Titus 2
2
Pawl Tuamtuamte Bang Hilh Pelmawh ding?
1Thu-up maan tawh kituakin hilh pelmawh in. 2 Pasal khanghamte a kidaam thei ding, zahtak baang ding, amau le amau ki-uk zo ding, upna, itna le thuakzawhna ah a kip nadingun hilh in.
3 Tua tawh kibangin numei khang hamte, amaute nuntakna ah zahtak baang ding, mi gensiat hat loin, zu hai lo ding, ahi hangin a hoih khempeuh a sinsak dingun hilh in. 4 Kuamah in Pasian thu a gensiat loh nading in, amaute in, nupilate in a pasalte uh le a tate uh a it ding, 5 amau le amau ki-uk thei ding uh a, siangthoin, innah manlahin, migi-in, a pasalte uh thu a man ding uh a hilh thei ding uh hi.#1Ti 3:11; Tit 1:8
6 Tua mah bangin pasal khangno laite amau le amau a ki-uk zawh nadingun hanthawn in. 7 Na khempeuhah na hoih semin amaute etteh na suak in. Thu na hilh ciangin thutakna, cihtakna, 8 le a kimawhpaih thei lo kampau siangtho lak in. Tua hileh hong langpante in, eite tungah thusia bangmah mu loin a maizum ding uh hi.#1Ti 5:1; 1Pe 2:12
9 Silate in na khempeuhah a pute uh thu manga, amaute a lungkimsak ding uh hahkatin, amaute kam sel loin, 10 a na uh guksak loin a muanhuai zaw dingin hilh in. Tua hileh i Honpa Pasian tawh kisai hilhnate a deihhuai a suaksak ding uh hi.#Mt 5:16; Eph 6:5
11 Ahang in, hotkhiatna hong puak Pasian hehpihna, mi khempeuh tungah a kilang zo hi. 12 Tua hehpihna in pasian-milohna le leitung vaite deihna tawh kisai-a, "Ut lo," ci ding le pumpi ki-uk zo-a nungta ding, diktat ding le tu khanghunah pasian-mitakin nungta dinga hong hilh lai mah in, 13 a lian a minthang eite Pasian le Honpa Jesu Christ hong kilat nading-lametna thupha i ngak hi. 14 Amah, tatsiatna khempeuh pana eite hong tankhia ding le ama hong neihtuam dingin amahmah in hong siansuaha, a hoih a gamtat ding a lawp dingin eite ading amahmah hong kipia pa ahi hi.#2Ti 1:10; 1Pe 2:9
15 Tua ahi ciangin hihte khempeuh hilh in; thuneihna khempeuh tawh hansuah inla tai in. Kuamah kisimmawhsak kei in.
Currently Selected:
Titus 2: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission