Коринф-1 1
1
Саламар
1Иса Месигьдин вакил хьуз Аллагьди дих дапӀнайи Павелихьан ва Сосфен гъардшихьан 2Коринфдиъ Аллагьдихъ вари хъугърудариз, Иса Месигьдихъди саб вуйи гирами духьнайидариз, Дугъаз кӀури гирами халкь хьуз дих дапӀнайидариз, ихь Агъа ва дурарин Агъа вуйи Иса Месигьдиз ккарагурайидариз саламар.
3Аллагьдихьан, Аьршарин ихь Адашдихьан ва Агъа Иса Месигьдихьан ужʼвал ва мясляаьт ибшричвуз!
Павели Агъайин тяриф апӀура
4Учвхъан узу йиз Аллагьдиз гьаммишан чухсагъул кӀураза, гьаз гъапиш Гьадгъу учвуз Иса Месигьдиланмина ужувлан багъишар тувначвуз. 5Гьадгъулантина учву варибдихъди – гаф-чӀалнан ва аьгъюваларин вари хазнайихьди ацӀунчву, 6фицики Месигьдикан вуйи ич шагьидвал учвуъ мюгькам гъабхьну. 7Сарун, ихь Агъа Иса Месигь гъяйиз ккилигури гъузбаъ, рюгьнан багъишариъ учвуз гьудрубкӀруб фукӀа адарчвуз. 8Учву аьхиризкьан, ихь Агъа Иса Месигьдин Йигъан учву сабкьан тахсир ктарди хьпан бадали, Гьадгъу мюгькам апӀидичву. 9Чан Бай вуйи ихь Агъа Иса Месигьдихъди саб хьуз ухьуз дих дапӀнайи Аллагь хъугъвал Алир ву.
Хъугърударин жара хьувалар
10Ихь Агъа Иса Месигьдин ччвурнахъан, гъардшар, учвуз миннат апӀураза, чиб-чпихъди вари рази духьну гъузай. Гъит учву чиб-чпихьан жара даришри, фагьмар ва фикрариъ саб ишричву!
11Йиз гъардшар, ичв гьюжатарикан Хлоийин хуландарикан деебхьназуз. 12Узу мушваъ фтикан улхура? ГьацӀари кӀурачва: «Узу Павелин тереф дибиснайир вуза», тмундари – «Узу – Аполлосдин», шубурпидари – «Узу – Кифдин», юкьурпидари – «Хъа узу – Месигьдин». 13Месигь пай духьнайин дарш?! Вая учвхъанди хачрак карсур Павел гъахьнийин?! Ясана учву Павелин ччвурнахъ штуан гъахьунчвахъа?! Ваъ! 14Криспна Гай ктарди, узу йиз хилариинди учвкан фужкӀа штуан дарапӀбаз Аллагьдиз чухсагъул кӀураза. 15Гьаддиз учвхьан сарихьанра, йиз ччвурнахъан штуан гъахьунча, пуз хьибдарчвухьан! 16Ав, йиз хилариинди штуан дапӀну цӀийи алаъдар Стефанна дугъан хуландар вуйиз, хъа сарун узу фужарсана цӀийи алаънуш, кӀваин илмидариз 17Месигьди узу, учву штуан апӀуз кӀури ваъ, хъа Ужувлан хабар дебккуз гьаънайир вуза. Думу Хабар узу аьмалдар гафариинди дебккну ккундар, вуйиш, Месигьдин, ккадауз кӀури, хачрак гъабхьи аьжалнан метлеб дубгдийи.
Аллагьдин заанвал, аьяндарвал ва кьувват – Месигь ву
18Пуч хьуз ккайидари, Месигьдин, ккадауз кӀури, хачрак гъабхьи аьжаликан гаф ахмакьвал ву кӀура, хъа ухьуз, Аллагьди уьрхрудариз, думу Аллагьдин кьувват ву. 19Гирами китабариъ дибикӀнаки:
«Узу, аьяндрар вуча кӀурайидарин аьяндарвал
фукӀа дарувал апӀидиза ва
фикирлуйир вуча кӀурайидарин фикирлувал
тина гьадапӀидиза».
20Наши аьяндар? Наши Кьанундин аьлим? Наши гьаму аьсрарин дирбаш гьюжаткар? Аллагьди гьаму дюнʼяйин вари аьяндарвал, дугъридан ахмакьвал ву, кӀури, улупнадарин дарш? 21Аллагьдин зурба фагьми дебккганси, гьаму дюнʼяйин фагьмихьан Аллагь аьгъю апӀуз дархьиган, Хабарну дебккрайи «ахмакьвалихъ» хъугъдар уьрхюз Аллагьдиз ккун гъабхьну. 22Жугьдари аьламатар ккун апӀура, Аллагьдикан аьгъдрудари фагьум абгура, 23хъа учу, хачрак карсу Месигьдикан хабар рабгъурача. Жугьдариз му хъарсну алдакру гъван ву, хъа имбу халкьариз – фагьумсузвал ву. 24Хъа, Аллагьди дих дапӀнайидариз, жугьдаризра, грекаризра, Месигь – Аллагьдин фагьум ва кьувват ву! 25Фицики, Аллагьдин «ахмакьвал» инсандин фагьумтӀан зиина ву ва Аллагьдин «зяифвал» инсандин кьувваттӀан кьудратлу ву!
26Гъардшар, Аллагьди учвуз дих апӀайиз учву фицдар вуйиш, учвуз лигай. Эгер адмийи гьисаб апӀурайиси гъадабгъиш, учвкан гизафдар фагьумлуйир, кьувватлуйир, бина машгьур касар вуйинхъа? 27Хъа Аллагьди, фагьумлуйиз нач хьузди, гьаму дюнʼяйи ахмакьди гьисаб апӀруб ктабгъну, ва кьувватлуб начан шлуси, гьаму дюнʼяйи зяифди гьисаб апӀруб ктабгъну. 28Дугъу, гьаму дюнʼяйи зина вуди гьисаб дапӀнайиб батӀил апӀбан бадали, саб кьимат адруб, асккан дапӀнайиб ва улʼан идипнайиб ктабгъну. 29Гьаддиз сарун сарихьанра Дугъан улихь чан тяриф апӀуз хьибдар.
30Гьадгъан кюмекниинди учву Иса Месигьдик кидикьначва. Гьадму Иса ухьуз Аллагьдин фагьум, ихь гьякьвал, ихь гирамивал ва ккадаувал вухьуз! 31Гьаци вуйиган, Гирами китабариъ кӀурайиси:
«Тяриф апӀуз ккунири Агъайин тяриф апӀри!»
Currently Selected:
Коринф-1 1: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Коринф-1 1
1
Саламар
1Иса Месигьдин вакил хьуз Аллагьди дих дапӀнайи Павелихьан ва Сосфен гъардшихьан 2Коринфдиъ Аллагьдихъ вари хъугърудариз, Иса Месигьдихъди саб вуйи гирами духьнайидариз, Дугъаз кӀури гирами халкь хьуз дих дапӀнайидариз, ихь Агъа ва дурарин Агъа вуйи Иса Месигьдиз ккарагурайидариз саламар.
3Аллагьдихьан, Аьршарин ихь Адашдихьан ва Агъа Иса Месигьдихьан ужʼвал ва мясляаьт ибшричвуз!
Павели Агъайин тяриф апӀура
4Учвхъан узу йиз Аллагьдиз гьаммишан чухсагъул кӀураза, гьаз гъапиш Гьадгъу учвуз Иса Месигьдиланмина ужувлан багъишар тувначвуз. 5Гьадгъулантина учву варибдихъди – гаф-чӀалнан ва аьгъюваларин вари хазнайихьди ацӀунчву, 6фицики Месигьдикан вуйи ич шагьидвал учвуъ мюгькам гъабхьну. 7Сарун, ихь Агъа Иса Месигь гъяйиз ккилигури гъузбаъ, рюгьнан багъишариъ учвуз гьудрубкӀруб фукӀа адарчвуз. 8Учву аьхиризкьан, ихь Агъа Иса Месигьдин Йигъан учву сабкьан тахсир ктарди хьпан бадали, Гьадгъу мюгькам апӀидичву. 9Чан Бай вуйи ихь Агъа Иса Месигьдихъди саб хьуз ухьуз дих дапӀнайи Аллагь хъугъвал Алир ву.
Хъугърударин жара хьувалар
10Ихь Агъа Иса Месигьдин ччвурнахъан, гъардшар, учвуз миннат апӀураза, чиб-чпихъди вари рази духьну гъузай. Гъит учву чиб-чпихьан жара даришри, фагьмар ва фикрариъ саб ишричву!
11Йиз гъардшар, ичв гьюжатарикан Хлоийин хуландарикан деебхьназуз. 12Узу мушваъ фтикан улхура? ГьацӀари кӀурачва: «Узу Павелин тереф дибиснайир вуза», тмундари – «Узу – Аполлосдин», шубурпидари – «Узу – Кифдин», юкьурпидари – «Хъа узу – Месигьдин». 13Месигь пай духьнайин дарш?! Вая учвхъанди хачрак карсур Павел гъахьнийин?! Ясана учву Павелин ччвурнахъ штуан гъахьунчвахъа?! Ваъ! 14Криспна Гай ктарди, узу йиз хилариинди учвкан фужкӀа штуан дарапӀбаз Аллагьдиз чухсагъул кӀураза. 15Гьаддиз учвхьан сарихьанра, йиз ччвурнахъан штуан гъахьунча, пуз хьибдарчвухьан! 16Ав, йиз хилариинди штуан дапӀну цӀийи алаъдар Стефанна дугъан хуландар вуйиз, хъа сарун узу фужарсана цӀийи алаънуш, кӀваин илмидариз 17Месигьди узу, учву штуан апӀуз кӀури ваъ, хъа Ужувлан хабар дебккуз гьаънайир вуза. Думу Хабар узу аьмалдар гафариинди дебккну ккундар, вуйиш, Месигьдин, ккадауз кӀури, хачрак гъабхьи аьжалнан метлеб дубгдийи.
Аллагьдин заанвал, аьяндарвал ва кьувват – Месигь ву
18Пуч хьуз ккайидари, Месигьдин, ккадауз кӀури, хачрак гъабхьи аьжаликан гаф ахмакьвал ву кӀура, хъа ухьуз, Аллагьди уьрхрудариз, думу Аллагьдин кьувват ву. 19Гирами китабариъ дибикӀнаки:
«Узу, аьяндрар вуча кӀурайидарин аьяндарвал
фукӀа дарувал апӀидиза ва
фикирлуйир вуча кӀурайидарин фикирлувал
тина гьадапӀидиза».
20Наши аьяндар? Наши Кьанундин аьлим? Наши гьаму аьсрарин дирбаш гьюжаткар? Аллагьди гьаму дюнʼяйин вари аьяндарвал, дугъридан ахмакьвал ву, кӀури, улупнадарин дарш? 21Аллагьдин зурба фагьми дебккганси, гьаму дюнʼяйин фагьмихьан Аллагь аьгъю апӀуз дархьиган, Хабарну дебккрайи «ахмакьвалихъ» хъугъдар уьрхюз Аллагьдиз ккун гъабхьну. 22Жугьдари аьламатар ккун апӀура, Аллагьдикан аьгъдрудари фагьум абгура, 23хъа учу, хачрак карсу Месигьдикан хабар рабгъурача. Жугьдариз му хъарсну алдакру гъван ву, хъа имбу халкьариз – фагьумсузвал ву. 24Хъа, Аллагьди дих дапӀнайидариз, жугьдаризра, грекаризра, Месигь – Аллагьдин фагьум ва кьувват ву! 25Фицики, Аллагьдин «ахмакьвал» инсандин фагьумтӀан зиина ву ва Аллагьдин «зяифвал» инсандин кьувваттӀан кьудратлу ву!
26Гъардшар, Аллагьди учвуз дих апӀайиз учву фицдар вуйиш, учвуз лигай. Эгер адмийи гьисаб апӀурайиси гъадабгъиш, учвкан гизафдар фагьумлуйир, кьувватлуйир, бина машгьур касар вуйинхъа? 27Хъа Аллагьди, фагьумлуйиз нач хьузди, гьаму дюнʼяйи ахмакьди гьисаб апӀруб ктабгъну, ва кьувватлуб начан шлуси, гьаму дюнʼяйи зяифди гьисаб апӀруб ктабгъну. 28Дугъу, гьаму дюнʼяйи зина вуди гьисаб дапӀнайиб батӀил апӀбан бадали, саб кьимат адруб, асккан дапӀнайиб ва улʼан идипнайиб ктабгъну. 29Гьаддиз сарун сарихьанра Дугъан улихь чан тяриф апӀуз хьибдар.
30Гьадгъан кюмекниинди учву Иса Месигьдик кидикьначва. Гьадму Иса ухьуз Аллагьдин фагьум, ихь гьякьвал, ихь гирамивал ва ккадаувал вухьуз! 31Гьаци вуйиган, Гирами китабариъ кӀурайиси:
«Тяриф апӀуз ккунири Агъайин тяриф апӀри!»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023