Isaiah 56
56
Midangte ading Hotkhiatna
1TOPA gen hih ahi hi:
"Ka hotkhiatna nai mahmah ta a,#Ph 85:9
ka thumaanna hong kilaak pah ding ahi manin#Jer 23:6
thutang zang unla#Isa 1:17
amaanin gamta un.#Isa 26:8
2 Hih bangin gamta in hih thu lenkip a,
Sabbath siasak loin tang a,#Pk 20:8,10
gitlohna bawl lo dingin a khut a kem zote
thupha ngah ahi hi," a ci hi.#Ph 119:2
3 Ama thu-a TOPA a pawl gamdang mipa in,#Pk 12:43
"TOPA in a mite panin kei hong khenkhia taktak ding hi," ci kei hen.#Tp 23:3
Tuateh cilgeh khatpeuh in,#Ns 8:27
"Kei singkungkeu hi lel ing," ci-in phun kei hen.
4 Ahang in, TOPA gen hih ahi hi:
"Ka Sabbath tangin
ka lungkimna tel a,
ka thukhun a kiplet cilgehte -#Pk 31:13
5 amaute tungah ka biakinnpi sung le a kawmte tungah
tanute le tapate sanga a hoihzaw
phawkdenna le minte ka pia ding hi.
Amaute tungah a mang nawn lo ding
a kip tawntung min ka pia ding hi.
6 Tua ciangin ama nasem ding, TOPA min a it ding,
amah a bia ding,
Sabbath tangin a siasak lo ding,
ka thukhun a kiplet,
TOPA pawlin
a beel gamdang mite -#Isa 60:7,10; 61:5
7 tuate ka mualsiangtho ah ka paipih dinga,#Isa 2:2
ka thungetna inn sungah ka lungnuamsak ding hi.
Ka inn minam khempeuh thungetna inn
a kicih nadingin,
amaute meihal biakna le a biakpiaknate uh#Ro 12:1; Heb 13:15
ka biakna-tau tungah a kisang ding hi," a ci hi.#Mt 21:13*; Mk 11:17*
8 Thupipen TOPA -
a kikhenthang Israel-te a kaikhawmpa in:
"A kikaikhawmsa banah a omlaite
amaute kiangah ka kaikhawm lai ding hi," a ci hi.#Isa 11:12; Jn 10:16
Migilote, Pasian’ Mawhsakna
9 Lo sunga om ganhing khempeuh hong pai un,#Jer 12:9
tulaka om ganhing khempeuh hong pai unla nawmvalh un!
10 Israel galvilte a mit uh taw a,
amaute khempeuh in bangmah a thei kei uh hi;
amaute khempeuh a ham thei lo ui hi uh a,
a tawng thei kei uh hi;
lup bek si uh a,
mang manmanin ihmut nuamsa uh hi.#Na 3:18
11 An a hai mahmah uite hi uh a,
kham hun a nei kei uh hi.
Amaute, theihtelna a nei lo tuucingte ahi uh hi;#Isa 1:3
a vekun amau tum ciatin pai uh a,#Isa 53:6
amau met nading a zong ciat uh hi.
12 Amaute in, "Hong pai un, zu kong lup ding hi!
I gilpi dimin zucil dawn ni.#Sp 10:9
Zing ciang pen tuni mah bang dinga#Lk 12:18-19
nuamzaw lai tham ding hi," ci uh hi.
Currently Selected:
Isaiah 56: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission