ᓂᐢᑕᑦ ᑭᐦᒋ ᐅᑭᒫᐊᐧᐠ 2
2
1ᐅ ᑭᓯᑳᒪ ᒫᑲ ᑌᐱᐟ ᑭ ᐊᑎ ᐯᓱᓈᑲᐧᓂᔨᐊᐧ ᑭᑕ ᐳᓂ ᐱᒫᑎᓯᐟ; ᐁᑯᓯ ᑭ ᐊᔮᑳᐧᒥᒣᐤ ᓵᓬᐊᒪᓇ ᐅᑯᓯᓴ ᐁ ᐃᑌᐧᐟ, 2ᓂ ᓯᐯᐧᑖᐣ ᐃᑌ ᑳ ᐃᑐᐦᑌᐟ ᑲᐦᑭᔭᐤ ᐊᐢᑭᕽ ᑳ ᐊᔮᐟ; ᐃᐧ ᒪᐢᑲᐃᐧᓯ ᒫᑲ ᒥᓇ ᓄᑯᑖ ᐁ ᓇᐯᐃᐧᔭᐣ, 3ᑲᓀᐧᔨᑕᒼ ᒫᑲ ᐅᐟ ᐊᔮᑳᐧᒥᒥᐁᐧᐃᐧᐣ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ, ᑭᑕ ᐱᒧᑕᑐᑕᒪᐧᐟ ᐅᐟ ᐃᓯᑖᐧᐃᐧᓇ, ᑭᑕ ᑲᓀᐧᔨᑕᒪᐧᐟ ᐅ ᑲᑫᐢᑫᐧᐃᐧᓇ, ᒥᓇ ᐅᐟ ᐃᑕᓱᐁᐧᐃᐧᓇ, ᒥᓇ ᐅᔭᓱᐋᐧᓯᐁᐧᐃᐧᓇ, ᒥᓇ ᐅ ᑭᐢᑫᔨᑕᒧᐃᐁᐧᐃᐧᓇ, ᐁ ᐃᑕᐢᑌᐠ ᐊᓂᒪ ᑳ ᒪᓯᓇᐃᑳᑌᐠ ᐅᔭᓱᐁᐧᐃᐧᓂᕽ ᒧᓯᐢ, ᑭᑕ ᓇᓇᐦᐃᐸᔨᔭᐣ ᑲᐦᑭᔭᐤ ᑳ ᐃᑐᑕᒪᐣ, ᒥᓇ ᐱᑯ ᐃᑌ ᐁ ᐃᓯ ᑫᐧᐢᑭᔭᐣ. 4ᒥᓇ ᑳ ᑎᐯᔨᐦᒋᑫᐟ ᑭᑕ ᐋᔮᑕᐢᑖᐟ ᐅᐟ ᐃᑌᐧᐃᐧᐣ ᑳ ᑭ ᐃᑌᐧᐟ ᓂᔭ ᐅᐦᒋ, ᐁ ᐃᑌᐧᐟ, ᑭᐢᐱᐣ ᑭᐟ ᐊᐋᐧᓯᒥᓴᐠ ᐊᔮᑳᐧᒥᓯᑖᐧᐃᐧ ᐅᐟᐃᓯᐦᒋᑫᐃᐧᓂᐊᐧᕽ, ᑭᑕ ᐃᓯ ᐱᒧᐦᑌᒋᐠ ᐁ ᐋᐧᐸᒪᑭᐠ ᑖᐯᐧᐃᐧᓂᕽ ᒥᓯᐁᐧ ᐅᑌᐦᐃᐋᐧᕽ ᒥᓇ ᒥᓯᐁᐧ ᐅᐟ ᐊᐦᒑᐦᑯᐋᐧᕽ, ᓇᒪᐃᐧᔭ ᑭ ᑲ ᓄᐦᑌᐸᔨᐣ (ᑭ ᐃᑌᐧᐤ) ᓈᐯᐤ ᐅ ᑭᐦᒋ ᐅᑭᒫᐊᐧᐱᐃᐧᓂᕽ ᐃᐢᕒᐁᐃᓬ. 5#2 ᓵᒼᔪᐃᓬ 3:27; 2 ᓵᒼᔪᐃᓬ 20:10ᐁᑯᓯ ᒥᓇ ᑭ ᑭᐢᑫᔨᑌᐣ ᐊᓂᒪ ᒍᐋᑊ ᐅᑯᓯᓴ ᓯᕒᔪᐋᔭ ᑳ ᑭ ᐃᑐᑕᐃᐧᐟ, ᐊᓂᒪ ᐅᑎ ᑳ ᑭ ᐃᑐᑕᐋᐧᐟ ᓂᓱ ᐅ ᓯᒫᑲᓇᓯᐃᐧᑭᒫᒥᔨᐊᐧ ᐃᐢᕒᐁᐃᓬ, ᐋᑊᓇᕒ ᐅᑯᓯᓴ ᓇᕒ, ᒥᓇ ᐁᒫᓴ ᐅᑯᓯᓴ ᒉᐦᑕᕒ, ᑳ ᑭ ᓂᐸᐦᐋᐟ, ᒥᓇ ᑳ ᑭ ᓯᑭᓇᕽ ᓄᑎᓂᑫᐃᐧ ᒥᐦᑯ ᒣᑳᐧ ᐃᐧᑕᐢᑭᑐᐃᐧᓂᕽ, ᐁᑯᓯ ᐁ ᑭ ᐊᐢᑖᐟ ᓄᑎᓂᑐᐃᐧ ᒥᐦᑯ ᐅ ᐸᑲᐧᑌᐦᐅᓂᕽ ᐋᐱᑐᔭᐤ ᑳ ᑭ ᐊᔮᔨᐠ, ᒥᓇ ᐅ ᒪᐢᑭᓯᓂᕽ ᐅᓯᑎᕽ ᑳ ᑭ ᐊᔮᔨᑭ. 6ᐃᐦᑐᑕ ᒫᑲ ᑳ ᐃᓯ ᐃᔨᓂᓯᔭᐣ, ᒥᓇ ᐁᑳᐃᐧᔭ ᐅ ᐋᐧᐱᐢᑎᑲᐧᓀᐃᐧᐣ ᑭᑕ ᐃᑐᐦᑌᒪᑲᓂᔨᐤ ᔨᑲᐧᐦᐊᐢᑳᓂᕽ ᐯᔭᐦᑕᑫᔨᒧᐃᐧᓂᕽ. 7#2 ᓵᒼᔪᐃᓬ 17:27-29ᒫᑲ ᑭᓭᐋᐧᑐᑕᐃᐧᐠ ᐅᑯᓯᓴ ᐸᕒᓯᓬᐋᐩ ᐊᓇ ᑭᓬᐃᔭᑕᐃᐟ, ᑭᔮᒼ ᒫᑲ ᐁᐊᐧᑯᓂᐠ ᑭᑕ ᐃᐧᒋᐦᐃᐁᐧᐊᐧᐠ ᐊᓂᑭ ᑳ ᒥᒋᓱᒋᐠ ᑭ ᒥᒋᓱᐃᐧᓈᑎᑯᕽ; ᒋᑫᒫ ᐁᑯᓯ ᓂ ᑭ ᐯ ᐃᓯ ᓈᑎᑲᐧᐠ ᐃᐢᐱ ᑳ ᑕᐸᓯᐊᐠ ᐋᑊᓴᓬᐊᒼ ᑭᒋᐋᐧᒼ. 8#2 ᓵᒼᔪᐃᓬ 16:5-13; 19:16-23ᐁᑲᐧ ᒫᑎᑲ, ᑭ ᐃᐧᒋᐊᔮᒥᐠ ᓯᒥᐊᐩ ᐅᑯᓯᓴ ᑭᕒᐊ, ᐊᓇ ᐯᐣᒋᒪᐃᐟ, ᐹᐦᐊᕒᐃᒼ ᐅᐦᒋ, ᑳ ᑭ ᒪᒋᐃᓯᐟ ᐁ ᑭᐦᒋᒪᒋᐃᑌᐧᐟ ᐊᓂᒪ ᐁ ᑭᓯᑳᐠ ᐃᐢᐱ ᑳ ᐃᑐᐦᑌᔮᐣ ᒣᐦᐋᓀᐃᒼ; ᒫᑲ ᓂ ᑭ ᐯ ᓇᑕᐃᐧ ᓇᑭᐢᑳᐠ ᒑᕒᑕᓂᕽ, ᐁᑯᓯ ᓂ ᑭ ᑭᐦᒋᐃᑖᐤ ᑳ ᑎᐯᔨᐦᒋᑫᐟ ᐁ ᐊᐢᐱᒧᔮᐣ, ᐁ ᐃᑕᐠ, ᓇᒪᐃᐧᔭ ᑭ ᑲ ᓂᐸᐃᑎᐣ ᐃᓴᐁᐧᐢᐠ ᐅᐦᒋ. 9ᐁᑲᐧ ᒫᑲ ᐁᑳᐃᐧᔭ ᐃᓯ ᑲᓇᐋᐧᐸᒼ ᑖᐱᐢᑯᐨ ᐁᑳ ᐁ ᐊᐧᓂᑐᑕᕽ, ᒋᑫᒫ ᑭᐟ ᐃᔨᓂᓯᐃᐧ ᐊᔨᓯᔨᓂᐃᐧᐣ; ᐁᑯᓯ ᑭ ᑲ ᑭᐢᑫᔨᑌᐣ ᑖᓂᓯ ᑫ ᑐᑕᐊᐧᐟ, ᐅ ᐋᐧᐱᐢᑎᑳᐧᓈᐣ ᒫᑲ ᑭ ᑲ ᐃᓯᒋᑳᐣ ᑭᑭ ᒥᐦᑯ ᑭᑕᐃᑐᐦᑕᑖᐃᐧᐦᐟ ᔨᑲᐧᐦᐊᐢᑳᓂᕽ.
10ᐁᑯᓯ ᒫᑲ ᑌᐱᐟ ᑭ ᐃᐧᒋᓂᐹᒣᐤ ᐅᑖᐃᐧᔭ ᒥᓇ ᑭ ᓇᐃᓈᐤ ᐅᐟ ᐅᑌᓈᕽ ᑌᐱᐟ. 11#2 ᓵᒼᔪᐃᓬ 5:4,5; 1 ᐊᑭᓀ ᐋᒋᒧᐃᐧᓇ 3:4ᑭᓯᑳᐊᐧ ᒫᑲ ᑌᐱᐟ ᑳ ᑭ ᑭᐦᒋ ᐅᑭᒫᑲᑕᐋᐧᐟ ᐃᐢᕒᐁᐃᓬᐊ ᓀᒥᑕᓇᐤ ᑕᐦᑐ ᐊᐢᑭ; ᑌᐸᑯᑊ ᐊᐢᑭ ᑭ ᑭᐦᒋᐅᑭᒪᐃᐧᐤ ᐦᐁᐸᕒᐊᓂᕽ, ᐁᑯᓯ ᓂᐢᑐᒥᑕᓇᐤ ᒥᓇ ᓂᐢᑐ ᐊᔨᐋᐧᐠ ᑕᐦᑐ ᐊᐢᑭ ᑭ ᑭᐦᒋ ᐅᑭᒫᐃᐧᐤ ᒉᕒᐅᓴᓬᐊᒥᕽ.
12 #
1 ᐊᑭᓀ ᐋᒋᒧᐃᐧᓇ 29:23
ᓵᓬᐊᒪᐣ ᒫᑲ ᑭ ᐊᐱᐤ ᐅ ᑭᐦᒋ ᐅᑭᒫᐊᐧᐱᐃᐧᓂᔨᕽ ᑌᐱᑕ ᐅᑖᐃᐧᔭ; ᐁᑯᓯ ᐅ ᑭᐦᒋᐅᑭᒫᐃᐧᐃᐧᐣ ᒥᐢᑕᐦᐃ ᑭ ᐋᔮᑕᐢᑖᐋᐧᐣ.
13ᐁᑲᐧ ᐋᑕᓇᐃᒐ ᐅᑯᓯᓴ ᐦᐋᑭᐦᐟ ᑭ ᐯ ᓈᑌᐤ ᐹᐦᐟᓯᐸᐊᐧ ᓵᓬᐊᒪᐣ ᐅᑳᐃᐧᔮ. ᑭ ᐃᑎᐠ ᒫᑲ. ᐯᔭᑕᑫᔨᑖᑲᐧᐣ ᒋ ᑳ ᐅᐦᒋ ᐯ ᐃᑐᐦᑌᔭᐣ? ᑭ ᐃᑌᐧᐤ ᒫᑲ. ᐯᔭᑕᑫᔨᑖᑲᐧᐣ. 14ᑭ ᐃᑌᐧᐤ ᒥᓇ, ᓂᐟ ᐊᔮᐣ ᑫᑲᐧᐩ ᑭᑕ ᐃᑎᑖᐣ. ᐁᑯᓯ ᑭ ᐃᑎᐠ, ᐃᑌᐧ ᒫᑲ. 15ᐁᑯᓯ ᑭ ᐃᑌᐧᐤ, ᑭ ᑭᐢᑫᔨᑌᐣ ᑭᐦᒋ ᐅᑭᒫᐃᐧᐃᐧᐣ ᓂᔭ ᐁ ᑭ ᐊᔮᔮᐣ, ᒥᓇ ᑲᐦᑭᔭᐤ ᐃᐢᕒᐁᐃᓬ ᐁ ᑭ ᑲᓇᐋᐧᐸᒥᒋᐠ ᑭᑕ ᑭᐦᒋ ᐅᑭᒫᐃᐧᔮᐣ; ᐁᔨᐁᐧᕽ ᒫᑲ ᑭᐦᒋ ᐅᑭᒫᐃᐧᐃᐧᐣ ᑫᐧᐢᑭᓂᑲᑌᐤ, ᐁᑯᓯ ᓂᒋᐋᐧᒼ ᐊᔮᐤ; ᐊᔨᐢ ᑳ ᑎᐯᔨᐦᒋᑫᐟ ᐅᐦᒋ ᑭ ᐊᔮᐤ. 16ᐁᑲᐧ ᒫᑲ ᐯᔭᐠ ᓇᑐᑕᒫᑫᐃᐧᐣ ᑭ ᑲᑫᐧᒋᒥᑎᐣ, ᐁᑳᐃᐧᔭ ᐋᓀᐧᑕᐃᐧᐣ. ᐁᑯᓯ ᑭ ᐃᑎᐠ ᐃᐧᐦᑕ ᒫᑲ. 17#1 ᑭᐦᒋ ᐅᑭᒫᐊᐧᐠ 1:3,4ᐁᑲᐧ ᑭ ᐃᑌᐧᐤ, ᑭ ᐸᑯᓭᔨᒥᑎᐣ ᑭᑕ ᐊᔭᒥᐦᐊᐟ ᓵᓬᐊᒪᐣ ᑭᐦᒋ ᐅᑭᒫᐤ, (ᒋᑫᒫ ᓇᒪᐃᐧᔭ ᑭ ᑲ ᐋᓀᐧᑖᐠ,) ᑭᑕ ᒥᔨᐟ ᐋᐱᓵᐠ ᐊᓇ ᓱᓇᒪᐃᐟ ᑭᑕ ᐃᐧᐃᐧᔮᐣ. 18ᐹᐦᐟᓯᐸ ᒫᑲ ᑭ ᐃᑌᐤ, ᑭᔮᒼ; ᑭ ᑲ ᐱᑭᐢᑫᐧᐢᑕᒫᑎᐣ ᑭᐦᒋ ᐅᑭᒫᐤ ᑭᑕ ᑲᑫᐧᒋᒪᐠ.
19ᐁᑲᐧ ᐹᐦᐟᓯᐸ ᑭ ᓇᑕᐋᐧᐸᒣᐤ ᑭᐦᒋᐅᑭᒪᐊᐧ ᓵᓬᐊᒪᓇ ᑭᑕ ᐱᑭᐢᑫᐧᐢᑕᒪᐋᐧᐟ ᐋᑕᓇᐃᒐᐊᐧ. ᑭᐦᒋ ᐅᑭᒫᐤ ᒫᑲ ᑭ ᐸᓯᑯ ᐁ ᓇᑭᐢᑲᐋᐧᐟ, ᐁᑯᓯ ᑭ ᓈᒥᐢᑫᐧᔨᐢᑕᐁᐧᐤ, ᒥᓇ ᑭ ᓇᐦᐊᐱᐤ ᐅ ᑭᐦᒋ ᐅᑭᒫᐊᐧᐱᐃᐧᓂᕽ, ᐁᑯᓯ ᑭ ᐃᑕᓱᐁᐧᐤ ᑭᐦᒋᐊᐱᐃᐧᐣ ᑭᑕ ᐅᔭᐢᑖᐧᒥᐦᐟ ᑭᐦᒋᐅᑭᒪᐤ ᐅᑳᐃᐧᔭ; ᐁᑯᓯ ᑭ ᐊᐱᔨᐊᐧ ᐅ ᑭᐦᒋᓂᐢᑭᕽ. 20ᐁᑲᐧ ᑭ ᐃᑌᐧᐤ, ᐯᔭᐠ ᐁ ᐊᐱᐢᑌᔨᑖᑲᐧᕽ ᓇᑐᑕᒪᑫᐃᐧᐣ ᑭ ᐃᐧ ᑲᑫᐧᒋᒥᑎᐣ; ᐁᑳᐃᐧᔭ ᐋᓀᐧᑕᐃᐧᐣ. ᑭᐦᒋ ᐅᑭᒫᐤ ᒫᑲ ᑭ ᐃᑌᐤ, ᑲᑫᐧᒋᒥᐣ ᑭᔮᒼ ᓂᑳᐃᐧ, ᒋᑫᒫ ᓇᒪᐃᐧᔭ ᑭ ᑲ ᐋᓀᐧᑖᑎᐣ. 21ᑭ ᐃᑌᐧᐤ ᒫᑲ, ᑭᔮᒼ ᐋᐱᓵᐠ ᐊᓇ ᓱᓇᒪᐃᐟ ᑭᑕ ᒥᔮᐤ ᐋᑕᓇᐃᒐ ᑭᑕ ᐃᐧᐃᐧᐟ. 22ᑭᐦᒋ ᐅᑭᒫᐤ ᓵᓬᐊᒪᐣ ᒫᑲ ᑭ ᓇᐢᑫᐧᐊᐧᓯᒣᐤ ᒥᓇ ᑭ ᐃᑌᐤ ᐅᑳᐃᐧᔭ, ᑖᓀᐦᑭ ᒫᑲ ᑳ ᓇᑐᑕᒫᔭᐣ ᐋᐱᓵᐠ ᐊᓇ ᓱᓇᒪᐃᐟ ᐋᑕᓇᐃᒐ ᑭᑕ ᐊᔮᐋᐧᐟ? ᑭᔮᒼ ᑭ ᑲ ᓇᑐᑕᒫᐊᐧᑎᑖᐤ ᑭᐦᒋ ᐅᑭᒫᐃᐧᐃᐧᐣ ᐊᓯᒋ, ᒋᑫᒫ ᓄᐢᑌᓯᐣ; ᐃᐧᔭ ᐅᑎ, ᒥᓇ ᐊᐹᔭᑕᕒ ᐊᔭᒥᐦᐁᐃᐧᔨᓂᐤ, ᒥᓇ ᒍᐋᑊ ᐅᑯᓯᓴ ᓯᕒᔪᐋᔭ. 23ᐁᑲᐧ ᑭᐦᒋ ᐅᑭᒫᐤ ᓵᓬᐊᒪᐣ ᑭ ᑭᐦᒋᐃᑌᐧᐤ ᐁ ᐊᐢᐱᒧᐟ ᑳ ᑎᐯᔨᐦᒋᑫᔨᐟ, ᐁ ᐃᑌᐧᐟ, ᑭᓭᒪᓂᑐ ᐁᑯᓯ ᓂ ᑲ ᐃᐧ ᐃᑐᑖᐠ, ᐊᐦᐳ ᐊᔨᐋᐠ, ᑭᐢᐱᐣ ᐋᑕᓇᐃᒐ ᐁᑳ ᐅᒥᓯ ᑳ ᐃᑌᐧᑫᐧ ᐁ ᒥᓯᐦᐅᐟ ᐃᐧᔭ ᐅ ᐱᒫᑎᓯᐃᐧᐣ. 24ᐁᑲᐧ ᒫᑲ, ᐁ ᐱᒫᑎᓯᐟ ᑳ ᑎᐯᔨᐦᒋᑫᐟ ᑳ ᑭ ᒪᐢᑲᐊᐧᔨᐟ, ᒥᓇ ᑳ ᑭ ᐊᐱᐦᐃᐟ ᐅ ᑭᐦᒋ ᐅᑭᒫᐊᐧᐱᐃᐧᓂᔨᕽ ᓄᑖᐃᐧᔭ ᑌᐱᑕ, ᒥᓇ ᑳ ᑭ ᐅᓯᐦᑕᒪᐃᐧᐟ ᐋᐧᐢᑲᐦᐃᑲᐣ ᑳ ᑭ ᐃᓯ ᐊᓱᑕᒪᐃᐧᐟ, ᑫᐦᒋᓈ ᐋᑕᓇᐃᒐ ᑭᑕ ᓂᐸᐦᐋᐤ ᐊᓄᐦᐨ ᑳ ᑭᓯᑳᐠ. 25ᑭᐦᒋ ᐅᑭᒫᐤ ᒫᑲ ᑭ ᐃᓯᑎᓴᐁᐧᐤ ᐱᓈᔭ ᐅᑯᓯᓴ ᒋᐦᐋᔭᑕ; ᑭ ᐸᑲᒪᐁᐧᐤ ᒫᑲ ᐁᑯᓯ ᑭ ᓂᐱᔨᐊᐧ.
26 #
2 ᓵᒼᔪᐃᓬ 15:24;
1 ᓵᒼᔪᐃᓬ 22:20-23
ᐊᐹᔭᑕᕒᐊ ᒫᑲ ᐊᔭᒥᐦᐁᐃᐧᔨᓂᐊᐧ ᑭᐦᒋ ᐅᑭᒫᐤ ᑭ ᐃᑌᐤ, ᐃᑐᐦᑌ ᐊᓂᑕ ᐋᓇᑖᐦᐟ, ᑎᐱᔭᐤ ᑭᐟ ᐃᐦᑖᐃᐧᓂᕽ; ᒋᑫᒫ ᑭ ᑲᐢᑭᑕᒫᓱᐣ ᓂᐱᐃᐧᐣ; ᒫᑲ ᓇᒪᐃᐧᔭ ᐊᓄᐦᐨ ᑭ ᑲ ᓂᐸᐃᑎᐣ, ᒋᑫᒫ ᑭ ᑭ ᐱᒥᐃᐧᑖᐋᐧᐣ ᐅ ᑭᐢᑭᓇᐋᐧᒋᐅᐃᐧᓂᐊᐧᐟ ᑳ ᑎᐯᔨᐦᒋᑫᐟ ᑭᓭᒪᓂᑐ ᐅᐦᑎᐢᑲᐤ ᑌᐱᐟ ᓄᑖᐃᐧ, ᒥᓇ ᒋᑫᒫ ᑭ ᑭ ᑯᑕᑭᑖᐣ ᑲᐦᑭᔭᐤ ᓄᑖᐃᐧ ᑳ ᑭ ᐃᓯ ᑯᑕᑭᑖᐟ. 27#1 ᓵᒼᔪᐃᓬ 2:27-36ᐁᑯᓯ ᒫᑲ ᓵᓬᐊᒪᐣ ᑭ ᐊᐧᔭᐃᐧᑎᓯᓀᐤ ᐊᐹᔭᑕᕒᐊ ᑳ ᑭ ᐅᐟ ᐊᔭᒥᐦᐁᐃᐧᔨᓂᒥᐟ ᑳ ᑎᐯᔨᐦᒋᑫᐟ; ᑭᑕ ᑎᐱᐸᔨᑖᐟ ᐅᐟ ᐃᑌᐧᐃᐧᓂᔨᐤ ᑳ ᑎᐯᔨᐦᒋᑫᔨᐟ ᑳ ᑭ ᐃᑌᐧᐟ ᐃᐧᑭᔨᐤ ᐅᐦᒋ ᐃᓬᐋᐩ ᐊᓂᑕ ᓴᐃᓬᐆ.
28ᐁᑲᐧ ᒫᑲ ᐋᒋᒧᐃᐧᐣ ᑭ ᐅᑎᐦᑎᐠ ᒍᐋᑊ ᒋᑫᒫ ᒍᐋᑊ ᑭ ᐱᒥᑎᓴᐁᐧᐤ ᐋᑕᓇᐃᒐᐊᐧ, ᐋᑕᐃᐧᔭ ᐁᑳ ᐁ ᑭ ᐅᐦᒋ ᐱᒥᑎᓴᐋᐧᐟ ᐋᑊᓴᓬᐊᒪ. ᒍᐋᑊ ᒫᑲ ᑭ ᐃᑖᒧ ᐅᒥᑭᐋᐧᐱᔨᕽ ᑳ ᑎᐯᔨᐦᒋᑫᔨᐟ, ᐁᑯᓯ ᑭ ᐅᑎᐦᑎᓇᒼ ᐁ ᐅᐟ ᐁᐢᑲᓂᐊᐧᕽ ᐸᑭᑎᓈᓱᐃᐧᓈᐱᐢᐠ. 29ᑭ ᐃᐧᐦᑕᒪᐋᐧᐤ ᒫᑲ ᑭᐦᒋ ᐅᑭᒫᐤ ᓵᓬᐊᒪᐣ, ᒍᐋᑊ ᐃᑖᒧ ᐅ ᒥᑭᐋᐧᐱᔨᕽ ᑳ ᑎᐯᔨᐦᒋᑫᔨᐟ, ᐁᑯᓯ ᒋᐢᐟ, ᐸᑭᑎᓈᓱᐃᐧᓈᐱᐢᑯᕽ ᐊᔮᐤ. ᐁᑲᐧ ᓵᓬᐊᒪᐣ ᑭ ᐃᓯᑎᓴᐁᐧᐤ ᐱᓈᔭ ᐅᑯᓯᓴ ᒋᐦᐋᔭᑕ ᐁ ᐃᑖᐟ, ᓇᑕᐃᐧ ᓂᐸᐦ. 30ᐱᓈᔭ ᒫᑲ ᑭ ᐯ ᐃᑐᐦᑌᐤ ᐅ ᒥᑭᐋᐧᐱᔨᕽ ᑳ ᑎᐯᔨᐦᒋᑫᔨᐟ, ᒥᓇ ᑭ ᐃᑌᐤ, ᐅᒥᓯ ᐃᑌᐧᐤ ᑭᐦᒋ ᐅᑭᒫᐤ, ᐯ ᐊᐧᔭᐃᐧ. ᐁᑯᓯ ᑭ ᐃᑌᐧᐤ, ᓇᒪᐃᐧᔭ; ᒫᑲ ᐅᑕ ᓂ ᑲ ᓂᐱᐣ. ᐱᓈᔭ ᒫᑲ ᑭ ᐯ ᐃᐧᐦᑕᒪᐁᐧᐤ ᒥᓇ ᑭᐦᒋ ᐅᑭᒫᐊᐧ, ᐁ ᐃᑌᐧᐟ ᐅᒥᓯ ᑭ ᐃᑌᐧᐤ ᒍᐋᑊ, ᐁᑯᓯ ᒥᓇ ᐅᒪ ᑳ ᐃᓯ ᓇᐢᑫᐧᐊᐧᓯᒥᐟ. 31ᑭᐦᒋ ᐅᑭᒫᐊᐧ ᒫᑲ ᑭ ᐃᑎᐠ, ᐃᑐᑕ ᑳ ᑭ ᐃᑌᐧᐟ, ᐁᑯᓯ ᓂᐸᐦ ᒥᓇ ᓇᐦᐃᓈᑲᐣ; ᐊᓂᒪ ᒥᐦᑯ ᒍᐋᑊ ᑳ ᑭ ᓯᑭᓂᕽ ᐱᑯᓇᑕ ᑭᑕ ᐃᑲᑌᓇᒪᐃᐧᔮᐣ ᓂᔭ ᒥᓇ ᓄᑖᐃᐧ ᐃᐧᑭ. 32ᑳ ᑎᐯᔨᐦᒋᑫᔨᐟ ᒫᑲ ᑭᑕ ᑭᐁᐧᓇᒫᐠ ᐅ ᒥᐦᑯ ᑫᐦᒋᐋᐧᐠ ᐃᐧᔭ ᐅᐢᑎᑳᐧᓂᕽ, ᒋᑫᒫ ᑭ ᐅᑎᐦᑎᓀᐤ ᓂᓱ ᓈᐯᐊᐧ ᐊᐊᐧᓯᒣ ᐁ ᑲᐧᔭᐢᑳᐧᑎᓯᔨᐟ ᒥᓇ ᐊᐊᐧᓯᒣ ᐁ ᒥᔮᐧᑎᓯᔨᐟ ᐃᔨᑯᕽ ᐃᐧᔭ, ᒥᓇ ᑭ ᓂᐸᐁᐤ ᐃᓴᐁᐧᐢᐠ ᐅᐢᒋ, ᐁᑯᓯ ᓄᑖᐃᐧᔭ ᑌᐱᑕ ᐁᑳ ᐁ ᑭᐢᑫᔨᑕᒥᔨᐟ, ᐊᓂᐦᐃ ᐅᑎ, ᐋᑊᓇᕒ ᐅᑯᓯᓴ ᓇᕒ ᐅ ᑭᐦᒋᓯᒫᑲᓂᓯᐃᐧᑭᒫᒪ ᐃᐢᕒᐁᐃᓬ, ᒥᓇ ᐁᒫᓴ ᐅᑯᓯᓴ ᒉᐦᑕᕒ, ᐅ ᑭᐦᒋᓯᒫᑲᓂᓯᐃᐧᑭᒫᒪ ᒍᑕ. 33ᐁᑯᓯ ᒫᑲ ᐅ ᒥᐦᑯᐋᐧᐤ ᑭᑕ ᑭᐁᐧᑐᑖᐠ ᐅᐢᑎᑳᐧᓂᕽ ᒍᐋᑊ, ᒥᓇ ᐅᐢᑎᑳᐧᓂᔨᕽ ᐅ ᓂᐦᑖᐃᐧᑭᐦᐋᑲᓇ ᑳᑭᑫ; ᒫᑲ ᐃᐧᔭ ᑌᐱᐟ, ᒥᓇ ᐅ ᓂᐦᑖᐃᐧᑭᐦᐋᑲᓇ, ᒥᓇ ᐅ ᐋᐧᐢᑳᐦᐃᑲᐣ, ᒥᓇ ᐅ ᑭᐦᒋ ᐅᑭᒫᐊᐧᐱᐃᐧᐣ ᑭᑕ ᐊᔭᔨᐤ ᐅ ᐯᔭᑕᑫᔨᒧᐦᐃᐁᐧᐃᐧᐣ ᑳ ᑎᐯᔨᐦᒋᑫᔨᐟ ᑳᑭᑫ. 34ᐁᑯᓯ ᐱᓈᔭ ᐅᑯᓯᓴ ᒋᐦᐋᔭᑕ ᑭ ᐃᑐᐦᑌᐤ, ᒥᓇ ᑭ ᐅᑎᐦᑎᓀᐤ, ᒥᓇ ᑭ ᓂᐸᐁᐤ; ᑭ ᓇᐦᐃᓈᐤ ᒫᑲ ᐃᐧᔭ ᐅ ᐋᐧᐢᑳᐦᐃᑲᓂᕽ ᐱᑲᐧᑕᐢᑭᕽ.
35ᑭᐦᒋ ᐅᑭᒫᐤ ᒫᑲ ᑭ ᐸᑭᑎᓀᐤ ᐱᓈᔭ ᐅᑯᓯᓴ ᒋᐦᐋᔭᑕ ᑭᑕ ᒥᐢᑯᑎᐢᑲᒪᐋᐧᔨᐟ ᑭᑕ ᑎᐯᔨᒫᔨᐟ ᐅᓄᑎᓂᑫᐊᐧ; ᒥᓇ ᓭᑖᐠ ᐊᔭᒥᐦᐁᐃᐧᓂᔨᐤ ᑭᐦᒋ ᐅᑭᒫᐤ ᑭ ᐸᑭᑎᓀᐤ ᑭᑕ ᒥᐢᑯᑎᐢᑲᒪᐋᐧᔨᐟ ᐊᐹᔭᑕᕒᐊ.
36ᑭᐦᒋ ᐅᑭᒫᐤ ᒫᑲ ᑭ ᐃᓯᑎᓴᐦᐅᐁᐧᐤ ᐁ ᑭ ᓇᑐᒫᐟ ᓯᒥᐊᔭ, ᐅᒥᓯ ᐁ ᑭ ᐃᑖᐟ, ᐋᐧᐢᑳᐦᐃᑲᓂᑳᓱ ᒉᕒᐅᓴᓬᐊᒥᕽ, ᐁᑯᑕ ᒫᑲ ᐅᐟ ᐃᐦᑖᐃᐧᓂ, ᒥᓇ ᐁᑳᐃᐧᔭ ᓈᐣᑕᐤ ᐃᑌ ᐃᑐᐦᑌ. 37ᒋᑫᒫ ᐊᓂᒪ ᐁ ᑭᓯᑳᐠ ᐊᐧᔭᐃᐧᔭᓂ ᒥᓇ ᐋᓱᐊᐧᐊᒪᓂ ᓯᐱᓯᐢ ᑭᑕᕒᐊᐣ, ᒥᑐᓇ ᑭᐢᑫᔨᑕ ᑫᐦᒋᓈ ᑭᑕ ᓂᐱᔭᐣ; ᑭ ᒥᐦᑯ ᑫᐦᒋᐋᐧᐠ ᑭᐢᑎᑳᐧᓂᕽ ᑭ ᑲ ᑲᐢᑭᑕᒫᓱᐣ. 38ᓯᒥᐊᐩ ᒫᑲ ᐅᒥᓯ ᑭ ᐃᑌᐤ ᑭᐦᒋ ᐅᑭᒫᐊᐧ, ᒥᔮᐧᓯᐣ ᐃᑌᐧᐃᐧᐣ; ᑳ ᑭ ᐃᑌᐧᐟ ᓂᐟ ᐅᑭᒫᒼ ᑭᐦᒋ ᐅᑭᒫᐤ, ᐁᑯᓯ ᑭᐟ ᐊᑐᐢᑫᔮᑲᐣ ᑫ ᐃᑐᑕᕽ. ᓯᒥᐊᐩ ᒫᑲ ᑭ ᐅᐟ ᐃᐦᑖᐃᐧᓂᐤ ᒉᕒᐅᓴᓬᐊᒥᕽ ᒥᐦᒉᑐᑭᓯᑳᐊᐧ.
39ᑭ ᐊᔨᑭᐣ ᒫᑲ ᐁ ᐳᓂ ᓂᐢᑐ ᐊᐢᑭᐊᐧᕽ ᓂᓱ ᐅᐟ ᐊᑐᐢᑫᔮᑲᓇ ᓯᒥᐊᐩ ᑭ ᑭᒥᐊᐧᐠ ᐁ ᓈᑖᒋᐠ ᐁᑭᐢ, ᐅᑯᓯᓴ ᒣᐋᑲ, ᑳᐦᐟ ᑭᐦᒋ ᐅᑭᒫᐤ. ᑭ ᐃᐧᐦᑕᒪᐁᐧᐊᐧᐠ ᒫᑲ ᓯᒥᐊᐩ, ᐁ ᐃᑌᐧᒋᐠ, ᒫᑎᑲ ᑭᐟ ᐊᑐᐢᑫᔮᑲᓇᐠ ᐁᑯᑕ ᑳᐦᐟ ᐊᔮᐊᐧᐠ. 40ᓯᒥᐊᐩ ᒫᑲ ᑭ ᐸᓯᑯ ᐁ ᑭ ᐊᐢᐸᐱᐃᐧᓂᑲᑕᐋᐧᐟ ᐅ ᓱᓱᐃᐧᒥᐢᑕᑎᒧᒪ, ᐁᑯᓯ ᑭ ᐃᑐᐦᑌᐤ ᐊᓂᑕ ᑳᐦᐟ ᐁ ᓈᑖᐟ ᐁᑭᓴ, ᐁ ᓇᓈᑐᓇᐋᐧᐟ ᐅᐟ ᐊᑐᐢᑫᔮᑲᓇ; ᓯᒥᐊᐩ ᒫᑲ ᑭ ᓇᑕᐃᐧ ᐯᓯᐁᐧᐤ ᐅᐟ ᐊᑐᐢᑫᔮᑲᓇ ᑳᐦᐟ ᐅᐦᒋ. 41ᑭ ᐃᐧᐦᑕᒪᐋᐧᐤ ᒫᑲ ᓵᓬᐊᒪᐣ ᐁ ᑭ ᓯᐯᐧᑌᔨᐟ ᓯᒥᐊᐩ ᒉᕒᐅᓴᓬᐊᒼ ᐅᐦᒋ ᐁ ᐃᑐᐦᑌᔨᐟ ᐊᓂᑕ ᑳᐦᐟ, ᑳᐃᐧ ᒫᑲ ᒥᓇ ᐁ ᑕᑯᓯᓂᔨᐟ. 42ᑭᐦᒋ ᐅᑭᒫᐤ ᒫᑲ ᑭ ᐃᓯᑎᓴᐦᐅᐁᐧᐤ ᒥᓇ ᑭ ᓇᑐᒣᐤ ᓯᒥᐊᔭ, ᐁᑯᓯ ᑭ ᐃᑌᐤ, ᓇᒪ ᒋ ᑭ ᑭ ᑭᐦᒋᐃᑌᐧᐃᑎᐣ ᑳ ᑎᐯᔨᐦᒋᑫᐟ ᐁ ᐊᐢᐱᒧᔭᐣ ᒥᓇ ᑭ ᑭ ᐊᔮᑳᐧᒥᒥᑎᐣ, ᐁ ᐃᑌᐧᔮᐣ, ᑭᐢᑫᔨᑕ ᒥᑐᓂ, ᐊᓂᒪ ᐁ ᑭᓯᑳᐠ ᑫ ᐊᐧᔭᐃᐧᐊᓀ ᒥᓇ ᓈᐣᑕᐤ ᐃᑌ ᑫ ᐃᑐᐦᑌᐊᐧᓀ, ᑫᐦᒋᓈ ᑭ ᑲ ᓂᐱᐣ? ᐁᑯᓯ ᑭ ᑭ ᐃᑖᐧᐣ, ᐊᓂᒪ ᐃᑌᐧᐃᐧᐣ ᑳ ᐯᑕᒫᐣ ᒥᔮᐧᓯᐣ. 43ᑖᓀᐦᑭ ᒫᑲ ᐁᑳ ᑳ ᑭ ᑲᓀᐧᔨᑕᒪᐣ ᑳ ᐊᐢᐱ ᑭᐦᒋᐃᑌᐧᔭᐣ ᑳ ᑎᐯᔨᐦᒋᑫᐟ, ᒥᓇ ᐃᑕᓱᐁᐧᐃᐧᐣ ᑳ ᑭ ᐊᔮᑳᐧᒥᒥᑖᐣ? 44ᑭᐦᒋ ᐅᑭᒫᐤ ᒥᓇ ᑭ ᐃᑌᐤ ᓯᒥᐊᔭ, ᑭ ᑭᐢᑫᔨᑌᐣ ᑲᐦᑭᔭᐤ ᐊᓂᒪ ᒪᒑᔨᐃᐧᐣ ᑳ ᑭᒧᒋ ᑭᐢᑫᔨᑕᒪᐣ ᑭᑌᐦᐃᕽ, ᑳ ᑭ ᐃᑐᑕᐊᐧᐟ ᑌᐱᐟ ᓄᑖᐃᐧ; ᐁᐊᐧᑯ ᐅᐦᒋ ᑳ ᑎᐯᔨᐦᒋᑫᐟ ᑭ ᑲ ᑭᐁᐧᓇᒫᐠ ᑭ ᒪᒑᔨᐃᐧᐣ ᑭᐢᑎᑳᐧᓂᕽ. 45ᒫᑲ ᑭᐦᒋ ᐅᑭᒫᐤ ᓵᓬᐊᒪᐣ ᑭᑕ ᓴᐁᐧᔨᑖᑯᓯᐤ, ᒥᓇ ᐅ ᑭᐦᒋ ᐅᑭᒫᐊᐧᐱᐃᐧᐣ ᑌᐱᐟ ᑭᑕ ᐋᔮᑕᐢᑌᔨᐤ ᐅᐦᑎᐢᑲᐤ ᑳ ᑎᐯᔨᐦᒋᑫᐟ ᑳᑭᑫ. 46ᐁᑯᓯ ᒫᑲ ᑭᐦᒋ ᐅᑭᒫᐤ ᑭ ᐃᑕᓱᐋᐧᑌᐤ ᐱᓈᔭᐊᐧ ᐅᑭᓯᓴ ᒋᐦᐋᔭᑕ; ᑭ ᐊᐧᔭᐃᐧᐤ ᒫᑲ ᐁ ᑭ ᓇᑕᐃᐧ ᐸᑲᒪᐋᐧᐟ, ᐁᑯᓯ ᐁ ᑭ ᓂᐱᔨᐟ. ᐁᑯᓯ ᑭᐦᒋ ᐅᑭᒫᐃᐧᐃᐧᐣ ᑭ ᐋᔮᒋᑖᐋᐧᐣ ᐅᒋᐦᒋᕽ ᓵᓬᐊᒪᐣ.
Currently Selected:
ᓂᐢᑕᑦ ᑭᐦᒋ ᐅᑭᒫᐊᐧᐠ 2: KKMs
Highlight
Copy
Compare
Share
Want to have your highlights saved across all your devices? Sign up or sign in
This Bible text is a corrected edition of the 1908 Western Cree Bible; it is in the public domain.
