ᓂᐢᑕᒼ ᑲᕒᐃᐣᑎᔭᓇ 12

1ᐁᑳᐧ ᒫᑲ ᐊᐦᒑᐦᑯᐃᐧ ᒥᔨᑯᐃᐧᓇ, ᓂᒋᐋᐧᒥᑎᐠ, ᓇᒪᐃᐧᔭ ᑭ ᓇᑕᐁᐧᔨᒥᑎᓈᐋᐧᐤ ᑭᑕ ᐁᑳ ᑭᐢᑫᔨᑕᒣᐠ. 2ᑭ ᑭᐢᑫᔨᑌᓈᐋᐧᐤ ᒣᑳᐧᐨ ᐁ ᒉᐣᑕᐃᓬᐃᐃᐧᔦᐠ ᐁ ᑭ ᓯᐯᐧᑕᐃᑲᐃᐧᔦᐠ ᑭᑕ ᐊᑐᐢᑲᐋᐧᔦᑯᐠ ᐅᑭ ᐁᑳ ᑳ ᓂᑖᐁᐧᒋᐠ ᒪᓂᑐᑳᓇᐠ, ᐱᑯ ᐃᓯ ᑭᑕ ᑭ ᐊᔨᑐᑕᐃᑲᐃᐧᔦᐠ. 3ᐁᑯᓯ ᒫᑲ ᑭ ᐃᐧ ᓂᓯᑐᐦᑕᒧᐃᑎᓈᐋᐧᐤ, ᓇᒪᐃᐧᔭ ᐊᐃᐧᔭᐠ ᐅᐟ ᐊᐦᒑᑯᔨᐊᐧ ᑭᓭᒪᓂᑐᐊᐧ ᐅᐦᒋ ᐁ ᐱᑭᐢᑫᐧᐟ ᐃᑌᐧᐤ, ᒋᓴᐢ ᒪᒐᑭᒋᑳᓱ; ᒥᓇ ᓇᒪᐃᐧᔭ ᐊᐃᐧᔭᐠ ᐊᔨᓯᔨᓂᐤ ᑭᑕ ᑭ ᐃᑌᐧᐤ, ᒋᓴᐢ ᐁᐊᐧᑯ ᑳ ᑎᐯᔨᐦᒋᑫᐟ, ᐱᑯ ᑳ ᑲᓈᑎᓯᔨᐟ ᐊᐦᒑᐦᑲᐧ ᐅᐦᒋ.

4 # ᕒᐅᒪᓇ 12:6-8 ᓇᓈᑐᑫᐧᔨᑖᑲᐧᓇᐧ ᒫᑲ ᒥᔨᑯᐃᐧᓇ, ᒫᑲ ᐯᔭᑯ ᐊᐦᒑᕽ. 5ᒥᓇ ᐹᐱᑐᑕᓇᐧ ᐸᒥᐦᐃᐁᐧᐃᐧᓇ, ᒫᑲ ᐯᔭᑯ ᑳ ᑎᐯᔨᐦᒋᑫᐟ. 6ᒥᓇ ᓇᓈᑐᑫᐧᔨᑖᑲᐧᓇᐧ ᐊᑐᐢᑫᐃᐧᓇ, ᒫᑲ ᐯᔭᑯ ᑭᓭᒪᓂᑐ, ᑳ ᐊᑐᐢᑫᑖᐟ ᑲᐦᑭᔭᐤ ᑫᑲᐧᐩ ᒥᓯᐁᐧ ᐃᑕ. 7ᒫᑲ ᑲᐦᑭᔭᐤ ᐊᐃᐧᔭᐠ ᒥᔮᐤ ᑳ ᐃᓯ ᓄᑯᐃᓱᐟ ᐊᐦᒑᕽ ᑭᑕ ᐋᐸᒋᐦᐃᑯᐟ. 