Phatna-late 21
21
Tumtheih makaipa ading. David phatna-la khat.
1 TOPA aw, nangma hatna sungah kumpipa nuamsa hi.#2Sa 2:10
Nangma piak gualzawhnate nuam sa mahmah ei!
2 Ama lungsim deihna amah na pia a’
a mukte hong ngetna na deek kei hi. #Selah
3 Thupha tampi tawh amah na muak-a,
a lutungah kham citak kumpi lukhu na khusak hi.#Zec 6:11
4 Amah in nuntakna hong ngena
ama nite a tawntungin na sawtsak den hi.#Ph 10:16
5 Na piaksa gualzawhnate tawnin ama minthanna lian mahmah a;
nang in thupina le nopcitna ama tungah na khusak hi.
6 Tawntung thuphate amah na pia khin takpi a,
nangma ompih lungnopna-in na kipaksak zo hi.
7 Kumpipa in TOPA muang ahi manin,#2Ku 18:5
Sangpen Pa itna kip hangin
amah a kiling kei ding hi.
8 Nangma khut in na galte khempeuh len dinga;
na khut taklam in nang hong dote a man ding hi.#Isa 10:10
9 Na kilat hun ciangin
amaute pummei na bangsak ding hi.
TOPA thangpaihna in amaute nawmvalh dinga,
ama mei in amaute a hultum ding hi.#Tp 32:22
10 Amau suante leitung pan na siasak dinga,
amau khangsawnte mihing panin na phiatmang ding hi.#Tp 28:18
11 Nang tungah gitloh a sawmsim uh zongin,#Ph 2:1
a sawm uh gitloh geelna a lawhcing thei kei ding hi;#Job 10:3
12 ahang in, thal keksa tawh amaute na ngim ciangin
na lehtaisak ding hi.#Pk 23:27
13 TOPA aw, na thahatna ah hong kitawisang hen;#Ph 18:1
kote in la sa in na hatna ka phat ding uh hi.
Currently Selected:
Phatna-late 21: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission