐱ ᒫᑲ ᓵᓬ ᐱᔦᐦᑕᕽ ᐁᐊᐧᑫᐧᔨᐤ, ᑭ ᐱᒥᑎᓴᐁᐧᐤ ᑌᐱᑕ ᒣᐊᐣ ᐱᑲᐧᑕᐢᑭᕽ. 26ᓵᓬ ᒫᑲ ᑭ ᐊᑎ ᐃᑐᐦᑌᐤ ᐅᑌ ᐃᑌᐦᑫ ᐊᐧᒋᕽ, ᐁᑯᓯ ᑌᐱᐟ ᒥᓇ ᐅᐟ ᐅᐢᑭᓂᑭᒪ ᓀᑌ ᐃᑌᐦᑫ ᐊᐧᒋᕽ; ᑌᐱᐟ ᒫᑲ ᑭ ᑲᑫᐧᔮᐦᐅ ᑭᑕ ᑕᐸᓯᐟ ᐁ ᑯᐢᑖᐟ ᓵᓬᐊ; ᒋᑫᒫ ᓵᓬ ᒥᓇ ᐅᐢᑭᓂᑭᒪ ᑭ ᐋᐧᐢᑳᐢᑲᐁᐧᐊᐧᐠ ᑌᐱᑕ ᒥᓇ ᐅᐢᑭᓂᑭᒥᔨᐊᐧ ᑭᑕ ᐅᑎᓈᒋᐠ.
27ᒫᑲ ᑭ ᐅᑎᐦᑎᐠ ᓵᓬ ᐅᑖᒋᒧᐊᐧ, ᐁ ᐃᑌᐧᔨᐟ, ᑭᔨᐸ ᐯ ᐃᑐᐦᑌ; ᒋᑫᒫ ᐱᓬᐃᐢᑎᓇᐠ ᑭ ᒪᐃᐧᓀᐢᑲᒪᐧᐠ ᐊᐢᑭ. 28ᐁᑯᓯ ᓵᓬ ᑭ ᐯ ᑭᐁᐧᐤ ᑳ ᐱᒥᑎᓴᐋᐧᐟ ᑌᐱᑕ, ᐁᑯᓯ ᑭ ᓇᑕᐃᐧ ᓄᑎᓀᐤ ᐱᓬᐃᐢᑎᓇ; ᐁᐊᐧᑯ ᐅᐦᒋ ᑭ ᐃᓯᔨᐦᑳᑕᒪᐧᐠ ᐁᑯᑕ, ᓯᓬᐊᐦᐋᒫᓬᐃᑳᐦᐟ. 29ᑌᐱᐟ ᒫᑲ ᐁᑯᑕ ᐅᐦᒋ ᑭ ᓯᐯᐧᑌᐤ, ᐁᑯᓯ ᑭ ᐊᔭᔭᐤ ᐁ ᓱᑫᔨᑖᑲᐧᐦᑭ ᐊᐧᑕ ᐊᓂᑕ ᐁᐣᑭᑕᐩ.
Currently Selected:
ᓂᐢᑕᒼ ᓵᒼᔪᐃᓬ 23: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
