Паччагьлугъар-3 17
17
Илʼяс пайгъамбри къурагьвал шлуваликан вахт ккимиди пуб
1Галааддиъ айи Тишба шагьриан вуйи Илʼяс пайгъамбри Ахавдиз гъапнийи:
– РАББИЙИИНДИ, узу Чаз гъуллугъ апӀурайи Израилин Заануриинди ху апӀурза, гьаму йисари я чиг, я мархь убгъидар, эгер узу гаф дарпиш.
2Илʼяс пайгъамбрихьна РАББИЙИН гаф дуфнади гъабхьнийи:
3– Мушвʼан гъарах, ригъ гьудубчӀвру терефназди илдиц ва Ярдан нирхьан ригъ гьудубчӀвру терефнаъ айи Керит гъярихъ жин йихь. 4Уву гъярʼан шид убхъидива. Хъа увуз ипӀруб хуз хъютариз Узу амур гъапӀунза.
5Ва дугъу чаз РАББИЙИ гъапиганси гъапӀнийи. Думу Ярдандихьан ригъ гьудубчӀвру терефнаъ айи Керит гъярихъна гъушнийи ва гьадушвахъ гъузнийи. 6Хъютари дугъаз гвачӀнинган ва хябяхъган уьл ва йикк хуйи, хъа шид дугъу гъярʼан убхъуйи.
Илʼяс пайгъамбар ва Сарептайиан вуйи ачӀни дишагьли
7Саб кьадар вахтналан гъяр убкънийи, гьаз гъапиш уьлкейиъ мархьар ургъурадайи. 8Думуган Илʼяс пайгъамбрихьна РАББИЙИН гаф гъафнийи:
9– Гьамус Сидондин багахь хьайи Сарепта шагьриз гъарах ва душваъ яшамиш йихь. Увуз ипӀруб тувуз сар ачӀни дишагьлийиз амур гъапӀунза.
10Ва думу Сарептайиз гъушнийи. Илʼяс пайгъамбар шагьрин урнарихьна гъафиган, душвахъ гакӀвлар уч апӀурайи ачӀни дишагьли хъайи. Дугъу дишагьлийиз дих гъапӀнийи:
– Узуз убхъуз гъабраъди сацӀиб шид аьбкъин.
11Дишагьли гъягъюз хъюгъиган, дугъу хъана дугъаз дих гъапӀнийи ва гъапнийи:
– Узуз саб тики уьлра аьбкъин.
12Дишагьлийи жаваб тувнийи:
– РАББИЙИИНДИ, яв Заануриинди, ху апӀурза, узуз уьл адарзуз, табтихъ саб карк хю хъмийиз ва чӀакьаъ сацӀиб ччим имийиз. Магьа, сакьюб гакӀул хьади душну, гьадму хюйкан узуз ва йиз бализ ипӀруб гьязур апӀидиза. Гьадму ипӀидича ва хъасин гашʼан кечмиш хьидича.
13Илʼяс пайгъамбри дугъаз гъапнийи:
– ГучӀ мапӀан, хулаз гъарах ва уву гъапиганси апӀин. Амма сифте яв айибдикан бицӀи лаваш апӀин ва узуз абкъин, хъасин увуз ва яв бализ фукӀа гьязур апӀин. 14Гьаз гъапиш гьаци РАББИЙИ, Израилин Заанури, кӀура: «Табтиъ хю ва чӀакьаъ ччим РАББИЙИ жилиина мархь убгъру йигъазкьан адарди хьидар».
15Дишагьли гъушнийи, ва чаз Илʼяс пайгъамбри гъапиганси гъапӀнийи. Ва гьарсад йигъан Илʼяс пайгъамбризра, дишагьлийин хизандизра ипӀруб ади гъабхьнийи. 16РАББИЙИХЬАН Илʼяс пайгъамбрихьна гъафи гафнаъ айиганси, дишагьлийин табтиъ хю ва чӀакьаъ ччим ккудуркӀурдайи.
АчӀни дишагьлийин бай чӀиви хьуб
17Саб кьадар вахтналан гьадму дишагьлийин, хулан эйсийин, бай иццру гъахьнийи. Балин гьял пистӀан пис шулайи, ва, аьхирки, сад йигъан дугъан ил хътабгъувал дийибгънийи. 18Думуган дишагьлийи Илʼяс пайгъамбриз гъапнийи:
– Узкан фу ккундувуз, Заанурин инсан? Узуз йиз гунагь кӀваин апӀуз ва йиз бай йикӀуз гъафунва?
19– Ча узухьна яв бай, – жаваб тувнийи дугъаз Илʼяс пайгъамбри.
Илʼяс пайгъамбри бай дугъан хиларилан гъидиснийи ва учв яшамиш шулайи заан хулаз гъурхнийи, ахниин дитнийи. 20Хъасин думу РАББИЙИЗ ккарагнийи:
– РАББИ, йиз Заанур, узу чахь хялижвди айи ачӀни дишагьлийиина, дугъан бай дукӀну, мегер Уву бала хибдива?
21Илʼяс пайгъамбар шубуб ражну балʼина ис алахънийи ва РАББИЙИЗ ккарагнийи:
– РАББИ, йиз Заанур, гъит гьаму балин уьмур дугъахьна кьяляхъ гъюри!
22РАББИЙИЗ Илʼяс пайгъамбрин дюаь гъеебхьнийи, ва балихьна уьмур кьяляхъ гъафнийи, ва думу чӀиви гъахьнийи. 23Илʼяс пайгъамбри бай хилариина гъадагънийи ва чан хулʼан исизди асккан хулаз гъурхнийи. Дугъу думу балин дадайихьна тувнийи ва гъапнийи:
– Лиг, яв бай чӀивиди ими!
24Дишагьлийи Илʼяс пайгъамбриз гъапнийи:
– Гьамус узуз уву Заанурин инсан вуйиб ва уву гъапи РАББИЙИН гаф гьякь вуйиб аьгъязуз.
Currently Selected:
Паччагьлугъар-3 17: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Паччагьлугъар-3 17
17
Илʼяс пайгъамбри къурагьвал шлуваликан вахт ккимиди пуб
1Галааддиъ айи Тишба шагьриан вуйи Илʼяс пайгъамбри Ахавдиз гъапнийи:
– РАББИЙИИНДИ, узу Чаз гъуллугъ апӀурайи Израилин Заануриинди ху апӀурза, гьаму йисари я чиг, я мархь убгъидар, эгер узу гаф дарпиш.
2Илʼяс пайгъамбрихьна РАББИЙИН гаф дуфнади гъабхьнийи:
3– Мушвʼан гъарах, ригъ гьудубчӀвру терефназди илдиц ва Ярдан нирхьан ригъ гьудубчӀвру терефнаъ айи Керит гъярихъ жин йихь. 4Уву гъярʼан шид убхъидива. Хъа увуз ипӀруб хуз хъютариз Узу амур гъапӀунза.
5Ва дугъу чаз РАББИЙИ гъапиганси гъапӀнийи. Думу Ярдандихьан ригъ гьудубчӀвру терефнаъ айи Керит гъярихъна гъушнийи ва гьадушвахъ гъузнийи. 6Хъютари дугъаз гвачӀнинган ва хябяхъган уьл ва йикк хуйи, хъа шид дугъу гъярʼан убхъуйи.
Илʼяс пайгъамбар ва Сарептайиан вуйи ачӀни дишагьли
7Саб кьадар вахтналан гъяр убкънийи, гьаз гъапиш уьлкейиъ мархьар ургъурадайи. 8Думуган Илʼяс пайгъамбрихьна РАББИЙИН гаф гъафнийи:
9– Гьамус Сидондин багахь хьайи Сарепта шагьриз гъарах ва душваъ яшамиш йихь. Увуз ипӀруб тувуз сар ачӀни дишагьлийиз амур гъапӀунза.
10Ва думу Сарептайиз гъушнийи. Илʼяс пайгъамбар шагьрин урнарихьна гъафиган, душвахъ гакӀвлар уч апӀурайи ачӀни дишагьли хъайи. Дугъу дишагьлийиз дих гъапӀнийи:
– Узуз убхъуз гъабраъди сацӀиб шид аьбкъин.
11Дишагьли гъягъюз хъюгъиган, дугъу хъана дугъаз дих гъапӀнийи ва гъапнийи:
– Узуз саб тики уьлра аьбкъин.
12Дишагьлийи жаваб тувнийи:
– РАББИЙИИНДИ, яв Заануриинди, ху апӀурза, узуз уьл адарзуз, табтихъ саб карк хю хъмийиз ва чӀакьаъ сацӀиб ччим имийиз. Магьа, сакьюб гакӀул хьади душну, гьадму хюйкан узуз ва йиз бализ ипӀруб гьязур апӀидиза. Гьадму ипӀидича ва хъасин гашʼан кечмиш хьидича.
13Илʼяс пайгъамбри дугъаз гъапнийи:
– ГучӀ мапӀан, хулаз гъарах ва уву гъапиганси апӀин. Амма сифте яв айибдикан бицӀи лаваш апӀин ва узуз абкъин, хъасин увуз ва яв бализ фукӀа гьязур апӀин. 14Гьаз гъапиш гьаци РАББИЙИ, Израилин Заанури, кӀура: «Табтиъ хю ва чӀакьаъ ччим РАББИЙИ жилиина мархь убгъру йигъазкьан адарди хьидар».
15Дишагьли гъушнийи, ва чаз Илʼяс пайгъамбри гъапиганси гъапӀнийи. Ва гьарсад йигъан Илʼяс пайгъамбризра, дишагьлийин хизандизра ипӀруб ади гъабхьнийи. 16РАББИЙИХЬАН Илʼяс пайгъамбрихьна гъафи гафнаъ айиганси, дишагьлийин табтиъ хю ва чӀакьаъ ччим ккудуркӀурдайи.
АчӀни дишагьлийин бай чӀиви хьуб
17Саб кьадар вахтналан гьадму дишагьлийин, хулан эйсийин, бай иццру гъахьнийи. Балин гьял пистӀан пис шулайи, ва, аьхирки, сад йигъан дугъан ил хътабгъувал дийибгънийи. 18Думуган дишагьлийи Илʼяс пайгъамбриз гъапнийи:
– Узкан фу ккундувуз, Заанурин инсан? Узуз йиз гунагь кӀваин апӀуз ва йиз бай йикӀуз гъафунва?
19– Ча узухьна яв бай, – жаваб тувнийи дугъаз Илʼяс пайгъамбри.
Илʼяс пайгъамбри бай дугъан хиларилан гъидиснийи ва учв яшамиш шулайи заан хулаз гъурхнийи, ахниин дитнийи. 20Хъасин думу РАББИЙИЗ ккарагнийи:
– РАББИ, йиз Заанур, узу чахь хялижвди айи ачӀни дишагьлийиина, дугъан бай дукӀну, мегер Уву бала хибдива?
21Илʼяс пайгъамбар шубуб ражну балʼина ис алахънийи ва РАББИЙИЗ ккарагнийи:
– РАББИ, йиз Заанур, гъит гьаму балин уьмур дугъахьна кьяляхъ гъюри!
22РАББИЙИЗ Илʼяс пайгъамбрин дюаь гъеебхьнийи, ва балихьна уьмур кьяляхъ гъафнийи, ва думу чӀиви гъахьнийи. 23Илʼяс пайгъамбри бай хилариина гъадагънийи ва чан хулʼан исизди асккан хулаз гъурхнийи. Дугъу думу балин дадайихьна тувнийи ва гъапнийи:
– Лиг, яв бай чӀивиди ими!
24Дишагьлийи Илʼяс пайгъамбриз гъапнийи:
– Гьамус узуз уву Заанурин инсан вуйиб ва уву гъапи РАББИЙИН гаф гьякь вуйиб аьгъязуз.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023