Паччагьлугъар-3 4
4
Сулеймандин хиликк кайи гьякимар
1Сулейман вари Израилин паччагь вуди гъахьну. 2Магьа дугъан гьякимар:
Цадукдин бай Азария – Заанурин гъуллугъчи;
3Шишайин баяр Элихореф ва Ахия – бикӀрудар;
Ахилуддин бай Югьушафат – тарих бикӀрур;
4Югьудайин бай Беная – кьушмин аьхюр;
Цадук ва Авиатар – Заанурин гъуллугъчйир;
5Натандин бай Азария – сардрарин#4:5 Сардар: паччагьди гьюкум апӀуз вилаятарикан сабдиъ дерккнайир. аьхюр;
Натандин бай Завуд – Заанурин гъуллугъчи ва паччагьдин хусуси насигьятчи;
6Ахишар – паччагьдин гъалайиз лигрур;
Авдайин бай Адунирам – паччагьдихъ мажбури вуди лихрударин аьхюр.
7Сулейманди вари Израилиин йицӀикьюр сардар дерккнади гъахьну, дурари паччагьдиз ва паччагьдин гъалайиз ипӀру-ухру сурсатар хури гъахьну. Сардрарикан гьарсари саб вазли паччагьдин гъалайиз ипӀру-ухру сурсатар духну ккундийи. 8Магьа дурарин ччвурар:
Бен-Хур – Ефраимдин тепйириин;
9Бен-Декер – Макац, Шаалбим, Бет-Шемеш ва Элон-Бет-Ханан шагьрариъ;
10Бен-Хесед – Аруббот, Сохо шагьрариъ, Хефер шагьриъ ва дидин гургутум хьайи ругариин;
11Бен-Авинадав – Нафат-Дор шагьриъ (Сулеймандин риш Тафат дугъан хпир вуди гъахьну);
12Ахилуддин бай Баана – Таанах, Мегиддо шагьрариъ, Цартан шагьрин багахь хьайи, Изреел шагьрихьан кьиблайиъ айи Бет-Шеан шагьрин юкьуб тереф ва Бет-Шеандихъан Авел-Мехола шагьрихьна, гьятта Юкмеам шагьрихьан тина хъайи ругариин;
13Бен-Гевер – Галааддин Рамот шагьриъ (Манасдин бай Иаирин Галааддиъ айи гъулар, хъа гьацира Башан вилаятдиъ айи Аргов йишваъ, цалари гургутум кьялаъ аънайи ва урнарихъ кемшрин рагъар#4:13 Рагъ: урнар хъяркъюз хъипру алат. хъайи аьхю йирхьцӀур шагьурра кади, дугъан хиликк кади гъахьну);
14Иддойин бай Ахинадав – Маханаим шагьриъ;
15Ахимаац – Нефталим тухумдин ругариин (дугъу Сулеймандин риш Басемат хпирди гъадагъну);
16Хушайин бай Баана – Ашер тухумдин ва Беалот шагьрин ругариин;
17Паруахдин бай Югьушафат – Иссахар тухумдин ругариин;
18Элайин бай Шимей – Вениамин тухумдин ругариин;
19Урийин бай Гевер – Галааддиъ (амореярин паччагь Сигондин уьлкейиъ ва Ог паччагьдин Башан уьлкейиъ).
Сарсан сардар Ягьудайин уьлкейиъ ади гъахьну.
Сулеймандин паччагьлугъдин зурбавал
20Ягьудайин ва Израилин халкьдин кьадар, гьюлин гъирагъдихъ гъумкьан, гизаф вуйи. Дурари ипӀуйи, убхъуйи ва шадвал хъапӀуйи. 21Ва Сулейманди Евфрат нирхъан филистимарин ругарихъна ва тап Египетдин сяргьятдихъна вари паччагьлугъариин идара апӀуйи. Гьаму уьлкйири Сулеймандиз думу чӀивиди имбукьан гагьди харж тувуйи ва гъуллугъ апӀуйи.
22Гьарсад йигъан Сулеймандин гъалайиз сумчӀур табут ужубсиб хю ва йирхьуцӀур табут чӀатхуди гъярябгъю хю, 23тӀунахъ гъюрхю йицӀуб аьхю мал, чӀурариъ гъюрхю къаб мал ва варж чарва хуйи, миршар, фуйир, жейранар ва дюрхнайи ничхрар ктарди.
24Дугъу Евфрат нирхъан ригъ алабхъру терефназ, Тифсах шагьрихьан Газа шагьрихъна вари паччагьлугъариин идара апӀуйи, ва Сулейман багарихь хьайи вари уьлкйирихъди мясляаьтнаъ гъахьнийи. 25Сулеймандин уьмрин вахтна Дандихъан Беэр-Шевайихъна#4:25 Дандихъан Беэр-Шевайихъна: Дан кафарийиъ, Беэр-Шева кьиблайиъ айи шагьрар гъахьну, му вари Израилиъ кӀуру гаф ву. вари Ягьуда ва Израил хатӀасузвалиъ яшамиш шули гъахьну – гьарсар инсан чан тӀумтӀин ширикк ва инжилин гьарикк.
26Сулеймандиз дявдин фургънарин гьяйвнариз ягъчӀвур агъзур ахур ва йицӀикьюд агъзур гьяйван ади гъахьну.
27Сардрари, гьарсари чаз улупнайи вазли, Сулейман паччагьдиз ва паччагьдин суфрайихъ уьл ипӀуз гъюрудариз итӀру-ухру сурсатар хури гъахьну. ФукӀа гьудрубкӀруб дархьбан бадали, дурар лигури гъахьну. 28Гьацира дурари лазим вуйи йишвахьна дявдин фургънарин гьяйвнариз ва жара гьяйвнариз гьарсари чан пай мух ва гъеэбццу укӀ хури гъахьну.
Сулеймандин аьяндарвал
29Заанури Сулеймандиз аьяндарвал, лапра зурба фагьумлувал ва дерин, гьюлин гъирагъдихъ хъайи гъумси, ебцуз даршлу фикир тувну. 30Сулеймандин аьяндарвал ригъ гьудубчӀвру терефнан вари инсанаринтӀан ва вари Египетдин аьяндарвалтӀан зиина вуди гъабхьну. 31Думу фунур-вушра инсантӀан аьяндар вуди гъахьну. Гьятта Зерагьдин насил вуйи Этанра, Махолин баяр Гьеманра, Калколра, Дардара кади. Дугъан ад гъирагъариъ айи вари халкьарихьна гъарабгъну. 32Дугъу шубуд агъзур аьяндар тахалус гъапну, хъа дугъан мяълийир агъзурна хьуб вуйи. 33Дугъу набататар ахтармиш апӀуйи – Ливандин кедрйихъан хъюгъну, цаларигъ ктубчӀвру укӀахъна. Дугъу гьяйванатар ва ничхрар, гьяшаратар ва балугъар ахтармиш гъапӀнийи.
34Сулеймандин аьяндарвалихъ хъпехъуз дидкан гъеебхьу дюнʼяйин вари паччгьарихьан, халкьарихьан инсанар гъюйи.
Currently Selected:
Паччагьлугъар-3 4: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Паччагьлугъар-3 4
4
Сулеймандин хиликк кайи гьякимар
1Сулейман вари Израилин паччагь вуди гъахьну. 2Магьа дугъан гьякимар:
Цадукдин бай Азария – Заанурин гъуллугъчи;
3Шишайин баяр Элихореф ва Ахия – бикӀрудар;
Ахилуддин бай Югьушафат – тарих бикӀрур;
4Югьудайин бай Беная – кьушмин аьхюр;
Цадук ва Авиатар – Заанурин гъуллугъчйир;
5Натандин бай Азария – сардрарин#4:5 Сардар: паччагьди гьюкум апӀуз вилаятарикан сабдиъ дерккнайир. аьхюр;
Натандин бай Завуд – Заанурин гъуллугъчи ва паччагьдин хусуси насигьятчи;
6Ахишар – паччагьдин гъалайиз лигрур;
Авдайин бай Адунирам – паччагьдихъ мажбури вуди лихрударин аьхюр.
7Сулейманди вари Израилиин йицӀикьюр сардар дерккнади гъахьну, дурари паччагьдиз ва паччагьдин гъалайиз ипӀру-ухру сурсатар хури гъахьну. Сардрарикан гьарсари саб вазли паччагьдин гъалайиз ипӀру-ухру сурсатар духну ккундийи. 8Магьа дурарин ччвурар:
Бен-Хур – Ефраимдин тепйириин;
9Бен-Декер – Макац, Шаалбим, Бет-Шемеш ва Элон-Бет-Ханан шагьрариъ;
10Бен-Хесед – Аруббот, Сохо шагьрариъ, Хефер шагьриъ ва дидин гургутум хьайи ругариин;
11Бен-Авинадав – Нафат-Дор шагьриъ (Сулеймандин риш Тафат дугъан хпир вуди гъахьну);
12Ахилуддин бай Баана – Таанах, Мегиддо шагьрариъ, Цартан шагьрин багахь хьайи, Изреел шагьрихьан кьиблайиъ айи Бет-Шеан шагьрин юкьуб тереф ва Бет-Шеандихъан Авел-Мехола шагьрихьна, гьятта Юкмеам шагьрихьан тина хъайи ругариин;
13Бен-Гевер – Галааддин Рамот шагьриъ (Манасдин бай Иаирин Галааддиъ айи гъулар, хъа гьацира Башан вилаятдиъ айи Аргов йишваъ, цалари гургутум кьялаъ аънайи ва урнарихъ кемшрин рагъар#4:13 Рагъ: урнар хъяркъюз хъипру алат. хъайи аьхю йирхьцӀур шагьурра кади, дугъан хиликк кади гъахьну);
14Иддойин бай Ахинадав – Маханаим шагьриъ;
15Ахимаац – Нефталим тухумдин ругариин (дугъу Сулеймандин риш Басемат хпирди гъадагъну);
16Хушайин бай Баана – Ашер тухумдин ва Беалот шагьрин ругариин;
17Паруахдин бай Югьушафат – Иссахар тухумдин ругариин;
18Элайин бай Шимей – Вениамин тухумдин ругариин;
19Урийин бай Гевер – Галааддиъ (амореярин паччагь Сигондин уьлкейиъ ва Ог паччагьдин Башан уьлкейиъ).
Сарсан сардар Ягьудайин уьлкейиъ ади гъахьну.
Сулеймандин паччагьлугъдин зурбавал
20Ягьудайин ва Израилин халкьдин кьадар, гьюлин гъирагъдихъ гъумкьан, гизаф вуйи. Дурари ипӀуйи, убхъуйи ва шадвал хъапӀуйи. 21Ва Сулейманди Евфрат нирхъан филистимарин ругарихъна ва тап Египетдин сяргьятдихъна вари паччагьлугъариин идара апӀуйи. Гьаму уьлкйири Сулеймандиз думу чӀивиди имбукьан гагьди харж тувуйи ва гъуллугъ апӀуйи.
22Гьарсад йигъан Сулеймандин гъалайиз сумчӀур табут ужубсиб хю ва йирхьуцӀур табут чӀатхуди гъярябгъю хю, 23тӀунахъ гъюрхю йицӀуб аьхю мал, чӀурариъ гъюрхю къаб мал ва варж чарва хуйи, миршар, фуйир, жейранар ва дюрхнайи ничхрар ктарди.
24Дугъу Евфрат нирхъан ригъ алабхъру терефназ, Тифсах шагьрихьан Газа шагьрихъна вари паччагьлугъариин идара апӀуйи, ва Сулейман багарихь хьайи вари уьлкйирихъди мясляаьтнаъ гъахьнийи. 25Сулеймандин уьмрин вахтна Дандихъан Беэр-Шевайихъна#4:25 Дандихъан Беэр-Шевайихъна: Дан кафарийиъ, Беэр-Шева кьиблайиъ айи шагьрар гъахьну, му вари Израилиъ кӀуру гаф ву. вари Ягьуда ва Израил хатӀасузвалиъ яшамиш шули гъахьну – гьарсар инсан чан тӀумтӀин ширикк ва инжилин гьарикк.
26Сулеймандиз дявдин фургънарин гьяйвнариз ягъчӀвур агъзур ахур ва йицӀикьюд агъзур гьяйван ади гъахьну.
27Сардрари, гьарсари чаз улупнайи вазли, Сулейман паччагьдиз ва паччагьдин суфрайихъ уьл ипӀуз гъюрудариз итӀру-ухру сурсатар хури гъахьну. ФукӀа гьудрубкӀруб дархьбан бадали, дурар лигури гъахьну. 28Гьацира дурари лазим вуйи йишвахьна дявдин фургънарин гьяйвнариз ва жара гьяйвнариз гьарсари чан пай мух ва гъеэбццу укӀ хури гъахьну.
Сулеймандин аьяндарвал
29Заанури Сулеймандиз аьяндарвал, лапра зурба фагьумлувал ва дерин, гьюлин гъирагъдихъ хъайи гъумси, ебцуз даршлу фикир тувну. 30Сулеймандин аьяндарвал ригъ гьудубчӀвру терефнан вари инсанаринтӀан ва вари Египетдин аьяндарвалтӀан зиина вуди гъабхьну. 31Думу фунур-вушра инсантӀан аьяндар вуди гъахьну. Гьятта Зерагьдин насил вуйи Этанра, Махолин баяр Гьеманра, Калколра, Дардара кади. Дугъан ад гъирагъариъ айи вари халкьарихьна гъарабгъну. 32Дугъу шубуд агъзур аьяндар тахалус гъапну, хъа дугъан мяълийир агъзурна хьуб вуйи. 33Дугъу набататар ахтармиш апӀуйи – Ливандин кедрйихъан хъюгъну, цаларигъ ктубчӀвру укӀахъна. Дугъу гьяйванатар ва ничхрар, гьяшаратар ва балугъар ахтармиш гъапӀнийи.
34Сулеймандин аьяндарвалихъ хъпехъуз дидкан гъеебхьу дюнʼяйин вари паччгьарихьан, халкьарихьан инсанар гъюйи.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023