Рим 3
3
Вари адмийир тахсиркрар ву
1Гьаци вуйиган, жугьдар фтин артухъ ву, суннат апӀбан мяна фу ву? 2Дурарин артухъвал гизаф аьхюб ву, думура гизафубдиъ, саб гъапиб, Аллагьди Чан гаф гьадрариз тувнийи. 3Дурарикан сакьюдар Аллагьдиз вафалу дарш, дурарин вафалу дарували Аллагьдин вафалувал чӀур апӀуз шулин? 4ИкибаштӀан, даршул! Юкьуб аьтраф вари кучӀлари ацӀнашра, Аллагь аьгьтлуди гъузди, Гирами бикӀбариъ дибикӀнайиси:
«Уву Яв улхбариъ гьякьди гъуздива
ва Уву Яв суд апӀруган,
гъалиб хьидива».
5Эгер ихь дюз дарувалари Аллагьдин гьякьвал ачухъди артухъ апӀураш, Аллагьди ухькан хъял апӀруган, Думу дюз дар, пуз хай шулин? (Узу гьамци йиз адмивалин фагьмиинди кӀураза.) 6ИкибаштӀан, даршул! Аллагьди ухькан хъял апӀдайиш, Дугъхьан вари дюнʼяйин суд апӀузра хьибдайи.
7Увхьан пузра шулвухьан: «Хъа эгер йиз дугъри дарували Аллагьдин дугъривал артухъ апӀураш ва гьаци Дугъан ад артухъ шулаш, гунагькринси йиз суд гьаз апӀура?» 8Му, гьамци пуб гьисаб ву: «Ужувлар хьпан бадали, ухьу пис ляхнар дапӀну ккунду». Ари, гьамцдар аьгъювалар улупура, кӀури, гизафдари учуз тягьнийирра йивури шулу. Мици кӀуру адмийир жазайиз лайикь ву. 9Мидиз фу пухьа? Имбу миллетартӀан ухьу, жугьдар, фтин артухъ ву? Гьич сабдинра! Гьаддиз узу зиихъ дупназа: жугьдарра ва имбударра сабси гунагьвалин гьюкмиъ а, 10Гирами китабариъ кӀурайиси:
«Дюз вуйир гьич фужкӀа адар, фужкӀа!
11Гьич фужкӀа гъавриъ ахърадар.
Гьич сарира Аллагь агурадар.
12Гьякьвалихьан вари ярхла гъахьну; гьич фужкӀа сабдизра хай вуйир дар.
Гьич сарира ужʼвал апӀдар – гьич сарира, сар касдикьан!»
13«Дурарин ушвар арццнайи накьвариз ухшар ву.
Мелз дурари кучӀал рабгъузтӀан ишлетмиш апӀдар».
«БитӀран агъу ву дурарин кӀвантариин алиб».
14«Люкьнарина агъуди ацӀна дурарин ушвар».
15«Дурариз йивну йикӀувал гьич фукӀа дарубси ву.
16Наанди гъушишра, дурар чпихьди гъабхруб пуч апӀувална гъам-дерд ву,
17ва дурариз, ислягьвалин рякъярикан аьгъдар».
18«Дурариз Аллагьдихьан гучӀ ктар».
19Ухьуз аьгъяхьуз, гьич сарира, учв гьякь вуза, дарпбан бадали, ва вари дюнʼяйи Аллагьдин улихь жаваб тувбан бадали, гьаму Къанундиъ дупнайиб вари Къанундиз мютӀюгъ вуйдариз дупнайиб ву. 20Саб Къанундиъ айиб тамам апӀури гьич сарихьанра Аллагьдин улихь гьякь хьуз хьибдар, гьаз гъапиш, Къанундиан удубчӀвурайиб вари инсан гунагькар вуйиб улупурайиб ву.
Аллагь ву адмийир гьякь апӀурайир
21Аллагьди, Чан улихь адмийир фици гьякь апӀуруш, улупнахьуз. Му мици, Къанундира ва пайгъамбрарира гьаддикан кӀурашра, Къанундилан асиллу дарди шула. 22Аллагьди адмийир Чан улихь гьякь апӀура Иса Месигьдихъ хъугъбиинди. Му хъугърудариз варидариз кайиб ву, гьаз гъапиш дурарин арайиъ гьич саб фаркьвалра адар, 23фицики, вари гунагькрар ву, ва гьаддиз дурар Аллагьдин адлувалин багахьна деетнадар. 24Хъа Аллагьдин рягьимлувалилантина адмийирин гунгьар Чаина гъадагъу Иса Месигьдилантина вари халкьар, гьич саб кьимат тутрувди, Аллагьдин улихь гьякь гъахьну. 25Аллагьди Думу гъурбан гъапӀну. Дугъан ифди Дугъахъ хъугърударин гунгьар марцц гъапӀну. Адмийирин ухди гъапӀу гунгьарилан хил алдабгъну, Аллагьди Чан гьякьвал улупну. 26Дугъу адмийирин гунгьар аьгь дапӀну, Учв гьаму сяаьтдира гьякь вуйивал, ва Учв гьаммишандиз гьякьди гъузрувал ва дидихъди сабси Месигьдихъ хъугъру гьарсар кас гьякь апӀувал улупну.
27Гьамус ухьу фтиинди фурсар апӀухьа? Сабдииндира! Гьаз? Ляхнар тӀалаб апӀурайи Къанундин бинайиин алди? Ваъ! Хъа хъугъвал тӀалаб апӀурайи Къанундин бинайиин алди. 28Фицики, учу кӀурача, адми сарун, Къанундин тӀалабариз учв мютӀюгъ шулашра-шуладаршра, чан хъугъувализ дилигну, гьякь гъапӀну. 29Аллагь, анжагъ, жугьдаризтӀан дарин? Гьацира имбударизра Вуйир даринхъа? Ав, Думу гьацира имбу халкьаринра ву. 30Аллагь сар вуйивализ дилигну, Дугъу вари хъугърудар сабси гьякь апӀура – суннат гъапӀдарра дарапӀдарра. 31Ухьуз хъугъвал а кӀури гьамус Къанун тина апӀухьахъа? ИкибаштӀан, ваъ! Ухьу ихь хъугъувалиинди Къанун мюгькам апӀурахьа.
Currently Selected:
Рим 3: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Рим 3
3
Вари адмийир тахсиркрар ву
1Гьаци вуйиган, жугьдар фтин артухъ ву, суннат апӀбан мяна фу ву? 2Дурарин артухъвал гизаф аьхюб ву, думура гизафубдиъ, саб гъапиб, Аллагьди Чан гаф гьадрариз тувнийи. 3Дурарикан сакьюдар Аллагьдиз вафалу дарш, дурарин вафалу дарували Аллагьдин вафалувал чӀур апӀуз шулин? 4ИкибаштӀан, даршул! Юкьуб аьтраф вари кучӀлари ацӀнашра, Аллагь аьгьтлуди гъузди, Гирами бикӀбариъ дибикӀнайиси:
«Уву Яв улхбариъ гьякьди гъуздива
ва Уву Яв суд апӀруган,
гъалиб хьидива».
5Эгер ихь дюз дарувалари Аллагьдин гьякьвал ачухъди артухъ апӀураш, Аллагьди ухькан хъял апӀруган, Думу дюз дар, пуз хай шулин? (Узу гьамци йиз адмивалин фагьмиинди кӀураза.) 6ИкибаштӀан, даршул! Аллагьди ухькан хъял апӀдайиш, Дугъхьан вари дюнʼяйин суд апӀузра хьибдайи.
7Увхьан пузра шулвухьан: «Хъа эгер йиз дугъри дарували Аллагьдин дугъривал артухъ апӀураш ва гьаци Дугъан ад артухъ шулаш, гунагькринси йиз суд гьаз апӀура?» 8Му, гьамци пуб гьисаб ву: «Ужувлар хьпан бадали, ухьу пис ляхнар дапӀну ккунду». Ари, гьамцдар аьгъювалар улупура, кӀури, гизафдари учуз тягьнийирра йивури шулу. Мици кӀуру адмийир жазайиз лайикь ву. 9Мидиз фу пухьа? Имбу миллетартӀан ухьу, жугьдар, фтин артухъ ву? Гьич сабдинра! Гьаддиз узу зиихъ дупназа: жугьдарра ва имбударра сабси гунагьвалин гьюкмиъ а, 10Гирами китабариъ кӀурайиси:
«Дюз вуйир гьич фужкӀа адар, фужкӀа!
11Гьич фужкӀа гъавриъ ахърадар.
Гьич сарира Аллагь агурадар.
12Гьякьвалихьан вари ярхла гъахьну; гьич фужкӀа сабдизра хай вуйир дар.
Гьич сарира ужʼвал апӀдар – гьич сарира, сар касдикьан!»
13«Дурарин ушвар арццнайи накьвариз ухшар ву.
Мелз дурари кучӀал рабгъузтӀан ишлетмиш апӀдар».
«БитӀран агъу ву дурарин кӀвантариин алиб».
14«Люкьнарина агъуди ацӀна дурарин ушвар».
15«Дурариз йивну йикӀувал гьич фукӀа дарубси ву.
16Наанди гъушишра, дурар чпихьди гъабхруб пуч апӀувална гъам-дерд ву,
17ва дурариз, ислягьвалин рякъярикан аьгъдар».
18«Дурариз Аллагьдихьан гучӀ ктар».
19Ухьуз аьгъяхьуз, гьич сарира, учв гьякь вуза, дарпбан бадали, ва вари дюнʼяйи Аллагьдин улихь жаваб тувбан бадали, гьаму Къанундиъ дупнайиб вари Къанундиз мютӀюгъ вуйдариз дупнайиб ву. 20Саб Къанундиъ айиб тамам апӀури гьич сарихьанра Аллагьдин улихь гьякь хьуз хьибдар, гьаз гъапиш, Къанундиан удубчӀвурайиб вари инсан гунагькар вуйиб улупурайиб ву.
Аллагь ву адмийир гьякь апӀурайир
21Аллагьди, Чан улихь адмийир фици гьякь апӀуруш, улупнахьуз. Му мици, Къанундира ва пайгъамбрарира гьаддикан кӀурашра, Къанундилан асиллу дарди шула. 22Аллагьди адмийир Чан улихь гьякь апӀура Иса Месигьдихъ хъугъбиинди. Му хъугърудариз варидариз кайиб ву, гьаз гъапиш дурарин арайиъ гьич саб фаркьвалра адар, 23фицики, вари гунагькрар ву, ва гьаддиз дурар Аллагьдин адлувалин багахьна деетнадар. 24Хъа Аллагьдин рягьимлувалилантина адмийирин гунгьар Чаина гъадагъу Иса Месигьдилантина вари халкьар, гьич саб кьимат тутрувди, Аллагьдин улихь гьякь гъахьну. 25Аллагьди Думу гъурбан гъапӀну. Дугъан ифди Дугъахъ хъугърударин гунгьар марцц гъапӀну. Адмийирин ухди гъапӀу гунгьарилан хил алдабгъну, Аллагьди Чан гьякьвал улупну. 26Дугъу адмийирин гунгьар аьгь дапӀну, Учв гьаму сяаьтдира гьякь вуйивал, ва Учв гьаммишандиз гьякьди гъузрувал ва дидихъди сабси Месигьдихъ хъугъру гьарсар кас гьякь апӀувал улупну.
27Гьамус ухьу фтиинди фурсар апӀухьа? Сабдииндира! Гьаз? Ляхнар тӀалаб апӀурайи Къанундин бинайиин алди? Ваъ! Хъа хъугъвал тӀалаб апӀурайи Къанундин бинайиин алди. 28Фицики, учу кӀурача, адми сарун, Къанундин тӀалабариз учв мютӀюгъ шулашра-шуладаршра, чан хъугъувализ дилигну, гьякь гъапӀну. 29Аллагь, анжагъ, жугьдаризтӀан дарин? Гьацира имбударизра Вуйир даринхъа? Ав, Думу гьацира имбу халкьаринра ву. 30Аллагь сар вуйивализ дилигну, Дугъу вари хъугърудар сабси гьякь апӀура – суннат гъапӀдарра дарапӀдарра. 31Ухьуз хъугъвал а кӀури гьамус Къанун тина апӀухьахъа? ИкибаштӀан, ваъ! Ухьу ихь хъугъувалиинди Къанун мюгькам апӀурахьа.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023