ᓂᐢᑕᒼ ᓵᒼᔪᐃᓬ 18
18
1ᑭ ᐊᔨᑭᐣ ᒫᑲ ᐃᐢᐱ ᑳ ᐳᓂ ᐃᐧᒋᐱᑭᐢᑫᐧᒫᐟ ᓵᓬᐊ, ᐅᐟ ᐊᐦᒑᐦᑲᐧ ᒑᓇᐦᑕᐣ ᑭ ᐃᐧᒉᐁᐧᔨᐊᐧ ᐅᐟ ᐊᐦᒑᐦᑲᐧ ᑌᐱᐟ, ᐁᑯᓯ ᒑᓇᐦᑕᐣ ᑭ ᓵᑭᐦᐁᐤ ᑖᐱᐢᑯᐨ ᐃᐧᔭ ᐅᐟ ᐊᐦᒑᐦᑲᐧ. 2ᓵᓬ ᒫᑲ ᑭ ᐅᑎᓂᐠ ᐁᐊᐧᑳᐧᓂᒪ ᐁ ᑭᓯᑳᔨᐠ ᐁᑯᓯ ᓇᒪᐃᐧᔭ ᐃᐧ ᐸᑭᑎᓂᐠ ᑭᑕ ᑭᐁᐧᐟ ᒥᓇ ᐅᑖᐃᐧᔭ ᐃᐧᑭᔨᕽ. 3ᐁᑲᐧ ᒫᑲ ᒑᓇᐦᑕᐣ ᒪᓇ ᑌᐱᐟ ᑭ ᐃᐧᒋᐦᐃᓯᒋᑫᒥᑐᐊᐧᐠ, ᒋᑫᒫ ᐁ ᓵᑭᐦᐋᐟ ᑖᐱᐢᑯᐨ ᐃᐧᔭ ᐅᐟ ᐊᐦᒑᐦᑲᐧ. 4ᒑᓇᐦᑕᐣ ᒫᑲ ᑭ ᑫᒋᑯᐢᑲᒼ ᐊᓂᒪ ᐊᑯᐅᐃᐧᐣ ᑳ ᑭᑭᐢᑲᕽ, ᒥᓇ ᑭ ᒥᔦᐤ ᑌᐱᑕ, ᒥᓇ ᐅ ᑭᑭᐢᑳᒋᑲᐣ, ᐋᐧᐋᐧᐨ ᐅᐟ ᐃᓴᐁᐧᑯᒫᐣ ᒥᓇ ᐅᐟ ᐊᒑᐱᔭ, ᒥᓇ ᐅ ᐸᑲᐧᑌᐦᐅᐣ.
5ᑌᐱᐟ ᒫᑲ ᑭ ᓯᐯᐧᑌᐤ ᐱᑯ ᐃᑌ ᓵᓬᐊ ᐁ ᐃᓯᑎᓴᐦᐅᑯᐟ, ᒥᓇ ᑭ ᐃᔨᓂᓯᐃᐧ ᐃᓯᐦᒋᑫᐤ; ᓵᓬ ᒫᑲ ᑭ ᑎᐯᔨᐦᑕᒧᐃᐠ ᓇᑐᐸᔨᐃᐧᔨᓂᐊᐧ, ᐁᑯᓯ ᑭ ᒥᔮᐧᐱᓯᒥᑲᐧᐠ ᑲᐦᑭᔭᐤ ᐊᔨᓯᔨᓂᐊᐧᐠ, ᒥᓇ ᐁ ᐃᓯ ᐋᐧᐸᐦᑕᒥᔨᐟ ᓵᓬ ᐅᐟ ᐊᑐᐢᑫᔮᑲᓇ.
6ᑭ ᐊᔨᑭᐣ ᒫᑲ ᐁ ᐯ ᐃᑐᐦᑌᒋᐠ, ᐃᐢᐱ ᑌᐱᐟ ᐁ ᐯ ᑭᐁᐧᐟ ᐁ ᑭ ᓂᐸᐦᐋᐟ ᐊᓂᐦᐃ ᐱᓬᐃᐢᑎᓇ, ᐃᐢᑫᐧᐊᐧᐠ ᑭ ᐯ ᐅᐦᒋ ᐊᐧᔭᐃᐧᐊᐧᐠ ᑲᐦᑭᔭᐤ ᐃᐢᕒᐁᐃᓬ ᐅᑌᓈᕽ, ᐁ ᓂᑲᒧᒋᐠ ᒥᓇ ᐁ ᓂᒥᐃᑐᒋᐠ, ᑭᑕ ᓇᑭᐢᑲᐋᐧᒋᐠ ᑭᐦᒋ ᐅᑭᒫᐊᐧ ᓵᓬᐊ, ᑎᒼᐸᕒᐃᓬᐊ ᐁ ᐊᔮᒋᐠ, ᒥᓇ ᐁ ᒥᔭᐋᐧᑕᐦᑭᐠ, ᒥᓇ ᑭᑐᑖᑲᓇ ᐁ ᐊᔮᒋᐠ. 7#1 ᓵᒼᔪᐃᓬ 21:11; 29:5ᐊᓂᑭ ᒫᑲ ᐃᐢᑫᐧᐊᐧᐠ ᑭ ᓇᐢᑫᐧᐊᐧᓯᒥᑐᐊᐧᐠ ᐁ ᓂᑲᒧᒋᐠ ᐁ ᑭᑐᐦᒋᑫᒋᐠ, ᒥᓇ ᑭ ᐃᑌᐧᐊᐧᐠ,
ᓵᓬ ᑭ ᓂᐸᐁᐤ ᑭᐦᒋᒥᑖᐦᑐᒥᑕᓇᐤ, ᐁᑯᓯ ᑌᐱᐟ ᒥᑖᐦᑖᐧᐤ ᑭᐦᒋᒥᑖᐦᑐᒥᑕᓇᐤ.
8ᓵᓬ ᒫᑲ ᒥᐢᑕᐦᐃ ᑭ ᑭᓯᐊᐧᓯᐤ, ᐁᑯᓯ ᐅᒪ ᐃᑌᐧᐃᐧᐣ ᓇᒪᐃᐧᔭ ᓇᐦᐁᔨᑕᒥᐃᐠ; ᑭ ᐃᑌᐧᐤ ᒫᑲ, ᑭ ᐸᑭᑖᐧᑕᒪᐁᐧᐊᐧᐠ ᑌᐱᑕ ᒥᑖᐦᑖᐧᐤ ᑭᐦᒋᒥᑖᐦᑐᒥᑕᓇᐤ, ᓂᔭ ᒫᑲ ᐱᑯ ᑭᐦᒋᒥᑖᐦᑐᒥᑕᓇᐤ; ᑫᑲᐧᐩ ᒫᑲ ᐊᐊᐧᓯᒣ ᑫ ᑭ ᐊᔮᐟ ᐱᑯ ᑭᐦᒋ ᐅᑭᒫᐃᐧᐃᐧᐣ? 9ᓵᓬ ᒫᑲ ᑭ ᒫᔨᑲᓇᐋᐧᐸᒣᐤ ᑌᐱᑕ ᐁᑯᐢᐱ ᐅᐦᒋ.
