ᓂᐢᑕᒼ ᓵᒼᔪᐃᓬ 19
19
1ᓵᓬ ᒫᑲ ᑭ ᐃᐧᐦᑕᒪᐁᐧᐤ ᒑᓇᐦᑕᓇ ᐅᑯᓯᓴ, ᒥᓇ ᑲᐦᑭᔭᐤ ᐅᐟ ᐊᑐᐢᑫᔮᑲᓇ, ᑭᑕ ᓂᐸᐦᐋᔨᐟ ᑌᐱᑕ. 2ᒫᑲ ᒑᓇᐦᑕᐣ ᓵᓬ ᐅᑯᓯᓴ ᒥᐢᑕᐦᐃ ᑭ ᒥᔦᐧᔨᒣᐤ ᑌᐱᑕ. ᒑᓇᐦᑕᐣ ᒫᑲ ᑭ ᐃᐧᐦᑕᒪᐁᐧᐤ ᑌᐱᑕ, ᐁ ᐃᑌᐧᐟ, ᓵᓬ ᓄᑖᐃᐧ ᓇᑐᓇᒼ ᑭᑕ ᓂᐸᐃᐢᐠ; ᐁᑲᐧ ᒫᑲ ᑭ ᐸᑯᓭᔨᒥᑎᐣ, ᒥᑐᓂ ᑭᑖᓇᐁᐧᔨᒥᓱ ᑫᑭᓭᐹᔮᑭ, ᒥᓇ ᑳᑕᓄᕽ ᐊᔮ ᐁᑯᓯ ᑳᓱ. 3ᓂᔭ ᒫᑲ ᓂ ᑲ ᐊᐧᔭᐃᐧᐣ ᓂ ᑲ ᐃᐧᒋᑳᐸᐃᐧᐢᑕᐋᐧᐤ ᒫᑲ ᓄᑖᐃᐧ ᑭᐢᑎᑳᓂᕽ ᐃᑕ ᐁ ᐊᔮᔭᐣ, ᓂ ᑲ ᐊᔭᒥᐦᐋᐤ ᒫᑲ ᓄᑖᐃᐧ ᑭᔭ ᐅᐦᒋ; ᐁᑯᓯ ᑭᐢᐱᐣ ᑫᑲᐧᐩ ᐋᐧᐸᐦᑕᒫᓂ ᑭ ᑲ ᐃᐧᐦᑕᒫᑎᐣ.
4ᒑᓇᐦᑕᐣ ᒫᑲ ᑭ ᒥᔪᐋᔨᒧᑕᒪᐁᐧᐤ ᑌᐱᑕ ᐊᓂᐦᐃ ᓵᓬ ᐅᑖᐃᐧᔭ, ᐁᑯᓯ ᑭ ᐃᑌᐤ, ᐁᑳᐃᐧᔭ ᑭᐦᒋ ᐅᑭᒫᐤ ᑭᑕ ᒫᔨᑐᑕᐁᐧᐤ ᐅᐟ ᐊᑐᐢᑫᔮᑲᓇ ᑌᐱᑕ; ᒋᑫᒫ ᓇᒪᐃᐧᔭ ᑯᐦ ᒫᔨᑐᑖᐠ, ᒥᓇ ᒋᑫᒫ ᐅᐟ ᐃᑐᑕᒧᐃᐧᓇ ᓈᐢᐱᐨ ᑭ ᑭ ᒥᔪᑐᑖᑯᐋᐧᐣ. 5ᒋᑫᒫ ᑭ ᐊᐢᑕᐤ ᐅ ᐱᒫᑎᓯᐃᐧᐣ ᐅᒋᐦᒋᕽ, ᒥᓇ ᑭ ᓂᐸᐁᐤ ᐊᓂᐦᐃ ᐱᓬᐃᐢᑎᓇ, ᐁᑯᓯ ᑳ ᑎᐯᔨᐦᒋᑫᐟ ᑭ ᐊᑐᐢᑳᑕᒪᐁᐧᐤ ᑭᐦᒋ ᓵᑯᑖᐧᐃᐧᐣ ᑲᐦᑭᔭᐤ ᐃᐢᕒᐁᐃᓬᐊ; ᑭ ᑭ ᐋᐧᐸᐦᑌᐣ ᒥᓇ ᑭ ᑭ ᒪᒪᐦᑖᑯᓯᐣ; ᑫᑲᐧᐩ ᒫᑲ ᐅᐦᒋ ᑫ ᐊᐧᓂᑐᑕᒪᐣ ᑳ ᐯᑲᕽ ᒥᐦᑯ, ᐱᑯᓇᑕ ᑭᑕ ᓂᐸᐊᐟ ᑌᐱᐟ? 6ᓵᓬ ᒫᑲ ᑭ ᓇᑐᐦᑕᒣᐧᐤ ᐅᐟ ᐃᑌᐧᐃᐧᓂᔨᐤ ᒑᓇᐦᑕᓇ; ᐁᑯᓯ ᓵᓬ ᑭ ᑭᐦᒋᐃᑌᐧᐤ, ᐁ ᐱᒫᑎᓯᐟ ᑳ ᑎᐯᔨᐦᒋᑫᐟ, ᓇᒪᐃᐧᔭ ᑭᑕ ᓂᐸᐦᐋᐤ. 7ᒑᓇᐦᑕᐣ ᒫᑲ ᑭ ᓇᑐᒣᐤ ᑌᐱᑕ, ᐁᑯᓯ ᒑᓇᐦᑕᐣ ᑭ ᐋᐧᐸᐦᑕᐦᐁᐤ ᑲᐦᑭᔭᐤ ᐁᐊᐧᑯᓂᐦ. ᒑᓇᐦᑕᐣ ᒫᑲ ᑭ ᐱᐦᑐᑲᐦᐁᐤ ᑌᐱᑕ ᐃᑕ ᐁ ᐊᔮᔨᐟ ᓵᓬᐊ, ᐁᑯᓯ ᐁᑯᑕ ᑭ ᐊᔮᐤ ᐁ ᐋᐧᐸᒥᑯᐟ ᑖᐱᐢᑯᐨ ᑲᔭᐦᑌ.
8ᒥᓇ ᒫᑲ ᑭ ᓄᑎᓂᑐᓈᓂᐊᐧᐣ; ᐁᑯᓯ ᑌᐱᐟ ᑭ ᐊᐧᔭᐃᐧᐤ, ᒥᓇ ᑭ ᓄᑎᓀᐤ ᐱᓬᐃᐢᑎᓇ, ᐁᑯᓯ ᑭ ᓂᐸᐁᐤ ᑭᐦᒋ ᓂᐸᑖᑫᐃᐧᓂᕽ; ᒥᓇ ᑭ ᓯᐯᐧᔮᒧᑫᐤ. 9ᒫᑲ ᒪᒋ ᐊᐦᒑᐦᑲᐧ ᑳ ᑎᐯᔨᐦᒋᑫᐟ ᐅᐦᒋ ᑭ ᐅᑎᐦᑎᐠ ᓵᓬ, ᐁ ᐊᐱᐟ ᐅ ᐋᐧᐢᑳᐦᐃᑲᓂᕽ ᐅ ᑕᐦᑲᒋᑲᐣ ᐁ ᑕᐦᑯᓇᕽ; ᑌᐱᐟ ᒫᑲ ᑭ ᑭᑐᐦᒋᑫᐤ ᐅᒋᐦᒋ ᐅᐦᒋ. 10ᓵᓬ ᒫᑲ ᑭ ᑲᑫᐧ ᐊᓯᒋᐢᑕᐁᐧᐤ ᑌᐱᑕ ᓇᑲᐦᒋᑕᑳᕽ ᑕᐦᑲᒋᑲᐣ ᐅᐦᒋ; ᒫᑲ ᑭ ᐊᐧᔭᐃᐧᐸᔨᐦᐅ ᐃᑕ ᑳ ᐊᔮᔨᐟ ᓵᓬᐊ ᐅᐦᒋ, ᐁᑯᓯ ᑭ ᒋᐸᒋᑎᓂᔨᐤ ᑕᐦᑲᒋᑲᐣ ᓇᑲᐦᒋᑕᑳᕽ; ᐁᑯᓯ ᑌᐱᐟ ᑭ ᑕᐸᓯᐤ ᒥᓇ ᑭ ᓯᐯᐧᔮᒧ ᐁᐊᐧᑯ ᐁ ᑎᐱᐢᑳᐠ. 