Паччагьлугъар-2 9
9
Мефи-Бошетдихьна вуйи Давуддин ужʼвал
1Давудди гьерху:
– Саулин тухумдикан фужкӀа чӀивиди гъузнайин? Юнатандихьна вуйи гьюрматназ лигну, дугъаз ужʼвал апӀуз ккундузуз.
2Саулин тухумдихъ Цива ччвур али сар гъараваш хъади гъахьнийи. Дугъаз Давуддихьна дих апӀуру, ва паччагьди дугъхьан гьерху:
– Уву Цива вуна?
– Яв гъуллугънаъ хьуз шад вуза, – жаваб туву дугъу.
3Паччагьди гьерху:
– Саулин тухумдиъ фужкӀа чӀивир имийин? Заанурин гьюрматназ дугъаз ужʼвал апӀуз ккундузуз.
Цивайи паччагьдиз жаваб туву:
– Гьеле Юнатандин бай ими. Думу кьюбиб ликарра ликур ву.
4– Думу наан а? – гьерху паччагьди.
Цивайи жаваб туву:
– Думу Ло-Девариъ Аммиилин бай Махирин хулаъ а.
5Давуд паччагьди Ло-Девариан Махирин, Аммиилин балин, хулʼан думу хуз гьау.
6Мефи-Бошет, Юнатандин бай, Саулин худул, Давуддихьна гъафиган, дугъу паччагьдиз, аьхю гьюрматнан лишан вуди, икрам гъапӀнийи. Давудди кӀуру:
– Мефи-Бошет!
– Узу яв гъараваш вуза, – жаваб туву дугъу.
7– ГучӀ мапӀан, – кӀуру дугъаз Давудди, – гьаз гъапиш яв адаш Юнатандин гьюрматназ узу увуз мажбур вуди ужʼвал апӀидиза. Узу увухьна яв аба Саулин вуди гъабхьи вари жил кьяляхъ апӀидиза, ва уву гьарган йиз суфрайихъ уьл ипӀидива.
8Мефи-Бошетди икрам гъапӀу ва гъапи:
– Гьамциб дубкӀнайи хуйиз уву фикир тувуз фуж ву узу, фуж ву яв гъараваш?
9Паччагьди Саулин гъараваш Цивайиз дих гъапӀу ва дугъаз гъапи:
– Яв агъайин худлиз Саулихъ ва дугъан тухумдихъ хъади гъабхьиб вари тувунза. 10Уву яв баярихъди ва гъаравашарихъди, яв агъайин худлиз ипӀруб ади хьпан бадали, дугъаз жил тартиб апӀуз ва бегьер уч апӀуз буржлу вува. Хъа Мефи-Бошетди, яв агъайин худли, гьарган йиз суфрайихъ уьл ипӀиди.
(Цивайихъ йицӀихьур бай ва къар гъараваш хъайи.) 11Цивайи паччагьдиз гъапи:
– Йиз агъа вуйи паччагьди чан гъаравашдиз амур гъапӀуб вари яв гъаравашди тамам апӀиди.
Ва Мефи-Бошетди, паччагьдин балиси, Давуддин суфрайихъ уьл ипӀури гъахьну.
12Мефи-Бошетдиз Миха ччвур али бицӀи бай ади гъахьну. Цивайин хулаъ айидар вари Мефи-Бошетдин гъаравашар вуди гъахьну. 13Мефи-Бошет Ерусалимдиъ яшамиш шули гъахьну, гьаз гъапиш дугъу гьарган паччагьдин суфрайихъ уьл ипӀуйи. Думу кьюбиб ликарра ликур вуйи.
Currently Selected:
Паччагьлугъар-2 9: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Паччагьлугъар-2 9
9
Мефи-Бошетдихьна вуйи Давуддин ужʼвал
1Давудди гьерху:
– Саулин тухумдикан фужкӀа чӀивиди гъузнайин? Юнатандихьна вуйи гьюрматназ лигну, дугъаз ужʼвал апӀуз ккундузуз.
2Саулин тухумдихъ Цива ччвур али сар гъараваш хъади гъахьнийи. Дугъаз Давуддихьна дих апӀуру, ва паччагьди дугъхьан гьерху:
– Уву Цива вуна?
– Яв гъуллугънаъ хьуз шад вуза, – жаваб туву дугъу.
3Паччагьди гьерху:
– Саулин тухумдиъ фужкӀа чӀивир имийин? Заанурин гьюрматназ дугъаз ужʼвал апӀуз ккундузуз.
Цивайи паччагьдиз жаваб туву:
– Гьеле Юнатандин бай ими. Думу кьюбиб ликарра ликур ву.
4– Думу наан а? – гьерху паччагьди.
Цивайи жаваб туву:
– Думу Ло-Девариъ Аммиилин бай Махирин хулаъ а.
5Давуд паччагьди Ло-Девариан Махирин, Аммиилин балин, хулʼан думу хуз гьау.
6Мефи-Бошет, Юнатандин бай, Саулин худул, Давуддихьна гъафиган, дугъу паччагьдиз, аьхю гьюрматнан лишан вуди, икрам гъапӀнийи. Давудди кӀуру:
– Мефи-Бошет!
– Узу яв гъараваш вуза, – жаваб туву дугъу.
7– ГучӀ мапӀан, – кӀуру дугъаз Давудди, – гьаз гъапиш яв адаш Юнатандин гьюрматназ узу увуз мажбур вуди ужʼвал апӀидиза. Узу увухьна яв аба Саулин вуди гъабхьи вари жил кьяляхъ апӀидиза, ва уву гьарган йиз суфрайихъ уьл ипӀидива.
8Мефи-Бошетди икрам гъапӀу ва гъапи:
– Гьамциб дубкӀнайи хуйиз уву фикир тувуз фуж ву узу, фуж ву яв гъараваш?
9Паччагьди Саулин гъараваш Цивайиз дих гъапӀу ва дугъаз гъапи:
– Яв агъайин худлиз Саулихъ ва дугъан тухумдихъ хъади гъабхьиб вари тувунза. 10Уву яв баярихъди ва гъаравашарихъди, яв агъайин худлиз ипӀруб ади хьпан бадали, дугъаз жил тартиб апӀуз ва бегьер уч апӀуз буржлу вува. Хъа Мефи-Бошетди, яв агъайин худли, гьарган йиз суфрайихъ уьл ипӀиди.
(Цивайихъ йицӀихьур бай ва къар гъараваш хъайи.) 11Цивайи паччагьдиз гъапи:
– Йиз агъа вуйи паччагьди чан гъаравашдиз амур гъапӀуб вари яв гъаравашди тамам апӀиди.
Ва Мефи-Бошетди, паччагьдин балиси, Давуддин суфрайихъ уьл ипӀури гъахьну.
12Мефи-Бошетдиз Миха ччвур али бицӀи бай ади гъахьну. Цивайин хулаъ айидар вари Мефи-Бошетдин гъаравашар вуди гъахьну. 13Мефи-Бошет Ерусалимдиъ яшамиш шули гъахьну, гьаз гъапиш дугъу гьарган паччагьдин суфрайихъ уьл ипӀуйи. Думу кьюбиб ликарра ликур вуйи.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023