ᓂᐢᑕᒼ ᓵᒼᔪᐃᓬ 2
2
1 #
ᓬᐅᐠ 1:46-55
ᐦᐋᓇ ᒫᑲ ᑭ ᐊᔭᒥᐦᐋᐤ ᑭ ᐃᑌᐧᐤ, ᓂ ᑌᐦᐃᕽ ᓂ ᒪᒪᐦᑖᑯᐃᐠ ᑳ ᑎᐯᔨᐦᒋᑫᐟ; ᓂᐟ ᐃᐢᐹᑫᐃᐧᑌᓂᐠ ᑳ ᑎᐯᔨᐦᒋᑫᐟ; ᓂ ᑐᓂᔨᐤ ᒪᒥᐦᒋᒧᑐᑖᑲᐧᐠ ᑳ ᐸᑲᐧᓯᒋᐠ; ᒋᑫᒫ ᓂ ᒪᒪᐦᑖᑯᓯᐣ ᑭ ᐱᒫᒋᐦᐃᐁᐧᐃᐧᓂᕽ.
2ᓇᒪ ᐊᐃᐧᔭᐠ ᑲᓈᑎᓯᐤ ᑖᐱᐢᑯᐨ ᑳ ᑎᐯᔨᐦᒋᑫᐟ; ᒋᑫᒫ ᓇᒪ ᐊᐃᐧᔭᐠ ᑯᑕᐠ ᐃᐦᑖᐤ ᑭᔭ ᐱᑯ; ᒥᓇ ᓇᒪ ᐊᐃᐧᔭᐠ ᑭᐢᑖᐱᐢᑯᐃᐧᐤ ᑖᐱᐢᑯᐨ ᑭ ᑭᓭᒪᓂᑐᒥᓇᐤ.
3ᐁᑳᐃᐧᔭ ᒥᓇ ᐃᐧᐦᑳᐨ ᐃᓯ ᒥᐢᑕᐦᐃ ᑭᐢᑌᔨᒧᐃᐧ ᐱᑭᐢᑫᐧᐠ; ᐁᑳᐃᐧᔭ ᑲᑭᐦᒋᒧᐃᐧᐣ ᑲᑕ ᐅᐦᒋᐸᔨᐤ ᑭ ᑐᓂᐋᐧᕽ; ᒋᑫᒫ ᑳ ᑎᐯᔨᐦᒋᑫᐟ ᑭᐢᑫᔨᑕᒧᐃ ᒪᓂᑐᐃᐧᐤ, ᒥᓇ ᐃᐧᔭ ᑎᐹᐯᐢᑯᑖᐤ ᐃᓯᐦᒋᑫᐃᐧᓇ.
4ᐅᐟ ᐊᐦᒑᐱᐋᐧᐊᐧ ᑳ ᒪᐢᑲᐃᐧᓯᒋᐠ ᓈᐯᐊᐧᐠ ᓈᓈᑖᐧᐱᑎᒫᐊᐧ, ᐊᓂᑭ ᒫᑲ ᑳ ᑭ ᐸᐱᓱᑫᓯᑭᐠ ᐁᑲᐧ ᐸᑲᐧᑌᐦᐅᑐᑕᒪᐧᐠ ᒪᐢᑲᐃᐧᓯᐃᐧᐣ.
5ᐊᓂᑭ ᑳ ᑭ ᒫᓇ ᑲᑭᐢᐳᒋᐠ ᐁᑲᐧ ᐊᑐᐢᑫᐢᑕᑫᐊᐧᐠ ᑭᑕ ᐊᓴᒥᐦᒋᐠ; ᒫᑲ ᐊᓂᑭ ᑳ ᑭ ᓇᓄᑌᑲᑌᒋᐠ ᐳᓂ ᐃᐦᑖᐊᐧᐠ; ᐁᑯᓯ ᐁᑳ ᑳ ᑭ ᐅᐟ ᐊᐋᐧᓯᒥᓯᐟ ᑌᐸᑯᑊ ᑭ ᓂᐦᑕᐃᐧᑭᐦᐁᐤ; ᐊᓇ ᒫᑲ ᑳ ᒥᐦᒉᑐᓭᐟ ᐊᑐᐢᑲᒼ ᐊᑎ ᓀᓱᐃᐧᓯᐤ.
6ᑳ ᑎᐯᔨᐦᒋᑫᐟ ᓂᐸᐃᐁᐧᐤ, ᒥᓇ ᐱᒫᒋᐦᐃᐁᐧᐤ: ᐃᑐᑕᐃᐁᐧᐤ ᔨᑲᐧᐦᐊᐢᑳᓂᕽ, ᒥᓇ ᐊᐧᓂᐢᑳᓂᐁᐧᐤ.
7ᑳ ᑎᐯᔨᐦᒋᑫᐟ ᒪᓀᐃᐁᐧᐤ, ᒥᓇ ᐁᐧᔪᑎᓯᐃᐁᐧᐤ: ᑕᐸᑎᓂᐁᐧᐤ, ᒥᓇ ᐅᐦᐱᓂᐁᐧᐤ.
8ᐸᓯᑯᓀᐤ ᐅᑭᑎᒫᑭᓯᐊᐧ ᒧᐢᑕᑖᐊᐧᑳᕽ ᐅᐦᒋ, ᒥᓇ ᐅᐦᐱᓀᐤ ᐅ ᐊᐧᔦᐢᑳᓂᑖᐊᐧ ᐊᓯᐁᐧᐸᐃᑲᓂᕽ ᐅᐦᒋ, ᑭᑕ ᐊᐱᐦᐋᐟ ᒣᑳᐧ ᑭᐦᒋ ᐅᑭᒫᓈᕽ, ᒥᓇ ᑭᑕ ᐊᓂᐢᑫᐢᑲᒧᐦᐋᐟ ᑕᑲᐦᑭ ᑭᐦᒋ ᐅᑭᒫᐊᐧᐱᐃᐧᐣ: ᒋᑫᒫ ᑳ ᓯᑐᐢᑲᒧᒪᑲᕽ ᐊᐢᑭ ᐃᐧᔭ ᑳ ᑎᐯᔨᐦᒋᑫᐟ ᐊᔮᐤ, ᐃᐧᔭ ᒫᑲ ᐁᑯᑕ ᑳ ᑭᐦ ᐅᔭᐢᑖᐟ ᐊᐢᑭ.
9ᑭᑕ ᑲᓇᐁᐧᔨᐦᑕᒣᐧᐤ ᐅᓯᑎᔨᐊᐧ ᐅ ᑲᓈᑎᓯᒪ, ᒫᑲ ᐅᒪᒑᑎᓯᐊᐧᐠ ᓇᒪᐃᐧᔭ ᑭᑕ ᑭᑐᐊᐧᐠ ᐊᐧᓂᑎᐱᐢᑳᕽ; ᒋᑫᒫ ᒪᐢᑲᐃᐧᓯᐃᐧᐣ ᐅᐦᒋ ᓇᒪᐃᐧᔭ ᐊᐃᐧᔭᐠ ᐊᔨᓯᔨᓂᐤ ᑲᑕ ᓵᑯᑖᐧᐤ.
10ᐊᓂᐦᐃ ᑳ ᒪᐃᐧᓀᐅᑯᐟ ᑳ ᑎᐯᔨᐦᒋᑫᐟ ᑭᑕ ᐱᑭᐢᑲᑕᐅᒫᐊᐧ; ᑭᓯᑯᕽ ᐅᐦᒋ ᑭᑕ ᐯᐦᑖᑯᐁ ᐅᓂᒥᐦᑭᐊᐧ: ᑳ ᑎᐯᔨᐦᒋᑫᐟ ᑭᑕ ᐅᔭᓱᐋᐧᑕᒼ ᐁ ᑳᑭᓯᐸᐢᑲᒥᑳᐠ ᐊᐢᑭ; ᑭᑕ ᒥᔦᐤ ᒫᑲ ᒪᐢᑲᐃᐧᓯᐃᐧᐣ ᐅ ᑭᐦᒋ ᐅᑭᒪᑫᐃᐧᓇ, ᒥᓇ ᑭᑕ ᐃᐢᐹᑫᐃᐧᑌᓀᐤ ᑳ ᑭ ᓇᐊᐧᓱᓈᐟ.
11ᐁᓬᑫᓇ ᒫᑲ ᑭ ᐃᑐᐦᑌᐤ ᐃᐧᑭᕽ ᕒᐁᒪᐃᕽ. ᐊᓇ ᐊᐋᐧᓯᐢ ᒫᑲ ᑭ ᐊᑐᐢᑲᐁᐧᐤ ᑳ ᑎᐯᔨᐦᒋᑫᔨᐟ ᐁ ᑲᓇᐋᐧᐸᒥᑯᐟ ᐃᓬᐋᔭ ᐊᔭᒥᐦᐁᐃᐧᔨᓂᐊᐧ.
12ᐊᓂᐦᐃ ᒫᑲ ᐅᑯᓯᓴ ᐃᓬᐋᐩ ᐅᑯᓯᓴ ᐱᓬᐃᔭᓬ ᑭᑕ ᑭᐦ ᐃᑎᐦᒋᐠ; ᓇᒪᐃᐧᔭ ᑭᐢᑫᔨᒣᐊᐧᐠ ᑳ ᑎᐯᔨᐦᒋᑫᔨᐟ. 13ᐁᑯᓯ ᒫᑲ ᐅᒪ ᒫᓇ ᑳ ᑭᐦ ᐊᔨᓯᒋᑳᑖᐟ ᐊᔨᓯᔨᓂᐊᐧ ᐊᔭᒥᐦᐁᐃᐧᔨᓂᐤ, ᑭᐢᐱᐣ ᐊᐃᐧᔭᐠ ᐁ ᐸᑭᑎᓈᓱᐟ ᒪᒍᐢᑌᐦᐊᒫᑫᐃᐧᐣ, ᐊᔭᒥᐦᐁᐃᐧᔨᓂᐤ ᐅᐟ ᐊᑐᐢᑫᔮᑲᓇ ᑭ ᒫᓇ ᐯ ᐃᑐᐦᑌᔨᐊᐧ, ᒣᑳᐧᐨ ᐁ ᐸᑳᑌᔨᐠ ᐃᐧᔮᐢ, ᐁ ᑕᐦᑯᓇᕽ ᐃᐧᔮᓯ ᐅᒋᑳᐧᒋᑲᐣ, ᐁ ᓂᐢᑖᐧᐱᑌᔮᔨᐠ. 14ᐁᑯᓯ ᐸᑲᒥᐁᐧᐱᓇᒼ ᐅᔮᑲᓂᕽ ᐊᐦᐳ ᐊᐢᑭᑯᕽ, ᐊᐦᐳ ᓇᐸᑲᐢᑭᑯᕽ, ᐊᐦᐳ ᐅᐢᑳᑎᐊᐧᐢᑭᑯᕽ; ᑲᐦᑭᔭᐤ ᒫᑲ ᐊᓂᒪ ᐃᐧᔭᓯ ᐅᒋᑲᐧᒋᑲᐣ ᐁ ᒧᐢᑭᐱᑕᒧᒪᑲᕽ ᐊᔭᒥᐦᐁᐃᐧᔨᓂᐤ ᑭ ᐅᑎᓇᒫᓱ. ᐁᑯᓱᒪ ᑭ ᐃᑐᑕᐁᐧᐊᐧᐠ ᓴᐃᓬᐆᐃᕽ ᑲᐦᑭᔭᐤ ᐃᐢᕒᐁᐃᓬᐃᐃᐧᔨᓂᐊᐧ ᐁᑯᑕ ᑳ ᐯ ᐃᑐᐦᑌᔨᐟ. 15ᐁᑯᓯ ᒥᓇ ᒪᐧᔦᐢ ᒪᒍᐢᑌᐊᐦᑭᐠ ᐃᐧᔨᐣ, ᐊᔭᒥᐦᐁᐃᐧᔨᓂᐤ ᐅᐟ ᐊᑐᐢᑫᔮᑲᓇ ᑭ ᐯ ᐃᑐᐦᑌᔨᐊᐧ ᒫᓇ, ᐁᑯᓯ ᑭ ᐃᑌᐤ ᐊᓂᐦᐃ ᐊᔨᓯᔨᓂᐊᐧ ᑳ ᒪᒍᐢᑌᐦᐊᒫᑫᔨᐟ, ᒥᔨᐣ ᐃᐧᔮᐢ ᑭᑕ ᓴᑲᐸᐧᑎᐟ ᐊᔭᒥᐦᐁᐃᐧᔨᓂᐤ; ᒋᑫᒫ ᓇᒪᐃᐧᔭ ᑭ ᑲ ᐅᑎᓇᒫᐠ ᐁ ᐸᑳᑌᔨᐠ ᐃᐧᔮᐢ ᒫᑲ ᐁ ᐊᓯᐢᑳᔨᐠ. 16ᑭᐢᐱᐣ ᒫᑲ ᐊᐃᐧᔭ ᐊᔨᓯᔨᓂᐊᐧ ᐁᑎᑯᒋ, ᓭᒫᐠ ᐁᑐᑫ ᑲᑕ ᒪᒍᐢᑌᐊᒪᐧᐠ ᐃᐧᔨᐣ, ᐁᑲᐧ ᒫᑲ ᐅᑎᓇᒧᐦᑲᐣ ᐱᑯ ᐃᔨᑯᕽ ᐁ ᐃᓯ ᓇᑕᐁᐧᔨᑕᒪᐣ; ᐃᓯ ᓇᐢᑫᐧᐊᐧᓯᐁᐤ ᒫᓇ, ᓇᒪᐃᐧᔭ; ᒫᑲ ᓭᒫᐠ ᑭ ᑲ ᒥᔨᐣ: ᑭᐢᐱᐣ ᓇᒪᐃᐧᔭ ᑫᐦᒋᓇ ᓂ ᑲ ᐅᑎᓀᐣ. 17ᐁᐊᐧᑯ ᒫᑲ ᐅᐦᒋ ᐅ ᒪᒋᐦᑎᐃᐧᓂᐋᐧᐤ ᐊᓂᑭ ᐅᐢᑭᓂᑭᐊᐧᐠ ᓈᐢᐱᐨ ᑭ ᒥᓵᔨᐤ ᐁ ᐃᑖᐱᓯᒥᑯᐟ ᑳ ᑎᐯᔨᐦᒋᑫᐟ; ᒋᑫᒫ ᐊᔨᓯᔨᓂᐊᐧᐠ ᑭᐦ ᐸᑳᐧᑕᒪᐧᐠ ᑭᑕ ᐸᑭᑎᓈᓱᐢᑕᐋᒋᐠ ᑳ ᑎᐯᔨᐦᒋᑫᔨᐟ.
18ᒫᑲ ᓵᒼᔪᐃᓬ ᑭᐦ ᐊᔭᑐᐢᑫᐤ ᐁᑯᑕ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ, ᑫᔮᐱᐨ ᐁ ᐊᐋᐧᓯᓯᐃᐧᐟ, ᐁ ᐸᑲᐧᑌᐦᐅᑐᑕᕽ ᐋᐧᐱᐢᑫᑭᓄᐃᐧ ᐁᐦᐸᐟ. 19ᐁᑯᓯ ᒥᓇ ᐅᑳᐃᐧᔭ ᑭ ᐅᓯᐦᑕᒫᐠ ᒥᐢᑯᑖᑳᐢ, ᒥᓇ ᑭ ᐯᑕᒫᐠ ᒫᓇ ᑕᐦᑐ ᐊᐢᑭ, ᐃᐢᐱ ᐁ ᐯ ᐃᐧᒉᐋᐧᔨᐟ ᐅ ᓈᐯᒥᔨᐊᐧ ᑭᑕ ᐸᑭᑎᓇᒥᔨᐟ ᑕᐦᑐ ᐊᐢᑭ ᐸᑭᑎᓈᓱᐃᐧᐣ.
