Паччагьлугъар-3 3
3
Аьяндарваликан Сулеймандин дюаь
1Сулейманди Египетдин паччагь вуйи фяряуьндихъди, дугъан риш чаз хпирди гъадагъну, багахьлувал ккебгънийи. Чан гъала, РАББИЙИН Хал ва Ерусалимдилан илтӀибкӀнайи цал тикмиш апӀайиз Сулейманди думу хпир Давуддин Шагьриъ гъитнийи.
2Хъа халкьди муганазси тепйириин али ибадатханйириъ гъурбнар апӀури имийи, гьаз гъапиш РАББИЙИН ччвурнахъ вуйи Хал гьеле тикмиш дапӀнадайи. 3Чан адаш Давуддин насигьятарин рякъюъди гъягъюри, Сулеймандиз РАББИ ккундийи. Амма Сулейманди тепйириин али ибадатханйириъ гъурбнар апӀуйи ва ицциб ниъ хъайи шейʼар ургуйи.
4Гъурбнар апӀбан бадали, паччагь Гивондиз гъушнийи, гьаз гъапиш тепйириин али ибадатханйирикан варитӀан кӀулинуб гьадушваъ айи, ва дугъу гьадму гъурбан апӀрушваъ вариургбан агъзур гъурбан гъапӀнийи. 5Гивондиъ Сулеймандиз РАББИ йишвну нивкӀуъ ашкар гъахьнийи, ва Заанури гъапнийи:
– Увуз ккуниб узкан тӀалаб апӀин.
6Сулейманди жаваб тувнийи:
– Уву Яв гъаравашдиз, йиз адаш Давуддиз, лапра зурба вафалувал улупунва, гьаз гъапиш думу Яв улихь дугъриди ва гьякьлуди лицуйи, ачухъ юкӀв айир вуйи. Уву гьадму лапра зурба вафалувал гъюбхюнва ва дугъаз гъи дугъан тахтниин деънайи бай тувунва. 7Ва гьамус, РАББИ, йиз Заанур, Уву Яв лукӀ йиз адаш Давуддин ерина паччагь гъапӀунва. Амма узу гьеле лапра жигьил вуза, ва узуз, йиз буржи фици тамам апӀуруш, аьгъдарзуз. 8Узу, Яв лукӀ, Уву ктабгъу халкьдиин паччагьди дерккунва. Думу халкь учв гьисаб апӀуз даршлубкьан гизаф кьадарнануб ву. 9Яв лукӀраз, Яв халкьдиин агъавал апӀуз, ужʼвал писвалихьан жара апӀуз аьгъяди хьуз, фагьумлу юкӀв тув. Яв гизаф кьадарнан халкьдиин агъавал апӀуз шлихьан шул?
10Сулейманди гьациб тӀалаб апӀбиин Рабби рази гъахьнийи. 11Заанури дугъаз гъапнийи:
– Уву гьамциб тӀалаб апӀбаз ва увуз я ярхи уьмур, я девлет, я яв душмнариз аьжал тӀалаб дарапӀбаз, фагьумлуди агъавал апӀбан бадали, анжагъ аьяндарвал тӀалаб апӀбаз лигну, 12Узу уву тӀалаб апӀурайиб тамам апӀидиза. Узу увуз аьяндар ва фагьумлу юкӀв тувраза, гьамусдиз увуз ухшар вуйир дархьиганси, гьаци яв кьяляхъра сарра увухь тевуз шлур хьидар. 13ДумутӀан артухъ, Узу увуз уву тӀалаб дарапӀубра – девлетра, адра – тувраза, гьаци вуйиган яв вари уьмриъ паччгьарин арайиъ увуз барабар вуйир хьидар. 14Ва уву, яв адаш Давудди гъапӀганси, Йиз рякъяриъди гъягъюри гъахьиш ва Йиз тяйин дапӀнайи къайдйирихъ ва амрарихъ хъпехъури гъахьиш, Узу увуз ярхи уьмур тувидиза.
15Гьамушвахь Сулейман нивкӀʼан уягъ гъахьнийи ва думу нивкӀ вуйивалин гъавриъ ахънийи. Думу Ерусалимдиз гъафнийи, Раббийихъди Йикьрарин сундхин улихь дийигънийи ва вариубгбанна демдин гъурбнар#3:15 Демдин гъурбнар: Му жюре гъурбнар Заанурихъди дюз аьлакьйир уьрхюз ва Дугъахъди албагбан ва цӀийикӀултӀан аьлакьйир хьпан шадлугъар ипӀбар-ухбариинди къайд апӀуз апӀури гъахьну. Убккбахъан гьяйванатдин тялукь пай гъурбан апӀрушвʼин убгуйи; хъа имбу пай гъурбан гъапӀу касди, дугъан хизанди ва Заанурин гъуллугъчийи ипӀури гъахьну. гъапӀнийи. Хъасин дугъу чан гъуллугънаъ айидариз варидиз дем гъапӀнийи.
Сулейманди гьюжат аьяндарвалиинди гьял апӀуб
16Саб ражари паччагьдихьна кьюр кьяппа дишагьли гъафнийи ва дугъан улихь дийигънийи.
17Дурарикан сари гъапнийи:
– Йиз агъа! Узуна гьаму дишагьли саб хулаъ яшамиш шулача, ва, думу хулаъ айиган, узуз бицӀир гъахьунзуз. 18Дидин кьяляхъ шубудпи йигъан дугъазра бицӀир гъахьну. Учу сатӀиди айча, учухъди хулаъ фужкӀа адайи, анжагъ учу кьюр. 19Йишвну думу дишагьлийин бай гъакӀну, гьаз гъапиш дишагьлийи думу, чазра аьгъдарди, гъачӀаркӀну. 20Йишвандин вахтна думу гъудужвну, ва, узу, яв гъараваш, даахну имиди, дугъу йиз бай гъадагъну. Дугъу думу чан мухрик китну, хъа дукӀнайи бицӀир йиз мухрик китну. 21ГвачӀнинган бализ нана тувуз гъудужвунза, хъа думу дукӀнайи, узу дугъаз гъилигунза, ва узуз думу узу гъахи йиз бай дарувал аьгъю гъабхьунзуз.
22Тмуну дишагьлийи гъапнийи:
– Ваъ! ЧӀивиди имбур йиз бай ву, яв бай гъачӀир ву.
Амма сарпир чан гафниин дийигънайи:
– Ваъ! ГъачӀир – яв бай, хъа чӀивир – йиз бай!
Ва мурари паччагьдин улихь гьамци гьюжат апӀуйи.
23Паччагьди гъапнийи:
– Сари кӀура: «Яв бай гъакӀну, хъа йиз чӀивиди ими», хъа тумунури кӀура: «Ваъ! Яв бай гъакӀну, хъа йиз бай чӀивиди ими».
24Хъасин паччагьди гъапнийи:
– Узухьна тур аьбкъинай.
Дугъахьна тур гъабхнийи.
25Думуган дугъу амур гъапӀнийи:
– ЧӀивиди имбу бай кьюб йишваз пай апӀинай, гьацӀ сариз ва гьацӀ сариз тувай.
26Бай чӀивиди имбу дишагьлийин кӀваз чан балихьна язухъвалиан варкӀ гъапӀнийи, ва дугъу паччагьдиз гъапнийи:
– Йиз агъа! БицӀир чӀивиди дугъаз тувай! Бай йивну миликӀанай!
Хъа тмуну дишагьлийи гъапнийи:
– Думу я увуз, я узуз хьидар. ГьадатӀай думу!
27Думуган паччагьди къарар адабгънийи:
– ЧӀиви бицӀир сарпи дишагьлийиз тувай. Бай йивну миликӀанай. Сарпи дишагьли дугъан дада ву.
28Вари Израилиз паччагьди адабгъу думу къарарикан гъеебхьиган, дурари паччагьдиз гьюрмат апӀуз хъюгънийи, гьаз гъапиш дугъаз диван апӀуз Заанури аьяндарвал тувнайивал гъябкънийи.
Currently Selected:
Паччагьлугъар-3 3: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Паччагьлугъар-3 3
3
Аьяндарваликан Сулеймандин дюаь
1Сулейманди Египетдин паччагь вуйи фяряуьндихъди, дугъан риш чаз хпирди гъадагъну, багахьлувал ккебгънийи. Чан гъала, РАББИЙИН Хал ва Ерусалимдилан илтӀибкӀнайи цал тикмиш апӀайиз Сулейманди думу хпир Давуддин Шагьриъ гъитнийи.
2Хъа халкьди муганазси тепйириин али ибадатханйириъ гъурбнар апӀури имийи, гьаз гъапиш РАББИЙИН ччвурнахъ вуйи Хал гьеле тикмиш дапӀнадайи. 3Чан адаш Давуддин насигьятарин рякъюъди гъягъюри, Сулеймандиз РАББИ ккундийи. Амма Сулейманди тепйириин али ибадатханйириъ гъурбнар апӀуйи ва ицциб ниъ хъайи шейʼар ургуйи.
4Гъурбнар апӀбан бадали, паччагь Гивондиз гъушнийи, гьаз гъапиш тепйириин али ибадатханйирикан варитӀан кӀулинуб гьадушваъ айи, ва дугъу гьадму гъурбан апӀрушваъ вариургбан агъзур гъурбан гъапӀнийи. 5Гивондиъ Сулеймандиз РАББИ йишвну нивкӀуъ ашкар гъахьнийи, ва Заанури гъапнийи:
– Увуз ккуниб узкан тӀалаб апӀин.
6Сулейманди жаваб тувнийи:
– Уву Яв гъаравашдиз, йиз адаш Давуддиз, лапра зурба вафалувал улупунва, гьаз гъапиш думу Яв улихь дугъриди ва гьякьлуди лицуйи, ачухъ юкӀв айир вуйи. Уву гьадму лапра зурба вафалувал гъюбхюнва ва дугъаз гъи дугъан тахтниин деънайи бай тувунва. 7Ва гьамус, РАББИ, йиз Заанур, Уву Яв лукӀ йиз адаш Давуддин ерина паччагь гъапӀунва. Амма узу гьеле лапра жигьил вуза, ва узуз, йиз буржи фици тамам апӀуруш, аьгъдарзуз. 8Узу, Яв лукӀ, Уву ктабгъу халкьдиин паччагьди дерккунва. Думу халкь учв гьисаб апӀуз даршлубкьан гизаф кьадарнануб ву. 9Яв лукӀраз, Яв халкьдиин агъавал апӀуз, ужʼвал писвалихьан жара апӀуз аьгъяди хьуз, фагьумлу юкӀв тув. Яв гизаф кьадарнан халкьдиин агъавал апӀуз шлихьан шул?
10Сулейманди гьациб тӀалаб апӀбиин Рабби рази гъахьнийи. 11Заанури дугъаз гъапнийи:
– Уву гьамциб тӀалаб апӀбаз ва увуз я ярхи уьмур, я девлет, я яв душмнариз аьжал тӀалаб дарапӀбаз, фагьумлуди агъавал апӀбан бадали, анжагъ аьяндарвал тӀалаб апӀбаз лигну, 12Узу уву тӀалаб апӀурайиб тамам апӀидиза. Узу увуз аьяндар ва фагьумлу юкӀв тувраза, гьамусдиз увуз ухшар вуйир дархьиганси, гьаци яв кьяляхъра сарра увухь тевуз шлур хьидар. 13ДумутӀан артухъ, Узу увуз уву тӀалаб дарапӀубра – девлетра, адра – тувраза, гьаци вуйиган яв вари уьмриъ паччгьарин арайиъ увуз барабар вуйир хьидар. 14Ва уву, яв адаш Давудди гъапӀганси, Йиз рякъяриъди гъягъюри гъахьиш ва Йиз тяйин дапӀнайи къайдйирихъ ва амрарихъ хъпехъури гъахьиш, Узу увуз ярхи уьмур тувидиза.
15Гьамушвахь Сулейман нивкӀʼан уягъ гъахьнийи ва думу нивкӀ вуйивалин гъавриъ ахънийи. Думу Ерусалимдиз гъафнийи, Раббийихъди Йикьрарин сундхин улихь дийигънийи ва вариубгбанна демдин гъурбнар#3:15 Демдин гъурбнар: Му жюре гъурбнар Заанурихъди дюз аьлакьйир уьрхюз ва Дугъахъди албагбан ва цӀийикӀултӀан аьлакьйир хьпан шадлугъар ипӀбар-ухбариинди къайд апӀуз апӀури гъахьну. Убккбахъан гьяйванатдин тялукь пай гъурбан апӀрушвʼин убгуйи; хъа имбу пай гъурбан гъапӀу касди, дугъан хизанди ва Заанурин гъуллугъчийи ипӀури гъахьну. гъапӀнийи. Хъасин дугъу чан гъуллугънаъ айидариз варидиз дем гъапӀнийи.
Сулейманди гьюжат аьяндарвалиинди гьял апӀуб
16Саб ражари паччагьдихьна кьюр кьяппа дишагьли гъафнийи ва дугъан улихь дийигънийи.
17Дурарикан сари гъапнийи:
– Йиз агъа! Узуна гьаму дишагьли саб хулаъ яшамиш шулача, ва, думу хулаъ айиган, узуз бицӀир гъахьунзуз. 18Дидин кьяляхъ шубудпи йигъан дугъазра бицӀир гъахьну. Учу сатӀиди айча, учухъди хулаъ фужкӀа адайи, анжагъ учу кьюр. 19Йишвну думу дишагьлийин бай гъакӀну, гьаз гъапиш дишагьлийи думу, чазра аьгъдарди, гъачӀаркӀну. 20Йишвандин вахтна думу гъудужвну, ва, узу, яв гъараваш, даахну имиди, дугъу йиз бай гъадагъну. Дугъу думу чан мухрик китну, хъа дукӀнайи бицӀир йиз мухрик китну. 21ГвачӀнинган бализ нана тувуз гъудужвунза, хъа думу дукӀнайи, узу дугъаз гъилигунза, ва узуз думу узу гъахи йиз бай дарувал аьгъю гъабхьунзуз.
22Тмуну дишагьлийи гъапнийи:
– Ваъ! ЧӀивиди имбур йиз бай ву, яв бай гъачӀир ву.
Амма сарпир чан гафниин дийигънайи:
– Ваъ! ГъачӀир – яв бай, хъа чӀивир – йиз бай!
Ва мурари паччагьдин улихь гьамци гьюжат апӀуйи.
23Паччагьди гъапнийи:
– Сари кӀура: «Яв бай гъакӀну, хъа йиз чӀивиди ими», хъа тумунури кӀура: «Ваъ! Яв бай гъакӀну, хъа йиз бай чӀивиди ими».
24Хъасин паччагьди гъапнийи:
– Узухьна тур аьбкъинай.
Дугъахьна тур гъабхнийи.
25Думуган дугъу амур гъапӀнийи:
– ЧӀивиди имбу бай кьюб йишваз пай апӀинай, гьацӀ сариз ва гьацӀ сариз тувай.
26Бай чӀивиди имбу дишагьлийин кӀваз чан балихьна язухъвалиан варкӀ гъапӀнийи, ва дугъу паччагьдиз гъапнийи:
– Йиз агъа! БицӀир чӀивиди дугъаз тувай! Бай йивну миликӀанай!
Хъа тмуну дишагьлийи гъапнийи:
– Думу я увуз, я узуз хьидар. ГьадатӀай думу!
27Думуган паччагьди къарар адабгънийи:
– ЧӀиви бицӀир сарпи дишагьлийиз тувай. Бай йивну миликӀанай. Сарпи дишагьли дугъан дада ву.
28Вари Израилиз паччагьди адабгъу думу къарарикан гъеебхьиган, дурари паччагьдиз гьюрмат апӀуз хъюгънийи, гьаз гъапиш дугъаз диван апӀуз Заанури аьяндарвал тувнайивал гъябкънийи.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023