Паччагьлугъар-2 10
10
Аммунариин ва арамариин гъалибвал
1Саб кьадар вахт гъябгъбахъан аммунарин паччагь кечмиш шулу, дугъан ерина паччагь дугъан бай Ханун шулу. 2Давудди фикир гъапӀу: «Узу Ханундиз, Нахашдин бализ, узуз дугъан адашди гьюрмат апӀури гъашиси, гьюрмат апӀидиза».
Ва Давудди Ханундихьна, дугъан адаш кечмиш хьпан теклиф капӀбан бадали, чан гъаравашар гьаънийи. Давуддин адмийир аммунарин жилариина гъафиган, 3аммунарин регьбрари чпин агъа Ханундиз кӀуру:
– Давудди гьаму адмийир увухьна яв адашдин гьюрматназ теклифар кауз гьаъна кӀуру фикир апӀурашалва яраб? Давудди дурар увухьна шагьриз лигуз, думу ахтармиш апӀуз ва хъасин шагьур дабгъуз гьаънайидар даринхъа?
4Ханунди Давуддин адмийир гъидиснийи, дурарин мужрийир гьацӀ машнаккан ккадаънийи ва, дурарин палтар гьацӀаз, юкьвнахъна, ккадатӀну, дурар кьяляхъ гьаънийи.
5Дидин гьякьнаан Давуддиз ктибтиган, дугъу дурарин улихьна адмийир гьаънийи, гьаз гъапиш дурар яманди биябур дапӀнайи. Паччагьди гъапнийи:
– Ичв мужрийир ярхи хьайизкьан Ерихондиъ гъузай, хъасин кьяляхъ гъачай.
6Давуддиз чиб дяркънукьан даккнидар хьувалин гъавриъ гъахьиган, аммунари Арам-Бет-Рехувдиан ва Арам-Цувдиан къад агъзур пияда эскер, хъа гьацира агъзур адми хъади Маахдин паччагь ва хъана йицӀикьюд агъзур адми Тувдиан чпихъанди дяви апӀуз пулихъ гъидиснийи.
7Дидкан гъеебхьиган, Давудди, вари ужударсдар кьушмарра хъади, Юав дурарихъди дяви апӀуз гьаънийи. 8Аммунар удучӀвнийи ва шагьрин урнарин улихь дяви апӀру къайдайиинди ерлешмиш гъахьнийи, хъа Цувдиан ва Рехувдиан вуйи арамарна Тувдиан ва Маахдиан вуйи адмийир жаради ачухъ чюлиъ дийигънийи.
9Чаз улгьандира, кьялхъяндира дяви апӀуб алабхърувал гъябкъиган, Юавди Израилин ужударсдар эскрар гъядягънийи ва дурар арамариз къаршуди дерккнийи.
10Имбу адмийир дугъу чан чве Авишайин хликкна тувнийи, ва Авишайи дурар аммунариз къаршуди дерккнийи. 11Юавди гъапнийи:
– Эгер арамари узу ккагъуз хъюгъиш, уву узуз кюмекназ гъидива, хъа аммунари уву ккагъуз хъюгъиш, узу увуз кюмекназ гъидиза.
12Кьягьял йихь! Ихь халкьдихъанди ва ихь Заанурин шагьрарихъанди дирбашди дяви апӀидихьа, гъит РАББИЙИ Чаз ккуниганси апӀри!
13Гьаму гафар апӀбахъан Юав чан эскрар хъади арамарихъди дявдиъ учӀву, ва арамар дугъан улгьан гьергуз хъюгъю. 14Аммунариз арамарар гьерграйивал гъябкъиган, дурарра Авишайихьан гьергуз хъюгъю ва шагьриз кьяляхъ гъизигу. Хъа Юав арамарихъди дявдиан кьяляхъ хътарку ва Ерусалимдиз гъафи.
15Чиб израилари дагъитмиш гъапӀуб дябкъну, арамар вари уч гъахьнийи. 16Ададезери Евфрат нирин тму терефнаъ яшамиш шулайи арамариз дих апӀуз гьаънийи. Дурар Хеламдиз Ададезерин кьушмин аьхюр Шовах кӀули ади гъафнийи.
17Дидин гьякьнаан Давуддиз хабар дебккиган, дугъу вари Израил уч гъапӀнийи, думу Ярдан ниркан ктучӀвнийи ва Хеламдихьна гъафнийи. Арамар, Давуд къаршуламиш апӀбан бадали, дявдин къайдайиинди ерлешмиш гъахьнийи ва дугъахъди дявдиъ учӀвнийи. 18Амма дурар Израилихьан гьергу, ва Давудди дурарикан ургудварж аьрабйириъ айидар ва ягъчӀвур агъзур атлуйир тӀанкь гъапӀу. Гьацира дугъу Шовахдиз, дурарин кьушмин аьхюриз, гъиву, думу йикӀуру. 19Израили чиб дагъитмиш апӀувал дябкъну, Ададезерин хликк ккайи вари паччгьари израиларихъди мясляаьт гъийибтӀу, ва дурариз мютӀюгъ гъахьи.
Дидхъантина аммунариз кюмек апӀуз арамариз гучӀури гъабхьну.
Currently Selected:
Паччагьлугъар-2 10: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Паччагьлугъар-2 10
10
Аммунариин ва арамариин гъалибвал
1Саб кьадар вахт гъябгъбахъан аммунарин паччагь кечмиш шулу, дугъан ерина паччагь дугъан бай Ханун шулу. 2Давудди фикир гъапӀу: «Узу Ханундиз, Нахашдин бализ, узуз дугъан адашди гьюрмат апӀури гъашиси, гьюрмат апӀидиза».
Ва Давудди Ханундихьна, дугъан адаш кечмиш хьпан теклиф капӀбан бадали, чан гъаравашар гьаънийи. Давуддин адмийир аммунарин жилариина гъафиган, 3аммунарин регьбрари чпин агъа Ханундиз кӀуру:
– Давудди гьаму адмийир увухьна яв адашдин гьюрматназ теклифар кауз гьаъна кӀуру фикир апӀурашалва яраб? Давудди дурар увухьна шагьриз лигуз, думу ахтармиш апӀуз ва хъасин шагьур дабгъуз гьаънайидар даринхъа?
4Ханунди Давуддин адмийир гъидиснийи, дурарин мужрийир гьацӀ машнаккан ккадаънийи ва, дурарин палтар гьацӀаз, юкьвнахъна, ккадатӀну, дурар кьяляхъ гьаънийи.
5Дидин гьякьнаан Давуддиз ктибтиган, дугъу дурарин улихьна адмийир гьаънийи, гьаз гъапиш дурар яманди биябур дапӀнайи. Паччагьди гъапнийи:
– Ичв мужрийир ярхи хьайизкьан Ерихондиъ гъузай, хъасин кьяляхъ гъачай.
6Давуддиз чиб дяркънукьан даккнидар хьувалин гъавриъ гъахьиган, аммунари Арам-Бет-Рехувдиан ва Арам-Цувдиан къад агъзур пияда эскер, хъа гьацира агъзур адми хъади Маахдин паччагь ва хъана йицӀикьюд агъзур адми Тувдиан чпихъанди дяви апӀуз пулихъ гъидиснийи.
7Дидкан гъеебхьиган, Давудди, вари ужударсдар кьушмарра хъади, Юав дурарихъди дяви апӀуз гьаънийи. 8Аммунар удучӀвнийи ва шагьрин урнарин улихь дяви апӀру къайдайиинди ерлешмиш гъахьнийи, хъа Цувдиан ва Рехувдиан вуйи арамарна Тувдиан ва Маахдиан вуйи адмийир жаради ачухъ чюлиъ дийигънийи.
9Чаз улгьандира, кьялхъяндира дяви апӀуб алабхърувал гъябкъиган, Юавди Израилин ужударсдар эскрар гъядягънийи ва дурар арамариз къаршуди дерккнийи.
10Имбу адмийир дугъу чан чве Авишайин хликкна тувнийи, ва Авишайи дурар аммунариз къаршуди дерккнийи. 11Юавди гъапнийи:
– Эгер арамари узу ккагъуз хъюгъиш, уву узуз кюмекназ гъидива, хъа аммунари уву ккагъуз хъюгъиш, узу увуз кюмекназ гъидиза.
12Кьягьял йихь! Ихь халкьдихъанди ва ихь Заанурин шагьрарихъанди дирбашди дяви апӀидихьа, гъит РАББИЙИ Чаз ккуниганси апӀри!
13Гьаму гафар апӀбахъан Юав чан эскрар хъади арамарихъди дявдиъ учӀву, ва арамар дугъан улгьан гьергуз хъюгъю. 14Аммунариз арамарар гьерграйивал гъябкъиган, дурарра Авишайихьан гьергуз хъюгъю ва шагьриз кьяляхъ гъизигу. Хъа Юав арамарихъди дявдиан кьяляхъ хътарку ва Ерусалимдиз гъафи.
15Чиб израилари дагъитмиш гъапӀуб дябкъну, арамар вари уч гъахьнийи. 16Ададезери Евфрат нирин тму терефнаъ яшамиш шулайи арамариз дих апӀуз гьаънийи. Дурар Хеламдиз Ададезерин кьушмин аьхюр Шовах кӀули ади гъафнийи.
17Дидин гьякьнаан Давуддиз хабар дебккиган, дугъу вари Израил уч гъапӀнийи, думу Ярдан ниркан ктучӀвнийи ва Хеламдихьна гъафнийи. Арамар, Давуд къаршуламиш апӀбан бадали, дявдин къайдайиинди ерлешмиш гъахьнийи ва дугъахъди дявдиъ учӀвнийи. 18Амма дурар Израилихьан гьергу, ва Давудди дурарикан ургудварж аьрабйириъ айидар ва ягъчӀвур агъзур атлуйир тӀанкь гъапӀу. Гьацира дугъу Шовахдиз, дурарин кьушмин аьхюриз, гъиву, думу йикӀуру. 19Израили чиб дагъитмиш апӀувал дябкъну, Ададезерин хликк ккайи вари паччгьари израиларихъди мясляаьт гъийибтӀу, ва дурариз мютӀюгъ гъахьи.
Дидхъантина аммунариз кюмек апӀуз арамариз гучӀури гъабхьну.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023