Phatna-late 31
31
Tumtheih makaipa ading. David phatna-la khat.
1 TOPA aw, nang kong bel khinzo hi;#Ph 7:1
hong maizumsak ngei kei in;
na thumaanna-in hong hukhia in.#Ph 5:8
2 Na bil kei hong ngat inla#Ph 6:8
hong hu dingin hong pai meng in;
ka bukna suangpi le#2Sa 22:3
kei hong hon kulhpi muanhuai hong hi in.
3 Nangmah ka suangpi le ka kulhpi na hi nungsang,#Ph 18:2
nangma min na khualna-in hong makaihin hong pi in.#Ph 23:2
4 Keima belh nang na hi manin#Ph 9:9
kei hong kisiahna thang panin hong khahkhia in.#1Sa 28:9
5 Nangma khut sungah ka kha kong ap hi;#Lk 23:46
thutak Pasian TOPA aw, keimah hong tankhia in.#Isa 45:19
6 Kimanna nei lo milim belte ka mudah a;#Tp 32:21
TOPA kong muang hi.#Ph 4:5
7 Ka thuaksiatna mu khinin
ka hingimna thei khin na hi manin#Ph 13:3
na itna sungah nuamin ka kipaak ding hi.
8 Galpa tungah kei nong pia kei a,#Tp 32:30
mun nuam ah ka khe na dingsak zaw hi.#2Sa 22:20
9 Ka lungdong ta hi TOPA aw, kei hong lainat in;#Ph 4:1
dahna-in ka mit ngui a,#Ph 6:7
ka hinna le ka pumpi bah ta hi.#Ph 63:1
10 Ka nuntakna lunggimna in valhtum a,
mauna in ka nuntak sung kumte gai ta hi;
ka thuaksiatna a# 10 Ahikeh khialhna hangin ka thahatna kiam-a#Ph 25:18
ka guhte zaw hi.
11 Ka galte khempeuh hangin
ka inn vengte simmawh ka suaka,#Ph 38:11
ka lawmte aa-in gimneih ka suak hi -
kongzinga kei hong mute in hong taisan uh hi.
12 Kei a sisa bangin amaute in hong manggilh uh a;
leibeel kitamsa tawh ka kibang hi.
13 Tampi hong gensiatna za ka hi manin,#Sp 19:16
ka kim ka pam a lauhuai hi;
amaute in kei hong sawmsim uh a,
ka nuntakna lak a sawm uh hi.
14 Ahi hangin TOPA aw nangmah kong muang hi;
"Keima Pasian na hi hi," kong ci hi.
15 Ka hunte nang khut sungah om hi;
ka galte le kei hong nungdelhte panin
hong hukhia in.
16 Na nasempa tungah na mai hong tangsak inla;#Ms 6:25
nangma itna kipin hong honkhia in.#Ph 6:4
17 Nang tungah hong kiko khin ka hi manin,
TOPA aw, kei hong maizumsak kei in;#Ph 22:5
migilote ahileh maizumsak inla,
hankhuk b# 17 Hebrew ah Sheol sungah daitakin sial in.
18 Amaute in kisaktheihna le misimmawhna tawh
a thumaante langkhat ah ki-uangsakin kampau uh ahi manin
amau zuauphuahna mukte daisak in.#Ph 120:2
19 Nang hong kihtate adingin
na kholsak nangma hoihna lian mahmah a,
nang hong beelte tungah#Ph 2:12
mite mitmuhin na piak ahi hi.#Ph 23:5
20 Mihingte sawmsimna panin
na omna liim sungah amaute na seel a;
mawhsakna leiite panin nangma omna sungah
amaute bittakin na kem hi.
21 A ki-umcih khuapi sungah ka om ciangin#1Sa 23:7
ama itna lamdang kei hong lak ahi manin
TOPA kiphat ta hen.#Ph 28:6
22 Patausa in,#Ph 116:11
"Nang mitmuhna pan kei hong kikhenkhia ta ei!" ka ci hi.
Tua hi napi hong huh dinga kong sap ciangin,
lainatna ngena ka kikona nong za hi.#Ph 6:9
23 Ama misiangte khempeuh in TOPA it un!
TOPA in a muanhuaite kembit a,#Ph 18:25
a kisatheite ahileh cingtakin a thuk kik hi.#Tp 32:41
24 TOPA a lamen khempeuh aw,
kihatsakin kilungkhauhsak un.#Ph 27:14
Currently Selected:
Phatna-late 31: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission