Паччагьлугъар-3 8
8
Раббийин сундух Раббийин Хулаз хуб
1Сулейманди Ерусалимдиз Израилин агъсакълариз, вари израил тухмарин ва сихларин аьхюдариз, РАББИЙИХЪДИ Йикьрарин сундух Давуддин Шагьриан, яни Сиондиан, хпан бадали, чахьна дих гъапӀнийи. 2Вари израилар Сулейман паччагьдихь Пажарин машкврин#8:2 Пажарин машквар: му жугьдарин асас машкврарикан саб ву. Думу машкврин вахтна жугьдар саб гьяфтайиъ пажарикк яшамиш шуйи. Диди дурариз Египетдиан Ханаандиз гъюруган чиб яшамиш шули гъахьи пажар кӀваин апӀуйи. Гьацира думу машквариинди чпиз бегьер тувбан жугьдари Заануриз аферин кӀуйи. вахтна, ургубпиб вуйи этаним#8:2 Этаним: чвлин эвелин ваз. вазли уч гъахьнийи.
3Израилин агъсакълар гъафиган, Заанурин гъуллугъчйири РАББИЙИН сундух за гъапӀнийи 4ва РАББИЙИН сундухра, Гюрюшнан Чадурра#8:4 Гюрюшнан Чадур: аанурин амриинди Муса пайгъамбри тикмиш гъапӀу ибадат апӀрушв. Сулейман паччагьди Раббийин Хал тикмиш апӀайиз, думу чадурин улихь Заануриз гъурбнар апӀуйи. Анжагъ Заанурин гъуллугъчйиризтӀан думу чадурин айитӀ учӀвуз ихтияр адайи., дидикк ккайи вари гирами мутмйирра кади, гъурхнийи. Дурар Заанурин гъуллугъчйири ва левитари#8:4 Левитар: Заанурин гъуллугъчйирси, думу инсанарра Левийин наслиан вуйи. гъахурайи. 5Хъа Сулейман паччагь ва дугъан багахь уч дубхьнайи израиларин вари жямяаьт сундхин улихьди гъягъюрайи, ва дурари гьадмукьан малар ва чарвйир гъурбан апӀурайи, дурарин кьадар я гьисаб апӀуз, я ктухуз мумкинвал адайи.
6Заанурин гъуллугъчйири РАББИЙИХЪДИ Йикьрарин сундух Раббийин Хулан айитӀ гирамишвахь, Гирамидарик Гирамишвахь, чан йишвʼина гъабхнийи ва думу херувимар-малайикарин хлинццарикк дивнийи. 7Херувимар-малайикарин хлинццар сундхин йишвʼин ва думу гъабхуз вуйи маргъариин гьатӀарццнайи. 8Думу маргъар гьадмукьан ярхидар вуйики, дурарин кӀакӀар Гирамидарик Гирамишван улихь хьайи гирамишвʼан рякъюйи, амма Хулан чӀат терефнаан дурар рякъюрдайи. Маргъар гъира #8:8 Гъира: китаб гъибикӀу вахтнакан кӀура.гьадушвахь хьа. 9Сундхиъ, гъвандин кьюб шибтӀан савайи, фукӀа адайи. Дурар Египетдиан израилар удучӀвбан кьяляхъ Муса пайгъамбри Хурив дагъдин багахь дидиъ ивнийи. Гьадушвахь РАББИЙИ израиларихъди Йикьрар гъийитӀнийи.
10Заанурин гъуллугъчйир гирамишвʼан удучӀвиган, РАББИЙИН Хал дифру абцӀнийи. 11Заанурин гъуллугъчйирихьан, диф ади хьувализ лигну, ибадатвал апӀуз гъабхьундайи, гьаз гъапиш РАББИЙИН гьяйбатну Дугъан Хал абцӀнийи.
12Ва Сулейманди гъапнийи:
– «Гъалин мучӀушнаъ хьидиза», гъапну РАББИЙИ. 13Узу Увуз заанвалин Хал – Уву даимайиз гъузуз йишв – тикмиш гъапӀунза.
Сулейман халкьдихьна илтӀикӀуб
14Душвахь дийигънайи вари израиларихьна паччагь илтӀикӀнийи, ва дугъу дурар ужувлакк ккаънийи. 15Хъасин дугъу гъапнийи:
– Чан мелзналан йиз адаш Давуддиз гаф тувуб Чан хилихъди тамам гъапӀу РАББИЙИЗ, Израилин Заануриз, шюкюр ибшри! Дугъу гъапнийи аьхир: 16«Узу Йиз халкь Египетдиан адау йигъламина Йиз Ччвурнахъ вуйи Хал тикмиш апӀуз Израилин саб тухумдиъра саб шагьур ктабгъундарза, хъа Йиз халкьдиин, Израилиин паччагьвал апӀуз Давуд ктагъунза».
17Йиз адаш Давудди РАББИЙИН, Израилин Заанурин, ччвурнахъ вуйи Хал тикмиш апӀуз фикир апӀуйи. 18Амма РАББИЙИ йиз адаш Давуддиз гъапнийи: «Уву Йиз Ччвурнахъ вуйи Хал тикмиш апӀуз фикир гъапӀунва, дициб фикир апӀувал ужуб гъапӀунва. 19Амма уву Йиз ччвурнахъ вуйи Хал тикмиш апӀидарва, хъа яв бали, яв йиккун тикди ва ифдин цӀадли, йиз ччвурнахъ вуйи Хал тикмиш апӀиди».
20РАББИЙИ Чав туву гаф тамам гъапӀну. Узу гьамусяаьт йиз адаш Давуддихъна, РАББИЙИ гаф тувганси, Израилин тахтниин деъназа, ва узу РАББИЙИН, Израилин ВаритӀанзаанурин ччвурнахъ вуйи Хал тикмиш гъапӀунза. 21Узу душваъ РАББИЙИ ихь архйирихъди дурар Чав Египетдиан адаиган Дугъу гъийибтӀу Йикьрар айи сундхиз йишв албагунза.
Заанурин Хал гирами апӀруган гъапӀу Сулеймандин дюаь
22Сулейман РАББИЙИЗ гъурбан апӀрушван улихь вари израиларин улихь дийигънийи, дугъу хилар заваризди гъазаргнийи 23ва гъапнийи:
– РАББИ, Израилин Заанур! Зиин завариъ ва исикк жилиин Увуз ухшар вуйи Заанур адар! Уву Яв Йикьрар ва Яв рякъяриъди вари кӀваантӀан гъягъюрайи Яв лукӀрахьна вафалувал уьрхюрава. 24Уву Яв лукӀ, йиз адаш Давуддиз туву гафниин гъузунва. Уву думу гаф Яв мелзналан гъапунва ва гъи Яв хилихъди думу тамам гъапӀунва.
25Ва гьамус, РАББИ, Израилин Заанур, Уву Яв лукӀ, йиз адаш Давуддиз туву гаф, «Израилин тахтниин Йиз улихь деънайи яв ирсчи дургидар, анжагъ эгер яв баяр гьякь рякъюъди, уву хъпехъганси Узухъ хъпехъури, гъягъюри гъахьиш» пувал, тамам апӀин. 26Ва гьамус, Израилин Заанур, Уву Яв лукӀ Давуддиз туву гаф гъит тамам ибшри!
27Хъа Заанур гьякьикьатдиъ жилиин яшамиш хьидинхъа?! Заварихьан, гьятта заварин заварихьанкьан, Уву чпиъ уршуз шулдар. Узу тикмиш гъапӀу гьаму хулкан фу пуз шулухъа! 28Яв лукӀран дюаь ва ккарагувал ерхьава, РАББИ, йиз Заанур! Гъи Яв улихь ибадат апӀурайи Яв лукӀран дих ва дюаь ерхь. 29Гъит, Яв улар йигъну ва йишвну гьаму Хулʼинади, Уву чакан «Мушваъ Йиз ччвур хьибди» гъапи йишвʼинади, лигури ишри. Гьаму йишвахьинди лигури, узу, Яв лукӀру, дюаь апӀруган, йиз ккарагувал ебхь. 30Гьаму йишвахьинди лигури, Яв лукӀру ва Яв халкьди, Израили, дюъйир апӀруган, дурарин ккарагбар ерхь. Заварилан, Уву айи йишвлан ерхь, ва, деебхьну, хил алдабгъ.
31Эгер инсанди чав жара касдиз писвал гъапӀиш ва думу касди ху апӀувал тӀалаб гъапӀиш, ва писвал гъапӀур, дуфну, гьаму Хулаъ Яв гъурбан апӀрушван улихь ху гъапӀиш, 32заварилан ебхь ва рубкьруб тув. Яв лукӀарин арайиъ диван апӀин ва тахсир гъапӀуриз, дугъан чан кӀулʼина чав гъапӀуб гьапӀну, рубкьруб тув, тахсир ктрур, дугъан гьякьʼвал тасдикь дапӀну, марцц апӀин.
33Яв улихь гунгьар апӀбаз лигну, эгер Яв халкь, Израил душмнарихьан магълуб гъахьиш, амма Яв халкь Увухьна илтӀибкӀиш ва, Яв ччвур адлу дапӀну, гьаму Хулаъ Яв улихь дюъйир апӀури ва ккарагури гъахьиш, 34заварилан ебхь ва Яв халкьдин, Израилин, гунгьилан хил алдабгъ ва думу дидин архйириз Уву туву жилиина кьяляхъ апӀин.
35Эгер завар хъяркьиш ва, Яв халкьди Яв улихь гунагь апӀбаз лигну, мархь убгъури дархьиш, ва Яв халкьди, гьаму йишвахьинди лигури, дюаь гъапӀиш ва Яв ччвур адлу гъапӀиш, ва, Уву чаз жаза тувбаз лигну, чан гунгьихьан ярхла гъабхьиш, 36заварилан ебхь ва Яв лукӀарин, Яв халкьдин, Израилин гунгьилан хил алдабгъ. Дурар дидиъди гъягъбан бадали, дурариз ужуб рякъ улуп, ва Яв халкьдиз Уву ирсди тувнайи жилиина мархь убгъ.
37Эгер жилиина гаш ясана тӀягъюн, цӀюхъюм микӀ ясана мершв, цицӀар ясана цӀиргъ гъафиш, ясана душмнари израиларин шагьрарикан саб кьялаъ тӀапӀиш – фициб бедбахтвал ясана уьзур гъафишра, – 38сар инсандин ясана Яв вари халкьдин, Израилин фунуб-вушра дюаь, ккарагувал, дурари вариди чпин хажалат ва бедбахтвал гьисс гъапӀиган ва гьаму Хулахьинди хилар ккидисган, 39заварилан, Уву айи йишвлан ебхь, хил алдабгъ ва гьарсариз чан ляхнариз лигну тув, гьаз гъапиш Увуз дугъан юкӀв аьгъявуз (вари инсанарин юкӀвар аьгъюр Уву сар вува аьхир). 40Ич архйириз Уву туву жилиин вари уьмриъ Яв халкьдиз Увхьан гучӀури шлуси апӀин.
41Мумкин ву, Яв халкьдикан, Израилиан, дару, амма ярхла йишвʼан Яв Ччвур бадали гъураба касра гъюз 42(инсанариз Яв машгьур ччвурнакан, Яв зурба кьудратлуваликан ебхьиди аьхир). Думу гъафиган ва, гьаму Хулахьинди лигури, дюаь гъапӀиган, 43заварилан, Уву айи йишвʼлан, ебхь ва гъураба касди Увкан ккун апӀруб вари тамам апӀин. Гьамци жилиин вари халкьариз Яв ччвур аьгъю ва, Яв халкьдизси, Израилизси, Увхьан гучӀ ва узу тикмиш гъапӀу гьаму Хал Яв ччвурнахъ вуйиб аьгъю хьибди.
44Яв халкь душмнарихъди дяви апӀуз гъушиган, фициб рякъюъди Уву думу гъубхишра, халкь, Уву ктабгъу гьаму шагьрихьинди ва узу Яв ччвурнахъ тикмиш гъапӀу Хулахьинди илтӀикӀну, РАББИЙИЗ ккарагуз хъюгъиган, 45завариан халкьдин дюъйир ва ккарагбар ерхь ва халкьдиз кюмекназ гъач.
46Мумкин ву, дурари Увуз къаршуди гунгьар апӀуз (гунгьар дарапӀрур фужкӀа адар аьхир) ва Уву дурариина ажугълу хьуз ва дурар чпин жилиина, думу жил ярхла айиб ясана багахь хьайиб вушра, йисирарди гъахру душмнарин хлиз тувуз. 47Хъа эгер Яв халкь учв йисирди айи жилиин кӀваантӀан дигиш гъабхьиш ва тахсир гардандиъ гъибисиш ва учв йисирди али жилиин, «учу гунагь гъапӀунча, учу писвал гъапӀунча ва гьякьсузди учу гъурхунча» кӀури, Увуз ккарагуз хъюгъиш, 48чиб йисирвализ гъадагъу душмнарин жилиин дурар лап кӀваантӀан ва вари рюгьниинди Увухьна илтӀикӀиш ва Увуз, Уву дурарин абйириз туву жилихьна, Уву ктабгъу шагьрихьна ва узу Яв ччвурнахъ тикмиш гъапӀу Хулахьна илтӀикӀури, Увуз ккарагуз хъюгъиш, 49заварилан, Уву али йишвʼлан, дурарин дюъйир ва ккарагбар ерхь ва дурариз кюмекназ гъач. 50Увуз къаршу гунагь гъапӀу Яв халкьдилан думуган хил алдабгъ. Дурари Увуз къаршуди гъапӀу вари тахсиркарваларилан хил алдабгъ ва дурар йисирвализ гъадагъдар дурарихьна рягьимлу хьуз мажбур апӀин, 51гьаз гъапиш дурар Яв халкь, Уву Египетдиан, гьадму жаднан цӀа айишвʼан, адапӀу Яв ирс ву.
52Йиз, Яв лукӀран, ва Яв халкьдин, Израилин, ккарагбарихьан, дурар Увухьна илтӀикӀруган, дурарин ккарагбар Увуз гьарган ерхьбан бадали, мигьидицан. 53Уву дурар жилин жара халкьаригъян Увуз ирсди гъядягъюнва, дидкан Уву, Агъа вуйи РАББИЙИ, ич абйир Египетдиан адаъруган, Яв лукӀ Муса пайгъамбрин мелзналан хабар дебккганси.
Израилин халкь Сулейманди ужувлакк ккауб
54РАББИЙИЗ гьаму дюаь ва ккарагуб ккудуркӀну, кьамкьарихъди деънайи ва завузди хилар ккидиснайи Сулейман РАББИЙИЗ гъурбан апӀрушвʼхьан гъудужвнийи. 55Хъасин дугъу уч духьнайи израилар ягъал сесниинди ужувлакк ккаънийи ва гъапнийи:
56– Чав гаф тувганси, Чан халкьдиз, Израилиз, архаинвал туву РАББИЙИЗ шюкюр ибшри. Чан гъараваш Муса пайгъамбрин мелзналан Дугъу туву жумарт гафарикан гьич саб гафра тамам дарапӀди гъубзнадар. 57Гъит, РАББИ, ихь Заанур, ихь абйирихъди гъахьиганси, ухьухъди ишри. Гъит, Думу ухьхьан гьудудучӀври ва дурушри. 58Гъит, Дугъу ихь юкӀвар Чахьна илтӀикӀри, ухьу Дугъан рякъяриъди гъягъбан ва Дугъу ихь абйириз туву амрар, къайдйир ва къарарар тамам апӀруси ишри. 59Гъит, РАББИЙИН улихь дюаьйиъ узу гъапи гьаму гафар РАББИЙИЗ йигъну ва йишвну багахь вуйидар ишри, Дугъу узуз, Чан гъаравашдиз, ва Чан халкьдиз, Израилиз, лазим вуйибдин кюмек гьарсад йигъан апӀри. 60Гьаци, жилиин вари халкьариз РАББИ – Му Заанур вуйивал ва жарар адрувал аьгъю хьибди. 61Гьамусяаьтнаси учву Дугъан къайдйириинди яшамиш хьпан ва учву Дугъан амрар тамам апӀбан бадали, ичв юкӀвар РАББИЙИЗ, ихь Заануриз, тамамди вафалу ишри.
Заанурин Хал гирами апӀуб
62Хъасин паччагьди ва дугъахъди вари израилари РАББИЙИН улихь гъурбнар апӀуз хъюгънийи. 63Сулейманди РАББИЙИЗ демдин гъурбан#8:63 Демдин гъурбан: Му жюре гъурбнар Заанурихъди дюз аьлакьйир уьрхюз ва Дугъахъди албагбан ва цӀийикӀултӀан аьлакьйир хьпан шадлугъар ипӀбар-ухбариинди къайд апӀуз апӀури гъахьну. Убккбахъан гьяйванатдин тялукь пай гъурбан апӀрушвʼин убгуйи; хъа имбу пай гъурбан гъапӀу касди, дугъан хизанди ва Заанурин гъуллугъчийи ипӀури гъахьну. гьисабнаъди къанна кьюд агъзур мал ва варжна къад агъзур чарва гъурбан гъапӀнийи. Паччагьди ва вари израилари РАББИЙИН Хал гьаци гирами гъапӀнийи.
64Гьадму йигъан паччагьди РАББИЙИН Хулан улихь хьайи гьяятдин кьялан пай гирами гъапӀнийи ва душваъ вариубгбан гъурбнар гъапӀнийи. Гьацира дугъу уьлин ва демдин гъурбнар гъапӀу маларин, чарвйирин хюл гъурбан гъапӀнийи, гьаз гъапиш РАББИЙИН улихь хьайи кемшрин гъурбан апӀрушв думу вари гъурбнар апӀуз лапра бицӀиб вуйи.
65Сулейманди ва дугъахъди вари Израили, кафарийиъ айи Лево-Хаматдихъан Египетдихъди сяргьятдиъ айи бицӀи нирихънакьан вуйи йишвариан лапра гизаф кьадар адмийири, РАББИЙИН Хал гирами апӀбан машквар къайд гъапӀнийи. Дурари думу машквар РАББИЙИН, ихь Заанурин, улихь ургуд йигъан давам гъапӀнийи. Гьацира хъана ургуд йигъан Пажарин машквар къайд гъапӀнийи. Уьмуми гьисабниинди – йицӀиюкьуд йигъан. 66Пажарин машкврихъан вуйи йигъан Сулейманди халкь деебтнийи. Дурари паччагьдиз ужʼвал ккун апӀуйи, ва дурар, РАББИЙИ Чан гъараваш Давуддиз ва Чан Израилин халкьдиз гъапӀу вари ужʼвалиин кӀваантӀан шад вуди ва гешт хъапӀри, хулариз алдагънийи.
Currently Selected:
Паччагьлугъар-3 8: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Паччагьлугъар-3 8
8
Раббийин сундух Раббийин Хулаз хуб
1Сулейманди Ерусалимдиз Израилин агъсакълариз, вари израил тухмарин ва сихларин аьхюдариз, РАББИЙИХЪДИ Йикьрарин сундух Давуддин Шагьриан, яни Сиондиан, хпан бадали, чахьна дих гъапӀнийи. 2Вари израилар Сулейман паччагьдихь Пажарин машкврин#8:2 Пажарин машквар: му жугьдарин асас машкврарикан саб ву. Думу машкврин вахтна жугьдар саб гьяфтайиъ пажарикк яшамиш шуйи. Диди дурариз Египетдиан Ханаандиз гъюруган чиб яшамиш шули гъахьи пажар кӀваин апӀуйи. Гьацира думу машквариинди чпиз бегьер тувбан жугьдари Заануриз аферин кӀуйи. вахтна, ургубпиб вуйи этаним#8:2 Этаним: чвлин эвелин ваз. вазли уч гъахьнийи.
3Израилин агъсакълар гъафиган, Заанурин гъуллугъчйири РАББИЙИН сундух за гъапӀнийи 4ва РАББИЙИН сундухра, Гюрюшнан Чадурра#8:4 Гюрюшнан Чадур: аанурин амриинди Муса пайгъамбри тикмиш гъапӀу ибадат апӀрушв. Сулейман паччагьди Раббийин Хал тикмиш апӀайиз, думу чадурин улихь Заануриз гъурбнар апӀуйи. Анжагъ Заанурин гъуллугъчйиризтӀан думу чадурин айитӀ учӀвуз ихтияр адайи., дидикк ккайи вари гирами мутмйирра кади, гъурхнийи. Дурар Заанурин гъуллугъчйири ва левитари#8:4 Левитар: Заанурин гъуллугъчйирси, думу инсанарра Левийин наслиан вуйи. гъахурайи. 5Хъа Сулейман паччагь ва дугъан багахь уч дубхьнайи израиларин вари жямяаьт сундхин улихьди гъягъюрайи, ва дурари гьадмукьан малар ва чарвйир гъурбан апӀурайи, дурарин кьадар я гьисаб апӀуз, я ктухуз мумкинвал адайи.
6Заанурин гъуллугъчйири РАББИЙИХЪДИ Йикьрарин сундух Раббийин Хулан айитӀ гирамишвахь, Гирамидарик Гирамишвахь, чан йишвʼина гъабхнийи ва думу херувимар-малайикарин хлинццарикк дивнийи. 7Херувимар-малайикарин хлинццар сундхин йишвʼин ва думу гъабхуз вуйи маргъариин гьатӀарццнайи. 8Думу маргъар гьадмукьан ярхидар вуйики, дурарин кӀакӀар Гирамидарик Гирамишван улихь хьайи гирамишвʼан рякъюйи, амма Хулан чӀат терефнаан дурар рякъюрдайи. Маргъар гъира #8:8 Гъира: китаб гъибикӀу вахтнакан кӀура.гьадушвахь хьа. 9Сундхиъ, гъвандин кьюб шибтӀан савайи, фукӀа адайи. Дурар Египетдиан израилар удучӀвбан кьяляхъ Муса пайгъамбри Хурив дагъдин багахь дидиъ ивнийи. Гьадушвахь РАББИЙИ израиларихъди Йикьрар гъийитӀнийи.
10Заанурин гъуллугъчйир гирамишвʼан удучӀвиган, РАББИЙИН Хал дифру абцӀнийи. 11Заанурин гъуллугъчйирихьан, диф ади хьувализ лигну, ибадатвал апӀуз гъабхьундайи, гьаз гъапиш РАББИЙИН гьяйбатну Дугъан Хал абцӀнийи.
12Ва Сулейманди гъапнийи:
– «Гъалин мучӀушнаъ хьидиза», гъапну РАББИЙИ. 13Узу Увуз заанвалин Хал – Уву даимайиз гъузуз йишв – тикмиш гъапӀунза.
Сулейман халкьдихьна илтӀикӀуб
14Душвахь дийигънайи вари израиларихьна паччагь илтӀикӀнийи, ва дугъу дурар ужувлакк ккаънийи. 15Хъасин дугъу гъапнийи:
– Чан мелзналан йиз адаш Давуддиз гаф тувуб Чан хилихъди тамам гъапӀу РАББИЙИЗ, Израилин Заануриз, шюкюр ибшри! Дугъу гъапнийи аьхир: 16«Узу Йиз халкь Египетдиан адау йигъламина Йиз Ччвурнахъ вуйи Хал тикмиш апӀуз Израилин саб тухумдиъра саб шагьур ктабгъундарза, хъа Йиз халкьдиин, Израилиин паччагьвал апӀуз Давуд ктагъунза».
17Йиз адаш Давудди РАББИЙИН, Израилин Заанурин, ччвурнахъ вуйи Хал тикмиш апӀуз фикир апӀуйи. 18Амма РАББИЙИ йиз адаш Давуддиз гъапнийи: «Уву Йиз Ччвурнахъ вуйи Хал тикмиш апӀуз фикир гъапӀунва, дициб фикир апӀувал ужуб гъапӀунва. 19Амма уву Йиз ччвурнахъ вуйи Хал тикмиш апӀидарва, хъа яв бали, яв йиккун тикди ва ифдин цӀадли, йиз ччвурнахъ вуйи Хал тикмиш апӀиди».
20РАББИЙИ Чав туву гаф тамам гъапӀну. Узу гьамусяаьт йиз адаш Давуддихъна, РАББИЙИ гаф тувганси, Израилин тахтниин деъназа, ва узу РАББИЙИН, Израилин ВаритӀанзаанурин ччвурнахъ вуйи Хал тикмиш гъапӀунза. 21Узу душваъ РАББИЙИ ихь архйирихъди дурар Чав Египетдиан адаиган Дугъу гъийибтӀу Йикьрар айи сундхиз йишв албагунза.
Заанурин Хал гирами апӀруган гъапӀу Сулеймандин дюаь
22Сулейман РАББИЙИЗ гъурбан апӀрушван улихь вари израиларин улихь дийигънийи, дугъу хилар заваризди гъазаргнийи 23ва гъапнийи:
– РАББИ, Израилин Заанур! Зиин завариъ ва исикк жилиин Увуз ухшар вуйи Заанур адар! Уву Яв Йикьрар ва Яв рякъяриъди вари кӀваантӀан гъягъюрайи Яв лукӀрахьна вафалувал уьрхюрава. 24Уву Яв лукӀ, йиз адаш Давуддиз туву гафниин гъузунва. Уву думу гаф Яв мелзналан гъапунва ва гъи Яв хилихъди думу тамам гъапӀунва.
25Ва гьамус, РАББИ, Израилин Заанур, Уву Яв лукӀ, йиз адаш Давуддиз туву гаф, «Израилин тахтниин Йиз улихь деънайи яв ирсчи дургидар, анжагъ эгер яв баяр гьякь рякъюъди, уву хъпехъганси Узухъ хъпехъури, гъягъюри гъахьиш» пувал, тамам апӀин. 26Ва гьамус, Израилин Заанур, Уву Яв лукӀ Давуддиз туву гаф гъит тамам ибшри!
27Хъа Заанур гьякьикьатдиъ жилиин яшамиш хьидинхъа?! Заварихьан, гьятта заварин заварихьанкьан, Уву чпиъ уршуз шулдар. Узу тикмиш гъапӀу гьаму хулкан фу пуз шулухъа! 28Яв лукӀран дюаь ва ккарагувал ерхьава, РАББИ, йиз Заанур! Гъи Яв улихь ибадат апӀурайи Яв лукӀран дих ва дюаь ерхь. 29Гъит, Яв улар йигъну ва йишвну гьаму Хулʼинади, Уву чакан «Мушваъ Йиз ччвур хьибди» гъапи йишвʼинади, лигури ишри. Гьаму йишвахьинди лигури, узу, Яв лукӀру, дюаь апӀруган, йиз ккарагувал ебхь. 30Гьаму йишвахьинди лигури, Яв лукӀру ва Яв халкьди, Израили, дюъйир апӀруган, дурарин ккарагбар ерхь. Заварилан, Уву айи йишвлан ерхь, ва, деебхьну, хил алдабгъ.
31Эгер инсанди чав жара касдиз писвал гъапӀиш ва думу касди ху апӀувал тӀалаб гъапӀиш, ва писвал гъапӀур, дуфну, гьаму Хулаъ Яв гъурбан апӀрушван улихь ху гъапӀиш, 32заварилан ебхь ва рубкьруб тув. Яв лукӀарин арайиъ диван апӀин ва тахсир гъапӀуриз, дугъан чан кӀулʼина чав гъапӀуб гьапӀну, рубкьруб тув, тахсир ктрур, дугъан гьякьʼвал тасдикь дапӀну, марцц апӀин.
33Яв улихь гунгьар апӀбаз лигну, эгер Яв халкь, Израил душмнарихьан магълуб гъахьиш, амма Яв халкь Увухьна илтӀибкӀиш ва, Яв ччвур адлу дапӀну, гьаму Хулаъ Яв улихь дюъйир апӀури ва ккарагури гъахьиш, 34заварилан ебхь ва Яв халкьдин, Израилин, гунгьилан хил алдабгъ ва думу дидин архйириз Уву туву жилиина кьяляхъ апӀин.
35Эгер завар хъяркьиш ва, Яв халкьди Яв улихь гунагь апӀбаз лигну, мархь убгъури дархьиш, ва Яв халкьди, гьаму йишвахьинди лигури, дюаь гъапӀиш ва Яв ччвур адлу гъапӀиш, ва, Уву чаз жаза тувбаз лигну, чан гунгьихьан ярхла гъабхьиш, 36заварилан ебхь ва Яв лукӀарин, Яв халкьдин, Израилин гунгьилан хил алдабгъ. Дурар дидиъди гъягъбан бадали, дурариз ужуб рякъ улуп, ва Яв халкьдиз Уву ирсди тувнайи жилиина мархь убгъ.
37Эгер жилиина гаш ясана тӀягъюн, цӀюхъюм микӀ ясана мершв, цицӀар ясана цӀиргъ гъафиш, ясана душмнари израиларин шагьрарикан саб кьялаъ тӀапӀиш – фициб бедбахтвал ясана уьзур гъафишра, – 38сар инсандин ясана Яв вари халкьдин, Израилин фунуб-вушра дюаь, ккарагувал, дурари вариди чпин хажалат ва бедбахтвал гьисс гъапӀиган ва гьаму Хулахьинди хилар ккидисган, 39заварилан, Уву айи йишвлан ебхь, хил алдабгъ ва гьарсариз чан ляхнариз лигну тув, гьаз гъапиш Увуз дугъан юкӀв аьгъявуз (вари инсанарин юкӀвар аьгъюр Уву сар вува аьхир). 40Ич архйириз Уву туву жилиин вари уьмриъ Яв халкьдиз Увхьан гучӀури шлуси апӀин.
41Мумкин ву, Яв халкьдикан, Израилиан, дару, амма ярхла йишвʼан Яв Ччвур бадали гъураба касра гъюз 42(инсанариз Яв машгьур ччвурнакан, Яв зурба кьудратлуваликан ебхьиди аьхир). Думу гъафиган ва, гьаму Хулахьинди лигури, дюаь гъапӀиган, 43заварилан, Уву айи йишвʼлан, ебхь ва гъураба касди Увкан ккун апӀруб вари тамам апӀин. Гьамци жилиин вари халкьариз Яв ччвур аьгъю ва, Яв халкьдизси, Израилизси, Увхьан гучӀ ва узу тикмиш гъапӀу гьаму Хал Яв ччвурнахъ вуйиб аьгъю хьибди.
44Яв халкь душмнарихъди дяви апӀуз гъушиган, фициб рякъюъди Уву думу гъубхишра, халкь, Уву ктабгъу гьаму шагьрихьинди ва узу Яв ччвурнахъ тикмиш гъапӀу Хулахьинди илтӀикӀну, РАББИЙИЗ ккарагуз хъюгъиган, 45завариан халкьдин дюъйир ва ккарагбар ерхь ва халкьдиз кюмекназ гъач.
46Мумкин ву, дурари Увуз къаршуди гунгьар апӀуз (гунгьар дарапӀрур фужкӀа адар аьхир) ва Уву дурариина ажугълу хьуз ва дурар чпин жилиина, думу жил ярхла айиб ясана багахь хьайиб вушра, йисирарди гъахру душмнарин хлиз тувуз. 47Хъа эгер Яв халкь учв йисирди айи жилиин кӀваантӀан дигиш гъабхьиш ва тахсир гардандиъ гъибисиш ва учв йисирди али жилиин, «учу гунагь гъапӀунча, учу писвал гъапӀунча ва гьякьсузди учу гъурхунча» кӀури, Увуз ккарагуз хъюгъиш, 48чиб йисирвализ гъадагъу душмнарин жилиин дурар лап кӀваантӀан ва вари рюгьниинди Увухьна илтӀикӀиш ва Увуз, Уву дурарин абйириз туву жилихьна, Уву ктабгъу шагьрихьна ва узу Яв ччвурнахъ тикмиш гъапӀу Хулахьна илтӀикӀури, Увуз ккарагуз хъюгъиш, 49заварилан, Уву али йишвʼлан, дурарин дюъйир ва ккарагбар ерхь ва дурариз кюмекназ гъач. 50Увуз къаршу гунагь гъапӀу Яв халкьдилан думуган хил алдабгъ. Дурари Увуз къаршуди гъапӀу вари тахсиркарваларилан хил алдабгъ ва дурар йисирвализ гъадагъдар дурарихьна рягьимлу хьуз мажбур апӀин, 51гьаз гъапиш дурар Яв халкь, Уву Египетдиан, гьадму жаднан цӀа айишвʼан, адапӀу Яв ирс ву.
52Йиз, Яв лукӀран, ва Яв халкьдин, Израилин, ккарагбарихьан, дурар Увухьна илтӀикӀруган, дурарин ккарагбар Увуз гьарган ерхьбан бадали, мигьидицан. 53Уву дурар жилин жара халкьаригъян Увуз ирсди гъядягъюнва, дидкан Уву, Агъа вуйи РАББИЙИ, ич абйир Египетдиан адаъруган, Яв лукӀ Муса пайгъамбрин мелзналан хабар дебккганси.
Израилин халкь Сулейманди ужувлакк ккауб
54РАББИЙИЗ гьаму дюаь ва ккарагуб ккудуркӀну, кьамкьарихъди деънайи ва завузди хилар ккидиснайи Сулейман РАББИЙИЗ гъурбан апӀрушвʼхьан гъудужвнийи. 55Хъасин дугъу уч духьнайи израилар ягъал сесниинди ужувлакк ккаънийи ва гъапнийи:
56– Чав гаф тувганси, Чан халкьдиз, Израилиз, архаинвал туву РАББИЙИЗ шюкюр ибшри. Чан гъараваш Муса пайгъамбрин мелзналан Дугъу туву жумарт гафарикан гьич саб гафра тамам дарапӀди гъубзнадар. 57Гъит, РАББИ, ихь Заанур, ихь абйирихъди гъахьиганси, ухьухъди ишри. Гъит, Думу ухьхьан гьудудучӀври ва дурушри. 58Гъит, Дугъу ихь юкӀвар Чахьна илтӀикӀри, ухьу Дугъан рякъяриъди гъягъбан ва Дугъу ихь абйириз туву амрар, къайдйир ва къарарар тамам апӀруси ишри. 59Гъит, РАББИЙИН улихь дюаьйиъ узу гъапи гьаму гафар РАББИЙИЗ йигъну ва йишвну багахь вуйидар ишри, Дугъу узуз, Чан гъаравашдиз, ва Чан халкьдиз, Израилиз, лазим вуйибдин кюмек гьарсад йигъан апӀри. 60Гьаци, жилиин вари халкьариз РАББИ – Му Заанур вуйивал ва жарар адрувал аьгъю хьибди. 61Гьамусяаьтнаси учву Дугъан къайдйириинди яшамиш хьпан ва учву Дугъан амрар тамам апӀбан бадали, ичв юкӀвар РАББИЙИЗ, ихь Заануриз, тамамди вафалу ишри.
Заанурин Хал гирами апӀуб
62Хъасин паччагьди ва дугъахъди вари израилари РАББИЙИН улихь гъурбнар апӀуз хъюгънийи. 63Сулейманди РАББИЙИЗ демдин гъурбан#8:63 Демдин гъурбан: Му жюре гъурбнар Заанурихъди дюз аьлакьйир уьрхюз ва Дугъахъди албагбан ва цӀийикӀултӀан аьлакьйир хьпан шадлугъар ипӀбар-ухбариинди къайд апӀуз апӀури гъахьну. Убккбахъан гьяйванатдин тялукь пай гъурбан апӀрушвʼин убгуйи; хъа имбу пай гъурбан гъапӀу касди, дугъан хизанди ва Заанурин гъуллугъчийи ипӀури гъахьну. гьисабнаъди къанна кьюд агъзур мал ва варжна къад агъзур чарва гъурбан гъапӀнийи. Паччагьди ва вари израилари РАББИЙИН Хал гьаци гирами гъапӀнийи.
64Гьадму йигъан паччагьди РАББИЙИН Хулан улихь хьайи гьяятдин кьялан пай гирами гъапӀнийи ва душваъ вариубгбан гъурбнар гъапӀнийи. Гьацира дугъу уьлин ва демдин гъурбнар гъапӀу маларин, чарвйирин хюл гъурбан гъапӀнийи, гьаз гъапиш РАББИЙИН улихь хьайи кемшрин гъурбан апӀрушв думу вари гъурбнар апӀуз лапра бицӀиб вуйи.
65Сулейманди ва дугъахъди вари Израили, кафарийиъ айи Лево-Хаматдихъан Египетдихъди сяргьятдиъ айи бицӀи нирихънакьан вуйи йишвариан лапра гизаф кьадар адмийири, РАББИЙИН Хал гирами апӀбан машквар къайд гъапӀнийи. Дурари думу машквар РАББИЙИН, ихь Заанурин, улихь ургуд йигъан давам гъапӀнийи. Гьацира хъана ургуд йигъан Пажарин машквар къайд гъапӀнийи. Уьмуми гьисабниинди – йицӀиюкьуд йигъан. 66Пажарин машкврихъан вуйи йигъан Сулейманди халкь деебтнийи. Дурари паччагьдиз ужʼвал ккун апӀуйи, ва дурар, РАББИЙИ Чан гъараваш Давуддиз ва Чан Израилин халкьдиз гъапӀу вари ужʼвалиин кӀваантӀан шад вуди ва гешт хъапӀри, хулариз алдагънийи.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023