Paunakte 1
1
Thupatna: Athu le Ngimna
1Israel kumpipa David tapa Solomon’ paunakte:
2 Pilna le sektatna ngah nading,
thu laigilte theihtel nading;
3 kisekin kidawmin nungta a,
thumaan thutang tawh kilawm kituaka sep nading;#Pn 8:5
4 mimawlte kidopsak nading,#Pn 8:12
khangmoite tungah theihna le theihkakna piak nading -#Pn 9:9
5 mipilte in ngai-in a theihna uh behlap henla,
a ciimte in mapi-in nei uh hen -
6 mipilte’ paunakte, gentehnate,#Ph 49:4
tehkaknate le thu telhak kamthukte theitel nading ahi hi.#Pn 22:17
7 TOPA kihtakna in theihna kipatna hi-a,
mihaite a#1.7 Paunakte ah Hebrew pau-in mihai hi a, Laisiangtho Lui sung khempeuh ah ngaihsut gamtat a cingtak lote in gen hi in ahileh pilna le sektatna a thusim kei uh hi.#Pn 9:7-9
Pilna Pom dinga Kalhnate
Zolna Zuih loh ding Vauhilhna
8 Ka tapa aw, na pa hong lamlahna ngai inla
na nu hong hilhna nusia kei in.#Tp 21:18
9 Amaute na lu a kilawmsak gualzawhna
pakkhi hi-in, na ngawng zepna khi ahi ding hi.#Pn 3:21-22
10 Ka tapa aw, mawhneite in hong zol leh
amau zolna zui kei in.
11 Amaute in, "Ko hong zui in;
mi khatpeuh sisan suah dingin va pang ni,#Ph 10:8
mi ommuang khat va busim ni;
12 hankhuk b#1.12 Hebrew ah Sheol bangin va hingvalh ni,#Ph 35:25
gum sunga lawmkhiat va bangsak ni;
13 tua hileh na manpha namkim ngahin
vansuh tawh i inn i dim ding hi;
14 ko hong pawl inla,
sumbawm nei khawm ni" - hong cih uh leh
15 ka tapa aw, amaute zui kei inla,
amaute’ lampi tawn kei in;#Pc 49:6
16 ahang in, a khe uh a mawh dingin manlang a,
sisan suah dingin kinawh hi.#Pn 6:18
17 Vasate muh tangpi-a lenthang
kam a mawknapi hi lo hiam!
18 Hih mite amau sisan suah ding ngaka bok hi lel a;#Ph 71:10
amau le amau kibuksim uh hi lel hi.
19 Amaan lo a ngah a sawm mi khempeuh tawpna hih bangte hi-a;
tua bang a ngahte a nuntakna un sawng hi.#Pn 11:19
Pilna Nolh loh ding Vauhilhna
20 Kongzing ah pilna nakpi-in kiko-a,#Job 28:12
tual-awng ah a aw sangsak hi;
21 kongzing c#1.21 Hebrew le Septuagint ah / kulh tung dawn ah gamlumna munah kikokhia a,
khuapi kongpite ah thu genin:
22 "No mimawlte d#1.22 Hebrew ah mimawlte ci a Paunak sungah mibang lote, gitloh nuamsate. aw, bang tanvei mawl sawm lai na hi uh hiam?#Pn 6:32
Misimmawhte in bang tanvei simmawhna nuamsa in,
mihaite in theihna mudah lai ding hiam?
23 Kong thuhilhna thupisim hi lecin
ka lungsim na tungah hong sungin,
ka ngaihsutnate nang kong theisak ding hi.
24 Ahi hangin kong sap lai-in nong nial uh a,#Isa 65:12
ka khut ka zan lai-in kuamah in nong awlmawh loh nungsangun,#1Sa 8:19
25 kongthumuapna khempeuh thusim loin
kong taihilhna na man’ loh nungsangun,
26 kei zong na tuahsiatna uh kong nuihsan lel dinga;#Ph 2:4
vangsiatna in note hong phak ciang -#Tp 28:36
27 vangsiatna in huihpi banga hong phak ciang,
tuahsiatna in pingpei banga hong zialmang ciang,
lungkhamna le lungdonna in hong tuamcip ciangin, kong simmawhbawl lai ding hi.#Ph 18:18
28 "Tua ciangin amaute in kei hong sam ding uh a, ka dawng kei ding hi;
kei hong zong ding uh a, hong mu kei ding uh hi.#Job 27:9
29 Amaute in theihna mudah in,
TOPA kihtak ding a teel loh nungsangun,
30 ka kuppihna sang loin
ka taihilhna a nawlkhin nungsangun,#Job 21:14
31 amau gamtatna gah ne ding uh a,
amau geelsimnate gah kham ding uh hi.#2Kh 36:16
32 Mimawlte in amau mottatna sihlawh ding uh a,
mihaite in a thudonlohna uh sihlawh ding uh hi;
33 ahi hangin ka thu a ngai peuhmah siat ding launa nei loin
lungmuangin om hithiat ding uh hi,"a ci hi.#Ph 112:8
Currently Selected:
Paunakte 1: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission