Popular Bible Verses from Paunakte 13

Share

A pilte tawh kikhawlte pil a, mihaite kithuahpihpa in natna thuak hi.

A kam a kem zote a nuntakna kem hi-a, a mawk paute ahileh a kisia ding hi.

Ciangduai a zang lo mi a tapa mudah hi-a, a tapa a it mi in limtakin sek hi.

A tungpak lo lametna in lungsim nasak a, lunggulhna tangtunna ahileh nuntakna singkung ahi hi.

Thumaanna in a citak mi cinga, gitlohna in mimawhpa a lawnthal hi.

A maan lo sum kiamkiam a, tawmtawma kholte’ sum khangkhang hi.

Kisaktheihna in kitotna bek piangsak a, pilna ahileh mi ngaihsutpihna a sang thei mi sungah kimu hi.

Mi hoihpa in a tate’ tate gouluah ding nusiat a, mawhneipa hauhna ahileh a thumaan mi adingin kikhol hi.

Tapa pil in a pa lamlahna thusim a, mi simmawhte in ahileh taihilhna a ngai kei uh hi.

Sektatna a awlmawh lo mi tungah zawnna le maizumna tunga, puahphat ding a thudon peuhmah kipahtawi hi.