11#ᓂᑲᒧᓇ 59ᓵᓬ ᒫᑲ ᑭ ᐃᓯᑎᓴᐁᐧᐤ ᐊᑐᐢᑫᔮᑲᓇ ᑌᐱᑕ ᐅ ᐋᐧᐢᑳᐦᐃᑲᓂᔨᕽ ᑭᑕ ᐊᓱᐋᐧᔨᐟ ᐁᑯᓯ ᑭᑕ ᓂᐸᐦᐋᔨᐟ ᐁ ᑫᑭᓭᐹᔮᔨᐠ, ᒪᐃᑲᓬ ᒫᑲ ᑌᐱᐟ ᐃᐧᐊᐧ ᑭ ᐃᐧᐦᑕᒫᐠ, ᐁ ᐃᑌᐧᔨᐟ, ᑭᐢᐱᐣ ᐁᑳ ᐱᒫᒋᐦᐅᔭᓂ ᐊᓄᐦᐨ ᑳ ᑎᐱᐢᑳᐠ, ᐋᐧᐸᐦᑭ ᑭ ᑲ ᓂᐸᐃᑲᐃᐧᐣ.
12ᐁᑯᓯ ᒪᐃᑲᓬ ᑭ ᓂᐦᑖᐯᑭᓀᐤ ᑌᐱᑕ ᐋᐧᓭᓇᒫᐃᐧᓂᕽ ᐅᐦᒋ; ᑭ ᓯᐯᐧᑌᔨᐊᐧ ᒫᑲ, ᐁᑯᓯ ᑭ ᑕᐸᓯᔨᐊᐧ ᒥᓇ ᑭ ᐸᐢᐱᔨᐊᐧ. 13ᒫᑲ ᒪᐃᑲᓬ ᑭ ᐅᑎᓀᐤ ᑌᕒᐊᐱᒪ, ᐁᑯᓯ ᑭ ᐱᒥᓯᒣᐤ ᓂᐯᐃᐧᓂᕽ, ᐁᑯᓯ ᑭ ᐊᐢᑖᐤ ᐊᐢᐱᐢᑫᐧᓯᒧᓂᔨᐤ ᐋᐧᐸᑎᑯᐱᐊᐧᔭ ᒥᐢᑎᑳᐧᓂᕽ ᐃᑌᐦᑫ, ᒥᓇ ᑭ ᐊᑲᐧᓇᐦᐊᒼ ᓂᐹᑲᓇ ᐅᐦᒋ. 14ᐃᐢᐱ ᒫᑲ ᓵᓬ ᐁᓯᑎᓴᐋᐧᐟ ᐊᑐᐢᑫᔮᑲᓇ ᑭᑕ ᐅᑎᓈᔨᐟ ᑌᐱᑕ, ᑭ ᐃᑌᐧᐤ, ᐊᐦᑯᓯᐤ. 15ᐁᑯᓯ ᓵᓬ ᑭ ᐃᓯᑎᓴᐁᐧᐤ ᐊᑐᐢᑫᔮᑲᓇ ᑭᑕ ᐋᐧᐸᒫᔨᐟ ᑌᐱᑕ, ᐁ ᐃᑌᐧᐟ, ᐯ ᐃᑐᐦᑕᑕᒪᐃᐧᐠ ᓂᐯᐃᐧᓂᕽ ᑭᑕ ᓂᐸᐊᐠ. 16ᐃᐢᐱ ᒫᑲ ᐊᑐᐢᑫᔮᑲᓇᐠ ᐱᔦᐱᑐᑫᒋᐠ, ᐳᑎ ᑌᕒᐊᐱᒪ ᓂᐯᐃᐧᓂᕽ ᑳ ᐊᔮᔨᐟ, ᐁᑯᓯ ᐋᐧᐸᑎᑯᐱᐊᐧᔭ ᐊᐢᐱᐢᑫᐧᓯᒧᐣ ᒥᐢᑎᑳᐧᓂᕽ ᐁ ᐊᐢᑌᔨᐠ. 17ᓵᓬ ᒫᑲ ᑭ ᐃᑌᐤ ᒪᐃᑲᓬᐊ, ᑖᓀᐦᑭ ᐅᒥᓯ ᑳ ᑭ ᐃᓯ ᑲᔦᓯᐃᔭᐣ, ᐁᑯᓯ ᑳ ᐸᑭᑎᓇᐟ ᓂ ᐸᑳᐧᒋᑲᐣ ᑭᑕ ᓯᐯᐧᑌᐟ, ᐁᑯᓯ ᐁ ᐸᐢᐱᐟ? ᒪᐃᑲᓬ ᒫᑲ ᑭ ᓇᐢᑫᐧᐊᐧᓯᒣᐤ ᓵᓬᐊ, ᓂ ᑭ ᐃᑎᐠ, ᑭᔮᒼ ᐸᑭᑎᓂᐣ; ᑫᑲᐧᐩ ᐅᐦᒋ ᑫ ᓂᐸᐃᑖᐣ?
18ᑌᐱᐟ ᒫᑲ ᑭ ᑕᐸᓯᐤ ᒥᓇ ᑭ ᐸᐢᐱᐤ, ᐁᑯᓯ ᑭ ᐅᑎᐦᑌᐤ ᓵᒼᔪᐃᓬᐊ ᕒᐁᒪᐃᕽ, ᑭ ᐃᐧᐦᑕᒪᐁᐧᐤ ᒫᑲ ᑲᐦᑭᔭᐤ ᓵᓬᐊ ᑳ ᑭ ᐃᐦᑐᑖᑯᐟ. ᐁᑯᓯ ᐃᐧᔭ ᒥᓇ ᓵᒼᔪᐃᓬᐊ ᑭ ᓇᑕᐃᐧ ᐊᔮᐊᐧᐠ ᓀᔮᐦᑎᕽ. 19ᑭ ᐃᐧᐦᑕᒪᐋᐧᐤ ᒫᑲ ᓵᓬ, ᐁ ᐃᑌᐧᕽ, ᒫᑎᑲ, ᑌᐱᐟ ᐊᔮᐤ ᐊᓂᑕ ᓀᔮᐦᐟ ᕒᐁᒪᐃᕽ. 20ᓵᓬ ᒫᑲ ᑭ ᐃᓯᑎᓴᐁᐧᐤ ᐊᑐᐢᑫᔮᑲᓇ ᑭᑕ ᐅᑎᓈᔨᐟ ᑌᐱᑕ, ᐃᐢᐱ ᒫᑲ ᐃᐧᔮᐸᒫᒋᐠ ᐁ ᒫᒪᐁᐧᔭᑎᔨᐟ ᐅᑭᐢᑭᐁᐧᐦᐃᑫᐊᐧ ᐁ ᑭᐢᑭᐁᐧᐦᐃᑫᔨᐟ, ᐁᑯᓯ ᓵᒼᔪᐃᓬᐊ ᐁ ᓂᐸᐃᐧᔨᐟ ᐁ ᓂᑳᓂᐢᑕᒪᐊᐧᔨᐟ, ᐅᐟ ᐊᐦᒑᐦᑯᔨᐊᐧ ᑭᓭᒪᓂᑐᐊᐧ ᑭ ᐅᑎᐦᑎᑯᔨᐊᐧ ᐅᐟ ᐊᑐᐢᑫᔮᑲᓇ ᓵᓬ, ᐁᑯᓯ ᐃᐧᐢᑕᐋᐧᐤ ᑭ ᑭᐢᑭᐁᐧᐦᐃᑫᐊᐧᐠ. 21ᐃᐢᐱ ᒫᑲ ᐃᐧᔨᑕᒫᐦᐟ ᓵᓬ, ᑭ ᐃᓯᑎᓴᐁᐧᐤ ᑯᑕᑲ ᐊᑐᐢᑫᔮᑲᓇ, ᐁᐊᐧᑯᓂ ᒫᑲ ᒥᓇ ᑭ ᑭᐢᑭᐁᐧᐦᐃᑫᔨᐊᐧ. ᓵᓬ ᒫᑲ ᑭ ᐃᓯᑎᓴᐁᐧᐤ ᐊᑐᐢᑫᔮᑲᓇ ᒥᓇ ᐁᑲᐧ ᓂᐢᑖᐧᐤ, ᐁᐊᐧᑯᓂ ᒫᑲ ᒥᓇ ᑭ ᑭᐢᑭᐁᐧᐦᐃᑫᔨᐊᐧ. 22ᐁᑲᐧ ᒫᑲ ᐃᐧᐢᑕ ᑭ ᐃᑐᐦᑌᐤ ᕒᐁᒪᐃᕽ, ᐁᑯᓯ ᑭ ᐅᑎᑕᒼ ᑭᐦᒋ ᒧᓇᐃᐸᐣ ᐊᓂᑕ ᓯᐠᔪ ᑳ ᐊᔮᐠ; ᑭ ᑲᑫᐧᒋᑫᒧ ᒫᑲ, ᐁ ᐃᑌᐧᐟ, ᑖᓂᑌ ᐁᔮᒋᐠ ᓵᒼᔪᐃᓬ ᒥᓇ ᑌᐱᐟ? ᐁᑯᓯ ᐯᔭᐠ ᑭ ᐃᑎᐠ, ᒫᑎᑲ, ᐊᓂᑕ ᓀᔮᐦᐟ ᕒᐁᒪᐃᕽ ᐊᔮᐊᐧᐠ. 23ᐁᑯᑕ ᒫᑲ ᓀᔮᐦᐟ ᑭ ᐃᑐᐦᑌᐤ ᕒᐁᒪᐃᕽ; ᐁᑯᓯ ᐅᐟ ᐊᐦᒑᐦᑯᔨᐊᐧ ᑭᓭᒪᓂᑐᐊᐧ ᑭ ᐅᑎᐦᑎᐠ ᐃᐧᔭ ᒥᓇ, ᑭ ᐊᑎ ᐱᒧᐦᑌᐤ ᒫᑲ ᐁ ᐊᑎ ᑭᐢᑭᐁᐧᐦᐃᑫᐟ, ᐱᔨᐢ ᐁ ᑕᑯᓯᕽ ᐊᓂᑕ ᓀᔮᐦᐟ ᕒᐁᒪᐃᕽ. 24#1 ᓵᒼᔪᐃᓬ 10:11,12ᐃᐧᐢᑕ ᒫᑲ ᑭ ᑫᑕᓵᑫᐤ ᒥᓇ ᑭ ᑭᐢᑭᐁᐧᐦᐃᑫᐤ ᐅᐦᑎᐢᑲᐤ ᓵᒼᔪᐃᓬᐊ, ᑭ ᒧᓭᐢᑲᑌᓯᐣ ᒫᑲ ᑲᐯᑭᓯᐠ ᒥᓇ ᑲᐯᑎᐱᐢᐠ. ᐁᐊᐧᑯ ᐅᐦᒋ ᑳ ᐃᑌᐧᕽ, ᐃᐧᐢᑕ ᒋ ᓵᓬ ᐃᐧᒉᐁᐧᐤ ᐅᑭᐢᑭᐁᐧᐦᐃᑫᐊᐧ?
Currently Selected:
ᓂᐢᑕᒼ ᓵᒼᔪᐃᓬ 19: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
