Paunakte 13
13
1Tapa pil in a pa lamlahna thusim a,
mi simmawhte in ahileh taihilhna a ngai kei uh hi.#Pn 12:1
2 Mihing in a muk gah pana na hoihte nopsakpih a,
mi muanhuai lote in ahileh ngongtatna bek nuam sa uh hi.
3 A kam a kem zote a nuntakna kem hi-a,#Pn 10:6
a mawk paute ahileh a kisia ding hi.#Job 1:22
4 Thadah mi in lunggulh mahmah napi bangmah ngah lo a,#Pn 21:25-26
thanuamte deihna ahileh cingtakin kipia hi.
5 Thumaante in zuauthu mudah a,#Ph 119:128
migilo in ahileh maizumna le mindaina a tun hi.
6 Thumaanna in a citak mi cinga,
gitlohna in mimawhpa a lawnthal hi.#Pn 11:3
7 Mi khat zawng napi ahau kineih om a,#Kil 3:17
mi dang khat hau mahmah napi, a zawng kineih om hi.#2Co 6:10
8 Mi khat a hauhna in a nuntakna tankhia thei a,
mizawng khat in ahileh a kitawnna kam a za kei hi.#Pn 15:16
9 A thumaante’ khuavak tangpha a,
migilote’ meivak ahileh kisumit hi.#Job 18:5
10 Kisaktheihna in kitotna bek piangsak a,#Pn 10:2
pilna ahileh mi ngaihsutpihna a sang thei mi sungah kimu hi.
11 A maan lo sum kiamkiam a,
tawmtawma kholte’ sum khangkhang hi.
12 A tungpak lo lametna in lungsim nasak a,
lunggulhna tangtunna ahileh nuntakna singkung ahi hi.#Pn 10:11
13 Lamlahna a simmawh mi in thuak dinga,#Ms 15:31
thupiakna a zahtak mi ahileh pahtakman kipia hi.
14 Mipilte hilhna in nuntakna tuikhuk hi-a,#Pn 10:11
sihna thang panin mi khat kipelhsak hi.#Pn 14:27
15 Theihtelna hoih in angvanna lawhtak a,
muanhuai lohna lampi ahileh haksa c#13.15 Ahikeh muanhuai lohna a kip nei hi hi.
16 A kidawm thei mi peuhmah theihna tawh gamta a,
mihai in ahileh a haina pholak hi.
17 Migilo kamtaipa in buaina tuak a,#Pn 10:26
a muantak palai in damna a puak hi.#Pn 25:13
18 Sektatna a awlmawh lo mi tungah zawnna le maizumna tunga,#Pn 1:7
puahphat ding a thudon peuhmah kipahtawi hi.
19 Lunggulhna tangtutna in lungtaina hi-a,#Pn 10:11
mihaite in ahileh gitlohna kiheisan ding kih uh hi.
20 A pilte tawh kikhawlte pil a,
mihaite kithuahpihpa in natna thuak hi.#2Kh 10:8
21 Kamsiatna in mimawhpa delh a,#2Sa 3:39
daupaina ahileh a thumaante’ pahtakman ahi hi.#Ph 32:10
22 Mi hoihpa in a tate’ tate gouluah ding nusiat a,
mawhneipa hauhna ahileh a thumaan mi adingin kikhol hi.#Est 8:2
23 Mizawngpa lo ah an tampi piang thei a,
ahi hangin thutan lohna in a siakmang hi.
24 Ciangduai a zang lo mi a tapa mudah hi-a,#2Sa 7:14
a tapa a it mi in limtakin sek hi.
25 A thumaante in a lungkim zah ne a,
migilote ahileh gilkial uh hi.
Currently Selected:
Paunakte 13: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission