Phatna-late 86
86
David thungetna khat.
1 TOPA aw, zawngin ka tasam hi,
hong za inla hong dawng in.#Ph 17:6
2 Nang tungah hong ki-ap ka hi manin ka nuntakna hong cing in.
Nang ka Pasian na hi hi;
nangmah hong muang na nasempa hong honkhia in.#Ph 25:2
3 Topa aw, sun nilohin nang hong sam
ka hi manin kei hong lainat in.
4 Topa aw, ka hinna nang tungah hong laamto ka hi manin#Ph 46:5
na nasempa lungnopna hong puak in.
5 Topa aw, nang hoihin mawhna na maisak a,
nang hong samte khempeuh tungah itna kicing na nei hi.#Pk 34:6
6 TOPA aw, kong thungetna hong za in;
nong lainat dinga kong kikona na ngai in.
7 Kei hong dawng ding na hi manin
ka lungkham ni-in nang kong sam ding hi.#Job 22:27
8 Topa aw, pasiante lakah nang tawh a kibang khat beek om lo a;
na hihsate tehpih theih a om kei hi.
9 Topa aw, nangma bawlsa minamte khempeuh
hong pai-in na mai-ah hong bia ding uh hi;#Ph 66:4
na min a thangsak ding uh hi.#Isa 43:7
10 Ahang in nang lianin a piandang nate na bawl a;#Pk 3:20
nang bek Pasian na hi hi.#Tp 6:4
11 TOPA aw, na lampi hong hilh in;
na thutak ah ka kalsuan ding hi;#Ph 26:3
na min ka kihtak theih nadingin
aka lo lungsim hong guan in.
12 Topa keima Pasian aw, ka lungsim neihzahin nang kong phat dinga;
na min ka thangsak tawntung ding hi.#Ph 9:1
13 Ahang in kei tungah na itna lian mahmah a;
han thukte a# 13 Hebrew ah Sheol panin ka hinna nong hukhia khin hi.
14 Pasian aw, nangmah hong thusim lo -#Ph 54:3
mi kiphasakte in kei hong sim uh hi;
mi gamhtat hon khat in ka nuntakna zong uh hi.
15 Ahi hangin Topa aw, nang a khuatuah thei le a hehpih siam,#Ph 51:1
heh baih loin, itna le muanhuaina dim Pasian na hi hi.
16 Kei lam hong nga-in hong lainat inla;#Ph 9:13
na nasempa nangma thahatna hong guan-in#Ph 18:1
na nasemnu b# 16 Ahikeh a muanhuai na tapa honkhia in tapa honkhia in.#Ph 116:16
17 TOPA aw, nang in kei hong huhin hong hehnem khin na hi manin
ka galte in mu a, a maizum nadingun
na hoihna lim khat kei hong pia in.#Pk 3:12
Currently Selected:
Phatna-late 86: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission