Phatna-late 41
41
Tumtheih makaipa ading. David phatna-la khat.
1 Mi gentheite a khualte thupha ngah hi a;#Job 24:4
lungkham hun ciangin TOPA in amah a hu ding hi.#Ph 25:17
2 TOPA in amah hu dinga, a nuntakna hawisakin;
leitungah amah thupha pia dinga,
a galte in utut a, a bawl dingun pia lo ding hi.
3 Amah cina-lupna tungah TOPA in kem dinga,#Ph 6:6
lupna panin a natna a damsak ding hi.#2Sa 13:5
4 Ke’n, " TOPA aw, kei hong lainat in;#Ph 6:2
na tungah ka mawh khin hi, hong damsak in," ka ci hi.#Tp 32:39
5 Ka galte in huatna tawh
"Amah cik ciangin si-in a min mang ding ahi hiam?" ci uh hi.#Ph 38:12
6 Kei hong vehin mi khat hong pai simin
a lungsim ah gensiat nading kaikhawmin amaan lopipi gen a;
tua khitteh paikhia-in mun citeng ah genthang lai hi.#Sp 19:16
7 Ka galte khempeuh kei gensia in kihuau uh a,
kei adingin a sia pen ding geel uh a,
8 "Natsia in amah mancip hi;
a lupna pan amah tho ngei nawn lo ding hi," ci uh hi.
9 Ka muan mahmah, ka ankuang umpih,#2Sa 15:12
ka kinaipih ka lawmpa nangawn in
kei langah a khetul a liikto hi.#Ms 30:2
10 Ahi hangin TOPA aw, kei hong lainat in;
amaute ka thuk zawh nadingin hong phong in.#Ph 3:3
11 Ka galte ka tungah a gualzawh loh manun#Ph 25:2
nong lungdampih lam ka thei hi.#Ms 14:8
12 Ka lungsim cihtakna ah kei nong lenkip-a,#Ph 18:35; 25:21
nang omna ah nong koih den hi.
13 A tawntung pan tawntung dongin#Ph 72:19
Israel Pasian TOPA kiphat ta hen.#Ph 72:18
Amen, Amen.
Currently Selected:
Phatna-late 41: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission