Hebrews 13
13
Hanthawnna tawh Thukhupna
1Sanggam bangin khat le khat ki-it tawntung un. 2 Mikhualte zindo ding mangngilh kei un; tua banga a hih pawlkhatte in a theih loh kalun van sawltakte a zindo uh ahi hi. 3 Thongkiate tawh a kiakhawm bang le bawlsiatna a thuakte tawh nang mahmah a thuak khawm bangin amaute na phawk den un.#Ro 12:10
4 Numei-pasal paktatnate khempeuh le angkawmte tungah Pasian in thu khen ding ahi manin, mi khempeuh in, kitenna pahtawi-in nupa lupna siangthosak uh hen. 5 Pasian in,#Mal 2:15
"Nang kong nusia kei dinga nang kong taisan ngei kei ding hi," e#13.5 Tp. 31:6
ci ahi manin sum iplahluatna panin kikem unla, na neih zahzah uh tawh lungkim un.
6 Tua ciangin eite in kimuangtakin,
"Topa in kei hong huhpa hi; ka lau kei ding hi,
mihing in kei bang hong cih thei ding ahi hiam? f#13.6 Ph. 118:6,7 ci hi.
7 Note tunga Pasian thu hong gen na makaite uh phawk gige un. Amaute nuntakzia pana hong piangkhiate ngaihsun unla, amau upna etteh un. 8 Jesu Christ zanni tuni le a tawntungin kibang den hi.#Ph 102:27; 1Co 16:16
9 Thuhilhna tuamdangte khempeuh na kipimangsak kei un. A nete adingin kimanna a nei lo biakna ngeina ante sangin, hehpihna hanga a kithakhauhsak i lungtangte adingin a hoih hi. 10 Eite in biakbuk sunga nasemte in a nek theih lohna biakna-tau khat i nei hi.#Eph 4:14
11 Tulpi in, mawhna hanga biakna-in Mun Siangtho Pen ah gante sisan paipih hi; ahi hangin a luangte giahphual pualamah kihal hi. 12 Tua mah tawh kibangin Jesu in, ama sisan tungtawnin mite a siangthosak nadingin khuapi pualam ah thuak khin zo hi. 13 Tua ahi ciangin ama thuak maimawkna thuak dingin giahphual pua ama kiangah pai ni. 14 Ahang in, hih lai-ah a om den ding khuapi i nei kei a, ahi hangin hong tung ding khuapi i zong hi.
15 Tua ahi manin Pasian tungah Jesu tungtawna phatna biakpiakna-a ama min a lo mukte gah pia tawntung ni. 16 A hoih sep ding le midangte hop ding mangngilh kei ni; tua bang biakpiaknate tawh Pasian kilungkimsak hi.#Ro 12:13; 1Pe 2:5
17 Na makaite uh thu mangin amau thuneihna ah ki-ap un. Amaute nasepna a pulak pelmawh ding mi bangin note hong vil uh ahi hi. Amau nasepnate ah vangik suak lo a, lungnopna a suah nadingin amaute thu na mang un; tua hi kei leh no adingin phatuam lo ding hi.#Ns 20:28
18 Ko ading thu hong ngetsak un. Lungsim kisuantakna nei lo le lam khempeuh ah pahtawitaka nuntak ding ka lunggulh lam uh ka telcian uh hi. 19 A diakdiakin note kianga kong pai kik theih baih nading thu nong ngetsak ding uh kong thum hi.#1Th 5:25
20 Tawntung thukhun sisan tungtawn in a lian Tuu cingpa i Topa Jesu misi pana a thosak tua lemna Pasian in, 21 ama deihna sep nadingin a hoih na khempeuh note hong guanin Jesu Christ tungtawnin eite sungah ama lungkimna bangbangin hong sem henla ama tungah a tawntungin minthanna om den ta hen. Amen.#2Co 9:8; Php 2:13
22 Sanggamte aw, laikhak tomno khata kong gelh ahi manin kong hanthawnnate nong thuakzawh ding uh kong thum hi.
23 I sanggampa Timothy kikhah khia zo, cih na theih ding uh ka deih hi. Amah hong tun baih leh no tawh kimu dingin kong paikhawm ding uh hi.
24 Na makaite khempeuh uh le Pasian mite khempeuh na hopihsak un. Italy pana mite in hong hopihna uh hong khak uh hi.
25 Note khempeuh tawh hehpihna om ta hen.
Currently Selected:
Hebrews 13: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission