Насигьятар 12
12
1Аьгъювалар ккунириз ккунду насигьятарра,
хъа кирчу тахсрар гьадаърур ву – кӀули фикир дарапӀрур.
2Гъяни касдиин РАББИ рази ву,
хъа чӀуру кьастар айириин алабхъиди пис гьял.
3ЧӀуруб апӀрурихьан жилиин хьибдар дийигъуз,
гьякьлуйин ччивар шлуб дар ккадатӀуз.
4Лайикьлу хпир таж ву жилириз,
хъа ягьсузур – кӀурбариъ ичӀибгнайи камк.
5Гьякьлуйи дюзваликан фикир апӀура,
хъа гьякьсузри чӀуру кьаст ккабалгура.
6Гьякьсузрин гафар уьмриз ву хатӀа,
хъа хатӀайиккан ккадаъру гафар – дюз улхбар.
7Гьякьсузур ахъди, хьибди дугъан аьхир,
хъа гьякьлуйин хал дийибгъиди.
8Фикирлу улхбари адлу апӀиди инсан,
хъа чиркин фикрар айир беябур хьиди.
9Жвуваз лукӀ ади, ултӀутӀуччврур хьуб ужу ву,
кьацӀ уьл адарди, кьуцӀнир хьайиз.
10Гьякьлури кӀару малинра язухъ зигуру,
хъа гьякьсузрин масанвал зулумтӀан исина ву.
11Жил тартиб апӀрур хьиди тухъ,
хъа абдал хъергру ичӀибдихъ.
12Гьякьсузрин кьаст – айибтӀан чӀуруб абгуб,
амма гьякьлударин ччивру деетуру тазар.
13Гьякьсузур чан кучӀлин улхбариъ ургди,
хъа гьякьлуйик бала кубкӀидар – дубгди.
14Инсанди чан улхбарин гъяни йимиш ккадабцӀиди,
чан жафйир дугъахьна, пешкешарди, кьяляхъ хътакиди.
15Ахмакьри чан жилгъа дишуб вуди гьисаб апӀури шулу,
хъа аькьюл айири теклифариз иб туври шулу.
16Ахмакьри чан хъял, улупуз, шулу кебхри,
хъа фикирлур шулдар люкьнарихъ хъпехъури.
17Дугъри касдин гафар ву дюзидар,
хъа кучӀлин шагьиддин гафар – чӀуру кьастнандар.
18Лагълагъвали, туриси, зиян апӀуб мумкин ву,
хъа аькьюл айидарин гафари сагъ апӀуру.
19Гъузди аьсрариз гафар гьякьвалин,
хъа уьмур ярхиб дар мелзнан кучӀлин.
20Аьмалдрарин кӀваин чӀуру кьаст ал,
хъа мясляаьтчйирин – шадвал.
21Хьибдар гьякьлуйиз чӀуруб,
хъа гьякьсузар писвали дюднихъди ацӀна.
22КучӀлин мучӀмучӀ РАББИЙИЗ хявиди ву,
хъа кьабулди ву Дугъаз дюзди апӀрур.
23Фагьумлури чан аьгъювалар улупдар,
хъа абдлари кебхра чпин ахмакьвал, рябкъюз.
24Ляхнихь хьайи хилиз – гьюкум гъабхуб,
темпел хилиз – лукӀʼвалиъ ахъуб.
25Сикинсузвали юкӀв инсандин, гьавазурвалиъ ипру,
хъа гъяни гафну шадвалиъ ипру.
26Гьякьлури жарариз жилгъа улупиди,
хъа гьякьсузарин рякъюъ улдугидиву.
27Лихуз даккнириз хюрч рябкъидар,
хъа ляхнихъ юкӀв хъайириз хайирна девлет адарди хьибдар.
28Гьякьвалин жилгъа – уьмрихьна,
хъа кьяни жилгъйир – аьжалихьна.
Currently Selected:
Насигьятар 12: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
