Paunakte 25
25
Solomon’ Paunak Dangte
1Hihte in Judah kumpipa Hezekiah’ mite tei, Solomon’ paunak dangte ahi hi:#Pn 1:1
2 Thu ipna in Pasian minthanna hi-a;
thu zonkhiat in kumpite minthanna ahi hi.#Pn 16:10-15
3 Vante sanga leitung a thuk bangin
kumpite lungsim a kizongkhia thei kei hi.
4 Ngun panin a ek lakhia leng
ngunsekpa adingin b#25.4 Ahikeh um le beel suak a vanzat suak a;
5 kumpipa mai panin migilote hawlkhia leng#Pn 20:8
thumaanna tungtawnin a tokhom kip ding hi.#Pn 16:12
6 Kumpipa mai ah kitawisang kei inla,
mi liante lakah mun la kei in;
7 amah in ulian khat mai-ah hong niamkhiat sangin,
"Hiah hong tu to ou," hong cih ding hoihzaw hi.
Na mita na muh peuhpeuh
8 thukhenzum tun c#25.7,8 Ahikeh ulianpa / na etcikpa tung 8pai kei in pahpah kei in;
na vengpa in hong maizumsak leh
a tawpna ah bang lawh ding na hi hiam?#Mt 5:25-26
9 Na vengpa tawh na thuneih na kinial leh
midang in nang hong muanga hong koh thusim genkhia kei in;
10 tua hi kei leh hong zapa in hong maizumsak dinga,
na minsiatna bei ngei lo ding hi.
11 A hun liana kampau tuah,
ngun pek tunga kham apple gah tawh kibang hi.#Pn 15:23
12 Thu a ngai mite tungah mipil khat taihilhna in,
kham bilbah ahikeh kham citak kizepna tawh kibang hi.#Ph 141:5
13 Thupuak muanhuai in a sawlte adingin
anlak huna vuktui vot tawh kibang a;
a pute lungsim thaksuaksak hi.#Pn 10:26
14 Letsong a piak lohpi a kisialhpihpa
guah a paii lo meii le huih bang ahi hi.
15 Lungduaina tawh gam-ukpa kithuzawh thei a,#Thn 10:4
kamnem in guh a tansak thei hi.#Pn 15:1
16 Khuaizu na muh leh na kham dong bek ne in -
tamlua leh na lua ding hi.
17 Na vengte inn ah hawh mun lua kei in -
na hawh mun luat leh hong mudah ding uh hi.#Pn 12:18
18 A vengte langah a maan lo teci pangte,
khetbuk, namsau le thaltang hiam tawh kibang hi.
19 Lungkham huna mi muanhuai lo muankhak,
hatok le khebai tawh kibang hi.
20 Lunggim mi khat zaka lasapa,
ahikeh khuadam ni-a puansuahpa
ta-ngal laka zuthuk sun tawh kibang hi.
21 Na gal a gil a kial leh a nek ding an pia inla;
a dang a tak leh a dawn ding tuisik pia in.
22 Tua bangin hih lecin a luzangah mei-am a vumsak na hi dinga,#Ph 18:8
tuateh TOPA in pahtakman hong pia ding hi.#Mt 5:44
23 Leilu-lam huih in guah a puak bangin
mi helhotna leii in heh mai a suaksak hi.
24 Kitot hat zi tawh inn khata tenkhawm sangin
inntung kiu khata ten hoihzaw hi.#Pn 21:9
25 Gamlapi pana thupha in a hingimte adingin
tuivot tawh kibang hi.#Pn 15:30
26 Mi thumaan khat in migilo khat a zuihkhak,
tuinak buan le tuikhuk nin tawh kibang hi.
27 Khuaizu tam nek luat hoih lo a,
hong pahtawi nadingin pahtawi-theihna zon zong hoih lo hi.#Pn 27:2
28 Amah ki-uk zo lo mi khat,
a kulh kicimsa khuapi tawh kibang hi.
Currently Selected:
Paunakte 25: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission