Paunakte 4
4
Pilna mah Thupipen
1Ka tapate aw, pate lamlahna ngai unla,
thusimin theihtelna ngah un.#Job 8:10
2 Sinna picing kong pia hi;
kong hilhna nawlkhin kei un.
3 Ka nu ta neihsunin ka pa inn ah
naupang moi-a ka om lai-in
4 amah in, "Na lungsim neih zahin ka thute lenkip inla,#1Ku 9:4
ka thupiakte zui lecin na nungta ding hi.#Pn 7:4
5 Pilna ngahin theihtelna ngah in;#Pn 2:12
ka thugente mangngilh kei inla, pialkhiatsan kei in.
6 Pilna pialsan kei lecin ama’n hong dal dinga,
amah it lecin ama’n nang hong cing ding hi.#Pn 2:11
7 Pilna thupipen ahi manin pilna zong in.
Na neih khempeuh b#4.7 Ahikeh na ngah peuhmah na bei lawh zongin theihtelna zong in.#Pn 23:23
8 Pilna thupisak in, nang hong tawisang ding hi;
amah pom in, nang hong pahtawi ding hi.#Pn 3:18
9 Na lutang ah kilawmna pakkhi hong khimsak dinga,
a thupi kumpi lukhu hong khusak ding hi," hong ci hi.
10 Ka tapa aw, ngai-in ka thugen sang in;#Ph 34:11
na khan sawt ding hi.#Tp 11:21
11 Na pil nading lammaan ah kong pi a,
lamtang kong zuisak hi.#2Sa 22:37
12 Na pai ciangin na kalsuanna hong dal om lo ding hi.
na tai ciangin na kimuktu kei ding hi.#Job 18:7
13 Lamlahna lenkip inla khahsuah kei in;
na nuntak nading ahi manin limtakin cing in.#Pn 3:22
14 Migilote’ lampi tawn kei inla,
mikheltatte’ lampi zui kei in.#Ph 1:1
15 Tua lampi pel inla, tawn kei in;
tua pan kiheikhia inla, nang lampi ah pai in.
16 Migilote a sia khat a bawl mateng ihmu thei lo uh a,#Ph 6:4
mi khatpeuh a puksak matengun a ihsip kei uh hi.
17 Amaute in gitlohna annekin nei uh a,
ngongtatna zudawnin a nei uh hi.#Pc 49:5
18 Thumaan mite’ lampi ahileh ni suak tung nizang banga,#Job 22:28
sun nitang a bat dong a tangpha semsem hi.#2Sa 23:4
19 Ahi hangin migilote’ lampi khuamial thukpi banga;
amau in a muktusak a thei kei uh hi.
20 Ka tapa aw, ka thugen thusim inla,#Ph 34:11
ka kammalte limtakin ngai in.
21 Mitkhah loin en gige inla
na lung sungah kem in;
22 a mute adingin tuate nuntakna hi-a,
mihing khat pumpi bup adingin damna ahi hi.#Pn 3:8
23 Lungtang in nuntakna nak ahi manin#2Ku 10:31
na khempeuh sangin lim kep zaw in.#Pn 10:11
24 Na kam panin thukawi paukhia kei inla;
na muk panin kam hoih lo pau kei in.
25 Na mailam tangtakin en inla#Job 31:1
na mailam mah mitsuan gige in.
26 Na zuih lampi maihtam a#4.26 Ahikeh Ngaihsun inla,#Heb 12:13
a kipte bek tawn in.
27 Taklam le veilam ah pial kei inla,#Sp 10:11
gitlohna lampi tawn kei in.
Currently Selected:
Paunakte 4: ZIV
Highlight
Share
Compare
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission
