Paunakte 26
26
1Nipi lai-a vuk kia le an lak huna guahzu bangin#1Sa 12:17
mihaite pahtawi a kilawm kei hi.#Pn 19:10
2 Kawlgit patau le phialphiah kawilen bangin
a thu om lopi-a hamsiat tangtung lo hi.#Tp 23:5
3 Sakol sat kul a, laa kamkaih kulin,#Ph 32:9
mihai nungzang adingin ciangduai a kul hi.#Pn 10:13
4 Mihaite amau haina tawh kizui-in dawng kei in,
na dawn leh amah tawh kibang na suak ding hi.#Isa 36:21
5 Mihai ama haina bangin dawng lecin
ama’ mit ah pil kisa kha ding hi.#Pn 3:7
6 Kamtai dinga mihai khat sawlna in a sawlpa khe a kitansak ahikeh
ngongtatna tui dawna dawn tawh kibang hi.
7 Mihaite paunak gen in
khebaipa khebaina lam tawh kibang hi.
8 Mihai khat pahtawi in sailung khau a
sailungtang hen tawh kibang hi.
9 Mihaite paunak gen le
zukhampa khuta ling om kibang hi.
10 Mihai khat ahikeh a tuahpeuh tha a cial mi,
a banliamsak thal tawipa tawh kibang hi.
11 Ui in a luak a nek kik bangin
mihai in a haina a hih kik hi.
12 Amah pil a kisa mi na mu hiam?#Pn 3:7
amah sangin mihai adingin lametna om zaw hi.#Pn 29:20
13 Mi zongzaw in, "Lampi ah humpi om kong lakah
humpi gilo kawivak!" ci hi.#Pn 22:13
14 Kawmhek tungah kongkhak a kihei bangin,
a lupna tungah zongzawpa a kiheihei hi.#Pn 6:9
15 Mi zongzaw in ankuang sawkin;
a kam a tut ding a tha dah lua hi.#Pn 19:24
16 Limtaka dawng thei mi sagih sangin
mi zongzawpa amah pil kisazaw hi.
17 Mi kitawng tuaka a va kikausiphumpa
ui a bila manpa tawh kibang hi.
18 Singkhuah-am le sihtheihna
thaltang a mawk lot mihaipa le
19 a vengte khem a, "Ka ciamnuihna hi lel e,"
a ci pa kibang hi.
20 Singkhuah loin mei mit a,
gensiatna om kei leh kitotna dai hi.#Pn 22:10
21 Meihol in mei amsak a, singkhuah in
mei a kuansak bangin kitot hat mi in, kiselna phuang hi.#Pn 14:17
22 Gensiatna kamte an limpen tawh kibang a,
mihing sungtawng ah tumsuk hi.#Pn 18:8
23 Lungsim gilo napi kam zol daldalte
cim a#26.23 Hebrew tawh kilamdang a, Masoretic ah dalza ci hi.-a kizut leibeel bang ahi hi.
24 A lungsim siate a kamin kiphelh a,
a lungsim, khemna tawh a dim hi.#Ph 41:6
25 A kam a khum hangin um kei in;#Ph 28:3
a lungsim ah kihhuaina sagih a dim hi.#Jer 9:4
26 Ama lungsim sia khemna tawh a kisel zawh hangin
ama gitlohna, mipi mai-ah a kipholak ding hi.
27 Mi khat in gum a tawh leh tua sungah amah kia dinga,#Est 6:13
suangtum a khuk leh tua suangtum in amah kha kik ding hi.#Est 2:23
28 A zuauthei leii in amah liamsakte mudah a;
maitang phat kam in mi a siasak hi.#Ph 12:3
Currently Selected:
Paunakte 26: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission