Рим 16
16
Таниш вуйидариз саламар
1Узуз учвуз Фибия кӀуру ихь чи аьгъяди ккундузуз. Думу Кенхрийиъ айи хъугърударин жямяаьтдин гъулугъчи ву. 2Ккун апӀураза учвкан, Агъайин гьюрматназ дилигну, думу Аллагьдин адмийириз лайикь вуйиси кьабул апӀинай, дугъаз гьудрубкӀру варибдиъ кюмек апӀинай, фицики дугъу чав, гьеле узузра кмиди, гизафдариз кюмекар гъапӀну.
3Узухъди сатӀиди Иса Месигьдин гъуллугънаъ гъахьи ва шулайи Прискилайиз ва Акилайиз узхьан саламар йипай. 4Дурари узу бадали чпин жанар гьяйиф гъапӀундайи. Неинки сар узу, хъа гьацира жара миллетарин хъугъру жямяаьтарира дурариз чухсагъул кӀура.
5Дурарин хулаз уч шлу хъугърударизра саламар йипай.
Узуз масанди вуйи, Азияйиъ сарпирди Месигьдихъ хъугъу Эпенетдиз саламар йипай.
6Учву бадали гизаф гъилиху Марʼямдизра саламар йипай. 7Йиз багахьлуйир вуйи, узухъди дустагъдиъ гъахьи ва марцци вакиларин арайиъ ад айи Андроникдизна Юнийиз – саламар. Дурар узутӀан ухди Месигьдихъ хъугъну. 8Агъайихъ хъугънайи йиз ккуни дуст Амплиатдиз – саламар. 9Саламар йипай Месигьдиз гъуллугънаъ иштирак гъаши ихь гъардаш Урбандиз ва йиз ккуни дуст Стахисдиз. 10Месигьдихъ хъугъвалиъ ижмивал улупу Апелесдиз – саламар. Ариставулин хуландариз варидариз саламар йипай. 11Йиз багахьлу Иродиандиз – саламар. Агъайин терефкар вуйи Наркиссайин хуландариз варидариз саламар йипай. 12Агъайин ад бадали юкӀв хъипну лихурайи чйир Трифенайизна Трифосайиз – саламар. Агъа бадали гизаф жафа гъизигу йиз ккуни чи Персидайиз саламар йипай. 13Саламар йипай Агъа бадали кадагънайи чве Руфдиз ва узузра дада гъахьи дугъан дадайиз.
14Анискритдиз, Гермасдиз ва дурарихъди хъайи гъардшариз – саламар. 15Саламар йипай Филологдиз, Юлияйиз, Нерейдизна дугъан чуччуз, Олимпасдиз ва дурарихъди хъайи вари Аллагьдин адмийириз. 16Гирами мак дапӀну, чиб-чпиз салам туври гъузай. Месигьдин вари жямяаьтари учвуз саламар хътаура.
17Учвкан миннат апӀураза, гъардшар, учвуз улупу аьгъювалариз къаршу удучӀвури, гьюжатар апӀрударихьан ва машат апӀрударихьан ярхлади гъузай. 18Гьаци апӀру касар ихь Агъа Месигьдин гъуллугънаъ айидар дар, хъа чпин тямягьяр гьуркӀбахъ хъайидар ву. Дурари чпин уччву улхбарииндина тярифариинди бицӀи юкӀвар айи касар алдатмиш апӀура. 19Ичв мютӀюгъваликан варидариз деебхьна. Узу учвʼин гизаф шад вуза. Учвуз ужуб аьгъяди ва гьарсаб чӀурувалихьан учву ярхлади ккундузуз. 20Мясляаьт туврайи Аллагьди багарихьди иблис дармадагъин апӀиди ва думу ичв ликариккинди гатӀабхьиди. Гъит, учвуз Агъа Исайин ужʼвал ибшри. 21Узухъди лихурайи Тимофейи учвуз саламар хътаура, хъа дугъахъди – Луцийи, Ясонди ва Сосипатри, йиз багахьлуйири.
22Узура, Павелин гьаму кагъаз бикӀурайи Тертийира, вари Агъайихъ хъугърайидариз саламар хътаураза.
23Чан хулаъ узу ва вари хъугънайи жямяаьт кьабул дапӀнайи Гай кӀуру касдира учвуз саламар хътаура. Гьацира шагьрин пул хлиъ айи Ераст кӀурури ва ихь гъардаш Квартди саламар хътаура. [24]#16:24 Саспи грекарин БикӀбариъ гьамци дибикӀна: «Гъит, учвуз варидариз ихь Агъа Иса Месигьдин ужувлар ишри. Амин».
25Узу учвуз дебкку Ужувлан хабарнаъ ичв хъугъувал мюгькам апӀру Аллагьдин ад ибшри! Гизаф аьсрариъ дюбхнайи 26сир, гьамус гьаммишандин Аллагьдин амриинди пайгъамбрарин китабариланмина, халкьар Дугъахъ хъугъбан ва хъпехъбан бадали, дурариз ачмиш гъапӀну. 27Аьсрариан аьсрариз Иса Месигьдилантина Аькьюл хурайи сар вуйи Аллагьдин ад ибшри! Амин.
Currently Selected:
Рим 16: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Рим 16
16
Таниш вуйидариз саламар
1Узуз учвуз Фибия кӀуру ихь чи аьгъяди ккундузуз. Думу Кенхрийиъ айи хъугърударин жямяаьтдин гъулугъчи ву. 2Ккун апӀураза учвкан, Агъайин гьюрматназ дилигну, думу Аллагьдин адмийириз лайикь вуйиси кьабул апӀинай, дугъаз гьудрубкӀру варибдиъ кюмек апӀинай, фицики дугъу чав, гьеле узузра кмиди, гизафдариз кюмекар гъапӀну.
3Узухъди сатӀиди Иса Месигьдин гъуллугънаъ гъахьи ва шулайи Прискилайиз ва Акилайиз узхьан саламар йипай. 4Дурари узу бадали чпин жанар гьяйиф гъапӀундайи. Неинки сар узу, хъа гьацира жара миллетарин хъугъру жямяаьтарира дурариз чухсагъул кӀура.
5Дурарин хулаз уч шлу хъугърударизра саламар йипай.
Узуз масанди вуйи, Азияйиъ сарпирди Месигьдихъ хъугъу Эпенетдиз саламар йипай.
6Учву бадали гизаф гъилиху Марʼямдизра саламар йипай. 7Йиз багахьлуйир вуйи, узухъди дустагъдиъ гъахьи ва марцци вакиларин арайиъ ад айи Андроникдизна Юнийиз – саламар. Дурар узутӀан ухди Месигьдихъ хъугъну. 8Агъайихъ хъугънайи йиз ккуни дуст Амплиатдиз – саламар. 9Саламар йипай Месигьдиз гъуллугънаъ иштирак гъаши ихь гъардаш Урбандиз ва йиз ккуни дуст Стахисдиз. 10Месигьдихъ хъугъвалиъ ижмивал улупу Апелесдиз – саламар. Ариставулин хуландариз варидариз саламар йипай. 11Йиз багахьлу Иродиандиз – саламар. Агъайин терефкар вуйи Наркиссайин хуландариз варидариз саламар йипай. 12Агъайин ад бадали юкӀв хъипну лихурайи чйир Трифенайизна Трифосайиз – саламар. Агъа бадали гизаф жафа гъизигу йиз ккуни чи Персидайиз саламар йипай. 13Саламар йипай Агъа бадали кадагънайи чве Руфдиз ва узузра дада гъахьи дугъан дадайиз.
14Анискритдиз, Гермасдиз ва дурарихъди хъайи гъардшариз – саламар. 15Саламар йипай Филологдиз, Юлияйиз, Нерейдизна дугъан чуччуз, Олимпасдиз ва дурарихъди хъайи вари Аллагьдин адмийириз. 16Гирами мак дапӀну, чиб-чпиз салам туври гъузай. Месигьдин вари жямяаьтари учвуз саламар хътаура.
17Учвкан миннат апӀураза, гъардшар, учвуз улупу аьгъювалариз къаршу удучӀвури, гьюжатар апӀрударихьан ва машат апӀрударихьан ярхлади гъузай. 18Гьаци апӀру касар ихь Агъа Месигьдин гъуллугънаъ айидар дар, хъа чпин тямягьяр гьуркӀбахъ хъайидар ву. Дурари чпин уччву улхбарииндина тярифариинди бицӀи юкӀвар айи касар алдатмиш апӀура. 19Ичв мютӀюгъваликан варидариз деебхьна. Узу учвʼин гизаф шад вуза. Учвуз ужуб аьгъяди ва гьарсаб чӀурувалихьан учву ярхлади ккундузуз. 20Мясляаьт туврайи Аллагьди багарихьди иблис дармадагъин апӀиди ва думу ичв ликариккинди гатӀабхьиди. Гъит, учвуз Агъа Исайин ужʼвал ибшри. 21Узухъди лихурайи Тимофейи учвуз саламар хътаура, хъа дугъахъди – Луцийи, Ясонди ва Сосипатри, йиз багахьлуйири.
22Узура, Павелин гьаму кагъаз бикӀурайи Тертийира, вари Агъайихъ хъугърайидариз саламар хътаураза.
23Чан хулаъ узу ва вари хъугънайи жямяаьт кьабул дапӀнайи Гай кӀуру касдира учвуз саламар хътаура. Гьацира шагьрин пул хлиъ айи Ераст кӀурури ва ихь гъардаш Квартди саламар хътаура. [24]#16:24 Саспи грекарин БикӀбариъ гьамци дибикӀна: «Гъит, учвуз варидариз ихь Агъа Иса Месигьдин ужувлар ишри. Амин».
25Узу учвуз дебкку Ужувлан хабарнаъ ичв хъугъувал мюгькам апӀру Аллагьдин ад ибшри! Гизаф аьсрариъ дюбхнайи 26сир, гьамус гьаммишандин Аллагьдин амриинди пайгъамбрарин китабариланмина, халкьар Дугъахъ хъугъбан ва хъпехъбан бадали, дурариз ачмиш гъапӀну. 27Аьсрариан аьсрариз Иса Месигьдилантина Аькьюл хурайи сар вуйи Аллагьдин ад ибшри! Амин.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023