Phatna-late 32
32
David phuah. Maskil c# 0Thulu: Lailam ahikeh tumtheihlam kamzat hi kha ding khat.
1 A tatkhialhnate kimaisak a,
a mawhna a kikhuhsak mi
thupha ngah ahi hi.
2 TOPA in ama mawhna a khuksak loh mi,
a lungsim ah khemna a paii lo mi,#Jn 1:47
thupha ngah ahi hi.
3 Sun thapai-a ka maumauna hangin#Job 3:24
ka daih dide ciangin,#Job 31:34
ka guhte a teemgawp hi.
4 Sun le zanin ka tungah
na khut gik ahi manin;#1Sa 5:6
khuakhal nisa bangin
ka hatna a hupkang hi. #Selah
5 Tua ciangin ka mawhna nang kong theisak a,
ka khialhna ka im kei hi.#Job 31:33
"Kei tatkhialhnate TOPA tungah#Ph 103:12
kong pulak ding hi," ka ci-a -#Pn 28:13
tuateh nang ka khialhna hanga
mawhsakna nong maisak hi. #Selah
6 Tua ahi manin a pasian-mi peuhmah in muh theih a na om sungin nang tungah
thu hong ngen ta uh hen;
tua hileh tuihat a khan ciangin#Ph 69:1
amaute a bankha peuhmah kei ding hi.
7 Ka bukna mun nang na hi hi;
lungkhamna pan hong dal inla#Ph 9:9
hutkhiatna late in nong umcih ding hi. #Selah
8 Na pai nading lampi hong lak-in kong hilh ding hi;#Ph 34:11
thu hong hilhin kong cing ding hi.#Ph 33:18
9 Theihtelna a nei lo sakol peuh
laa peuh tawh kibang kei in,
tua bangte satna le kamkaih tawh uk kul ding hi;#Job 30:11
tua hi kei leh nang kiangah hong pai kei ding uh hi.
10 Migilote’ gimna tampi hi-a,#Ro 2:9
TOPA a muang mite ahileh
ama itna kip in a umcih hi.#Ph 4:5
11 No a thumaante lungnuamin TOPA sungah kipak un;
no lungsima thutangte khempeuh aw, la sa un!
Currently Selected:
Phatna-late 32: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission