Phatna-late 66
66
Tumtheih makaipa ading. La khat. Phatna-la khat.
1 Pasian tungah leitung khempeuh nuamin kiko un!#Ph 81:1
2 Ama minthanna la-in sa un;
Amah phatna thangsak un!
3 Pasian tungah, "Na bawlsate lipkhaphuai na lawmlawm e!#Tp 7:21
Na vangliatna lian lua-a na mai ah
na galte toncip uh hi.#2Sa 22:45
4 Leitung khempeuh nang tungah hong khukdin uh a;#Ph 22:27
nang phatna la sa-in
na min phatna la a sa uh hi," ci un. #Selah
5 Hong pai unla Pasian nasepsate hong en un;
mite tanga a sepnate nak lipkhap huai si!#Ph 106:22
6 Amah in tuipi leikeu suaksak a,#Pc 8:1
amaute in a khe un gunte ngaptan uh hi -#1Co 10:1
hong pai un amah ah kipak ni.
7 Amah in a vangliatna tawh uk tawntung a,#Pk 15:18
a mit in minamte a vil gige hi -#Pk 3:8
amah langdo dingin kuamah ding kei hen. #Selah
8 Mite aw, eite Pasian phat un,
amah phatna ging kizasak un;
9 amah in eite nuntakna hong hawisak a,
i khete a talsak kei hi.#Tp 32:35
10 Pasian aw, nang kote nong zia-et a;
ngun bangin nong halsiang hi.
11 Kote thong sung nong tun a kote
nungzang ah vangik nong suan hi.#Pc 3:17
12 Kote’ lutungah mite na tuangsak a;#Isa 51:23
mei lak tui lak ka nawk uh hangin
kicinna munah kote nong tun hi.
13 Meihal biakna kengin na biakinnpi ah kong pai dinga
nang tunga ka kiciamnate ka tangtun ding hi -#Ph 22:25
14 tuate pen ka lungkham ciangin
ka muka ka kiciamna le ka kama ka paute ahi hi.
15 Ganhing thaute-in nang biakna kong pia dinga,
tuutalte in biakna kong pia ding hi;
bawngtalte le keelte in nang kong bia ding hi. #Selah
16 No Pasian a kihtate khempeuh, hong pai unla ngai un;#Ph 34:11
kei adingin ama sepsate hong gensak un.#Ph 71:15
17 Ama tungah ka kamin ka kikokhia a;
ka leii tungah amah phatna om hi.
18 Ka lungsimin mawhna pakta hileng
Topa in ka thu hong ngai lo khin ding hi;#Tp 1:45
19 ahi hangin Pasian in ka thugen ngai-in
ka thungetna aw za khin taktak hi.#Ph 18:6
20 Ka thungetna hong nial lopa
kei tung pan a itna zong a dokkik lopa#Ph 22:24
Pasian kiphat ta hen!
Currently Selected:
Phatna-late 66: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission