Isaiah 57
57
1Thumaante mangthang napi,
a lungsima ngaihsun kuamah a om kei hi;#Isa 42:25
a thutak mite kilamang napi,
siatna panin
a kihemkhia ahilam
kuamah in a tel kei hi.
2 Thutanga kalsuante
lemna ah lut uh a;
a sih uh ciangin khawlna a mu uh hi.#Da 12:13
3 "Ahi hangin no numei aisante’ tapate angkawm le kizuakte suan le khakte aw,
hih lai-ah hong pai un!#Isa 1:21
4 Kua ciamnuih na hi uh hiam?
Kua zahnuihsanin kamka in
kua leiiphensan na hi uh hiam?
Note a lehdote’ tate,
zuauphuakte’ suan le khakte hi lo na hi uh hiam?
5 Tehno kungte lak le singhiang nuai tengah
numei pasal kilunggulhna-in na kangtum uh a;#2Ku 16:4
kuam thukpi sung le suanghawm sungah
na tate uh kithoihna-in na nei uh hi.#Sp 18:21
6 Kuam sunga suangmaite note tanh milimte ahi hi;
amaute diakdiak no aituam ahi hi.#Jer 3:9
Hihi, tuate tungah dawntheih biakna na sung in,
an-a biakna na pia uh hi.
Hih nate hangin ka lungsim khiam tuan ding ka hi hiam?#Jer 5:9,29
7 Munsangna le mual sangpi ah na lupna na bawl a;#Jer 3:6
tua lai-a paito in kithoihna na pia hi.#Jer 13:27
8 Kongkhakte le kongkhak mungte liah ah
na dawibiakna limte na koih hi.
Kei hong nusia-in na lupna na hawkkhia a,
a tungah kahto in zapi-in na hong hi;
a lupna na itte tawh thukimna na bawl a,
amaute guaktang hihna na mitsuan hi.#Eze 23:18
9 Olive thau kengin Molech a#57.9 Ahikeh kumpipa tungah ah na pai a,#1Ku 11:5
na paknamtuite na kinuh phapha hi.
Na tangmite b#57.9 Ahikeh milimte gamlapi ah na sawl a,#Eze 23:16,40
hankhuk c#57.9 Hebrew in Sheol dongah na tuaksuk hi!#Isa 8:19
10 Na paina lampi teng hangin na gima,
ahi hangin, ‘Lametna bei ta hi’ na ci kei hi.#Jer 2:25; 18:12
Na hatna uh na thaksak kik uh a,
tuaci-in na bah kei uh hi.
11 "Kei tunga na khialh nading,
nong mangngilh nading le na lungsim nangawna#Isa 42:23
nong ngaihsut lohna zah dong dingin#Jer 2:32; 3:21
lau a na kihtak kua ahi hiam?#Pn 29:25
Daitaka sawtveipi ka om manin#Ph 50:21
kei hong kihta lo hilo na hi hiam?
12 Na thumaanna le na nasepnate kipholaak dinga,#Isa 29:15; Mic 3:2-4,8
na phattuampih kei ding hi.
13 Huhna ngenin na kiko ciangin
na kaihkhop milimte kihonsak ve!
Tuate khempeuh huih in len khiamang dinga
husan bek in tuate a mutmang ding hi.#Isa 40:7,24
Ahi hangin kei hong beel mi-in#Ph 118:8
leitang luah dinga#Ph 37:9
ka mual siangtho a nei ding hi.#Isa 65:9-11
Lunggimte Hehnepna
14 "Zik un, zik un, lampi sial un!
Ka mite’ lampi a khakte hemkhia un,"
kici ding hi.
15 Ahang in, a sang, a sangpen Pa -#Isa 52:13
a nungta tawntung ama min siangthopa gen hih ahi hi:#Tp 33:27
"A sangna le a sianthona munah ka tenga,#Job 16:19
ahi hangin lungsim niamte le
lunggimte a lungkhauhsak dingin#Ph 34:18; 51:17; 147:3
a lungsim niamte le a lunggimte tawh ka tengkhawm hi.#Isa 61:1
16 Mihing huu ka piansaksa hi a -#Pc 2:7
ka mai-ah mihing lungsim gim ding ahi manin
ka mawhsak suak kei dinga,
ka heh tawntung kei ding hi.
17 Ama huaiham mawhna hangin ka heh lua-a;#Isa 56:11
amah dan thuaksakin hehin ka lehngatsan hangin,#Isa 1:15
ama nopsak bangin a gamta veve hi.#Isa 1:4
18 Ama lampi ka muh khit hangin amah ka damsak ding hi;#Isa 30:26
amah lam ka hilh dinga hehnem in,#Isa 61:1-3
19 a thum Israel-te muk panin phatna ka piangsak ding hi.
Lemna, a nai a gamla-a omte tungah lemna,"#Ns 2:39; Eph 2:17
TOPA in ci a, "Amaute ka damsak ding hi," a ci hi.
20 Ahi hangin migilote, khawl hun nei lo,
tuipi kilok tuihual in#Job 18:5-21
nin le buan a laptoh tawh kibang uh hi.#Ph 69:14
21 "Migilote adingin lungnopna a om kei hi," ka Pasian in a ci hi.
Copyright 1994 Zomi Center for World Mission