20ᐃᓬᐋᐩ ᒫᑲ ᑭ ᓴᐁᐧᔨᒣᐤ ᐁᓬᑫᓇᐊᐧ ᒥᓇ ᐃᐧᐃᐧᔨᐊᐧ, ᐁᑯᓯ ᐅᒥᓯ ᑭ ᐃᑌᐤ, ᑳ ᑎᐯᔨᐦᒋᑫᐟ ᑭ ᑲ ᐃᐧ ᒥᔨᐠ ᐊᐋᐧᓯᓴ ᐊᐊᐧ ᐃᐢᑫᐧᐤ ᐅᐦᒋ ᐁ ᑭ ᐊᐃᐧᐃᐦᐟ ᑳ ᑎᐯᔨᐦᒋᑫᐟ ᐊᓂᒪ ᐊᐃᐧᐦᐃᐁᐧᐃᐧᐣ. ᑭᐦ ᑭᐁᐧᐊᐧᐠ ᒫᑲ ᐃᐧᑭᐋᐧᕽ. 21ᐦᐋᓇ ᒫᑲ ᑭ ᐅᑎᐦᑌᔨᒥᐠ ᑳ ᑎᐯᔨᐦᒋᑫᔨᐟ ᐁᑯᓯ ᑭ ᐊᔮᐁᐧᐤ ᐊᐋᐧᓯᓴ, ᒥᓇ ᑭ ᓂᐦᑖᐃᐧᑭᐦᐁᐤ ᓂᐢᑐ ᓈᐯᓯᓵ ᒥᓇ ᓂᓱ ᐃᐢᑫᐧᓯᓴ. ᐊᓇ ᒫᑲ ᐊᐋᐧᓯᐢ ᓵᒼᔪᐃᓬ ᑭ ᐊᑎ ᐅᐦᐱᑭᐤ ᐁᑯᑕ ᐅᐦᑎᐢᑲᐤ ᑳ ᑎᐯᔨᐦᒋᑫᔨᐟ.
22ᐃᓬᐋᐩ ᒫᑲ ᒥᑐᓂ ᐁᑲᐧ ᑭ ᑭᓭᔨᓂᐃᐧᐤ, ᐁᑯᓯ ᑭ ᐯᐦᑕᒼ ᑲᐦᑭᔭᐤ ᐅᑯᓯᓴ ᑳ ᐊᔨᑐᑕᐋᐧᔨᐟ ᑲᐦᑭᔭᐤ ᐃᐢᕒᐁᐃᓬᐊ; ᐋᐧᐋᐧᐨ ᐃᐢᑫᐧᐊᐧ ᑳ ᐊᑐᐢᑫᐢᑖᑫᔨᐟ ᐃᐢᑳᐧᐦᑌᒥᕽ ᐊᓂᒪ ᒫᐊᐧᒋᐦᐃᑐᐃᐧ ᒥᑭᐋᐧᐱᕽ. 23ᐁᑯᓯ ᑭ ᐃᑌᐤ, ᑖᓀᐦᑭ ᐅᒪ ᑳ ᐊᔨᐦᑐᑕᒣᐠ? ᒋᑫᒫ ᓂ ᐯᐦᑕᒧᐃᑲᐧᐠ ᑲᐦᑭᔭᐤ ᐅᑭ ᐊᔨᓯᔨᓂᐊᐧᐠ ᐁ ᐃᓯ ᒪᒋ ᑐᑕᒣᐠ. 24ᓇᒪᐃᐧᔭ ᐁᑯᓯ, ᓂᑯᓯᓯᑎᐠ; ᒋᑫᒫ ᓇᒪᐃᐧᔭ ᒥᔮᐧᓯᐣ ᐅᒪ ᐋᒋᒧᐃᐧᐣ ᑳ ᐯᐦᑕᒫᐣ: ᑭ ᓯᐦᑭᐢᑳᒫᐊᐧ ᑳ ᑎᐯᔨᐦᒋᑫᐟ ᐅᐟ ᐊᔨᓯᔨᓂᒪ ᑭᑕ ᐊᐧᓂᑐᑕᒥᔨᐟ. 25ᑭᐢᐱᐣ ᐯᔭᐠ ᐊᔨᓯᔨᓂᐤ ᒪᒋᑐᑕᐋᐧᒋ ᑯᑕᑲ, ᐅᔭᓱᐁᐧᐃᐧᔨᓂᐊᐧ ᑲᑕ ᐅᔭᓱᐋᐧᑎᐠ; ᒫᑲ ᑭᐢᐱᐣ ᐊᔨᓯᔨᓂᐤ ᒪᒋᑐᑕᐋᐧᒋ ᑳ ᑎᐯᔨᐦᒋᑫᔨᐟ, ᐊᐁᐧᔨᐊᐧ ᑫ ᓇᑐᑕᒫᐊᐧᑎᐦᑎᑯᐟ? ᒫᑲ ᓵᑯᐨ ᓇᒪᐃᐧᔭ ᐃᐧ ᓇᑐᐦᑕᐁᐧᐊᐧᐠ ᐁ ᐃᑎᑯᒋᐠ ᐅᑖᐃᐧᐋᐧᐊᐧ ᐊᔨᐢ ᐃᑕᐢᑌᔨᐤ ᑭᑕ ᓂᐸᐦᐃᑯᒋᐠ ᑳ ᑎᐯᔨᐦᒋᑫᔨᐟ. 26#ᓬᐅᐠ 2:52ᐊᓇ ᒫᑲ ᐊᐋᐧᓯᐢ ᓵᒼᔪᐃᓬ ᑭ ᐊᑎ ᔭᐦᑭᑭᐤ; ᑖᐱᐢᑯᐨ ᐁ ᒥᔦᐧᔨᒥᑯᐟ ᑳ ᑎᐯᔨᐦᒋᑫᔨᐟ, ᒥᓇ ᐊᔨᓯᔨᓂᐊᐧ.
27ᑭ ᐅᑎᐦᑎᐠ ᒫᑲ ᐃᓬᐋᐩ ᐯᔭᐠ ᑭᓭᒪᓂᑐ ᐅᐟ ᐊᔨᓯᔨᓂᒪ, ᐁᑯᓯ ᑭ ᐃᑎᐠ, ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ, ᓂ ᑭ ᒋ ᒧᓯᐢ ᓄᑯᐦᐃᓱᐢᑕᐋᐧᐊᐧᐠ ᑯᑕᐃᐧ ᐃᐧᑭᕽ, ᒣᑳᐧᐨ ᐃᒋᑊᐟ ᐊᐢᑭᕽ ᐁ ᐊᔮᒋᐠ ᐯᕒᐅ ᐅ ᐋᐧᐢᑳᐦᐃᑲᓂᕽ? 28#ᐁᐠᓴᑕᐢ 28:1-4; ᓬᐃᐱᑎᑲᐢ 7:35,36ᒥᓇ ᓂ ᑭ ᒋ ᓇᐊᐧᓱᓈᐤ ᑲᐦᑭᔭᐤ ᐁ ᐃᑕᐦᑐᑌᐃᐧᓯᐟ ᐃᐢᕒᐁᐃᓬ ᐅᐦᒋ ᑭᑕ ᐅᐟ ᐊᔭᒥᐦᐁᐃᐧᔨᓂᒥᔮᐣ, ᑭᑕ ᐸᑭᑎᓈᓱᐟ ᓂ ᐸᑭᑎᓈᓱᐃᐧᓈᐱᐢᑯᕽ, ᑭᑕ ᒪᒍᐢᑌᐊᒼ ᐃᐧᑭᒪᓯᑲᐣ ᑭᑕ ᑭᑭᐢᑲᕽ ᐁᐦᐸᐟ ᐁ ᐅᐦᑎᐢᑲᐃᐧᐢᑲᐃᐧᐟ? ᐁᑯᓯ ᓂ ᑭ ᒥᔨᒫᐊ ᒋ ᑯᑕᐃᐧ ᐅ ᐋᐧᐢᑳᐦᐃᑲᓂᕽ ᑭᑕ ᐊᔮᔨᐟ ᑲᐦᑭᔭᐤ ᐅ ᒪᒍᐢᑌᐦᐊᒫᑫᐃᐧᓂᔨᐊᐧ ᐃᐢᕒᐁᐃᓬ ᐅᐟ ᐊᐋᐧᓯᒥᓴ? 