8ᒋᑫᒫ ᐯᔭᐠ ᒥᔮᐤ ᐊᐦᒑᐦᑲᐧ ᐅᐦᒋ ᐃᔨᓂᓯᐃᐧ ᐃᑌᐧᐃᐧᐣ; ᒥᓇ ᒫᑲ ᑯᑕᐠ ᑭᐢᑫᔨᑕᒧᐃᐧᓂ ᐃᑌᐧᐃᐧᐣ, ᐁᐊᐧᑯ ᑫᔮᐱᐨ ᐊᐦᒑᕽ ᐅᐦᒋ: 9ᒥᓇ ᑯᑕᐠ ᑖᐯᐧᔦᔨᑕᒧᐃᐧᐣ, ᑫᔮᐱᐨ ᐁᐊᐧᑯ ᐊᐦᒑᕽ; ᒥᓇ ᑯᑕᐠ ᐃᔨᓂᑲᐃᐁᐧᐃᐧ ᒣᑭᐃᐧᓇ, ᐁ ᐯᔭᑯᐟ ᑫᔮᐱᐨ ᐊᐦᒑᕽ; 10ᐁᑯᓯ ᑯᑕᐠ ᐁ ᐃᑐᑕᒥᕽ ᒪᒫᑖᐃᐧ ᐃᓯᐦᒋᑫᐃᐧᓇ; ᒥᓇ ᑯᑕᐠ ᑭᐢᑭᐁᐧᐦᐃᑫᐃᐧᐣ; ᒥᓇ ᑯᑕᐠ ᐁ ᓂᓯᑕᐃᐧᓈᒋᐠ ᐊᐦᒑᐦᑲᐧᐠ: ᑯᑕᐠ ᓇᓈᑐᕽ ᐱᑭᐢᑫᐧᐃᐧᓇ; ᑯᑕᐠ ᐁ ᐃᑌᐧᐢᑕᒪᐋᐧᑕᒥᕽ ᐱᑭᐢᑫᐧᐃᐧᓇ. 11ᒫᑲ ᑲᐦᑭᔭᐤ ᐅᐦᐃ ᐊᑐᐢᑳᑕᒼ ᐊᓇ ᐯᔭᐠ ᒥᓇ ᐁᐊᐧᑯ ᑫᔮᐱᐨ ᐊᐦᒑᕽ, ᐸᐯᐢᑭᐢ ᐁ ᒫᒥᔮᐟ ᐹᐯᔭᐠ ᐊᔨᓯᔨᓂᐊᐧ ᐃᐧᔭ ᐁ ᐃᑌᔨᑕᕽ.

12 # ᕒᐅᒪᓇ 12:4,5 ᒋᑫᒫ ᑖᐱᐢᑯᐨ ᑳ ᐃᓯ ᐯᔭᑲᐧᕽ ᒥᔭᐤ, ᒫᑲ ᑳ ᒥᐦᒉᐟ ᓇᓈᑐᕽ ᐃᑖᐸᑕᕽ, ᐁᑯᓯ ᑲᐦᑭᔭᐤ ᓇᓈᑐᕽ ᐁ ᐃᑖᐸᑕᕽ ᒥᔭᐤ ᐁ ᒥᒉᑭ, ᐁᔨᐁᐧᕽ ᐁ ᐯᔭᑲᐧᕽ ᒥᔭᐤ; ᐁᑯᓯ ᐃᓯ ᒥᓇ ᙭. 13ᒋᑫᒫ ᐯᔭᐠ ᐊᐦᒑᑯᕽ ᑭ ᑭ ᐹᑊᑕᐃᓯᐃᐧᐃᑲᐃᐧᓈᓇᐤ ᐯᔭᐠ ᒥᔭᐃᐧᕽ, ᑭᐢᐱᐣ ᑭ ᒍᐃᐧᓈᓇᐤ ᐊᐦᐳ ᑭ ᑲᕒᐃᑭᐃᐧᓈᓇᐤ, ᑭᐢᐱᐣ ᑭ ᑎᐯᔨᒥᑲᐃᐧᓈᓇᐤ ᐊᐦᐳ ᑭ ᑎᐯᔨᒥᓱᓈᓇᐤ; ᐁᑯᓯ ᑲᐦᑭᔭᐤ ᑭ ᑭ ᒥᔨᑲᐃᐧᓈᓇᐤ ᑭᑕ ᒥᓂᑫᐧᔭᕽ ᐯᔭᐠ ᐊᐦᒑᕽ ᐅᐦᒋ. 14ᒋᑫᒫ ᒥᔭᐤ ᓇᒪᐃᐧᔭ ᐱᑯ ᐯᔭᑲᐧᔭᐠ ᐁ ᐃᑖᐸᑕᕽ ᒫᑲ ᒥᒉᑕᐧᔭᐠ. 15ᑭᐢᐱᐣ ᒥᓯᐟ ᐃᑌᐧᒪᑲᕽ, ᒋᑫᒫ ᓇᒪᔦᐤ ᓂᔭ ᒥᒋᐦᒋ, ᓇᒪᐃᐧᔭ ᓂ ᐃᐧᒋᐃᐋᐧᐣ ᒥᔭᐃᐧᕽ; ᓇᒪᐃᐧᔭ ᐁᐊᐧᑯ ᐅᐦᒋ ᐁᑳ ᑭᑕ ᐃᐧᒋᐃᐁᐧᒪᑲᕽ ᒥᔭᐃᐧᕽ. 16ᑭᐢᐱᐣ ᒫᑲ ᒥᑕᐊᐧᑲᐩ ᐃᑌᐧᒪᑲᑭ ᒋᑫᒫ ᓇᒪᔦᐤ ᓂᔭ ᒥᐢᑭᓯᐠ, ᓇᒪᐃᐧᔭ ᓂ ᐃᐧᒋᐃᐋᐧᐣ ᒥᔭᐃᐧᕽ; ᓇᒪᐃᐧᔭ ᐁᐊᐧᑯ ᐅᐦᒋ ᐁᑳ ᑭᑕ ᐃᐧᒋᐃᐁᐧᒪᑲᕽ ᒥᔭᐃᐧᕽ. 17ᑭᐢᐱᐣ ᒥᓯᐁᐧ ᒥᔭᐤ ᒥᐢᑭᓯᑯᐊᐧᕽ, ᑖᓂᑌ ᑫ ᑭ ᐊᔮᐠ ᐯᑕᒧᐃᐧᐣ? ᑭᐢᐱᐣ ᑲᐦᑭᔭᐤ ᐯᑕᒧᐃᐧᓂᐃᐧᐠ, ᑖᓂᑌ ᑫ ᑭ ᐊᔮᐠ ᐸᓱᐃᐧᐣ? 18ᒫᑲ ᐃᐧᔭ ᑭᓭᒪᓂᑐ ᑭ ᐊᐢᑖᐤ ᓇᓈᑐᕽ ᐁ ᐃᑖᐸᑕᑭ ᐸᐯᐢᑭᐢ ᒥᔭᐃᐧᕽ, ᐃᐧᔭ ᐁ ᐃᓯ ᓇᐦᐃᔭᐁᐧᐃᑯᐟ. 19ᑭᐢᐱᐣ ᒫᑲ ᑲᐦᑭᔭᐤ ᐯᔭᑲᐧᔭᐠ ᐱᑯ ᐃᑖᐸᑕᕽ, ᑖᓂᑌ ᐃᐧᔭ ᑫ ᐊᔮᐠ ᒥᔭᐤ? 20ᒫᑲ ᐁᑲᐧ ᒥᒉᓇᐧ ᓇᓈᑐᕽ ᐁ ᐃᑖᐸᑕᑭ, ᒫᑲ ᐱᑯ ᐯᔭᐠ ᒥᔭᐤ. 21ᒥᐢᑭᓯᐠ ᒫᑲ ᓇᒪᐃᐧᔭ ᑭᑕ ᑭ ᑭᑐᑕᒼ ᒥᒋᐦᒋ ᑭᑕ ᐃᑌᐧᒪᑲᕽ, ᓇᒪᐃᐧᔭ ᑭᔭ ᓈᐣᑕᐤ ᑭᐟ ᐃᑖᐸᒋᐃᐣ: ᐊᐦᐳ ᒥᓇ ᒥᐢᑎᑳᐧᐣ ᑭᑕ ᑭᑐᑕᒧᒪᑲᕽ ᒥᓯᑕ ᑭᑕ ᐃᑌᐧᒪᑲᕽ, ᓇᒪ ᓈᐣᑕᐤ ᑭᔭ ᑭᐟ ᐃᑖᐸᒋᐃᐣ. 22ᐊᐦᐳ ᓇᐊᐧᐨ, ᐊᓂᐦᐃ ᑭᔭᐃᐧᓈᕽ ᐊᔨᐋᐧᐠ ᑳ ᓀᓱᐊᐧᑭ ᓇᑕᐁᐧᔨᑖᑲᐧᓇᐧ: 23ᒥᓇ ᐊᓂᐦᐃ ᑭᔭᐃᐧᓈᕽ, ᓄᑕᐤ ᑳ ᑭᐢᑌᔨᑕᒪᕽ, ᐁᐊᐧᑯᓂ ᐊᔨᐋᐧᐠ ᑭ ᑲᓇᐁᐧᔨᑌᓈᓇᐤ; ᐁᑯᓯ ᐊᓂᐦᐃ ᐁᑳ ᑳ ᒥᔪᓈᑲᐧᑭ ᐁᐊᐧᑯᓂ ᐊᔨᐋᐧᐠ ᑭ ᒥᔪᓈᑯᑖᓈᓇᐤ; 24ᒋᑫᒫ ᐊᓂᒪ ᐃᑕ ᑳ ᑲᑕᐊᐧᓯᓯᔭᕽ ᓇᒪᐃᐧᔭ ᓇᑕᐁᐧᔨᑕᒧᒪᑲᐣ: ᒫᑲ ᑭᓭᒪᓂᑐ ᑭ ᐃᓯ ᒫᒪᐃᐧ ᐃᑕᐢᑖᐤ ᒥᔭᐤ, ᐁ ᑭ ᐃᓯ ᐸᑭᑎᓇᕽ ᓇᐊᐧᐨ ᒥᐢᑕᐦᐃ ᑭᐢᑌᔨᑖᑯᓯᐃᐧᐣ ᐊᓂᑕ ᐁ ᓄᑌᐸᔨᐠ; 25ᑭᑕ ᐃᓯ ᐁᑳ ᐃᐦᑕᑲᐧᕽ ᓇᓈᓂᐢᒋᐃᑐᐃᐧᐣ ᒥᔭᐃᐧᕽ; ᒫᑲ ᐊᓂᐦᐃ ᐸᐢᑫᓯᐃᐧᓇ ᑭᑕ ᐃᓯ ᑖᐱᐢᑯᐨ ᐸᐹᒣᔨᑐᒪᑲᑭ. 26ᑭᐢᐱᐣ ᒫᑲ ᐯᔭᐠ ᐸᐢᑫᓯᐃᐧᐣ ᓈᐣᑕᐤ ᐃᓯ ᐃᐧᓴᑫᔨᑕᒧᒪᑲᐣ, ᑲᐦᑭᔭᐤ ᐁ ᐃᑕᑎᕽ ᒥᔭᐤ ᑭᑭ ᐃᐧᓴᑫᔨᑕᒧᒪᑲᐣ; ᐊᐦᐳ ᑭᐢᐱᐣ ᐯᔭᐠ ᑭᐢᑌᔨᑖᑯᑖᓂᐊᐧᐣ, ᑲᐦᑭᔭᐤ ᐁ ᐃᑕᑎᕽ ᒥᔭᐤ ᑭᑭ ᒪᒪᐦᑖᑯᓯᒪᑲᐣ. 27ᐁᑲᐧ ᒫᑲ ᑭᔭᐋᐧᐤ ᐁᐊᐧᑯᓂᐠ ᐃᐧᔭᐤ ᙭, ᐁᑯᓯ ᐁᑯᑕ ᐁ ᐃᐧᒋᐃᐁᐧᔦᐠ ᐸᐯᐢᑭᐢ. 28#ᐃᐱᓯᔭᓇ 4:11ᑭᓭᒪᓂᑐ ᒫᑲ ᑭ ᐸᑭᑎᓀᐤ ᐋᑎᐦᐟ ᐅᐟ ᐊᔭᒥᐦᐋᐃᐧᓂᕽ, ᓂᑳᐣ ᐊᐹᐢᑎᓬᐊ, ᐊᐢᑯᐦᐨ ᐅᑭᐢᑭᐁᐧᐦᐃᑫᐊᐧ, ᐁᑲᐧ ᐅᑭᐢᑭᓄᐦᐊᒫᑫᐊᐧ, ᐁᑲᐧ ᒪᒪᐦᑖᐃᐧ ᐃᓯᐦᒋᑫᐃᐧᓇ, ᐁᑲᐧ ᐃᔨᓂᑲᐃᐁᐧᐃᐧ ᒣᑭᐃᐧᓇ, ᓂᓱᑲᒫᑯᐃᐧᓇ, ᐅᔭᓱᐁᐧᐃᐧᓇ, ᓇᓈᑐᕽ ᐃᓯ ᐱᑭᐢᑫᐧᐃᐧᓇ. 29ᑲᐦᑭᔭᐤ ᒋ ᐊᐹᐢᑎᓬᐊᐠ? ᑲᐦᑭᔭᐤ ᒋ ᐅᑭᐢᑭᐁᐧᐦᐃᑫᐊᐧᐠ ᑲᐦᑭᔭᐤ ᒋ ᐅᑭᐢᑭᓄᐦᐊᒫᑫᐊᐧᐠ? ᑲᐦᑭᔭᐤ ᒋ ᐊᑐᐢᑳᑕᒪᐧᐠ ᒪᒫᑖᐃᐧ ᐃᓯᐦᒋᑫᐃᐧᓇ? 30ᑲᐦᑭᔭᐤ ᒋ ᐊᔮᐊᐧᐠ ᐃᔨᓂᑲᐃᐁᐧᐃᐧ ᒣᑭᐃᐧᓇ? ᑲᐦᑭᔭᐤ ᒋ ᓇᓈᑐᕽ ᐃᓯ ᐱᑭᐢᑫᐧᐊᐧᐠ? ᑲᐦᑭᔭᐤ ᒋ ᐃᑌᐧᐢᑕᒫᑫᐊᐧᐠ? 31ᒫᑲ ᓱᐦᑭ ᒧᐢᑕᐁᐧᔨᑕᒧᐠ ᐊᔨᐊᐧᐠ ᑳ ᒥᔮᐧᓯᑭ ᒥᔨᑯᐃᐧᓇ. ᑫᔮᐱᐨ ᒫᑲ ᐊᐊᐧᓯᒣ ᐁ ᒥᔮᐧᓯᐠ ᐃᓯᑖᐧᐃᐧᐣ ᑭ ᐋᐧᐸᐦᑕᐃᑎᓈᐋᐧᐤ.

Currently Selected:

ᓂᐢᑕᒼ ᑲᕒᐃᐣᑎᔭᓇ 12: KKMs

Highlight

Copy

Compare