Phatna-late 67
67
Tumtheih makaipa ading. Khausai thumtheih a sak. Phatna-la khat. La khat.
1 Pasian in ei hong hehpihin eite thupha hong pia henla,
ei tungah ama mai hong tangsak hen; #Selah
2 tua hileh leitung ah na lampite kithei-in
minam khempeuh lakah na hotkhiatna kithei ding hi.#Isa 40:5
3 Mite in nang hong phat uh hen, Pasian aw;
mite khempeuh in nang hong phat uh hen.
4 Thutangin mite na uk a,#Ph 9:4
leitunga mite makaih na hi manin
minamte nuamin la sa uh hen.#Ph 100:1-2 #Selah
5 Mite in nang hong phat uh hen, Pasian aw;
mite khempeuh in nang hong phat uh hen.
6 Tua ciangin leitang in an lak ding gah dinga,#Pc 8:22
Pasian, eite Pasian in thupha hong pia ding hi.#Pc 12:2
7 Pasian in eite thupha hong pia dinga,
leimong khempeuh dong in amah kihta ding uh hi.#Ph 33:8
Currently Selected:
Phatna-late 67: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission