Паччагьлугъар-3 16
16
1Хананийин бай Егьуйихьна Баашайин гьякьнаан РАББИЙИН гаф гъафнийи:
2– Узу уву, Бааша, биширугдиан адагъунза ва увкан Йиз халкьдин, Израилин, регьбер гъапӀунза. Хъа уву, Узук хъял капӀри, Яравамдин рякъюъди гъягъюйва ва Йиз халкьдиз, Израилиз, гунгьихьна ял апӀуйва. 3Ва магьа Узу уву ва яв тухум терг апӀидиза, ва яв тухумдикан Наватдин бай Яравамдин тухумдикан гъапӀуб апӀидиза. 4Яв тухумдиан шагьриъ гъийихдар хуйири итӀиди, хъа чюлиъ гъийихдар жакьвари удудиди.
5Баашайин паччагьвалин вахтнан жара гьядисйирикан ва дугъу гъапӀу вари ляхнарикан ва гьунарарикан «Израилин паччгьарин тарихарин китабдиъ» дибикӀна. 6Бааша чан архйирихъди фаракьат гъахьнийи ва Тирца шагьриъ накьвдик кивнийи. Дугъан ерина паччагь дугъан бай Эла гъахьнийи.
7Хананийин бай, пайгъамбар Егьуйихьна Баашайин ва дугъан тухумдин гьякьнаан РАББИЙИН гаф дуфнади гъабхьнийи, аьхир. Чан уларикк, Чак хъял капӀри, Яравамдин тухумдихъан нумуна гъадабгъбаз, Яравамдин тухум терг апӀбаз лигну, РАББИЙИ гьаци гъапӀнийи.
Эла – Израилин паччагь
8Ягьудайин паччагь Асайин паччагьвалин къанна йирхьудпи йисан Баашайин бай Эла Израилин паччагь гъахьнийи, ва дугъу Тирцайиъ кьюд йисан паччагьвал гъапӀнийи.
9Элайин багахь гъуллугъ апӀурайидарикан сар вуйи Зимри (паччагьдин дявдин фургънарин кьадарнан гьацӀ дугъан регьберваликк ккайи) паччагьдиз жиниди къаршуди удучӀвнийи. Эла Тирцайиъ айиган ва чан гъалайин ляхнариз лигру Арцайин хулаъ пиян хьайизкьан дубхънайиган, 10Зимри дина гъафнийи, ва дугъу Эла йивну гъакӀнийи. Думу гьядиса Ягьудайин паччагь Асайин паччагьвалин къанна ургудпи йисан гъабхьнийи. Зимри Элайин ерина паччагь гъахьнийи.
11Учв паччагь гъахьибси ва тахтниин деубси, дугъу Баашайин вари тухум тӀанкь гъапӀнийи. Дугъу думу тухумдиан саркьан жилижви – я багахьлу, я дуст – чӀивиди гъитундайи. 12Зимрийи Баашайин вари тухум Егьу пайгъамбрикна Баашайин гьякьнаан РАББИЙИ гъапи гафниинди тӀанкь гъапӀнийи. 13Думу ляхин, Баашайи ва дугъан бай Элайи бутарихьна илтӀикӀуз Израил мажбур апӀувалиинди гъапӀу вари гунгьариз, РАББИЙИК, Израилин Заанурик, хъял капӀувализ лигну, гъабхьнийи.
14Элайин паччагьвалин вахтнан жара гьядисйирикан ва дугъу гъапӀу вари ляхнарикан «Израилин паччгьарин тарихарин китабдиъ» дибикӀна.
Израилиъ гьюкум бадали женг
15Ягьудайин паччагь Асайин паччагьвалин къанна ургудпи йисан Зимрийи Тирцайиъ паччагьвал апӀуз хъюгънийи, амма варина-вари ургуд йигъан паччагьвал гъапӀнийи. Израилин кьушум думуган филистим шагьур вуйи Гиббетондин багахь бина йивну дийибгънайи. 16Бинайиин али израилариз Зимри паччагьдиз къаршуди удучӀвуваликан ва дугъу паччагь йивну йикӀуваликан гъеебхьнийи. Дурари дишлади гьадму йигъан Израилин паччагьди дурарин кьушмин аьхюрди Омри мялум гъапӀнийи. 17Дидин кьяляхъ Омри ва дугъахъди вари израилар Гиббетондихьан гъушнийи, ва дурари Тирца кьялаъ тӀапӀнийи. 18Шагьур бисувал гъябкъиган, Зимри паччагьдин гъалайин чӀвурдаз гъушнийи, ва дугъу паччагьдин гъалайик цӀа кипнийи. Гьаци думу талаф гъахьну. 19Дици, РАББИЙИН уларикк писвал апӀури ва Яравамдин рякъяриъди гъягъюри, Израилиз ял апӀури, чав гъапӀу гунгьариз лигну, гъабхьну.
20Зимрийин паччагьвалин вахтнан жара гьядисйирикан ва дугъу гъапӀу къаршуваликан улхуруш, дурарикан «Израилин паччгьарин тарихарин китабдиъ» дибикӀна.
21Думуган Израилин халкь кьюб йишваз пай гъабхьнийи: саб гьацӀаз Гинатдин бай Тивнийикан паччагь апӀуз ккундийи, хъа тмуну гьацӀ Омрийин тереф вуйи. 22Амма Омрийин терефкрарин гуж Гинатдин бай Тивнийин терефкраринтӀан артухъ гъабхьнийи. Ва Тивни талаф гъахьнийи, хъа Омри паччагь гъахьнийи.
Омри – Израилин паччагь
23Ягьудайин паччагь Асайин паччагьвалин вахтнан сумчӀурна садпи йисан Омри Израилин паччагь гъахьнийи. Дугъу йицӀикьюд йисан паччагьвал гъапӀнийи, дурарикан йирхьуд йисан – Тирцайиъ. 24Дугъу Семерихьан кьюб талант арснахъ#16:24 Кьюб талант: тахминан 72 килограмм. тепе масу гъадабгънийи ва душвʼин шагьур дивнийи. Дугъу думу шагьриз Самария кӀуру ччвур тувнийи – тепейин муганайиздин эйси Семерин ччвурнахъди хъабалгну.
25Омрийи РАББИЙИН уларикк писвал ва дугъан улихьна гъахьидарикан фунуритӀан артухъ гунагь шлу ляхнар апӀуйи. 26Бутарихьна илтӀикӀувалиинди, Наватдин бай Яравамдин вари рякъяриъди гъягъюри ва Израил гунгьиз ял апӀури, дугъу РАББИЙИН, Израилин Заанурин, хъял гъизмиш апӀуйи.
27Омрийин паччагьвалин вахтнан жара гьядисйирикан, дугъан гьунарарикан ва дугъу гъапӀу вари ляхнарикан «Израилин паччгьарин тарихарин китабдиъ» дибикӀна. 28Омри чан архйирихъди фаракьат гъахьнийи ва Самарияйиъ накьвдик кивнийи. Дугъан ерина паччагь дугъан бай Ахав гъахьнийи.
Ахав – Израилин паччагь
29Ягьудайин паччагь Асайин паччагьвалин вахтнан сумчӀурна миржидпи йисан Омрийин бай Ахав Израилин паччагь гъахьнийи, ва дугъу Самарияйиъ къанна кьюд йисан Израилин паччагьвал гъапӀнийи. 30Омрийин бай Ахавди РАББИЙИН уларикк дугъаз улихьна гъахьидарикан фунуритӀан артухъ писвал гъапӀнийи. 31Наватдин бай Яравамди гъапӀу гунагь шлу ляхнар Ахавдиз цӀибди гъяркънийи. Дугъу сидонарин паччагь Этбаалин риш Изавел хпирдира гъадагънийи ва Баализ#16:31 Баал: ханаанарин кӀулин бут, чаз кюгьне вахтари ханаанари ибадат апӀури гъахьи завар рахбан бут. Думу гафнан мяна – «агъа, эйси». гъуллугъ ва ибадат апӀуз хъюгънийи. 32Дугъу чав Самарияйиъ тикмиш гъапӀу Баалин ибадатханайиъ Баализ гъурбан апӀрушв дивнийи. 33Гьацира Ахавди Ашерайин мурхьлар дивуйи. Дугъу чаз улихьна вуйи Израилин вари паччгьаритӀан артухъ РАББИЙИЗ, Израилин Заануриз, хъял гъюруб апӀуйи.
34Ахавди паччагьвал апӀурайи вахтна Бет-Элиан вуйи Хиэли Ерихон шагьур цӀийикӀултӀан тикмиш гъапӀнийи. Нундин бай Гьисайин мелзналан РАББИЙИ гъапи гафниинди#16:34 Нундин бай Гьисайин мелзналан РАББИЙИ гъапи гафниинди: Муса пайгъамбрихъна регьбер гъахьи Нундин бай Гьисайи, Ерихон шагьур шли цӀийикӀултӀан тикмиш апӀури гъахьиш, думу чан баярихъ мягьрум шлуваликан улихь ккимиди гъапнийи. думу, шагьрин бина дивруган, чан сарпи балихъ ва, урнар дивруган, чан бицӀину бай Сегувдихъ мягьрум гъахьнийи.
Currently Selected:
Паччагьлугъар-3 16: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Паччагьлугъар-3 16
16
1Хананийин бай Егьуйихьна Баашайин гьякьнаан РАББИЙИН гаф гъафнийи:
2– Узу уву, Бааша, биширугдиан адагъунза ва увкан Йиз халкьдин, Израилин, регьбер гъапӀунза. Хъа уву, Узук хъял капӀри, Яравамдин рякъюъди гъягъюйва ва Йиз халкьдиз, Израилиз, гунгьихьна ял апӀуйва. 3Ва магьа Узу уву ва яв тухум терг апӀидиза, ва яв тухумдикан Наватдин бай Яравамдин тухумдикан гъапӀуб апӀидиза. 4Яв тухумдиан шагьриъ гъийихдар хуйири итӀиди, хъа чюлиъ гъийихдар жакьвари удудиди.
5Баашайин паччагьвалин вахтнан жара гьядисйирикан ва дугъу гъапӀу вари ляхнарикан ва гьунарарикан «Израилин паччгьарин тарихарин китабдиъ» дибикӀна. 6Бааша чан архйирихъди фаракьат гъахьнийи ва Тирца шагьриъ накьвдик кивнийи. Дугъан ерина паччагь дугъан бай Эла гъахьнийи.
7Хананийин бай, пайгъамбар Егьуйихьна Баашайин ва дугъан тухумдин гьякьнаан РАББИЙИН гаф дуфнади гъабхьнийи, аьхир. Чан уларикк, Чак хъял капӀри, Яравамдин тухумдихъан нумуна гъадабгъбаз, Яравамдин тухум терг апӀбаз лигну, РАББИЙИ гьаци гъапӀнийи.
Эла – Израилин паччагь
8Ягьудайин паччагь Асайин паччагьвалин къанна йирхьудпи йисан Баашайин бай Эла Израилин паччагь гъахьнийи, ва дугъу Тирцайиъ кьюд йисан паччагьвал гъапӀнийи.
9Элайин багахь гъуллугъ апӀурайидарикан сар вуйи Зимри (паччагьдин дявдин фургънарин кьадарнан гьацӀ дугъан регьберваликк ккайи) паччагьдиз жиниди къаршуди удучӀвнийи. Эла Тирцайиъ айиган ва чан гъалайин ляхнариз лигру Арцайин хулаъ пиян хьайизкьан дубхънайиган, 10Зимри дина гъафнийи, ва дугъу Эла йивну гъакӀнийи. Думу гьядиса Ягьудайин паччагь Асайин паччагьвалин къанна ургудпи йисан гъабхьнийи. Зимри Элайин ерина паччагь гъахьнийи.
11Учв паччагь гъахьибси ва тахтниин деубси, дугъу Баашайин вари тухум тӀанкь гъапӀнийи. Дугъу думу тухумдиан саркьан жилижви – я багахьлу, я дуст – чӀивиди гъитундайи. 12Зимрийи Баашайин вари тухум Егьу пайгъамбрикна Баашайин гьякьнаан РАББИЙИ гъапи гафниинди тӀанкь гъапӀнийи. 13Думу ляхин, Баашайи ва дугъан бай Элайи бутарихьна илтӀикӀуз Израил мажбур апӀувалиинди гъапӀу вари гунгьариз, РАББИЙИК, Израилин Заанурик, хъял капӀувализ лигну, гъабхьнийи.
14Элайин паччагьвалин вахтнан жара гьядисйирикан ва дугъу гъапӀу вари ляхнарикан «Израилин паччгьарин тарихарин китабдиъ» дибикӀна.
Израилиъ гьюкум бадали женг
15Ягьудайин паччагь Асайин паччагьвалин къанна ургудпи йисан Зимрийи Тирцайиъ паччагьвал апӀуз хъюгънийи, амма варина-вари ургуд йигъан паччагьвал гъапӀнийи. Израилин кьушум думуган филистим шагьур вуйи Гиббетондин багахь бина йивну дийибгънайи. 16Бинайиин али израилариз Зимри паччагьдиз къаршуди удучӀвуваликан ва дугъу паччагь йивну йикӀуваликан гъеебхьнийи. Дурари дишлади гьадму йигъан Израилин паччагьди дурарин кьушмин аьхюрди Омри мялум гъапӀнийи. 17Дидин кьяляхъ Омри ва дугъахъди вари израилар Гиббетондихьан гъушнийи, ва дурари Тирца кьялаъ тӀапӀнийи. 18Шагьур бисувал гъябкъиган, Зимри паччагьдин гъалайин чӀвурдаз гъушнийи, ва дугъу паччагьдин гъалайик цӀа кипнийи. Гьаци думу талаф гъахьну. 19Дици, РАББИЙИН уларикк писвал апӀури ва Яравамдин рякъяриъди гъягъюри, Израилиз ял апӀури, чав гъапӀу гунгьариз лигну, гъабхьну.
20Зимрийин паччагьвалин вахтнан жара гьядисйирикан ва дугъу гъапӀу къаршуваликан улхуруш, дурарикан «Израилин паччгьарин тарихарин китабдиъ» дибикӀна.
21Думуган Израилин халкь кьюб йишваз пай гъабхьнийи: саб гьацӀаз Гинатдин бай Тивнийикан паччагь апӀуз ккундийи, хъа тмуну гьацӀ Омрийин тереф вуйи. 22Амма Омрийин терефкрарин гуж Гинатдин бай Тивнийин терефкраринтӀан артухъ гъабхьнийи. Ва Тивни талаф гъахьнийи, хъа Омри паччагь гъахьнийи.
Омри – Израилин паччагь
23Ягьудайин паччагь Асайин паччагьвалин вахтнан сумчӀурна садпи йисан Омри Израилин паччагь гъахьнийи. Дугъу йицӀикьюд йисан паччагьвал гъапӀнийи, дурарикан йирхьуд йисан – Тирцайиъ. 24Дугъу Семерихьан кьюб талант арснахъ#16:24 Кьюб талант: тахминан 72 килограмм. тепе масу гъадабгънийи ва душвʼин шагьур дивнийи. Дугъу думу шагьриз Самария кӀуру ччвур тувнийи – тепейин муганайиздин эйси Семерин ччвурнахъди хъабалгну.
25Омрийи РАББИЙИН уларикк писвал ва дугъан улихьна гъахьидарикан фунуритӀан артухъ гунагь шлу ляхнар апӀуйи. 26Бутарихьна илтӀикӀувалиинди, Наватдин бай Яравамдин вари рякъяриъди гъягъюри ва Израил гунгьиз ял апӀури, дугъу РАББИЙИН, Израилин Заанурин, хъял гъизмиш апӀуйи.
27Омрийин паччагьвалин вахтнан жара гьядисйирикан, дугъан гьунарарикан ва дугъу гъапӀу вари ляхнарикан «Израилин паччгьарин тарихарин китабдиъ» дибикӀна. 28Омри чан архйирихъди фаракьат гъахьнийи ва Самарияйиъ накьвдик кивнийи. Дугъан ерина паччагь дугъан бай Ахав гъахьнийи.
Ахав – Израилин паччагь
29Ягьудайин паччагь Асайин паччагьвалин вахтнан сумчӀурна миржидпи йисан Омрийин бай Ахав Израилин паччагь гъахьнийи, ва дугъу Самарияйиъ къанна кьюд йисан Израилин паччагьвал гъапӀнийи. 30Омрийин бай Ахавди РАББИЙИН уларикк дугъаз улихьна гъахьидарикан фунуритӀан артухъ писвал гъапӀнийи. 31Наватдин бай Яравамди гъапӀу гунагь шлу ляхнар Ахавдиз цӀибди гъяркънийи. Дугъу сидонарин паччагь Этбаалин риш Изавел хпирдира гъадагънийи ва Баализ#16:31 Баал: ханаанарин кӀулин бут, чаз кюгьне вахтари ханаанари ибадат апӀури гъахьи завар рахбан бут. Думу гафнан мяна – «агъа, эйси». гъуллугъ ва ибадат апӀуз хъюгънийи. 32Дугъу чав Самарияйиъ тикмиш гъапӀу Баалин ибадатханайиъ Баализ гъурбан апӀрушв дивнийи. 33Гьацира Ахавди Ашерайин мурхьлар дивуйи. Дугъу чаз улихьна вуйи Израилин вари паччгьаритӀан артухъ РАББИЙИЗ, Израилин Заануриз, хъял гъюруб апӀуйи.
34Ахавди паччагьвал апӀурайи вахтна Бет-Элиан вуйи Хиэли Ерихон шагьур цӀийикӀултӀан тикмиш гъапӀнийи. Нундин бай Гьисайин мелзналан РАББИЙИ гъапи гафниинди#16:34 Нундин бай Гьисайин мелзналан РАББИЙИ гъапи гафниинди: Муса пайгъамбрихъна регьбер гъахьи Нундин бай Гьисайи, Ерихон шагьур шли цӀийикӀултӀан тикмиш апӀури гъахьиш, думу чан баярихъ мягьрум шлуваликан улихь ккимиди гъапнийи. думу, шагьрин бина дивруган, чан сарпи балихъ ва, урнар дивруган, чан бицӀину бай Сегувдихъ мягьрум гъахьнийи.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023