29ᑖᓀᐦᑭ ᒫᑲ ᑳ ᑖᑕᑭᐢᑳᑕᒣᐠ ᓂ ᒪᒍᐢᑌᐦᐊᒫᑯᐃᐧᐣ ᒥᓇ ᓂ ᐸᑭᑎᓇᒫᑯᐃᐧᐣ, ᑳ ᑭ ᐃᑕᓱᐁᐧᔮᐣ ᓂᐟ ᐃᐦᑖᐃᐧᓂᕽ; ᐁᑯᓯ ᓇᐊᐧᐨ ᑭᑯᓯᓴᐠ ᐁ ᑭᐢᑕᑭᒪᒋᐠ ᐃᔨᑯᕽ ᓂᔭ, ᑭᑕ ᐅᐦᒋ ᑖᐦᒋᐳᐃᓱᔦᐠ ᑳ ᒫᐊᐧᒋ ᓂᑳᓀᔨᑖᑲᐧᓂᔨᑭ ᐅ ᐸᑭᑎᓈᓱᐃᐧᓂᐋᐧᐊᐧ ᐃᐢᕒᐁᐃᓬ ᓂᐟ ᐊᔨᓯᔨᓂᒪᐠ? 30ᐁᐊᐧᑯ ᐅᐦᒋ ᑳ ᑎᐯᔨᐦᒋᑫᐟ ᐅ ᑭᓭᒪᓂᑐᒪ ᐃᐢᕒᐁᐃᓬ ᐃᑌᐧᐤ, ᓂ ᑭ ᐃᑖᐧᐣ ᑖᐯᐧ ᐊᓂᑭ ᑭᑭᕽ ᑳ ᐊᔮᒋᐠ ᒥᓇ ᑯᑕᐃᐧ ᐃᐧᑭᕽ, ᑭᑕ ᐱᒧᐦᑌᒋᐠ ᐁ ᐅᐦᑎᐢᑲᐃᐧᐢᑲᐃᐧᒋᐠ ᑳᑭᑫ: ᒫᑲ ᐁᑲᐧ ᑳ ᑎᐯᔨᐦᒋᑫᐟ ᐃᑌᐧᐤ, ᑭᔮᒼ ᐁᐊᐧᑯ ᓂ ᑲ ᔮᐋᐧᐸᒥᑯᐣ; ᒋᑫᒫ ᐊᓂᑭ ᑳ ᑭᐢᑌᔨᒥᒋᐠ ᓂ ᑲ ᑭᐢᑌᔨᒫᐊᐧᐠ, ᒫᑲ ᐊᓂᑭ ᑲ ᐱᐁᐧᔨᒥᒋᐠ ᑭᑕ ᔮᐦᑫᔨᑖᑯᓯᐊᐧᐠ. 31ᒋᐢᐟ, ᐹᐸᔨᐊᐧ ᑭᓯᑳᐊᐧ, ᐃᑕ ᑫ ᑭᐢᑭᐁᐧᐸᐊᒫᐣ ᑭᐢᐱᑐᐣ ᒥᓇ ᐅᐢᐱᑐᓂᐋᐧᐤ ᑯᑖᐃᐧ ᐃᐧᑭᕽ, ᐁᑯᓯ ᓇᒪᐃᐧᔭ ᑭᑕ ᐃᐦᑖᐤ ᑭᓭᔨᓂᐤ ᑭᑭᕽ. 32ᑭ ᑲ ᐋᐧᐸᐦᑌᐣ ᒫᑲ ᑯᑕᑭᑖᐃᐧᐣ ᓂᐟ ᐃᐦᑖᐃᐧᓂᕽ ᒣᑳᐧᐨ ᐊᓂᒪ ᐁᐧᔪᑎᓯᐃᐧᐣ ᑳ ᑎᐯᔨᐦᒋᑫᐟ ᑫ ᒥᔮᐟ ᐃᐢᕒᐁᐃᓬᐊ; ᓇᒪᐃᐧᐦᑳᐨ ᒫᑲ ᒥᓇ ᑭᑕ ᐃᐦᑖᐤ ᑭᓭᔨᓂᐤ ᑭᑭᕽ. 33ᑭᐟ ᐊᔨᓯᔨᓂᒼ ᒫᑲ, ᐊᓇ ᐁᑳ ᑫ ᑭᐢᑲᑕᐊᐧᐠ ᓂ ᐸᑭᑎᓈᓱᐃᐧᓈᐱᐢᑯᕽ ᐅᐦᒋ, ᐁᐊᐧᑯ ᑫ ᒪᓂ ᓂᓯᐊᐧᓈᒋᐦᑖᐟ ᑭᐢᑭᓯᑲᐧ, ᒥᓇ ᑭᑕ ᐃᐧᓴᑭᑌᐦᐁᐢᑳᐢᐠ: ᑲᐦᑭᔭᐤ ᒫᑲ ᑭᑭᕽ ᑳ ᔭᐦᑭᐅᒋᐠ ᑭᑕ ᓂᐱᐊᐧᐠ ᐁ ᒣᑳᐧ ᐅᐢᑳᑎᓯᒋᐠ. 34#1 ᓵᒼᔪᐃᓬ 4:11ᐁᐊᐧᑯᒪ ᒫᑲ ᑫ ᑭᐢᑭᓇᐊᑌᔨᑕᒪᐣ ᑫ ᐅᑎᐦᑎᑯᒋᐠ ᑳ ᓂᓯᒋᐠ ᑭᑯᓯᓴᐠ, ᐦᐋᑊᓇᐩ ᒥᓇ ᐱᓂᐋᐢ; ᐯᔭᐠ ᐁ ᑭᓯᑳᐠ ᑖᐱᐢᑯᐨ ᑭᑕ ᓂᐱᐊᐧᐠ. 35ᐁᑯᓯ ᓂ ᑲ ᐸᓯᑯᓇᒫᓱᐣ ᐁ ᐊᔮᑳᐧᒥᓯᐟ ᐊᔭᒥᐦᐁᐃᐧᔨᓂᐤ, ᐊᓇ ᑫ ᐃᐦᑐᑕᕽ ᑳ ᐃᑕᐢᑌᐠ ᓂᑌᐦ ᒥᓇ ᓂ ᒫᒥᑐᓀᔨᐦᒋᑲᐣ; ᓂ ᑲ ᐅᔭᐢᑭᑕᒪᐋᐤ ᒫᑲ ᐁ ᑫᐦᒋᓈᑕᓂᔨᐠ ᐋᐧᐢᑳᐦᐃᑲᐣ; ᐁᑯᓯ ᑭᑕ ᐱᒧᐦᑌᐤ ᐅᐦᑎᐢᑲᐤ ᑳ ᑭ ᓇᐊᐧᓱᓂᒪᐠ ᑳᑭᑫ. 36ᑭᑕ ᐃᐦᑭᐣ ᒫᑲ ᑕᐦᑐ ᐊᐃᐧᔭ ᑳ ᐃᐢᑯᐃᒥᐦᐟ ᑭᑭᕽ ᑭᑕ ᐯ ᐸᑕᐱᐢᑖᐠ ᐁ ᐸᑯᓭᔨᑕᒫᑯᐟ ᓱᓂᔮᓴ ᐊᐦᐳ ᐸᐦᑫᐧᓯᑲᓂᓴ, ᐁᑯᓯ ᑭᑕ ᐃᑎᐠ, ᐱᐦᑐᑲᐦᐃᐣ ᑭ ᐸᑯᓭᔨᒥᑎᐣ ᓈᐣᑕᐤ ᐯᔭᐠ ᐊᔭᒥᐦᐁᐃᐧᔨᓂᐤ ᐅᐟ ᐊᑐᐢᑫᐃᐧᓂᕽ, ᑭᑕ ᐅᐦᒋ ᒧᐊᐧᐠ ᐊᐱᓯᐢ ᐸᐦᑫᐧᓯᑲᐣ.
Currently Selected:
ᓂᐢᑕᒼ ᓵᒼᔪᐃᓬ 2: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
