Паччагьлугъар-3 9
9
Сулеймандиз Рабби хъана ашкар хьуб
1Сулейманди РАББИЙИН Хал, паччагьдин гъала ва тикмиш апӀуз ккундайиб вари тикмиш дапӀну ккудубкӀиган, 2РАББИ дугъаз, Гивондиъ дугъаз ашкар гъахьиганси, кьюбпи ражари ашкар гъахьнийи.
3РАББИЙИ дугъаз гъапнийи:
– Уву Узуз гъапӀу дюаь ва ккарагуб гъеерхьунзуз. Йиз ччвурнахъ уву тикмиш гъапӀу Хал, даимайиз Йиз ччвур душваъ гъибтну, Узуз гирами гъапӀунза. Йиз улар ва юкӀв гьарган душваъ хьиди. 4Хъа уву, эгер Йиз улихь, яв адаш Давуд гъилицганси, юкӀв марцциди ва дугъривалиъ лицури, Узу увуз амур гъапӀуб вари кӀулиз адабгъури, Йиз тяйинвалар ва къанунар тамам апӀури гъахьиш, 5Узу яв паччагьвалин тахт Израилиин аьсрариз мюгькам апӀидиза, Узу Давуддиз, яв адашдиз, гьадмуган «Израилин тахтниин ирсчийихъ уву мягьрум хьидарва» гъапиганси.
6Хъа эгер учву ясана ичв баяр Узхьан гьидициш, Узу учвуз туву амрар ва тяйинвалар тамам апӀури дархьиш ва бутариз#9:6 Бутар: Заанурси гьисаб апӀури гъахьидар. гъуллугъ ва ибадат апӀури гъахьиш, 7Узу Израилин халкь учвуз туву жилилан терг ва Йиз ччвурнахъ Узу гирами гъапӀу Хал Узхьан ярхла апӀидиза. Израилин халкь вари халкьарин мелзниин нагъил, кялхъбан шейъ хьибди. 8Гьамусяаьтна думу Хулан ад дапӀнашра, дидхьантина гъягъру гьарсар мюгьтал хьиди, дугъу ушвт хъапӀди ва пиди: «Гьаз РАББИЙИ му уьлкейикан ва гьаму Хулкан гьамци гъапӀну?» 9Хъа жаваб гьамциб тувди: «Гьаз гъапиш дурари РАББИ, чпин архйир Египетдиан адау чпин Заанур, гъирагъдиъ гъитну, бутар кьабул гъапӀну, дурариз ибадат ва гъуллугъ апӀури гъахьну – магьа гьаддиз РАББИЙИ дурариина гьаму вари балйир алаъну».
Сулеймандин жара ляхнар
10Сулейманди гьаму кьюб дарамат – РАББИЙИН Хал ва паччагьдин гъала – тикмиш апӀури къад йислан гъушу. 11Хъасин дугъу Галилеяйин къаб шагьур Тирдин паччагь Хирамдиз тувну, гьаз гъапиш Хирамди Сулеймандиз фукьан кедрйин ва кипарисдин гакӀул ва гъизил ккундуш, гьадмукьан хътаури гъахьну. 12Амма, Сулейманди чаз туву шагьрариз лигуз Хирам Тириан гъафиган, думу наразиди гъузну.
13– Фицдар бакар кадру шагьрар тувунва узуз, йиз чве? – гьерхнийи дугъу.
Ва дугъу дурариз Кавулин (бакар кадру) жил ччвур тувнийи, гьадму ччвур дурарихъ гъира хъми.
14(Хъа Хирамди паччагьдиз варжна къаб талант#9:14 Варжна къаб талант: тахминан 4 тонн. гъизил хътапӀнийи.)
15Магьа Сулейман паччагьди РАББИЙИН Хал, чан гъала тикмиш, Милло дазу, Ерусалимдин цал, хъа гьацира Хацор, Мегиддо ва Гезер шагьрар мюгькам апӀуз мажбури вуди зегьмет гъизигу инсанарикан мялуматар. 16Дидиз улихьна фяряуьн, Египетдин паччагь, Гезериин алархьнийи ва думу гъибиснийи. Дугъу дидик цӀа кипнийи, душваъ айи ханаан агьалйир йивну гъакӀнийи ва думу йишв чан шураз, Сулеймандин хпириз, жигьизди тувнийи. 17Сулейманди Гезер, Асккан Бет-Хорон, 18кьиблайиъ буш чюлиъ Баалат ва Тадмор, 19хъа гьацира чан тадарукар уьрхюз вари шагьрар ва чан гьяйвнар ккитӀнайи дявдин фургънар ва гьацира гьяйвнар уьрхюз шагьрар цӀийикӀултӀан тикмиш гъапӀнийи. Сулейманди Ерусалимдиъ, Ливандиъ ва чав паччагьвал апӀурайи вари йишвариъ чаз тикмиш апӀуз ккуниб вари тикмиш гъапӀнийи.
20Амореярихъан, хеттарихъан, перизеярихъан, хивеярихъан ва евусеярихъан (дурар израилар дайи) гъузу вари агьалйир, 21яни уьлкейиъ гъузу ва израиларихьан тӀанкь апӀуз дархьи дурарин наслар, Сулейманди азад дару фягьлийирси, мажбури вуди лихуз ишлетмиш апӀуйи, гъира #9:21 Гъира: китаб гъибикӀу вахтнакан кӀура.дурар гьаци ву. 22Хъа израилар Сулейманди азад дару фягьлийириз илтӀикӀури гъахьундар, дурар дугъан эскрар, гьякимар, эскрарин аьхюдар, дявдин фургънарин аьхюдар, атлу кьушмин аьхюдар гъахьнийи. 23Израилар гьацира дугъу гъахру тикилишдин ляхнариз регьбервал туврудар вуди гъахьнийи – лихурайи инсанариин хьуд варжна хьуцӀур гюзчийи гюзчивал гъабхуйи.
24Фяряуьндин риш, Сулеймандин хпир, Давуддин Шагьриан чаз жилири тикмиш гъапӀу гъалайиз удучӀвнийи. Хъасин Сулейманди Милло дазу тикмиш гъапӀнийи.
25Йискьубак шубуб ражну Сулейманди РАББИЙИЗ тикмиш гъапӀу гъурбан апӀрушвʼин, ицциб ниъ хъайи шейʼар ургбан гъурбнар апӀури, вариубгбан ва демдин гъурбнар апӀуйи. Гьаци, дугъу РАББИЙИН Хал тикмиш апӀувал ккудубкӀнийи.
26Сулейман паччагьди гьацира Уьру гьюлин гъирагъдихъ хъайи Эдумдин жилиин али Элатдин багахь хьайи Эцион-Гевериъ гимйир тикмиш гъапӀнийи. 27Хирамди гимйириъди Сулеймандин адмийирихъди сатӀиди гьюл аьгъю чан адмийирра гьаънийи. 28Дурар Офириз гьюлʼинди гъушнийи ва душвʼан юкьуд варжна къаб талант#9:28 Юкьуд варжна къаб талант: тахминан 14 тонн. гъизил гъабхнийи, думу Сулеймандихьна гъубхнийи.
Currently Selected:
Паччагьлугъар-3 9: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Паччагьлугъар-3 9
9
Сулеймандиз Рабби хъана ашкар хьуб
1Сулейманди РАББИЙИН Хал, паччагьдин гъала ва тикмиш апӀуз ккундайиб вари тикмиш дапӀну ккудубкӀиган, 2РАББИ дугъаз, Гивондиъ дугъаз ашкар гъахьиганси, кьюбпи ражари ашкар гъахьнийи.
3РАББИЙИ дугъаз гъапнийи:
– Уву Узуз гъапӀу дюаь ва ккарагуб гъеерхьунзуз. Йиз ччвурнахъ уву тикмиш гъапӀу Хал, даимайиз Йиз ччвур душваъ гъибтну, Узуз гирами гъапӀунза. Йиз улар ва юкӀв гьарган душваъ хьиди. 4Хъа уву, эгер Йиз улихь, яв адаш Давуд гъилицганси, юкӀв марцциди ва дугъривалиъ лицури, Узу увуз амур гъапӀуб вари кӀулиз адабгъури, Йиз тяйинвалар ва къанунар тамам апӀури гъахьиш, 5Узу яв паччагьвалин тахт Израилиин аьсрариз мюгькам апӀидиза, Узу Давуддиз, яв адашдиз, гьадмуган «Израилин тахтниин ирсчийихъ уву мягьрум хьидарва» гъапиганси.
6Хъа эгер учву ясана ичв баяр Узхьан гьидициш, Узу учвуз туву амрар ва тяйинвалар тамам апӀури дархьиш ва бутариз#9:6 Бутар: Заанурси гьисаб апӀури гъахьидар. гъуллугъ ва ибадат апӀури гъахьиш, 7Узу Израилин халкь учвуз туву жилилан терг ва Йиз ччвурнахъ Узу гирами гъапӀу Хал Узхьан ярхла апӀидиза. Израилин халкь вари халкьарин мелзниин нагъил, кялхъбан шейъ хьибди. 8Гьамусяаьтна думу Хулан ад дапӀнашра, дидхьантина гъягъру гьарсар мюгьтал хьиди, дугъу ушвт хъапӀди ва пиди: «Гьаз РАББИЙИ му уьлкейикан ва гьаму Хулкан гьамци гъапӀну?» 9Хъа жаваб гьамциб тувди: «Гьаз гъапиш дурари РАББИ, чпин архйир Египетдиан адау чпин Заанур, гъирагъдиъ гъитну, бутар кьабул гъапӀну, дурариз ибадат ва гъуллугъ апӀури гъахьну – магьа гьаддиз РАББИЙИ дурариина гьаму вари балйир алаъну».
Сулеймандин жара ляхнар
10Сулейманди гьаму кьюб дарамат – РАББИЙИН Хал ва паччагьдин гъала – тикмиш апӀури къад йислан гъушу. 11Хъасин дугъу Галилеяйин къаб шагьур Тирдин паччагь Хирамдиз тувну, гьаз гъапиш Хирамди Сулеймандиз фукьан кедрйин ва кипарисдин гакӀул ва гъизил ккундуш, гьадмукьан хътаури гъахьну. 12Амма, Сулейманди чаз туву шагьрариз лигуз Хирам Тириан гъафиган, думу наразиди гъузну.
13– Фицдар бакар кадру шагьрар тувунва узуз, йиз чве? – гьерхнийи дугъу.
Ва дугъу дурариз Кавулин (бакар кадру) жил ччвур тувнийи, гьадму ччвур дурарихъ гъира хъми.
14(Хъа Хирамди паччагьдиз варжна къаб талант#9:14 Варжна къаб талант: тахминан 4 тонн. гъизил хътапӀнийи.)
15Магьа Сулейман паччагьди РАББИЙИН Хал, чан гъала тикмиш, Милло дазу, Ерусалимдин цал, хъа гьацира Хацор, Мегиддо ва Гезер шагьрар мюгькам апӀуз мажбури вуди зегьмет гъизигу инсанарикан мялуматар. 16Дидиз улихьна фяряуьн, Египетдин паччагь, Гезериин алархьнийи ва думу гъибиснийи. Дугъу дидик цӀа кипнийи, душваъ айи ханаан агьалйир йивну гъакӀнийи ва думу йишв чан шураз, Сулеймандин хпириз, жигьизди тувнийи. 17Сулейманди Гезер, Асккан Бет-Хорон, 18кьиблайиъ буш чюлиъ Баалат ва Тадмор, 19хъа гьацира чан тадарукар уьрхюз вари шагьрар ва чан гьяйвнар ккитӀнайи дявдин фургънар ва гьацира гьяйвнар уьрхюз шагьрар цӀийикӀултӀан тикмиш гъапӀнийи. Сулейманди Ерусалимдиъ, Ливандиъ ва чав паччагьвал апӀурайи вари йишвариъ чаз тикмиш апӀуз ккуниб вари тикмиш гъапӀнийи.
20Амореярихъан, хеттарихъан, перизеярихъан, хивеярихъан ва евусеярихъан (дурар израилар дайи) гъузу вари агьалйир, 21яни уьлкейиъ гъузу ва израиларихьан тӀанкь апӀуз дархьи дурарин наслар, Сулейманди азад дару фягьлийирси, мажбури вуди лихуз ишлетмиш апӀуйи, гъира #9:21 Гъира: китаб гъибикӀу вахтнакан кӀура.дурар гьаци ву. 22Хъа израилар Сулейманди азад дару фягьлийириз илтӀикӀури гъахьундар, дурар дугъан эскрар, гьякимар, эскрарин аьхюдар, дявдин фургънарин аьхюдар, атлу кьушмин аьхюдар гъахьнийи. 23Израилар гьацира дугъу гъахру тикилишдин ляхнариз регьбервал туврудар вуди гъахьнийи – лихурайи инсанариин хьуд варжна хьуцӀур гюзчийи гюзчивал гъабхуйи.
24Фяряуьндин риш, Сулеймандин хпир, Давуддин Шагьриан чаз жилири тикмиш гъапӀу гъалайиз удучӀвнийи. Хъасин Сулейманди Милло дазу тикмиш гъапӀнийи.
25Йискьубак шубуб ражну Сулейманди РАББИЙИЗ тикмиш гъапӀу гъурбан апӀрушвʼин, ицциб ниъ хъайи шейʼар ургбан гъурбнар апӀури, вариубгбан ва демдин гъурбнар апӀуйи. Гьаци, дугъу РАББИЙИН Хал тикмиш апӀувал ккудубкӀнийи.
26Сулейман паччагьди гьацира Уьру гьюлин гъирагъдихъ хъайи Эдумдин жилиин али Элатдин багахь хьайи Эцион-Гевериъ гимйир тикмиш гъапӀнийи. 27Хирамди гимйириъди Сулеймандин адмийирихъди сатӀиди гьюл аьгъю чан адмийирра гьаънийи. 28Дурар Офириз гьюлʼинди гъушнийи ва душвʼан юкьуд варжна къаб талант#9:28 Юкьуд варжна къаб талант: тахминан 14 тонн. гъизил гъабхнийи, думу Сулеймандихьна гъубхнийи.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023