James 1
1
1Pasian le Topa Jesu Christ nasem keimah James in,
Minamte lakah kithehthang beh sawm-le-nihte:#Ns 26:7
Kong hopih hi.
Zia-etna le Khemna
2 Ka sanggamte aw, zia-etna a tuam tuam na thuak uh ciangin nuamna takpi-in na ngaihsun un. 3 Bang hang hiam cih leh upna hong kizia-et ciangin sikdona khangsak zaw hi, cih na thei uh hi. 4 Bangmah kisam loin picingin na kicin nadingun sikdona in no tungah na a sep khit pelmawh kul hi, cih na thei uh hi. 5 Note lakah pilna kisam khatpeuh a om leh, kuamah tai lo-a cingh taka a pia pa Pasian kiangah ngen leh amah kipia ding hi. 6 Ahi hangin a nget ciangin lunghei nei loin a up pelmawh kisam hi. Bang hang hiam cih leh a lunghei neite, huih muta kilok tuipi hual tawh kibang hi. 7 Tua bang mi in Topa tung pan na khatpeuh ngah dingin kingaihsun kei hen. 8 Amah lungka mi hi-a, a hihna khempeuh ah kipna mel a nei lo mi ahi hi.#Mt 21:21; 1Pe 1:7
9 A nuntakna a niam sanggamte in a dinmun sang uh kisaktheihpih uh hen. 10 Ahi hangin a hau mi khatin, a dinmun niamna kisaktheihpih hen, bang hang hiam cih leh amah gamlak pakte bangin a mangthang ding hi. 11 Ahang in, ni suakin nakpi-in sa-a singno a kungkeu hi; a pakte pulh-a; a mel hoihna teng kisusia hi. Tua mah bangin a haute a sumbawl laitak nangawnun a vuaimang ding uh hi.#Mt 23:12
12 Zia-etna thuaka, a sikdo mi thupha ngah ahi hi. Bang hang hiam ci leh zia-etna a thuak zawh khit ciangin Pasian in amah a itte a kamciamsa nuntakna lukhu a ngah ding hi.#Pc 22:1; 1Pe 3:14
13 Amah a kizia-et ciangin kuamah in, "Pasian in kei hong zia-et hi," ci kei hen. Gitlohna-in Pasian kizia-et thei lo-a, amah in zong gitlohna tawh kuamah a zia-et kei hi; 14 ahi hangin mi khatpeuh ama gitloh lunggulhna in kai-a a zol ciangin zia-etna a thuak ahi hi. 15 Tua lunggulhna a gaii khit ciangin mawhna a suakkhia hi; mawhna a picin khit ciangin sihna a suak hi.#Pc 3:6; Job 15:35
16 Kong it sanggamte aw, mi khemsa-in om kei un. 17 A hoih le a bukim letsong peuhmah tunglam pan hi-a, vantung khuavakte’ Pa pana hong kipia ahi hi. Amah, niliimte banga a kilaihlaih hi lo hi. 18 Ama piansak khempeuh lakah a gahmasate i suah theih nadingin thutak thu tawh a suak dingin eite hong teel hi.#Ph 85:12; Jn 1:13
Zakna le Sepna
19 Kong it sanggamte aw, hih thu ciamteh un: A kuamah peuh thuzak ding manlang hen. Kampau ding le heh ding manlang kei hen. 20 Ahang in, mihing hehna in Pasian deih, a thumaan nuntakna a tun kei hi. 21 Tua ahi manin a kithangzat a kihhuai gamtatna khempeuh na tang un; note hong honkhia thei, note sunga kisuan thu lungnemin na sang un.#Eph 4:22
22 No le no kikhemin thu ngai lelte hi kei un. Thu banga a gamtate na hi un. 23 Mi khatpeuh in thu za napi in thu bangin a gamtat kei leh, a maitang limlangin en a, 24 a ki-et khit ciangin paikhia a, amah bang tawh kibang hiam cih a mang ngilhpahte tawh kibang ahi hi. 25 Ahi hangin suahtakna a pia thei a hoihkim thukham limtakin en-a, thu bangin gamta-a a zaksate mangngilh loin a sempah mi, ama sepna ah thupha kipia ding hi.#Ph 19:7; Mt 7:21
26 Mi khatpeuh, amah le amah biakna uukmi in kingaihsun napi, a leii a kep zawh kei leh amah le amah a kikhem suaka, ama biakna kimanna a om kei hi. 27 Eite Pa Pasian in khialhna nei lo le a sianga a san biakna in: tagahte le meigong numeite a lungdon ciangin don-a leitung nitsakna pana kikepna ahi hi.#Ps 34:13; Mt 25: 34-36
Currently Selected:
James 1: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission