Матта 23
23
Къанунчйирихьанна фарисйирихьан ихтият йихьай
1Хъасин Исайи, халкьдихьна ва Чан ученикарихьна илдицну, гъапнийи:
2– Мусайин Къанундин гъаврикк ккаъри, тахтниин къанунчйирна фарисйир деъна. 3Гьаци вуйиган, гьадрари кӀурубдихъ хъебехъай ва кӀулиз адабгъай, хъа дурари апӀурайиганси мапӀанай, фицики дурари, фу ккун апӀураш, кӀура, хъа чпи гьаци апӀурадар. 4Читин къайдйир кӀули гъахуз гъитри, дурари гъюнариин гъулайсуз гъагъар иливура, хъа дурар алишвлан ришвбан бадали чпи тӀубкьан кучрадар. 5Хъа дурари фукӀа апӀурашра, инсанариз рябкъри кӀури апӀурайиб ву. Гьамци дурари унтӀланна хиллан илдижру Къанундиан гафар дидикӀнайи чпин чӀулар аьхю апӀури шулу ва палтарин цӀимцӀлар ярхи апӀури шулу. 6Дурар мажлисар-демариъ ва мистариъ ужусдар йишвар дидисну деуз ккунидар ву. 7Ва базар-майднариин чпи тебрик апӀури ва адмийири чпиз «Мялим! Мялим!» кӀури, дих апӀури ккунидар ву. 8Хъа учвуз гъит мялимар дарипри, фицики гьякь Мялим сар ву, хъа учву вари гъардшар вучва. 9Ва жилариин саризра адаш макӀанай, фицики учвуз сар Аьршарин АдаштӀан адар. 10Ва учвуз насигьятчйирра дарипри, фицики сар ву учвуз айи Насигьятчи, думура Месигь ву! 11Учвкан варитӀан заан вуйирикан, учвуз гъараваш ишри, 12фицики, шли учв заанди дисури гъашиш, думу аскан апӀиди, хъа шли учв асканди дисури гъашиш, гьадму заан хьиди.
Исайи къанунчйирна фарисйир беябур апӀуб
13Ичв гьял пис хьибди, кьюб маш гъяйи къанунчйирна фарисйир! Гьаз гъапиш адмийирин улихь Аьршарин Паччагьлугъдин раккар хъяркьрачва. Душваъ я учву учӀврадарчва, я учӀврайидар учӀвуз гъитрадарчва. [14]#23:14 Грекарин саспи БикӀбариъ гьамци кӀура: «Ичв пис гьял хьибди, кьюб маш гъяйи къанунчйирна фарисйир, фицики учву ачӀни дишагьлийирин хулар хътитӀури, кьюб маш гъивну, ярхи гъудгнар апӀурачва ва гьаддиз аьхю жаза гьадабтӀидичвуз».
15Ичв гьял пис хьибди, къанунчйирна фарисйир, кьюб маш гъяйидар, гьаз гъапиш сар каскьан учвухъинди илтӀикӀбан бадали, учву гьюлериланна жиларилан илдицури шулучва; ва дицир кас гъидихъган, дугъкан учвутӀан кьюб ражари бешбетер жегьеннемагьли апӀуручва.
16Ичв гьял пис хьибди, рякъ улупурайи курар. Учву: «Аллагьдин хулʼинди ху гъапӀну пну, баладар, – кӀурачва, – хъа Аллагьдин хулаъ айи гъизилиинди ху гъапӀур чав туву гаф тамам апӀуз мажбур ву», – кӀурачва. 17Я курар ва ахмакьар! Фу заан ву: гъизил, дарш гьадму гъизил гирами апӀурайи Аллагьдин хал?
18Хъанара: «Шли Аллагьдиз багъишар апӀру йишвʼинди ху гъапӀнуш, дугъаз, баладар, кӀурачва, – хъа гьадина багъиш апӀуз дубхнайибдиинди ху гъапӀур чав туву гаф тамам апӀуз мажбур ву», – кӀурачва. 19Эй кур духьнайидар! Фу заан ву: багъиш апӀуз дубхнайиб, дарш думу гирами апӀурайи марцци йишв? 20Гьаци вуйиган, шли Аллагьдиз багъишар апӀру йишвʼинди ху апӀураш, дугъу гьадушвʼин дивру варибдииндира ху апӀура. 21Аллагьдин хулʼинди ху апӀурайири, гьам Аллагьдин хулʼинди, гьамсана душваъ яшамиш Шулайириинди ху апӀура. 22Завʼинди ху апӀурайири Аллагьдин тахтниинди ва дидʼин Деънайириинди ху апӀура. 23Ичв гьял пис хьибди, къанунчйирна фарисйир, фицики учву, Къанунди дупнайибси, шюше, гьашв ва шивит укӀарин йицӀуб пайнакан саб пай туврачва, хъа Къанундиъ вартӀан метлеблу вуйиб: гьякьлувал, рягьимлувал, хъугъвал – гьархрачва; сифте вуди гьамрар дапӀну ккунду, хъа тмунубра дарапӀди гъибтну ккундар. 24Эй рякъ улупурайи курар! Учву хурагнак кабхъу мизмиз ктабгъурачва, хъа деве хътӀюбкъюрачва. 25Ичв гьял пис хьибди, кьюб маш гъяйи къанунчйирна фарисйир, гьаз гъапиш учву захна бушгъаб заълан марцц апӀури шулучва, хъа дурарин айитӀишв угърашʼвалинна тямягькарвалин йимишари абцӀри шулучва. 26Эй кур фарисей! Сифте захранна бушгъабан айитӀишв марцц апӀин, дурарин чӀатан терефра марцциб шлуганси. 27Ичв пис гьял хьибди, кьюб маш гъяйи къанунчйирна фарисйир, фицики учву, уччвуди рякъюз кӀури, чӀатанди лизиди дарснайи, хъа айитӀишв майтин кӀурбарина жюрбежюр чиркишну ацӀнайи накьварин гюмбтариз ухшар вучва. 28Гьаци учвура, инсанариз заъланди дугъридарси улупури, айтӀанди кучӀляхваларина нягьякьвалари ацӀначва.
Фарисйирна къанунчйир жазайикк ккуркьбакан
29Ичв гьял пис хьибди, кьюб маш гъяйи къанунчйир ва фарисйир! Учву, пайгъамбрариз ва жара марцци касариз гюмбтар диври, дурар кабалгурачва. 30«Эгер учу ич ата-бабйирин девриъ яшамиш шули гъахьнийиш, учу дурарихъди пайгъамбрарин ифи удубзбаъ иштирак хьидайча», – кӀурачва. 31Гьаму гафариинди учву пайгъамбрар гъийихдарин веледар вуйивалин гьякьнаан ачухъди шагьидвал апӀурачва. 32Гьаци вуйиган, ичв абйирин тахсрар давам апӀинай! 33Эй битӀар, битӀран ифи айидар! Учву жегьеннемдин цӀигъ гъитру жазайиккан фици гьергдичва? 34Гьаддиз магьа Узу учвухьна пайгъамбрар, фагьумлуйир ва аьлимар гьаъраза. Учву дурарикан садар йивну йихидичва, хъа тмундар ичв мистариъ урччвидичва ва шагьриан шагьриз утӀуккури хьидичва. 35Гьякьлу Авелин ифдилан ккебгъну, Аллагьдиз багъишар туврушванна Аллагьдин хулан арайиъ учву йивну гъачӀи Варахайин бай Закарʼяйин ифдиина гъяйизкьан, жилариин нягьякьди удубзурайи вари ифдин тахсирра ичвуб хьибди. 36Дюзди кӀуразавуз: гьамусдин адмийириз гьаму варибдин жаза гьадабтӀиди.
Ерусалимдиин улубкьруб
37Эй, пайгъамбрар йивну йихру ва чахьна гьау илчйириин гъван уьлюбхру Ерусалим! Швнубан Узуз, пеъли чан хлинццариккна шюхъярси, яв халкь уч апӀуз ккун гъабхьунзуз, хъа учву кӀул ккивундарчва! 38Лигай, магьа ичв хал ичӀиди гъубзна. 39Магьа кӀуразачвуз: «Агъайин ччвурнахъ Гъюрайир ужувлакк ишри», кӀури, учву дих дарапӀкьан гагьди, Узу сарун рякъидарчвуз.
Currently Selected:
Матта 23: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Матта 23
23
Къанунчйирихьанна фарисйирихьан ихтият йихьай
1Хъасин Исайи, халкьдихьна ва Чан ученикарихьна илдицну, гъапнийи:
2– Мусайин Къанундин гъаврикк ккаъри, тахтниин къанунчйирна фарисйир деъна. 3Гьаци вуйиган, гьадрари кӀурубдихъ хъебехъай ва кӀулиз адабгъай, хъа дурари апӀурайиганси мапӀанай, фицики дурари, фу ккун апӀураш, кӀура, хъа чпи гьаци апӀурадар. 4Читин къайдйир кӀули гъахуз гъитри, дурари гъюнариин гъулайсуз гъагъар иливура, хъа дурар алишвлан ришвбан бадали чпи тӀубкьан кучрадар. 5Хъа дурари фукӀа апӀурашра, инсанариз рябкъри кӀури апӀурайиб ву. Гьамци дурари унтӀланна хиллан илдижру Къанундиан гафар дидикӀнайи чпин чӀулар аьхю апӀури шулу ва палтарин цӀимцӀлар ярхи апӀури шулу. 6Дурар мажлисар-демариъ ва мистариъ ужусдар йишвар дидисну деуз ккунидар ву. 7Ва базар-майднариин чпи тебрик апӀури ва адмийири чпиз «Мялим! Мялим!» кӀури, дих апӀури ккунидар ву. 8Хъа учвуз гъит мялимар дарипри, фицики гьякь Мялим сар ву, хъа учву вари гъардшар вучва. 9Ва жилариин саризра адаш макӀанай, фицики учвуз сар Аьршарин АдаштӀан адар. 10Ва учвуз насигьятчйирра дарипри, фицики сар ву учвуз айи Насигьятчи, думура Месигь ву! 11Учвкан варитӀан заан вуйирикан, учвуз гъараваш ишри, 12фицики, шли учв заанди дисури гъашиш, думу аскан апӀиди, хъа шли учв асканди дисури гъашиш, гьадму заан хьиди.
Исайи къанунчйирна фарисйир беябур апӀуб
13Ичв гьял пис хьибди, кьюб маш гъяйи къанунчйирна фарисйир! Гьаз гъапиш адмийирин улихь Аьршарин Паччагьлугъдин раккар хъяркьрачва. Душваъ я учву учӀврадарчва, я учӀврайидар учӀвуз гъитрадарчва. [14]#23:14 Грекарин саспи БикӀбариъ гьамци кӀура: «Ичв пис гьял хьибди, кьюб маш гъяйи къанунчйирна фарисйир, фицики учву ачӀни дишагьлийирин хулар хътитӀури, кьюб маш гъивну, ярхи гъудгнар апӀурачва ва гьаддиз аьхю жаза гьадабтӀидичвуз».
15Ичв гьял пис хьибди, къанунчйирна фарисйир, кьюб маш гъяйидар, гьаз гъапиш сар каскьан учвухъинди илтӀикӀбан бадали, учву гьюлериланна жиларилан илдицури шулучва; ва дицир кас гъидихъган, дугъкан учвутӀан кьюб ражари бешбетер жегьеннемагьли апӀуручва.
16Ичв гьял пис хьибди, рякъ улупурайи курар. Учву: «Аллагьдин хулʼинди ху гъапӀну пну, баладар, – кӀурачва, – хъа Аллагьдин хулаъ айи гъизилиинди ху гъапӀур чав туву гаф тамам апӀуз мажбур ву», – кӀурачва. 17Я курар ва ахмакьар! Фу заан ву: гъизил, дарш гьадму гъизил гирами апӀурайи Аллагьдин хал?
18Хъанара: «Шли Аллагьдиз багъишар апӀру йишвʼинди ху гъапӀнуш, дугъаз, баладар, кӀурачва, – хъа гьадина багъиш апӀуз дубхнайибдиинди ху гъапӀур чав туву гаф тамам апӀуз мажбур ву», – кӀурачва. 19Эй кур духьнайидар! Фу заан ву: багъиш апӀуз дубхнайиб, дарш думу гирами апӀурайи марцци йишв? 20Гьаци вуйиган, шли Аллагьдиз багъишар апӀру йишвʼинди ху апӀураш, дугъу гьадушвʼин дивру варибдииндира ху апӀура. 21Аллагьдин хулʼинди ху апӀурайири, гьам Аллагьдин хулʼинди, гьамсана душваъ яшамиш Шулайириинди ху апӀура. 22Завʼинди ху апӀурайири Аллагьдин тахтниинди ва дидʼин Деънайириинди ху апӀура. 23Ичв гьял пис хьибди, къанунчйирна фарисйир, фицики учву, Къанунди дупнайибси, шюше, гьашв ва шивит укӀарин йицӀуб пайнакан саб пай туврачва, хъа Къанундиъ вартӀан метлеблу вуйиб: гьякьлувал, рягьимлувал, хъугъвал – гьархрачва; сифте вуди гьамрар дапӀну ккунду, хъа тмунубра дарапӀди гъибтну ккундар. 24Эй рякъ улупурайи курар! Учву хурагнак кабхъу мизмиз ктабгъурачва, хъа деве хътӀюбкъюрачва. 25Ичв гьял пис хьибди, кьюб маш гъяйи къанунчйирна фарисйир, гьаз гъапиш учву захна бушгъаб заълан марцц апӀури шулучва, хъа дурарин айитӀишв угърашʼвалинна тямягькарвалин йимишари абцӀри шулучва. 26Эй кур фарисей! Сифте захранна бушгъабан айитӀишв марцц апӀин, дурарин чӀатан терефра марцциб шлуганси. 27Ичв пис гьял хьибди, кьюб маш гъяйи къанунчйирна фарисйир, фицики учву, уччвуди рякъюз кӀури, чӀатанди лизиди дарснайи, хъа айитӀишв майтин кӀурбарина жюрбежюр чиркишну ацӀнайи накьварин гюмбтариз ухшар вучва. 28Гьаци учвура, инсанариз заъланди дугъридарси улупури, айтӀанди кучӀляхваларина нягьякьвалари ацӀначва.
Фарисйирна къанунчйир жазайикк ккуркьбакан
29Ичв гьял пис хьибди, кьюб маш гъяйи къанунчйир ва фарисйир! Учву, пайгъамбрариз ва жара марцци касариз гюмбтар диври, дурар кабалгурачва. 30«Эгер учу ич ата-бабйирин девриъ яшамиш шули гъахьнийиш, учу дурарихъди пайгъамбрарин ифи удубзбаъ иштирак хьидайча», – кӀурачва. 31Гьаму гафариинди учву пайгъамбрар гъийихдарин веледар вуйивалин гьякьнаан ачухъди шагьидвал апӀурачва. 32Гьаци вуйиган, ичв абйирин тахсрар давам апӀинай! 33Эй битӀар, битӀран ифи айидар! Учву жегьеннемдин цӀигъ гъитру жазайиккан фици гьергдичва? 34Гьаддиз магьа Узу учвухьна пайгъамбрар, фагьумлуйир ва аьлимар гьаъраза. Учву дурарикан садар йивну йихидичва, хъа тмундар ичв мистариъ урччвидичва ва шагьриан шагьриз утӀуккури хьидичва. 35Гьякьлу Авелин ифдилан ккебгъну, Аллагьдиз багъишар туврушванна Аллагьдин хулан арайиъ учву йивну гъачӀи Варахайин бай Закарʼяйин ифдиина гъяйизкьан, жилариин нягьякьди удубзурайи вари ифдин тахсирра ичвуб хьибди. 36Дюзди кӀуразавуз: гьамусдин адмийириз гьаму варибдин жаза гьадабтӀиди.
Ерусалимдиин улубкьруб
37Эй, пайгъамбрар йивну йихру ва чахьна гьау илчйириин гъван уьлюбхру Ерусалим! Швнубан Узуз, пеъли чан хлинццариккна шюхъярси, яв халкь уч апӀуз ккун гъабхьунзуз, хъа учву кӀул ккивундарчва! 38Лигай, магьа ичв хал ичӀиди гъубзна. 39Магьа кӀуразачвуз: «Агъайин ччвурнахъ Гъюрайир ужувлакк ишри», кӀури, учву дих дарапӀкьан гагьди, Узу сарун рякъидарчвуз.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023