Матта 24
24
Аллагьдин хал дабгъбакан
1Иса Аллагьдин хулʼан удучӀвиган, Дугъан ученикар, Дугъаз Аллагьдин хулан дараматар улупуз кӀури, багахьна гъафи. 2Исайи дурариз кӀуру:
– Гьамрар вари рякъюранчвуз? Дугъридан кӀуразачвуз, мидин гъван гъвандиин гъубзидар, вари дабгъиди.
Исайин терефкрариин аьзабар улуркьуб
3Иса Елион дагъдиин деънайиган, Дугъахьна ученикар гъюру ва жарадар алдру йишвʼин дурари Дугъхьан гьерхру:
– Йип учуз, дици фила хьибди? Уву хъадакну гъюрувал ва гъиямат йигъ улубкьруб учуз фицдар лишнариинди аьгъю хьибди?
4Исайи дурариз жаваб вуди кӀуру:
– Лигайгьа, шликӀа учву алдатмиш дарапӀбан бадали, ихтият йихьай. 5Фицики гизафдар: «Узу Месигь вуза» кӀури, Йиз ччвурнаккди гъиди ва гизаф халкьар алдатмиш апӀиди. 6Гьацира учвуз багахь ва ярхла дявйирикан ебхьидичвуз. Лигайгьа, гучӀ мапӀанай, фицики мурар духьну ккуни ляхнар ву, амма му сабан аьхир дар. 7Фицики халкь халкьдиин, паччагьлугъ паччагьлугъдиин алархьиди. Гашʼвалар ахьди, жюрбежюр йишвариъ жилар тӀурччвиди. 8Мурар вари бедбахтваларин, бицӀир апӀру аьзабарси, сифте кӀулар ву. 9Гьадмуган учвуз аьзабар тувди ва учву йивну йихиди; учву, Йиз ученикар хьпаз лигну, вари халкьариз даккун хьидичва. 10Гьадмуган гизафдар хъугъвалихьан ярхла хьиди. Сари-сар масу тувуз хъюгъди, инсанарин арайиъ душманвал абхъди. 11Хъасин хайлин кучӀлин пайгъамбрар арайиз удучӀвиди ва дурари гизафдар алдатмиш апӀиди. 12Къайдасузвалар гизаф артухъ хьпаз лигну, гизафдарин сар-сарихьна ккунивал цӀиб хьибди. 13Гьамрар вари шли аьхиризкьан аьх гъапӀиш, гьадму дюрхну хьиди. 14Гьарсаб миллетдиз ебхьруганси, Аьршарин Паччагьлугъдикан Ужувлан хабар вари дюнʼяйиъ рабгъиди, гьадмуган гъиямат йигъ улубкьиди.
Улукьуз ккайи аьзабар
15Гьамци Даниял пайгъамбри улихь ккимиди дупнайи Гирами йишваъ Аллагь гьясбикк ккадру алчагъвал учвуз гъябкъиган (урхурайир гъит гъавриъ ишри), 16гьадмуган Ягьудия уьлкейиъ айидар дагълариз гьергри. 17Фуж гьадму вахтна гъваин алди гъашиш, чан хулаъ айиб фукӀа гъадабгъуз душвлан улдудучӀври, 18фуж хутӀлиъ ади гъашиш, думу чан палтар гъадагъуз хулаз дурушри. 19Гъагъдиъ айидаринна нанайихъ бицӀидар хъайидарин гьадму йигъари гьял пис хьибди! 20Гьамрар вари улукьну, учву гьергуз мажбур гъабхьи вахт я кьюрд, ясана султ йигъ дарибшри пну, ккарагай, 21фицики гьадмуган дюнʼя ккебгъхъанмина дарши ва сарун сабанра даршлусдар зурба бедбахтвалар хьиди. 22Хъа гьадму йигъар Аллагьди кам гъапӀундайиш, сар каскьан ккададархьрийи, амма Чав кадагънайидар бадали Дугъу гьадму йигъар кам апӀиди. 23Эгер учвуз думуган «Лиг, Месигь гьамшвахь хьа» вая «Гьатушвахь хьа» гъапиш, мухъугъанай, 24фицики кучӀлин месигьар ва кучӀлин пайгъамбрар удучӀвну, зурба аьламатнан лишнар улупуз хъюгъди. Дурар, чпихьан шулуш, гьелле Аллагьди кадагънайи касарра алдатмиш апӀуз чалишмиш хьиди. 25Магьа, Узу улихьмиди гъапунзачвуз. 26Гьамци, нагагь учвуз «Магьа Думу ичӀи чюлиъ а» гъапишра, дина мягъянай; «Магьа Думу хулариъ гьитӀикӀна» гъапишра, мухъугъанай. 27Кьюркьлин цӀа завун му кӀулиан тму кӀулиз фици крибчуруш, Инсаниятдин Байра гьаци гъиди. 28Наан майит ади гъабшиш, гьадина люкьяр уч хьиди.
Инсаниятдин Бай аьршариан гъюбкан
29Хъа сабпну гьадму йигъарин кьяляхъ «Ригъ ктӀубшвиди, вазли акв тувидар, завариан хядар ахьди, завар ккадаршвиди». 30Гьадмуган завʼина Инсаниятдин Балин лишан гъибди. Жилиин али вари халкьар ишиди, дурариз, Чан кьувват ва зурба гьяйбат хъади, дифариин алди гъюрайи Инсаниятдин Бай рякъиди. 31Дугъура зурба сес апӀру зурна хьади Чан малайикар гьаъди, дурари Дугъу ктагъу касар, жилин саб кӀулʼан тмуну кӀулиз гъяйизкьан, юкьбиб терефарихъанди уч апӀиди.
Инжирин гьарин мисал
32Инжирин гьархъан мисал гъадабгъай: дидин кюлери кьюкьяр апӀруган ва кӀажар адашвруган, хьад багахь шулайивал аьгъю шулучвуз. 33Гьаци учвузра, гьамрар вари гъяркъган, гьадму вахт, ичв раккнихъ хъайиси, багахь дубхьнайивал аьгъю йибхьай. 34Гьякь кӀуразачвуз: му вари улубкьайиз, гьамусдин насил гъубзди. 35Заварна жилар ккадахьиди, хъа Йиз гафар дургидар.
Думу фила шулуш, саризра аьгъдар
36Я аьршарин малайикариз, я Бализ – саризра йигъ ва сяаьт аьгъдар, хъа сар Адашдиз аьгъя. 37Нюгьдин йигъари фици гъабхьнуш, Инсаниятдин Бай гъювалра гьаци хьибди: 38жилиин шид улубчӀвайиз улихьна Нюгь чан гимдиъ учӀву йигъʼина гъяйиз, вари фици ипӀури-убхъури, швушвар хури, швуваз гъягъюри гъахьнуш 39ва шид улубчӀвайиз фици фтинкӀа фикир ктарди гъахьнуш, Инсаниятдин Бай гъювалра гьаци хьибди. 40Думу вахтна хутӀлиъ кьюр нежбер лихури гъахьиш, дурарикан сарнур гъахиди, тмунур гъитди; 41хилин рягъярихъ тахил рябгъюрайидар кьюр дишагьли гъахьиш, дурарикан сар гъадагъиди, тмунур гъитди. 42Гьаци вуйиган, ул иливну мааханай, гьаз гъапиш ичв Агъа гъюру йигъ учвуз аьгъдарчвуз. 43Учвуз аьгъю йибхьайки, хулан эйсийиз угъри гъюру вахт аьгъяйиш, думу даърахрийи ва чан хулаъ учӀвуз гъидритрийи. 44Гьаддиз учвура гьязурди гъузай, фицики учву ккилигури адру сяаьтна Инсаниятдин Бай гъиди.
Гъуллугъчйир вафалудар духьну ккунду
45Агъайин вартӀан аькьюллу, вафалу гъараваш фунур ву? Дугъу имбу гъаравшариз ипӀруб туврурди дурарин зиин гъуллугъчиди дерккур. 46Хулаз гъафи агъайиз ляхин апӀури гъяркъю гъуллугъчи бахтавар ву. 47Гьякь кӀуразачвузки, агъайи думу чан вари хал-йишван аьхюрди дерккди. 48Хъа эгер думу гъуллугъчийи, чан кӀваан: «Йиз агъа багаригьди гъидар» пну, 49миди вуйи чавсдариз сабра дарди йивури гъахьиш, лутйирихъди ипӀуз-убхъуз хъюгъиш, 50агъа, думу ккилигури адру йигъан ва мялум дару сяаьтна хъуркьди 51ва дугъу думу гъуллугъчи кьюб швур апӀиди: дугъкан, кьюб маш гъяйидарикан апӀруб апӀиди, душваъ суза-фигъан, зурба ишуб абхъди.
Currently Selected:
Матта 24: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Матта 24
24
Аллагьдин хал дабгъбакан
1Иса Аллагьдин хулʼан удучӀвиган, Дугъан ученикар, Дугъаз Аллагьдин хулан дараматар улупуз кӀури, багахьна гъафи. 2Исайи дурариз кӀуру:
– Гьамрар вари рякъюранчвуз? Дугъридан кӀуразачвуз, мидин гъван гъвандиин гъубзидар, вари дабгъиди.
Исайин терефкрариин аьзабар улуркьуб
3Иса Елион дагъдиин деънайиган, Дугъахьна ученикар гъюру ва жарадар алдру йишвʼин дурари Дугъхьан гьерхру:
– Йип учуз, дици фила хьибди? Уву хъадакну гъюрувал ва гъиямат йигъ улубкьруб учуз фицдар лишнариинди аьгъю хьибди?
4Исайи дурариз жаваб вуди кӀуру:
– Лигайгьа, шликӀа учву алдатмиш дарапӀбан бадали, ихтият йихьай. 5Фицики гизафдар: «Узу Месигь вуза» кӀури, Йиз ччвурнаккди гъиди ва гизаф халкьар алдатмиш апӀиди. 6Гьацира учвуз багахь ва ярхла дявйирикан ебхьидичвуз. Лигайгьа, гучӀ мапӀанай, фицики мурар духьну ккуни ляхнар ву, амма му сабан аьхир дар. 7Фицики халкь халкьдиин, паччагьлугъ паччагьлугъдиин алархьиди. Гашʼвалар ахьди, жюрбежюр йишвариъ жилар тӀурччвиди. 8Мурар вари бедбахтваларин, бицӀир апӀру аьзабарси, сифте кӀулар ву. 9Гьадмуган учвуз аьзабар тувди ва учву йивну йихиди; учву, Йиз ученикар хьпаз лигну, вари халкьариз даккун хьидичва. 10Гьадмуган гизафдар хъугъвалихьан ярхла хьиди. Сари-сар масу тувуз хъюгъди, инсанарин арайиъ душманвал абхъди. 11Хъасин хайлин кучӀлин пайгъамбрар арайиз удучӀвиди ва дурари гизафдар алдатмиш апӀиди. 12Къайдасузвалар гизаф артухъ хьпаз лигну, гизафдарин сар-сарихьна ккунивал цӀиб хьибди. 13Гьамрар вари шли аьхиризкьан аьх гъапӀиш, гьадму дюрхну хьиди. 14Гьарсаб миллетдиз ебхьруганси, Аьршарин Паччагьлугъдикан Ужувлан хабар вари дюнʼяйиъ рабгъиди, гьадмуган гъиямат йигъ улубкьиди.
Улукьуз ккайи аьзабар
15Гьамци Даниял пайгъамбри улихь ккимиди дупнайи Гирами йишваъ Аллагь гьясбикк ккадру алчагъвал учвуз гъябкъиган (урхурайир гъит гъавриъ ишри), 16гьадмуган Ягьудия уьлкейиъ айидар дагълариз гьергри. 17Фуж гьадму вахтна гъваин алди гъашиш, чан хулаъ айиб фукӀа гъадабгъуз душвлан улдудучӀври, 18фуж хутӀлиъ ади гъашиш, думу чан палтар гъадагъуз хулаз дурушри. 19Гъагъдиъ айидаринна нанайихъ бицӀидар хъайидарин гьадму йигъари гьял пис хьибди! 20Гьамрар вари улукьну, учву гьергуз мажбур гъабхьи вахт я кьюрд, ясана султ йигъ дарибшри пну, ккарагай, 21фицики гьадмуган дюнʼя ккебгъхъанмина дарши ва сарун сабанра даршлусдар зурба бедбахтвалар хьиди. 22Хъа гьадму йигъар Аллагьди кам гъапӀундайиш, сар каскьан ккададархьрийи, амма Чав кадагънайидар бадали Дугъу гьадму йигъар кам апӀиди. 23Эгер учвуз думуган «Лиг, Месигь гьамшвахь хьа» вая «Гьатушвахь хьа» гъапиш, мухъугъанай, 24фицики кучӀлин месигьар ва кучӀлин пайгъамбрар удучӀвну, зурба аьламатнан лишнар улупуз хъюгъди. Дурар, чпихьан шулуш, гьелле Аллагьди кадагънайи касарра алдатмиш апӀуз чалишмиш хьиди. 25Магьа, Узу улихьмиди гъапунзачвуз. 26Гьамци, нагагь учвуз «Магьа Думу ичӀи чюлиъ а» гъапишра, дина мягъянай; «Магьа Думу хулариъ гьитӀикӀна» гъапишра, мухъугъанай. 27Кьюркьлин цӀа завун му кӀулиан тму кӀулиз фици крибчуруш, Инсаниятдин Байра гьаци гъиди. 28Наан майит ади гъабшиш, гьадина люкьяр уч хьиди.
Инсаниятдин Бай аьршариан гъюбкан
29Хъа сабпну гьадму йигъарин кьяляхъ «Ригъ ктӀубшвиди, вазли акв тувидар, завариан хядар ахьди, завар ккадаршвиди». 30Гьадмуган завʼина Инсаниятдин Балин лишан гъибди. Жилиин али вари халкьар ишиди, дурариз, Чан кьувват ва зурба гьяйбат хъади, дифариин алди гъюрайи Инсаниятдин Бай рякъиди. 31Дугъура зурба сес апӀру зурна хьади Чан малайикар гьаъди, дурари Дугъу ктагъу касар, жилин саб кӀулʼан тмуну кӀулиз гъяйизкьан, юкьбиб терефарихъанди уч апӀиди.
Инжирин гьарин мисал
32Инжирин гьархъан мисал гъадабгъай: дидин кюлери кьюкьяр апӀруган ва кӀажар адашвруган, хьад багахь шулайивал аьгъю шулучвуз. 33Гьаци учвузра, гьамрар вари гъяркъган, гьадму вахт, ичв раккнихъ хъайиси, багахь дубхьнайивал аьгъю йибхьай. 34Гьякь кӀуразачвуз: му вари улубкьайиз, гьамусдин насил гъубзди. 35Заварна жилар ккадахьиди, хъа Йиз гафар дургидар.
Думу фила шулуш, саризра аьгъдар
36Я аьршарин малайикариз, я Бализ – саризра йигъ ва сяаьт аьгъдар, хъа сар Адашдиз аьгъя. 37Нюгьдин йигъари фици гъабхьнуш, Инсаниятдин Бай гъювалра гьаци хьибди: 38жилиин шид улубчӀвайиз улихьна Нюгь чан гимдиъ учӀву йигъʼина гъяйиз, вари фици ипӀури-убхъури, швушвар хури, швуваз гъягъюри гъахьнуш 39ва шид улубчӀвайиз фици фтинкӀа фикир ктарди гъахьнуш, Инсаниятдин Бай гъювалра гьаци хьибди. 40Думу вахтна хутӀлиъ кьюр нежбер лихури гъахьиш, дурарикан сарнур гъахиди, тмунур гъитди; 41хилин рягъярихъ тахил рябгъюрайидар кьюр дишагьли гъахьиш, дурарикан сар гъадагъиди, тмунур гъитди. 42Гьаци вуйиган, ул иливну мааханай, гьаз гъапиш ичв Агъа гъюру йигъ учвуз аьгъдарчвуз. 43Учвуз аьгъю йибхьайки, хулан эйсийиз угъри гъюру вахт аьгъяйиш, думу даърахрийи ва чан хулаъ учӀвуз гъидритрийи. 44Гьаддиз учвура гьязурди гъузай, фицики учву ккилигури адру сяаьтна Инсаниятдин Бай гъиди.
Гъуллугъчйир вафалудар духьну ккунду
45Агъайин вартӀан аькьюллу, вафалу гъараваш фунур ву? Дугъу имбу гъаравшариз ипӀруб туврурди дурарин зиин гъуллугъчиди дерккур. 46Хулаз гъафи агъайиз ляхин апӀури гъяркъю гъуллугъчи бахтавар ву. 47Гьякь кӀуразачвузки, агъайи думу чан вари хал-йишван аьхюрди дерккди. 48Хъа эгер думу гъуллугъчийи, чан кӀваан: «Йиз агъа багаригьди гъидар» пну, 49миди вуйи чавсдариз сабра дарди йивури гъахьиш, лутйирихъди ипӀуз-убхъуз хъюгъиш, 50агъа, думу ккилигури адру йигъан ва мялум дару сяаьтна хъуркьди 51ва дугъу думу гъуллугъчи кьюб швур апӀиди: дугъкан, кьюб маш гъяйидарикан апӀруб апӀиди, душваъ суза-фигъан, зурба ишуб абхъди.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023