Паччагьлугъар-3 10
10
Шевайин паччагь-дишагьли Сулеймандихьна гъюб
1Шевайин паччагь-дишагьлийиз РАББИЙИН ччвурнан аднакан ва Сулеймандикан гъеебхьиган, думу Сулеймандихьна думу читин суаларихъди ахтармиш апӀуз гъафнийи. 2Ерусалимдиз чахъди гизаф кьадар гъаравашар, хураг хуш даднан апӀру шейʼар, гизаф кьадар гъизил ва багьалу гъванар али девйир хъади дуфну, думу Сулеймандихьна гъафнийи ва дугъахъди чан кӀваъ айибдикан варибдикан гафар-чӀалар гъапӀнийи. 3Сулейманди дугъан вари суалариз жавабар тувнийи: паччагьдиз думукьан читниб, думу гъаврикк ккауз даршлуб адайи. 4Шевайин паччагь-дишагьлийиз Сулеймандин вари аьяндарвал ва дугъу тикмиш гъапӀу гъала, 5дугъан суфрайиин али хурагар, багахь хьайидар яшамиш шулайишвар, гъаравашари хъайивал апӀбан саягъ, дурари алабхьнайи палат, чяхир убзрудар ва РАББИЙИН Хулаъ паччагьди апӀру вариубгбан гъурбнар гъяркъиган, дугъан гъах гъахьнийи.
6Дугъу паччагьдиз гъапнийи:
– Яв ляхнарикан ва аьяндарваликан йиз уьлкейиъ узуз гъеебхьу аваза гьякь ву, 7амма, гьамина узу гъяйиз ва йиз улариз гьаму рябкъяйиз, узу авазайихъ хъугъурдайза. ВуйиштӀан, узуз гьацӀра ктибтундайи: яв аьяндарвал ва девлет узуз гъеебхьу авазайиътӀан гизаф зина ву. 8Гизаф бахтаврар ву яв инсанар! Яв багахь хьайи гъаравашар, гьарган яв улихь дийигънайидар ва яв аьяндарвалихъ хъпехъурайидар гизаф бахтаврар ву! 9Шюкюр ишри РАББИЙИЗ, яв Заануриз, увʼин рази вуйириз ва уву Израилин тахтниин дитуриз! Израилихьна РАББИЙИН даима ккунивализ лигну Дугъу увкан, дугъриди ва гьякьлуди паччагьвал апӀбан бадали, паччагь гъапӀну.
10Дугъу паччагьдиз варжна къаб талант#10:10 Варжна къаб талант: тахминан 5 тонн. гъизил, гизаф кьадар хураг хуш даднан апӀру шейʼар ва багьалу гъванар пешкеш гъапӀнийи. Думуган Шевайин паччагь-дишагьлийи Сулеймандиз пешкеш гъапӀубкьан булди хураг хуш даднан апӀру шейʼар сарун затра дина гъахундайи.
11Гьацира Офириан гъизил хьади гъафи Хирамандин гимйири душвʼан гизаф кьадар уьру гакӀул ва багьалу гъванар гъахнийи. 12Паччагьди уьру гакӀвликан РАББИЙИН Хулаз ва паччагьдин гъалайиз мурхьлар, хъа гьацира мукьмар йиврудариз арфйир ва лирйир#10:12 Арфйир ва лирйир: мукьмар йивру алатар. гъапӀнийи. Я думугандиз, я гъийин йигъазкьан дина дициб кьадар уьру гакӀул саб вахтнара гъабхундайи.
13Паччагьди Шевайин паччагь-дишагьлийиз, паччагьдин жумартвалиан пешкеш гъапӀубтӀан савайи, дугъу чав ккун гъапӀуб ва дугъаз ккун гъабхьиб вари пешкеш гъапӀнийи. Хъасин думу чахъ хъайи адмийирихъди чан уьлкейиз кьяляхъ гъушнийи.
Сулеймандин девлет ва гурлувал
14Сулейманди гьарсад йисан гъадабгъру гъизил гъагъ гьисабнаъди йирхьуд варжна йирхьцӀурна йирхьуб талант#10:14 Йирхьудваржна йирхьцӀурна йирхьуб талант: тахминан 23 тонн. вуйи, 15алверчйирихьан ва севдиграрихьан, Аравияйин вари паччгьарихьан ва уьлкейин сардрарихьан гъюру гъазанж ктарди.
16Сулейман паччагьди гъубччву гъизиликан кьюдварж аьхю гъалхан гъапӀнийи, дурарикан гьарсабдиз йирхьудварж шекел#10:16 Йирхьудварж шекел: тахминан 7 килограмм. гъизил харж гъабхьнийи. 17Хъана дугъу гъубччву гъизиликан шубудварж бицӀи гъалхан гъапӀнийи, дурарикан гьарсабдиз шубуб мина#10:17 Гьарсабдиз шубуб мина: тахминан килограмна гьацӀ. гъизил харж гъабхьнийи. Паччагьди гъалхнар Ливандин ярквран гъалайиъ дивнийи.
18Хъана паччагьди филин кӀурбарихъди ва марцци гъизилихъди дабалгнайи зурба тахт гъапӀнийи. 19Тахтнакк йирхьуб умбур ккайи, хъа кьял хъабхърушв зиихъинди гергми шулайи. Деърушван кьюбиб терефариъра хъуршлар диврушвар айи, ва дурарин гьарсабдин багахь са-саб кадаънайи аслан дийигънайи. 20Йирхьуб умбрихъ йицӀикьюб аслан дийибгънайи – гьарсаб умбрин гьарсаб терефнахъ са-саб. Саб вахтнара думу тахтназ ухшар вуйиб гьич саб жара паччагьлугъдиъ гъапӀундайи.
21Сулейман паччагьдин вари убхъруб убзру гъабар гъизилиндар вуйи, ва Ливандин гъалайиъ айи вари гъаб-гъажагъра марцци гъизиликан дапӀнайиб вуйи. Арснануб фукӀа адайи, гьаз гъапиш Сулеймандин вахтна арсназ кьимат тувурдайи.
22Гьюлʼин Хирамди туву гимйиртӀан савайи, Сулеймандин Таршиш жюрейин гимйир#10:22 Таршиш жюрейин гимйир: ярхлаз гъягъюз ва гизаф вахтна шитʼин гъузуз шлу гимйир. алийи. Шубуд йисак саб ражну гимйир гъизил, арс, филарин кӀурбар, маймнар ва тӀавус гъушар хьади кьяляхъ гъюйи.
23Сулейман паччагь девлетниинди ва аьяндарвалиинди жилиин али вари паччгьартӀан зина вуйи. 24Заанури дугъан кӀваъ ивнайи аьяндарвалихъ хъпехъбан бадали, жилиин алидариз варидариз Сулеймандихъди гюрюш хьуз ккундийи. 25Гьарсар гъюрури пешкешар хуйи – арснакан ва гъизиликан дапӀнайи шейʼар, палтар, яракь ва хуш даднан шейʼар, гьяйвнар ва гъятирар, ва гьаци йисʼан йисаз.
26Сулейманди чан гьяйвнар ккитӀнайи дявдин фургънарин ва гьяйвнарин кьадар артухъ апӀуйи. Дугъан агъзурна юкьуд варж гьацдар фургънар ва йицӀикьюд агъзур гьяйван айи, дурар фургънарин шагьрариъ ва чахь, Ерусалимдиъ, уьрхюйи. 27Дугъу паччагьвал апӀру вахтна Ерусалимдиъ арсназ аьдати гъванаризтӀан артухъ кьимат тувурдайи, хъа кедр гьадмукьан гизаф айики, Ягьудайин дагъларин улихь йишваъ инжилин гьараркьан. 28Сулеймандиз гьяйвнар Египетдиан ва Кувайиан хуйи, паччагьдин севдиграри дурар Кувайиъ масу гъадагъуйи. 29Гьяйвнар ккитӀнайи дявдин фургъун Египетдиан йирхьуд варж шекел#10:29 Йирхьудварж шекел: тахминан 7 килограмм. арснахъ, хъа гьяйван – варжна хьуцӀурихъ#10:29 Варжна хьуцӀурихъ шекел: тахминан 2 килограмм. масу гъадагъуйи. Гьацира паччагьдин севдиграри дурар хеттарин ва арамарин вари паччгьариз хуйи.
Currently Selected:
Паччагьлугъар-3 10: ТабГК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023
Паччагьлугъар-3 10
10
Шевайин паччагь-дишагьли Сулеймандихьна гъюб
1Шевайин паччагь-дишагьлийиз РАББИЙИН ччвурнан аднакан ва Сулеймандикан гъеебхьиган, думу Сулеймандихьна думу читин суаларихъди ахтармиш апӀуз гъафнийи. 2Ерусалимдиз чахъди гизаф кьадар гъаравашар, хураг хуш даднан апӀру шейʼар, гизаф кьадар гъизил ва багьалу гъванар али девйир хъади дуфну, думу Сулеймандихьна гъафнийи ва дугъахъди чан кӀваъ айибдикан варибдикан гафар-чӀалар гъапӀнийи. 3Сулейманди дугъан вари суалариз жавабар тувнийи: паччагьдиз думукьан читниб, думу гъаврикк ккауз даршлуб адайи. 4Шевайин паччагь-дишагьлийиз Сулеймандин вари аьяндарвал ва дугъу тикмиш гъапӀу гъала, 5дугъан суфрайиин али хурагар, багахь хьайидар яшамиш шулайишвар, гъаравашари хъайивал апӀбан саягъ, дурари алабхьнайи палат, чяхир убзрудар ва РАББИЙИН Хулаъ паччагьди апӀру вариубгбан гъурбнар гъяркъиган, дугъан гъах гъахьнийи.
6Дугъу паччагьдиз гъапнийи:
– Яв ляхнарикан ва аьяндарваликан йиз уьлкейиъ узуз гъеебхьу аваза гьякь ву, 7амма, гьамина узу гъяйиз ва йиз улариз гьаму рябкъяйиз, узу авазайихъ хъугъурдайза. ВуйиштӀан, узуз гьацӀра ктибтундайи: яв аьяндарвал ва девлет узуз гъеебхьу авазайиътӀан гизаф зина ву. 8Гизаф бахтаврар ву яв инсанар! Яв багахь хьайи гъаравашар, гьарган яв улихь дийигънайидар ва яв аьяндарвалихъ хъпехъурайидар гизаф бахтаврар ву! 9Шюкюр ишри РАББИЙИЗ, яв Заануриз, увʼин рази вуйириз ва уву Израилин тахтниин дитуриз! Израилихьна РАББИЙИН даима ккунивализ лигну Дугъу увкан, дугъриди ва гьякьлуди паччагьвал апӀбан бадали, паччагь гъапӀну.
10Дугъу паччагьдиз варжна къаб талант#10:10 Варжна къаб талант: тахминан 5 тонн. гъизил, гизаф кьадар хураг хуш даднан апӀру шейʼар ва багьалу гъванар пешкеш гъапӀнийи. Думуган Шевайин паччагь-дишагьлийи Сулеймандиз пешкеш гъапӀубкьан булди хураг хуш даднан апӀру шейʼар сарун затра дина гъахундайи.
11Гьацира Офириан гъизил хьади гъафи Хирамандин гимйири душвʼан гизаф кьадар уьру гакӀул ва багьалу гъванар гъахнийи. 12Паччагьди уьру гакӀвликан РАББИЙИН Хулаз ва паччагьдин гъалайиз мурхьлар, хъа гьацира мукьмар йиврудариз арфйир ва лирйир#10:12 Арфйир ва лирйир: мукьмар йивру алатар. гъапӀнийи. Я думугандиз, я гъийин йигъазкьан дина дициб кьадар уьру гакӀул саб вахтнара гъабхундайи.
13Паччагьди Шевайин паччагь-дишагьлийиз, паччагьдин жумартвалиан пешкеш гъапӀубтӀан савайи, дугъу чав ккун гъапӀуб ва дугъаз ккун гъабхьиб вари пешкеш гъапӀнийи. Хъасин думу чахъ хъайи адмийирихъди чан уьлкейиз кьяляхъ гъушнийи.
Сулеймандин девлет ва гурлувал
14Сулейманди гьарсад йисан гъадабгъру гъизил гъагъ гьисабнаъди йирхьуд варжна йирхьцӀурна йирхьуб талант#10:14 Йирхьудваржна йирхьцӀурна йирхьуб талант: тахминан 23 тонн. вуйи, 15алверчйирихьан ва севдиграрихьан, Аравияйин вари паччгьарихьан ва уьлкейин сардрарихьан гъюру гъазанж ктарди.
16Сулейман паччагьди гъубччву гъизиликан кьюдварж аьхю гъалхан гъапӀнийи, дурарикан гьарсабдиз йирхьудварж шекел#10:16 Йирхьудварж шекел: тахминан 7 килограмм. гъизил харж гъабхьнийи. 17Хъана дугъу гъубччву гъизиликан шубудварж бицӀи гъалхан гъапӀнийи, дурарикан гьарсабдиз шубуб мина#10:17 Гьарсабдиз шубуб мина: тахминан килограмна гьацӀ. гъизил харж гъабхьнийи. Паччагьди гъалхнар Ливандин ярквран гъалайиъ дивнийи.
18Хъана паччагьди филин кӀурбарихъди ва марцци гъизилихъди дабалгнайи зурба тахт гъапӀнийи. 19Тахтнакк йирхьуб умбур ккайи, хъа кьял хъабхърушв зиихъинди гергми шулайи. Деърушван кьюбиб терефариъра хъуршлар диврушвар айи, ва дурарин гьарсабдин багахь са-саб кадаънайи аслан дийигънайи. 20Йирхьуб умбрихъ йицӀикьюб аслан дийибгънайи – гьарсаб умбрин гьарсаб терефнахъ са-саб. Саб вахтнара думу тахтназ ухшар вуйиб гьич саб жара паччагьлугъдиъ гъапӀундайи.
21Сулейман паччагьдин вари убхъруб убзру гъабар гъизилиндар вуйи, ва Ливандин гъалайиъ айи вари гъаб-гъажагъра марцци гъизиликан дапӀнайиб вуйи. Арснануб фукӀа адайи, гьаз гъапиш Сулеймандин вахтна арсназ кьимат тувурдайи.
22Гьюлʼин Хирамди туву гимйиртӀан савайи, Сулеймандин Таршиш жюрейин гимйир#10:22 Таршиш жюрейин гимйир: ярхлаз гъягъюз ва гизаф вахтна шитʼин гъузуз шлу гимйир. алийи. Шубуд йисак саб ражну гимйир гъизил, арс, филарин кӀурбар, маймнар ва тӀавус гъушар хьади кьяляхъ гъюйи.
23Сулейман паччагь девлетниинди ва аьяндарвалиинди жилиин али вари паччгьартӀан зина вуйи. 24Заанури дугъан кӀваъ ивнайи аьяндарвалихъ хъпехъбан бадали, жилиин алидариз варидариз Сулеймандихъди гюрюш хьуз ккундийи. 25Гьарсар гъюрури пешкешар хуйи – арснакан ва гъизиликан дапӀнайи шейʼар, палтар, яракь ва хуш даднан шейʼар, гьяйвнар ва гъятирар, ва гьаци йисʼан йисаз.
26Сулейманди чан гьяйвнар ккитӀнайи дявдин фургънарин ва гьяйвнарин кьадар артухъ апӀуйи. Дугъан агъзурна юкьуд варж гьацдар фургънар ва йицӀикьюд агъзур гьяйван айи, дурар фургънарин шагьрариъ ва чахь, Ерусалимдиъ, уьрхюйи. 27Дугъу паччагьвал апӀру вахтна Ерусалимдиъ арсназ аьдати гъванаризтӀан артухъ кьимат тувурдайи, хъа кедр гьадмукьан гизаф айики, Ягьудайин дагъларин улихь йишваъ инжилин гьараркьан. 28Сулеймандиз гьяйвнар Египетдиан ва Кувайиан хуйи, паччагьдин севдиграри дурар Кувайиъ масу гъадагъуйи. 29Гьяйвнар ккитӀнайи дявдин фургъун Египетдиан йирхьуд варж шекел#10:29 Йирхьудварж шекел: тахминан 7 килограмм. арснахъ, хъа гьяйван – варжна хьуцӀурихъ#10:29 Варжна хьуцӀурихъ шекел: тахминан 2 килограмм. масу гъадагъуйи. Гьацира паччагьдин севдиграри дурар хеттарин ва арамарин вари паччгьариз хуйи.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2010, 2013, 2016, 2018, 2023