Phatna-late 118
118
1 TOPA hoih ahi manin ama tungah lungdam ko un;#1Kh 16:8
ama itna kip tawntung hi.
2 Israel in:#Ph 115:9
"Ama itna kip tawntung hi," ci uh hen.
3 Aaron innkuante in:
"Ama itna kip tawntung hi," ci uh hen.
4 TOPA a kihtate in:#Ph 115:11
"Ama itna kip tawntung hi," ci uh hen.
5 Ka lunggim hunin TOPA ka sam a,#Ph 18:6
ama’n hong dawngin kei hong khahkhia hi.
6 TOPA in kei hong ompih hi; ka lau kei ding hi.#Tp 31:6
Mi in kei bang hong cih thei ding ahi hiam?
7 TOPA in kei hong ompih hi; amah kei hong huhpa ahi hi.#Tp 33:29
Ka galte tungah gualzo-in ka en ding hi.#Ph 54:7
8 Mihing i muan sangin#Isa 2:22
TOPA belh hoihzaw hi.#Ph 2:12
9 Gam-ukte i muan sangin
TOPA belh hoihzaw hi.
10 Minamte khempeuh in kei hong umcih uh hangin
TOPA minin amaute ka khaktan hi.#Ph 37:9
11 Amaute in ka kim ka pam ah hong umcih uh hangin#Ph 88:17
TOPA minin amaute ka khaktan hi.
12 Amaute in khuaipi hon bangin kei hong pumtuam uh hangin#Tp 1:44
linglak kang bangin manlangin a simang uh hi;#Ph 58:9
TOPA minin amaute ka khaktan hi.#Ph 37:9
13 Kei hong kithalsawnin ka puk dek hangin
TOPA in kei hong huh hi.
14 TOPA ka thahatna le ka zaila hi a;#Pk 15:2
keima hotkhiatna a suak zo hi.#Ph 62:2
15 Gualzawhna le lungdama kikona in
a thumaante puanbuk sung thawn a:#Job 8:21
"TOPA khut taklam in a thahat nate sem khin ta!
16 TOPA khut taklam a sangin kilamto a;
TOPA khut taklam in a thahat nate sem hi!" ci hi.
17 Kei si loin ka nungta dinga,
TOPA sepsa ka tangko ding hi.#Tp 32:3
18 TOPA in nasiatakin hong taihilh hangin#Jer 31:18
sihna hong thuaksak zen lo hi.#Ph 86:13
19 Thumaanna kongpite kei hong hon in,#Ph 24:7
lutin TOPA tungah lungdam kong ko ding hi.#Ph 100:4
20 Hih in TOPA kongpi hi-a,
thumaan mite lut theih nading ahi hi.
21 Kei hong dawng na hi manin lungdam kong ko ding hi.
Keima hotkhiatna na hi ta hi.#Ph 27:1
22 Inn lamte nolh suangin#Isa 8:14
innkhum nang suang suak zo hi.
23 TOPA in hih sem khin a,
eite mitmuh in a piandang hi.#Mt 21:42
24 Tu-ni TOPA bawlsa ahi hi;
eite’n nuamsa in kipak ni.#Ph 70:4
25 TOPA aw, kote hong honkhia in;#Ph 28:9
TOPA aw, kote zawhna hong pia in.
26 TOPA mina hong paipa thupha ngah ahi hi.
TOPA inn panin nang a# 26 Hebrew ah a tam genna thupha kong pia uh hi.#Ph 129:8
27 TOPA in Pasian hi-a,#1Ku 18:21
ama khuavak eite tungah hong tangsak hi.#Ph 27:1
Khut ah singhiang tawisa in,
biakna-tau’ kite dongin b# 27 Ahikeh biakna pawite khau-in henkhawmin /tawi pawi bawlin hong kizomsak hi.#Pk 27:2
28 Nang ka Pasian na hi hi, lungdam kong ko ding hi;
nang ka Pasian na hi hi, nang kong tawisang ding hi.#Pk 15:2
29 TOPA hoih ahi manin ama tungah lungdam ko un;
ama itna kip tawntung hi.
Currently Selected:
Phatna-late 118: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission