Рим 4
4
Ибрагьимдикан
1Ихь абйирин аба Ибрагьимдикан фу пухьа? 2Эгер Аллагьди Ибрагьим чав апӀурайи ужудар ляхнариз дилигну гьякь гъапӀнуш, дугъхьан инсанарин улихь фурс апӀуз шуйи, хъа Аллагьдин улихь – ваъ. 3Гирами китабариъ дупнаки:
«Ибрагьим Аллагьдихъ хъугънийи, ва, чан хъугъувализ дилигну, Аллагьди думу гьякь гъапӀну».
4Лихурайидариз пул пешкеш вуди туврадар, думу ляхниъ гъазанмиш гъапӀуб ву. 5Хъа эгер адми чан ляхнарихъ хътругъди, гьеле чӀуру касра гьякь апӀру Аллагьдихъ хъугъруш, чан хъугъувализ дилигну, Аллагьди думу гьякь апӀиди. 6Гьаци Давудрира гъапну: адмийин ляхнариз дилигди, хъа хъугъувализ дилигну, Аллагьди гьякь апӀурайи кас бахтавар ву.
7«Бахтаврар ву законсуз ляхнарилан хил алдабгъну, гунгьар ккерку касар.
8Бахтавар ву Агъайи гунгьар гьисабназ гъададагъу кас».
9Му бахтаварвал суннат дапӀнайидаризтӀан дарин, дарш? Хъа дапӀнадрудариз? Ухьу гъурхунхьаки: «Ибрагьимдин хъугъувализ дилигну, Аллагьди думу гьякь гъапӀну». 10Фила думу гьякь гъапӀну? Дугъан суннат апӀайиз, даршиш апӀбалан кьяляхъ? ИкибаштӀан, апӀайиз! 11Ибрагьимдин суннат, суннат апӀайиз улихьна айи чан хъугъувализ дилигну, Аллагьдин улихь гьякь хьувалин лишан вуди хъасин гъапӀну. Ва гьаддиз Ибрагьим, гьеле суннат дапӀну адарди, хъугънайидаринра кмиди аба гъахьну. Дурарра, чпин хъугъувализ дилигну, Аллагьди гьякь гъапӀну. 12Ибрагьим гьацира суннат дапӀнайидаринра аба ву. Дурари неинки суннат, хъа гьацира, ихь аба Ибрагьимдиси, чан суннат апӀайиз улихьна айи хъугъувалра кьабул дапӀна.
Хъугъувализ дилигну, Аллагьди туврайи гаф
13Ибрагьимдиз ва дугъан наслариз вари дюнʼя ирсди тувди, кӀури, Аллагьди туву гаф дугъаз Къанундиланмина тувуб дайи, хъа чан хъугъувализ дилигну, гьякь хьувалиинди гъурубкьу гаф вуйи. 14Адмийириз, Къанундиз мютӀюгъ хьузди, Аллагьдин гаф рубкьуйиш, хъугъувализна Ибрагьимдиз туву гафназ айиб гьич саб кьиматра хьибдайи. 15Фицики тамам дарапӀру Къанунди Аллагьдик хъял капӀру, хъа Къанун адрушваъ думу чӀюбгъюзра шулдар.
16Гьаци вуйиган, адмийириз Аллагьдин гаф чпин хъугъувализ дилигну рубкьура. Му Дугъан рягьимлувалин багъиш ву. Гьаддиз думу неинки Къанундиинди яшамиш шулайидариз, хъа гьацира хъугъувалиинди яшамиш шулайи Ибрагьимдин вари наслариз кайиб ву. Хъа Ибрагьим ихь варидарин аба ву. 17Гирами китабариъ аки: «Узу увкан гизаф миллетарин аба гъапӀунза». Му Аллагьдин улихь гьякь ву. Ибрагьим гъийихдариз уьмур тувру, хьуз ккайиб вари хьуз гъитру Аллагьдихъ хъугънийи.
18Ибрагьимдиз гьич саб чара имдайи, хъа думу, Аллагьдихъ хъугъну, миж кади гъузнийи. Гьаддиз Аллагьдин гьаму гафариинди: «Яв наслар лап гизаф хьиди», – дугъкан вари халкьарин аба гъахьнийи. 19Варж йис яшнан чан бедендик хай кимдруб аьгъяшра, хъа Сара бицӀидар шлур дайишра, Ибрагьимдин хъугъувал зяиф гъабхьундар. 20Думу Аллагьдин гафниин шаклу гъахьундайи, хътругъри гъузундайи. Хъа думу, Аллагьдин тяриф апӀури, ижмиди хъугъну гъузнийи. 21Думу Аллагь Чав туву гаф тамам апӀуз Удукьрур вуйибдихъ хъугънайи. 22Гьаддиз Аллагьди Ибрагьим гьякь гъапӀнийи. 23Гирами китабариъ сар дугъкан: «Гьаддиз Ибрагьим гьякь гъапӀнийи», – кӀури дупнадар, 24хъа ухьу бадали дупна. Ихь Агъа Иса Месигь чӀиви ГъапӀурихъ хъугъруш, ухьура гьякь апӀиди. 25Думу ихь гунгьарихъанди гъакӀну ва, Аллагьдин улихь ухьу гьякь апӀбан бадали, Думу чӀиви гъахьну.
Currently Selected:
Рим 4: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Рим 4
4
Ибрагьимдикан
1Ихь абйирин аба Ибрагьимдикан фу пухьа? 2Эгер Аллагьди Ибрагьим чав апӀурайи ужудар ляхнариз дилигну гьякь гъапӀнуш, дугъхьан инсанарин улихь фурс апӀуз шуйи, хъа Аллагьдин улихь – ваъ. 3Гирами китабариъ дупнаки:
«Ибрагьим Аллагьдихъ хъугънийи, ва, чан хъугъувализ дилигну, Аллагьди думу гьякь гъапӀну».
4Лихурайидариз пул пешкеш вуди туврадар, думу ляхниъ гъазанмиш гъапӀуб ву. 5Хъа эгер адми чан ляхнарихъ хътругъди, гьеле чӀуру касра гьякь апӀру Аллагьдихъ хъугъруш, чан хъугъувализ дилигну, Аллагьди думу гьякь апӀиди. 6Гьаци Давудрира гъапну: адмийин ляхнариз дилигди, хъа хъугъувализ дилигну, Аллагьди гьякь апӀурайи кас бахтавар ву.
7«Бахтаврар ву законсуз ляхнарилан хил алдабгъну, гунгьар ккерку касар.
8Бахтавар ву Агъайи гунгьар гьисабназ гъададагъу кас».
9Му бахтаварвал суннат дапӀнайидаризтӀан дарин, дарш? Хъа дапӀнадрудариз? Ухьу гъурхунхьаки: «Ибрагьимдин хъугъувализ дилигну, Аллагьди думу гьякь гъапӀну». 10Фила думу гьякь гъапӀну? Дугъан суннат апӀайиз, даршиш апӀбалан кьяляхъ? ИкибаштӀан, апӀайиз! 11Ибрагьимдин суннат, суннат апӀайиз улихьна айи чан хъугъувализ дилигну, Аллагьдин улихь гьякь хьувалин лишан вуди хъасин гъапӀну. Ва гьаддиз Ибрагьим, гьеле суннат дапӀну адарди, хъугънайидаринра кмиди аба гъахьну. Дурарра, чпин хъугъувализ дилигну, Аллагьди гьякь гъапӀну. 12Ибрагьим гьацира суннат дапӀнайидаринра аба ву. Дурари неинки суннат, хъа гьацира, ихь аба Ибрагьимдиси, чан суннат апӀайиз улихьна айи хъугъувалра кьабул дапӀна.
Хъугъувализ дилигну, Аллагьди туврайи гаф
13Ибрагьимдиз ва дугъан наслариз вари дюнʼя ирсди тувди, кӀури, Аллагьди туву гаф дугъаз Къанундиланмина тувуб дайи, хъа чан хъугъувализ дилигну, гьякь хьувалиинди гъурубкьу гаф вуйи. 14Адмийириз, Къанундиз мютӀюгъ хьузди, Аллагьдин гаф рубкьуйиш, хъугъувализна Ибрагьимдиз туву гафназ айиб гьич саб кьиматра хьибдайи. 15Фицики тамам дарапӀру Къанунди Аллагьдик хъял капӀру, хъа Къанун адрушваъ думу чӀюбгъюзра шулдар.
16Гьаци вуйиган, адмийириз Аллагьдин гаф чпин хъугъувализ дилигну рубкьура. Му Дугъан рягьимлувалин багъиш ву. Гьаддиз думу неинки Къанундиинди яшамиш шулайидариз, хъа гьацира хъугъувалиинди яшамиш шулайи Ибрагьимдин вари наслариз кайиб ву. Хъа Ибрагьим ихь варидарин аба ву. 17Гирами китабариъ аки: «Узу увкан гизаф миллетарин аба гъапӀунза». Му Аллагьдин улихь гьякь ву. Ибрагьим гъийихдариз уьмур тувру, хьуз ккайиб вари хьуз гъитру Аллагьдихъ хъугънийи.
18Ибрагьимдиз гьич саб чара имдайи, хъа думу, Аллагьдихъ хъугъну, миж кади гъузнийи. Гьаддиз Аллагьдин гьаму гафариинди: «Яв наслар лап гизаф хьиди», – дугъкан вари халкьарин аба гъахьнийи. 19Варж йис яшнан чан бедендик хай кимдруб аьгъяшра, хъа Сара бицӀидар шлур дайишра, Ибрагьимдин хъугъувал зяиф гъабхьундар. 20Думу Аллагьдин гафниин шаклу гъахьундайи, хътругъри гъузундайи. Хъа думу, Аллагьдин тяриф апӀури, ижмиди хъугъну гъузнийи. 21Думу Аллагь Чав туву гаф тамам апӀуз Удукьрур вуйибдихъ хъугънайи. 22Гьаддиз Аллагьди Ибрагьим гьякь гъапӀнийи. 23Гирами китабариъ сар дугъкан: «Гьаддиз Ибрагьим гьякь гъапӀнийи», – кӀури дупнадар, 24хъа ухьу бадали дупна. Ихь Агъа Иса Месигь чӀиви ГъапӀурихъ хъугъруш, ухьура гьякь апӀиди. 25Думу ихь гунгьарихъанди гъакӀну ва, Аллагьдин улихь ухьу гьякь апӀбан бадали, Думу чӀиви гъахьну.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023