10ᑭ ᐊᔨᑭᐣ ᒫᑲ ᐃᐧᔮᐸᓂᔨᐠ, ᒪᒋ ᐊᐦᒑᐦᑲᐧ ᑭᓭᒪᓂᑐ ᐅᐦᒋ ᑭ ᒪᐢᑲᐃᐧ ᐅᑎᐦᑎᐠ ᓵᓬ, ᐁᑯᓯ ᑭ ᑭᐢᑭᐁᐧᐦᐃᑫᐤ ᒣᑳᐧ ᐋᐧᐢᑳᐦᐃᑲᓂᕽ; ᑌᐱᐟ ᒫᑲ ᑭ ᑭᑐᐦᒋᑫᐤ ᐅᒋᐦᒋ ᐅᐦᒋ ᑖᐱᐢᑯᐨ ᑳ ᐃᑐᑕᕽ ᑕᐦᑐ ᑭᓯᑳᐤ; ᓵᓬ ᒫᑲ ᑭ ᑕᐦᑯᓇᒼ ᑕᐦᑲᒋᑲᓂᔨᐤ ᐅᒋᐦᒋᕽ. 11ᐁᑯᓯ ᓵᓬ ᑭ ᒋᑲᑳᐧᑌᐤ ᐊᓂᒪ ᑕᐦᑲᒋᑲᐣ; ᒋᑫᒫ ᑭ ᐃᑌᐧᐤ, ᓂ ᑲ ᓵᐳᐢᑕᐋᐧᐤ ᑌᐱᐟ ᐊᓯᒋᑕᑳᕽ. ᑌᐱᐟ ᒫᑲ ᑭ ᑕᐸᓯᑖᐤ ᓂᓵᐧᐤ.
12ᐁᑯᓯ ᓵᓬ ᑭ ᑯᐢᑌᐤ ᑌᐱᑕ, ᒋᑫᒫ ᑳ ᑎᐯᔨᐦᒋᑫᔨᐟ ᑭ ᐃᐧᒉᐃᐧᑯᔨᐊᐧ, ᐁᑯᓯ ᑭ ᓇᑲᑌᐤ ᐃᐧᔭ ᓵᓬ. 13ᐁᐊᐧᑯ ᒫᑲ ᐅᐦᒋ ᓵᓬ ᑭ ᐃᑲᑌᓀᐤ, ᒫᑲ ᑭ ᐅᔮᑭᒣᐤ ᑭᑕ ᐅ ᓯᒫᑲᓂᓯᐃᐧᑭᒫᒥᐟ ᑭᐦᒋᒥᑖᐦᑐᒥᑕᓇᐤ ᑭᑕ ᑎᐯᔨᒫᔨᐟ; ᐁᑯᓯ ᑭ ᐊᐧᔭᐃᐧᐤ ᒥᓇ ᑭ ᐱᐦᑐᑫᐤ ᐁ ᐋᐧᐸᒥᑯᐟ ᐊᔨᓯᔨᓂᐊᐧ. 14ᑌᐱᐟ ᒫᑲ ᑭ ᓄᑯᑖᐤ ᐁ ᐃᔨᓂᓯᐟ ᒥᓯᐁᐧ ᐅᐟ ᐃᓯᐦᒋᑫᐃᐧᓂᕽ; ᑳ ᑎᐯᔨᐦᒋᑫᔨᐟ ᒫᑲ ᑭ ᐃᐧᒉᐃᐧᐠ. 15ᐃᐢᐱ ᒫᑲ ᓵᓬ ᐃᐧᔮᐸᐦᑕᕽ ᐁ ᓄᑯᑖᔨᐟ ᒥᐢᑕᐦᐃ ᐁ ᐃᔨᓂᓯᔨᐟ, ᒥᐢᑕᐦᐃ ᑭ ᑯᐢᑌᐤ. 16ᒫᑲ ᑲᐦᑭᔭᐤ ᐃᐢᕒᐁᐃᓬ ᒥᓇ ᒍᑕ ᑭ ᓵᑭᐦᐁᐊᐧᐠ ᑌᐱᑕ; ᒋᑫᒫ ᑭ ᐊᐧᔭᐃᐧᔨᐊᐧ ᒥᓇ ᑭ ᐱᐦᑐᑫᔨᐊᐧ ᐁ ᐋᐧᐸᒫᒋᐠ.
17ᓵᓬ ᒫᑲ ᑭ ᐃᑌᐤ ᑌᐱᑕ, ᒫᑎᑲ ᐅᒥᓯᒫᐤ ᓂᑖᓂᐢ ᒥᕒᐋᑊ, ᐁᐊᐧᑯ ᑫ ᒥᔨᑖᐣ ᑭᑕ ᐃᐧᐃᐧᔭᐣ ᐱᑯ ᓱᑫᔨᒧᐢᑕᒪᐃᐧᐣ, ᒥᓇ ᓄᑎᓂᑫ ᑳ ᑎᐯᔨᐦᒋᑫᐟ ᐅ ᓄᑎᓂᑫᐃᐧᓇ. ᒋᑫᒫ ᓵᓬ ᑭ ᐃᑌᐧᐤ, ᑭᔮᒼ ᐁᑳᐃᐧᔭ ᓂᔭ ᓂᒋᐦᒋᔨᐤ ᑭᑕ ᐸᑲᒥᐢᑳᐠ, ᒫᑲ ᑭᔮᒼ ᐅᒋᐦᒋᔨᐤ ᐱᓬᐃᐢᑎᓇ ᑭᑕ ᐸᑲᒥᐢᑳᐠ. 18ᑌᐱᐟ ᒫᑲ ᑭ ᐃᑌᐤ ᓵᓬᐊ, ᐊᐁᐧᓇ ᓂᔭ, ᒥᓇ ᑫᑲᐧᐩ ᐃᐧᔭ ᓂᔭ ᓂ ᐱᒫᑎᓯᐃᐧᐣ, ᐊᐦᐳ ᓄᑖᐃᐧ ᐁ ᐃᓯ ᐋᐧᑯᑐᐟ ᐃᐢᕒᐁᐃᓬᐃᕽ, ᑭᑕ ᐅᓯᓯᔮᐣ ᑭᐦᒋ ᐅᑭᒫᐤ? 19ᒫᑲ ᑭ ᐊᔨᑭᐣ ᐃᑕ ᐁ ᐅᑎᐦᒋᐸᔨᐠ ᒥᕒᐋᑊ ᓵᓬ ᐅᑖᓂᓴ ᑭᑕ ᑭ ᒥᔨᐦᐟ ᑌᐱᐟ, ᑭ ᒥᔮᐤ ᐁᑕᕒᐃᔭᓬ ᐊᓇ ᒥᐦᐋᓬᐊᑕᐃᐟ ᑭᑕ ᐃᐧᐃᐧᐟ. 20ᒪᐃᑲᓬ ᒫᑲ ᓵᓬ ᐅᑖᓂᓴ ᑭ ᓵᑭᐦᐁᐤ ᑌᐱᑕ: ᐁᑯᓯ ᑭ ᐃᐧᐦᑕᒪᐁᐧᐊᐧᐠ ᓵᓬᐊ, ᑭ ᓇᐦᐁᔨᑕᒼ ᒫᑲ. 21ᓵᓬ ᒫᑲ ᑭ ᐃᑌᐧᐤ, ᓂ ᑲ ᒥᔮᐤ ᐁᐊᐧᑯᓂ, ᑭᑕ ᒥᓯᐃᑯᐟ, ᒥᓇ ᐱᓬᐃᐢᑎᓇ ᐅᒋᐦᒋᔨᐊᐧ ᑭᑕ ᐸᑲᒥᐢᑳᑯᐟ. ᐁᑯᓯ ᒫᑲ ᓵᓬ ᑭ ᐃᑌᐤ ᑌᐱᑕ, ᐊᓄᐦᐨ ᑳ ᑭᓯᑳᐠ ᑭ ᑲ ᐅᑎᑲᐧᑎᒥᒥᑎᐣ ᓂᑯᑖᐧ ᐯᔭᐠ ᐁ ᐃᓯ ᓂᓯᒋᐠ.
22ᓵᓬ ᒫᑲ ᑭ ᐃᑕᓱᐋᐧᑌᐤ ᐅᐟ ᐊᑐᐢᑫᔮᑲᓇ ᐁ ᐃᑖᐟ, ᑭᒧᐨ ᐊᔭᒥᐃᕽ ᑌᐱᐟ, ᐃᑌᐧᐠ ᒫᑲ, ᒫᑎᑲ, ᑭᐦᒋᐃᑭᒫᐤ ᑭ ᒥᔦᐧᔨᒥᐠ, ᒥᓇ ᑲᐦᑭᔭᐤ ᐅᐟ ᐊᑐᐢᑫᔮᑲᓇ ᑭ ᓵᑭᐦᐃᑯᔨᐊᐧ; ᐁᑲᐧ ᒫᑲ ᑭᔮᒼ ᑭᐦᒋ ᐅᑭᒫᐤ ᑭ ᑲ ᐅᓯᓯᐣ. 23ᓵᓬ ᒫᑲ ᐅᐟ ᐊᑐᐢᑫᔮᑲᓇ ᐁᑯᓯ ᐅᒪ ᑭ ᐃᑌᐧᐊᐧᐠ ᐅᐦᑕᐊᐧᑳᔨᕽ ᑌᐱᑕ. ᑌᐱᐟ ᒫᑲ ᑭ ᐃᑌᐧᐤ, ᔮᑫᔨᑖᑲᐧᐣ ᒋ ᑭᐟ ᐃᑌᔨᑌᓈᐋᐧᐤ ᑭᐦᒋ ᐅᑭᒫᐤ ᑭᑕ ᐅᓯᓯᕽ, ᐃᐧᔭ ᓂᔭ ᐁ ᑭᑎᒫᑭ ᐊᔨᓯᔨᓂᐃᐧᔮᐣ, ᒥᓇ ᐁᑳ ᐁ ᑭᐦᒉᔨᑖᑯᓯᔭᐣ? 24ᐅᐟ ᐊᑐᐢᑫᔮᑲᓇ ᒫᑲ ᓵᓬ ᑭ ᐃᐧᐦᑕᒪᐁᐧᐊᐧᐠ, ᐁ ᐃᑌᐧᒋᐠ, ᐁᑯᓯ ᐅᒪ ᑳ ᐃᓯ ᐱᑭᐢᑫᐧᐟ ᑌᐱᐟ. 25ᓵᓬ ᒫᑲ ᑭ ᐃᑌᐧᐤ, ᐅᒥᓯ ᑭ ᑲ ᐃᑖᐋᐧᐤ ᑌᐱᐟ, ᓇᒪᐃᐧᔭ ᑎᐸᐦᐃᑫᐃᐧᐣ ᓇᑕᐁᐧᔨᑕᒼ ᑭᐦᒋ ᐅᑭᒫᐤ, ᒫᑲ ᒥᑖᐦᑐᒥᑕᓇᐤ ᐅ ᐊᐧᐢᑭᑕᓴᑳᓂᔨᐊᐧ ᐱᓬᐃᐢᑎᓇ, ᑭᑕ ᐋᐯᐅᐟ ᑭᐦᒋ ᐅᑭᒫᐤ ᐅᓄᑎᓈᑲᓇ. ᓵᓬ ᒫᑲ ᑭ ᐃᑌᔨᑕᒼ ᐅᒋᐦᒋᔨᕽ ᐱᓬᐃᐢᑎᓇ ᑭᑕ ᐅᐦᒋ ᐸᐦᑭᓯᓂᔨᐟ ᑌᐱᑕ. 26ᐃᐢᐱ ᒫᑲ ᐅᐟ ᐊᑐᐢᑫᔮᑲᓂᔨᐊᐧ ᐃᐧᔨᑕᒫᑯᐟ ᑌᐱᐟ ᐅᐦᐃ ᐃᑌᐧᐃᐧᓇ, ᑭ ᒥᔦᐧᔨᑕᒼ ᑌᐱᐟ ᑭᐦᒋᐅᑭᒪᐊᐧ ᑭᑕ ᐅᓯᓯᐟ. ᐁᑯᓯ ᓇᒣᐢᑲᐧ ᑭᓯᑳᐊᐧ ᑭᓯᐱᐸᔨᐊᐧ. 27ᑌᐱᐟ ᒫᑲ ᑭ ᐸᓯᑯ ᒥᓇ ᑭ ᓯᐯᐧᑌᐤ, ᐃᐧᔭ ᒥᓇ ᐅᐢᑭᓂᑭᒪ, ᑭ ᓂᐸᐁᐊᐧᐠ ᒫᑲ ᐱᓬᐃᐢᑎᓇ ᓂᓵᐧᐤ ᒥᑖᐦᑐᒥᑕᓇᐤ ᓈᐯᐊᐧ; ᐁᑯᓯ ᑌᐱᐟ ᑭ ᐯᑖᐁᐧᐤ ᐅ ᐊᐧᐢᑭᑕᓴᑳᔨᐊᐧ ᒥᓇ ᑭ ᒥᔦᐊᐧᐠ ᑭᐦᒋ ᐅᑭᒫᐊᐧ ᒥᑐᓂ ᑎᐱᑕᐦᑐ, ᑭᑕ ᐅᑎᐦᑲᐧᑎᒥᒥᑯᐟ ᑭᐦᒋ ᐅᑭᒫᐊᐧ. ᑭ ᒥᔨᐠ ᒫᑲ ᒪᐃᑲᓬ ᐅᑖᓂᓯᔨᐊᐧ ᑭᑕ ᐃᐧᐃᐧᐟ.
28ᐁᑯᓯ ᓵᓬ ᑭ ᐋᐧᐸᐦᑕᒼ ᒥᓇ ᑭ ᑭᐢᑫᔨᑕᒼ ᑳ ᑎᐯᔨᐦᒋᑫᔨᐟ ᐁ ᐃᐧᒉᐃᐧᑯᔨᐟ ᑌᐱᑕ; ᒪᐃᑲᓬ ᒫᑲ ᓵᓬ ᐅᑖᓂᓴ ᑭ ᓵᑭᐦᐁᐤ. 29ᓵᓬ ᒫᑲ ᑫᔮᐱᐨ ᐊᐊᐧᓯᒣ ᐊᔨᐋᐧᐠ ᑭ ᑯᐢᑌᐤ ᑌᐱᑕ; ᐁᑯᓯ ᑕᐦᑭᓀ ᓵᓬ ᑭ ᐸᑳᐧᑌᐤ ᑌᐱᑕ.
30ᐁᑲᐧ ᐅᑭᒫᒥᔨᐊᐧ ᐱᓬᐃᐢᑎᓇ ᑭ ᓯᐯᐧᑌᔨᐊᐧ; ᐁᑯᓯ ᑭ ᐊᔨᑭᐣ, ᑕᐦᑖᐧᐤ ᐁ ᓯᐯᐧᑌᔨᐟ, ᑌᐱᐟ ᑭ ᓄᑯᑖᐤ ᐊᔨᐋᐧᐠ ᐁ ᐃᔨᓂᓯᐟ ᐃᔨᑯᕽ ᑲᐦᑭᔭᐤ ᐅᐟ ᐊᑐᐢᑫᔮᑲᓂᔨᐊᐧ ᓵᓬ; ᐁᑯᓯ ᐅ ᐃᐧᔪᐃᐧᐣ ᒥᐢᑕᐦᐃ ᑭ ᑭᐢᑕᐢᑖᐋᐧᐣ.
Currently Selected:
ᓂᐢᑕᒼ ᓵᒼᔪᐃᓬ 18: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
