Nikamowina 124
124
kisē-manitow kā‑kanawēyimāt otiyinīma
onikamon David
1tānisi kīspin ēkāya kī‑wīcēkoyahk kā‑tipēyihcikēt?
naskwēwasihamok, kiyawāw Israel kā‑ayāyēk!
2kīspin ēkāya kikī-wīcēkoyahk kā‑tipēyihcikēt
ispīhk kā‑māyēyimikoyahkok ē‑mōskīstākoyahkok,
3ēkosi kika-kī-mēscihikawinānaw
iyikohk ē‑kī-kisiwātāsoyahk;
4tāpiskōc kika-kī-wēpāhokonānaw,
nipīhk kika-kī-pāscipēskākonānaw,
5ē‑kisīciwahk kika-kī-mistāpāwānaw.
6mamihcimihk kā‑tipēyihcikēt,
ēkāya ē‑ohci-pakitināt kā‑māyēyimikoyahkok
kita-misiwanācihikoyahkok.
7kikī-paspīnānaw tāpiskōc piyēsīs kā‑kaskihot otāpakwāniyihk owanihikēwa ohci,
anima tāpakwān paskipayiw, ēkosi kikī-paspīnānaw!
8kiwīcihikowisinānaw kā‑tipēyihcikēt ohci,
ēwako kā‑kī-osīhtāt kihci-kīsik mīna askiy.
Currently Selected:
Nikamowina 124: PCSBR
Highlight
Copy
Compare
Share
Want to have your highlights saved across all your devices? Sign up or sign in
Plains Cree Ruth © 2004 Canadian Bible Society
Plains Cree Psalms (collection) © 2013 Canadian Bible Society
Plains Cree James © 2014 Canadian Bible Society
Plains Cree Gospels and Acts © 2018 Canadian Bible Society
